|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
25-06-2014, 02:32 PM | #1 | |||
عضو نشط
|
فضفضه ( وسواس الخوف من الموت )
السلام عليكم ورحمة الله .
انا سجلت بالمنتدي وقاعده ارد عالمواضييع بس ماذكرت قصتي مع وسواس الموت بموضوع جديد مستقل عن الردود . والسبب انه مالي خلق - تصدقون؟ لاي درجة؟ مالي خلق اكتب موظوع طويل وارتب افكاري؟ مع اني بكل الاحوال ماسكه موبايلي وقاعده اكتب وارد عالمواضييع ليش ما اذكر قصتي ووضعي؟ مالي خلق مثل ما صار مالي خلق اي شئ بالحياة . حتي اني اطلع من غرفتي و اروح اقعد بالصاله مالي خلق ( هذا ابسط شي ) و حتي اني اراجع على اشياء فيها مصلحتي مثل طبيب او اوراق مالي خلق بطاقتي المدنية منتهيه من شهور ( مالي خلق ومالي رغبه اني اروح المصور القريب من بيتنا عشان اصور صورة جديده عشان اجدد بطاقتي . صارت عندنا عزيمة فالبيت < فالبدايه قلت ماراح اطلع للناس بقعد بغرفتي ولكن اضطريت اطلع ولبست ملابس قديمه عندي من الكبت و كنت قبل العزيمه على مدي اسبوع احاول استجمع رغبتي و قوتي اني اروح السوق اشتري ملابس لهالمناسبه بس ماقدرت . و لا استشورت شعري ولا اهتميت بنفسي كالعاده لان مالي خلق . الناس يكلموني عالواتساب ماارد ولا اسال و لا اتناقش نقاش مطول ارد باختصار لان مالي خلق صارت احداث ومناسبات لناس عزيزيين على ومقربين مني > حتي اتصال ما اتصلت عليهم ابارك لهم يعني ماقول ازورهم شخصيا ابارك لهم مع ان بيوتهم قريبه من بيتنا < انا اقولكم اتصال مااتصلت . - مالي خلق حتي اتصل اقولهم مبروك . مالي خلق اهتم بنفسي و ببشرتي وشعري مثل اي بنت يا دووووووب يا دوووووب اقدر اخذ شور سريع بس واذا قدرت كثر الله خيري لان حتي الشور اقعد أأجله ( لا مو الحين . بعد اشوي . الصبح اقول العصر اخذ شور ! العصر اقول بليل احسن - بليل اقول الحين بحاول انام > خليها باجر الصبح ) تخيلوا حتي اني اروح اخذ شور صعبه على < مالي طاقه على هالشي . مالي خلق = مالي رغبه اضحك على مقطع فيديو مضحك يوصلني بالواتساب . التلفزيون يمكن صارلي اشهر ماتابعت مسلسل او شفت برنامج حتي لو ديني = مالي خلق مالي رغبه . مالي خلق انزل السوق اشتري شي ناقصني او شي جديد . الاكل = مااكل واستلذ بالاكل ، وما اشتهي شي معين واقوم اطبخه او اطلبه من المطعم - لاااا اكل الشي البسيط المتوفر اللي يسد جوعي بس . مالي خلق شي = مالي رغبه بشي - تحطمت بأمور كثيره بحياتي خاب املي بكثير ندمانه على الماضي . ابجي على الماضي لما اذكره واذكره وايد . والمشكله اني مااقدر اصلح واغير من الحاضر . وكملها علىّ وسواس الموت < القشه اللي قصمت ضهري . ماصار شي يهمني بالحياة فقدت الرغبه بكل شي كل شي عندي صار مثل بعض كل شي عادي مافي شي يفرحني ماعندي رد فعل لاي شي . صرت خاليه من اي احساس ومشاعر . الا من احساس الحزن والضيق والقلق والتوتر المختص بوسواسي ( وسواس الخوف من الموت ) . صرت ماابي شي من الدنيا بس ابي اكون بغرفتي بفراشي وابي انام ابي اشبع نوم ودي اشبع نوم بس مو قادرة ارق مزمن . ارق مزمن . ارق مزمن . مرت اسابيع على بدون نوم ولا غفوه . الان ممكن اغفو فقط واحيانا اواصل اياااااام بدون نوم و لا حتي غفوه . مااخذ ادويه . ارثي لحالي . صارت اكبر رغباتي فالحياة اني اقدر انام . وبضل هالوضع < في فكره براسي تقولي انتي ماصرتي بهالوضع الا لأنج تبين تموتين لانج مقبله على الحياة الاخره < اهملتي الحياة الدنيا انتي صارلج فترة طويله مع الوسواس < وماكنتي على هالوضع ليش الحين صرتي جذي؟ لانج تبين تغادرين هاذي الحياة اللي فقدتي الرغبه فيها . وهاذي رساله لج من ربج عشان تعدلين من نفسج وتزيديين من الطاعات والحسنات قبل لاتموتيين . ....... و الخ . وبضل هالافكار مستمره انا بدوامة الحزن والهم والضيق والتوتر والقلق . على حساب صحتي ونفسيتي وحياتي . مرات ودي اصرخ بصوت عالي واقول بس كافي كاااااااااااااااااااافي كااااااااااافي كااااااااااااااااااااااااااااااااااااااااااااااااا اااااااااااااافي تعبت بس كاااااااااااااااااااااااااااااااااااااااافي . المصدر: نفساني
|
|||
|
25-06-2014, 03:25 PM | #2 |
عـضو أسـاسـي
استغفر الله العظيم
|
ياااااااااااااااه ياحياه كتبتي كل حرف بداخلي مالي خلق لاي شي والله شعور متعب جدا والله صرت ماطلع من البيت وحبيسه فراشي وغرفتي وتلفوني صديقاتي يدقون عليا ولا ارد عليهم ولو رديت بالمختصر المفيد تركت المناسبات وكل شي انعزلت عن العالم ومتعتي صارت بغرفتي وافكاري اللي لاتودي ولا تجيب لان مالي خلق نفسي وتفكير دايم بالموت وانتي غير عنهم لان اتحي حقيقه وهم مجرد وسواس وصارت اعصابي حيل تعبانه ارد بصوت عالي حتى اخلاقي صارت غير ارد على اهلي وهم مو قصدهم شي وبعدها اضل الوم بروحي لان هذه مو ساره اللي تضحك الهوا والله كنت غير شي وشوفي حالي الان نزل من وزني ومالي نفس اعدل حتى شعري بعد ماكان المثل ينضرب بيا بالخير صار العكس واغلب الناس زعلانه مني لاني لا ازورهم ولا اتصل عليهم
الكلام اللي كتبتي معبر عني جمله وتفصيلا |
|
25-06-2014, 03:47 PM | #3 |
عضو فعال
|
اسال الله ان يذهب همك ويسعد قلبكــ ..ِ
اعظم خطوة في العلاج هي معرفة المشكلة والاعتراف بها :( مابي اطول في الكلام عشان ادري مالك خلق لكن اعرف واحده عزيزة علي مصابة بوسواس وافكار في الموت .. والله تشوفينها تقولين مابها بأس ! ماشاء الله يعني اوتيت من قوة العزيمة تخرج تطلع تسوي عكس الافكار الي تضغط عليها وكانت قدوة لي اذكر من كلامها انها قالت لي : علاج نفسي هو انا . يعني الوسواس هذا علاجه بيدك بكلمة واحده * التجاهل* سوي عكس الي تحسين انك مالك خلقه.. اخاف تصابين باكتئاب.. ياخي حسيتي مالك خلق تروحين عزيمة قومي البسي وامشي هناك استمري على كذا واسال الله ان ييسر امرك |
|
25-06-2014, 05:59 PM | #4 |
عضو فعال
|
الله اني قريت الموضوع كامل ..
نصيحتي لك ترى اللي انت فيه ابد ماهو خطير لكن لأن الوسواس قدر يسيطر عليك فتحسين انه واقع وهو مجرد وهم نصيحتي انك تزورين طبيب نفسي وصدقيني بالعلاج السلوكي باذن الله بتزين امورك التطنيش زين زين في هالامور.. وغير ذلك عيشي حياتك غيرك في المستشفى فلذلك أحمدي الله وعيشي حياتك |
|
26-06-2014, 02:19 AM | #5 |
عضو نشط
|
ساره << حرام تضيع احلي سنيين عمرنا بالهدوامه .
- همة داعيه ، الذيب الامعط <<< انا في امور ثانيه غير الوسواس ماتساعدني اتجاوز ازمتي ومع هذا الحمد لله وين كنت و وين صرت !! ابشركم قاعده اقاوم و الله المستعان |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|