|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
26-03-2016, 07:36 PM | #1 | |||
عضو فعال
|
كل يوم اعراض مختلفه
السلام عليكم
اخواني اخواتي في الله لاتعملون كم احبكم ، سبحان الله الانسان يرتاااااح لما يلاقي ناس حاسين فيه ويمروا بنفس اللي يمر فيه ويشعروا بكل كلمه يقولها ويحسوا فيها طبعا مش عارفه ليش كتبت الموضوع ،مافي شي جديد اقوله يمكن فضفضه ويمكن حابه اسمع منكم بالنسبه للاعراض اللي كل شويه عرض معين مثلا يستمر كم يوم وبعدين يبدأ عرض ثاني كيف اقدر اقنع نفسي انها اعراض نفسيه ؟ وخاصه انني مافحصت مثلا بالنسبه لتنميل الشفايف بدأ قبل 3 ايام واستمر نص يوم ،واليوم اللي بعده شويه وبعدين راح ، لكن اليوم نففففس المكان اللي كان ينمل ،اللي هو الشفايف السفلى من جهة اليسار ، اليوم هذا المكان لو ضغطت عليه بأسناني من داخل او مسكته بلساني او حتى حاولت ادلكه بيدي اشعر فيه بشعور غريب !!!! مادري كيف اوصف، بس احس زي العرق المشدووود او يمكن زي شعور الكهربا وايضا حاسه بعيوني مش مرتاحين ، مادري هل هي عدم وضوح بالرؤيه او لا ؟! اتخيلوا وصلت لمرحله مو قادره احدد ، هل انا اتوهم عدم الرؤيه او فعلا موجوده ؟! خاصه امس كنت اكلم الصيدلانيه عشان تعطيني مكملات غذائيه ولما شرحتلها بعض الاعراض قالت يمكن تصلب لويحي !؟ وفي نفس الوقت ممكن نقص فيتامينات وممكن ضغط نفسي انا والله ماعاد عرفت اي شي خاصه اني امر بضغط نفسي فظيع وتعب ورقبتي احسها مشدووووده جدا وطبعا غير الالم القوي في كتفي وفي اسفل الركبه من الامام واحيانا يمتد للساق وايضا احيانا زي الشد في الوجه او الالم في عظمة الحاجب وعظمة الخد !!!! وهذا غير تنميل في جزء من الظهر اللي مستمر معايا من فتره وفي تنميل في الارجل والايدي لكنه ينقطع ، لكن الظهر اذا وقفت شويه او جلست جلسه غلط على طووول احس بشوية تنميل او وجع زي النغززز او حرقه عشان كذا شكيت انه في شي بالاعصاب او الدماغ او الامراض العصبيه !!! معقول هذي اعراض امراض عضويه ؟ وانا ساكته على نفسي والا لو كانت امراض عضويه راح يبين شي اكبر من كذا ؟ الواحد لما يمر بظروف نفسيه وضغط عصبي ، ممكن فعلا يحس نفسه مشدووود ورقبته وجسمه كله يتألم؟ وممكن ينقص وزنه لانه اكيد مع الضغط النفسي ماراح ياكل تمام طيب وموضوع الشفايف اللي كلمتكم عنه ؟ ممكن انه العصب السابع او شي في المخ او اييييش المشكله لو الواحد حابب يفحص ،،،يروح عند اعصاب والا عيون والا عظام والا اييييش يعني الواحد مايقدر يفحص الا لو مستعد ماديا ومعنويا ونفسيا لانه عشان يطلع الوهم هذا من راسه لازم مليون فحص وفحص طبعا عمري ما انسى قبل فتررره ، لما اتوهمت عندي ورم بالصدر وخلاص ابكي بشدددده يومين لغاية يوم الفحص ومو قادره انام واشوف زوجي وابني وانا قلبي يتقطع عليهم وعلى نفسي وصرت افكر كيف العلاج وكيف نسوي وكيف نتصرف وفحصت وقالولي مافي شي !!! من قبلها كنت وعدت زوجي اذا قالوا مافيني شي ، ماراااااح افكر بأي مرض وماراح اوسوس ولا اخاااف وفعلا فعلا هدأت نفسي وفرحت بالخبر الحلو ولله الحمد لكن للاسف الااااان صارت مش مجرد اوهام ، فهمتوني كيف ؟ يعني صارت المسأله اعراض حقيييييقيه احس فيها ،،، وكل شويه وجع معين انا عاااارفه انا اسألكم اسئله يمكن ماعندكم لها اجابات بس انتوا اكيد فاهميني وعارفين بالقلق اللي اشعر فيه والمشكله لما احاول اهدي نفسي ،ارجع اتذكر الحلم اللي حلمته واتحقق جزء منه ، والجزء الثاني اللي كان مستحيييييييل يتحقق لانه شي مو في البال اتخيلوا الان اشوفه يتحقق تقريبا امامي ،،، لكن إن شاء الله يتحقق على خير وصحه وعافيه وسعاده ياااارب ومايصير اي شي من اللي مخوفني واللي قلقانه منه ادعولي وساعدوني لو بكلمه وهل تحسوا بشي من هذي الاعراض ومتى تخافوا وتحسوا انكم في خطر ولااازم تفحصوا بسرعه ؟ المصدر: نفساني
|
|||
|
26-03-2016, 08:01 PM | #2 |
عضو نشط
|
وهم أوهام متوهمه وش باقي اقولك تقولي كل فتره عرض جديد ومن تتقبليه ويخف تأثيره يجدد لك الوسواس عرض جديد وعلى كلامك العصب السابع بعيد كل البعد انا جربته ولا هوه كده ابدا سؤال كيف يومك لما تتطمنتي على فحص الصدر اختفت الأعراض فتره مؤقته وبعدها بوقت بسيط رجعت الوسواس يتكتك لك بخطة جديده 4-4-2 هههههههه😃😃😃😃هههههه
حاولي تتجاهلي وانتبهي لا تركزي معا الوسواس وتنسي زوجك |
|
26-03-2016, 08:05 PM | #3 |
عضو نشط
|
السلام عليكم اختي ..
انا والله كمان قبل شهر تقريبا ظهري ورم في الصدر وكنتا خايفه كتيييير بس الحمدلله طلع ورم حميد بس ما كنتا اقتنع تخيلي مشيت لي اربعه اخصائين لي نفس الورم وكلهم نفس النتيجه انو حميد ومافيه اي خطر .. وانو من المحتم يكون موجود عندي من زمان بس عرفتو في هذا الوقت لاني اتوهم كتير وافحص كتييييير .. ولي فتره جفوون عييني ترررف .. واتوهم حاجات بس اقول ماف الا الخير ان شاءالله .. اتوهم حاجات كتييير .. حتى احساس الموت يجيني انو احساس حقيقي ما وهم مع اني قريت عنو كتيييير .. بس الوسواس اذا لقى الانسان خااايف يوسوس ليه اكتر ويقوى اكتر .. استعيذي بالله اختي وان شاءالله يارب ما يحصل الا الخير |
|
26-03-2016, 09:51 PM | #4 |
( عضو دائم ولديه حصانه )
|
اعراض الشد اللي بالرجل
و الم الظهر و آلام الوجه والخد والفك هذي كلها نقص فيتامين دااااال ومستعده احلف واقسم كمان كلها اعراض نقص فيتامينات اغلب الاشياء مرينا فيها بس تخوفنا الزائد هو اللي يرعبنا |
|
26-03-2016, 10:51 PM | #5 |
عضـو مُـبـدع
|
انا ها فتره كله احس بقلق وتوتر يمكن من ضغط نفسي وكثرة تفكير وتراكمات وبعد احس بشد ويتنقل بكذا مكان في جسمي يعني مره احس راسي مشدود مره عيوني مره فكي كذا يعني !!
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|