![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الرهاب هل تعاني من الرهاب ...؟ لست وحدك في ذلك!... |
![]() |
|
أدوات الموضوع |
![]() |
#1 | |||
عضو نشط
![]() ![]() |
من آول يوم " هلع " إلى هذه اللحضة ،،،
بسم الله الرحمن الرحيم السلام عليكم ورحمة الله وبركاته ،،، قررت اسجل في هذا المنتدى بعد 4 سنوات من المتابعه بصمت ،،، طبعاً بختصر ، في احدى الأيام كنت راجع من الجامعة وكان هو اخر يوم اختبار نهائي وكنت اضحك انا وصاحبي من الفرحه علشان الاجازه الطويله وقفنا عند مسجد صلينا الظهر وبعدها وحنا في طريق عودتنا جتني الكاااارثة وهي أول نوبة هلع كتمتها لكن كانت قويه لدرجة ان قلبي اشعر انه بيخرج من صدري و كنت افكر انزل من السياره وهي تمشي صديقي شك في الوضع قال وش فيك قلت دوخه خفيفه مانمت زين من امس طبعاً جاني الم في الصدر نغززه قويه مستمره جلست اسبوعين والنوبات تجي وتروح ويلحقها اكتئاب خفيف المهم شكيت ان قلبي فيه شي وزرت المستشفى وقالو سليم المهم بعدها عرفت انه مرض نفسي وصرت ماقدر انام يجيني خوف واقعد اوسوس وصرت ماطلع من البيت ابد انحبست وهاذي اكبر غلطه المهم اخوي كان يقول قعدتك في غرفتك بتجيب لك المرض المهم بعد ماراجعت الطبيب عطاني سبراليكس و اندرال استخدمتها اسبوعين وتركتها وقررت وقتها اني اطنش المرض واطلع اغامر مع العالم وحتى لو جتني النوبه وش بيصير وصرت اطلع واختلط اجتماعياً واسافر صح جتني النوبات بس بطريقة تنفسي اخليها تروح " اخذ زفير عميق من الأنف واخرجه مع الفم " وقعدت 4 سنوات بدون علاج تحسنت حالتي عن بدايتها 55٪ حتى كنت اذا جيت انام وابي ابعد الافكار السلبيه كنت اشغل برامج وثائقيه عن الحيوانات واستمع لها علشان فكري مايتلوث بالأفكار السلبيه لكن ماتبقى عندي من اثار هو : تعرق الأطراف بشكل متقطع في اليوم و خوف خفيف جداً يلحقها ضيقه خفيفه ايضاً يجي في ثواني ويروح طبعاً بطريقة التنفس اتخلص منها بشكل سريع بس هي تضايقني لكن اذا تذكرت حالتي اول احمدالله واشكره انه مهلني القوه والصبر يشهد الله كنت اخذ قوتي من الصلاه سبحان الله بعد الصلاه تجي راحه نفسيه واقول في نفسي مهما حصل لي انا انسان قائم بواجباتي وكان هذا الشي فعلاً دعممني قووة عموماً اسف ع الاطاله ،،، المصدر: نفساني
|
|||
![]() |
![]() |
#3 |
عضو فعال
سهووووود N<
![]() |
حبيبي ...
صارت لي نفسك بضبط اول مره جتني النوبه كنت امشي بسياره لوحدي شوي بدى التنفس عندي ضعيف وقلبي يرجف وجسمي يبرد قلت الموت جاني والنظر عندي يضعف ولاحتى قدرت اسوق وقمت اذكر الله وشفيني ياولد لدرجت اني بغيت انزل من السيارة وستنجد باحد ولكن شوي وراحت قلت يمكن هبوط ولا دوخه من الجوع المره الثانية بعد الغداء جالس وكنت في الدور الثاني لوحدي واهلي تحت جتني النوبه والله نزلت طيارة مع ادرج وحصل اهلي في الصاله قدامي ولا ابي احد يعرف لان اقول وسواس هذا المهم دخلت عليهم وسويت نفسي ادور شاحن جوال ههه وصارت تجي لي بستمرار حتى وانا في المسجد تجي لي لدرجة اني ابي اقطع صلاتي ولكن اتماسك وش الحل جلست خمس شهور على هالحال لدرجة اني صرت حبيس البيت ولما اجي اطلع اقول لو تجيني الحاله وانا الحالي ولا اموت خلني عند اهلي وبعد رحت للمطاوعة يقرون علي ولا فايد معني محافظ على صلاتي وذكاري قررت اروح لدكتور نفسي بس قلت ياولد من كلام الناس عن الحبوب النفسية تلعب وتدمن عليها وبعد التفكير صليت استخارة وقررت اروح لتكتور نفسي وبسريه تامه رحت لرياض وخاصه لدكتور عبدالله السبيعي دخلت عليه وقلت له مشكلتي وبتسم لي وقال بسيطه الي معك نوبات هلع وضطربات نفسيه واعطني علاج وقال بعد شهرين راجعني اخذت العلاج وبعد فضل الله اولا ثم الطبيب بعد عشرين يوم وانا في افضل حاله وشفيت تماما وافضل من الاول 200% انصحك تروح له ...... تحياتي ادع لي |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|