|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
20-04-2016, 01:35 PM | #1 | |||
عضو جديد
|
قصتي كما هي ارشدوووني وش اسوي ؟
السلام عليكم
هذي اول مشاركة لي بالمنتدى الرائع 😐 حبيت افضفض لكم همي عسى ارتاح لاني احس اني بموت من كثر مااكبت همي بقلبي .💔 بداية قصتي كانت اول مارجعت من السفر دخلت البيت وكان مظلم نسيت اشغل الاضاءة وحسيت بوحشة اول مادخلت المهم سميت باسم الله ودخلت غرفة النوم ونمت بعد ماصحيت حسيت اني ماني طبيعي حسيت بثقل براسي وكاني ماصحيت من نومتي 😴 المهم تعوذت من الشيطان وحاولت اسلي نفسي لكن عجزت اخذت يوم ع هالحله بعد كذا قلت بنفسي ليش استنى اكثر رحت لمختبرات الفا سويت تحليل شامل طلع عندي نقص فيتامين د واملاح معدنية واخذت التحليل ورحت لطبيب عام عندهم ووصف لي حبوب 5000 وحدة مرتين باليوم ..من هنا بدت معاناتي😦😦 دخلت ع مواقع نقص فيتامين د واعراضه واسبابه ومضاعفاته ووووومدري ايش .... انلحس مخي تشدد راسي وجتني الام بالرقبة وحرارة وبرضو دخلت ع مواقع النت واشوف وش اعراض شد الراس والام الرقبة طلعت لي الف علة وعلة اخذت ع الحالة هذي اكثر من اسبوع والنوم ماانام الا ساعة او ساعتين وكوابيس واحلام مزعجة وحالتي غير مستقرة كل شوي تطلع لي حاجة بعد ماذبحني الصداع رحت سويت حجامة بصراحة اول يومين ارتحت شوي وخف الصداع والشد اللي بالراس . ورحت لدكتور مخ واعصاب قلت له عن الشد والصداع وعلمته ان سويت تحليل شامل وطلع لي نقص فيتامين د وان الدكتور وصف لي حبوب 5000 وحدة مرتين باليوم . انفجع الدكتور وقال لي دا كتير اوي وقفهن فورا ووصف لي كالسيشو د3 600 مل وحبوب زيلاكس 10 مل وقال لي انت زي الفل مايحتاج تاخذ حبوب 5000 انت شاب 😦 ريحني صراحة كم يوم . قريت عن الزيلاكس وان له اعراض انسحابية صراحة قلت اخاف ادمن عليه ووقفت ع طول بعد اول يوم واستمريت ع الكالسيشو د3 . ومن ذاك اليوم الى الان وانا النوم ماارتاح فيه ابدا افز كل فترة وفترة واحلام وكوابيس واحس اني ماصحيت من نومتي اللي نمتها اول مارجعت من السفر . وانا كل شوي اطمن نفسي واقولها انا طيب مافيني شي ليش انتظر يجيني شي . بس مااخذ وقت الا وارجع للافكار الوساوس اللي جننتني ... وعلى فكرة اخذت ماء زمزم مقري وعسل وحبة البركة ولكن لسى احس اني ماتحسنت وكاني كل يوم انتظر عرض او مرض يفاجئني بصراااااحة تعبت تعبت من حالتي اللي اتمنى ان الله يفرجها علي ويفرج هم كل مهموووم . وبصراحة اكثر ارتحت للمنتدى هذا وقلت اكتب قصتي لكم لعل وعسى ان اجد ضالتي هنا . ياليت تساعدوني وترشدوني وش اسوي ؟؟؟؟؟ 😦😦😦 المصدر: نفساني
|
|||
|
20-04-2016, 02:35 PM | #2 |
عضـو مُـبـدع
|
هلا اخوي متفائل
اول شي اهنيك ماشاء الله علا اختيار الاسم والصفه الحلوة وان شالله تبقى متفائل اول شي اقولك لاتدخل بدوامة الامراض انت كويس الحمدلله ولاتتوه نفسك عالج نقص فيتامين دال اول شي لانهم يلعب دور بالخمول والكسل والنفسية ثاني شي خذ انفرانيل 25 باليوم جرعه بسيطة لمدة ست شهور واذا ماتبي تاخذ هالعلاج رح لطبيب نفسي واستشيره بهالنوع من الحبوب لانه خفيف وفعال على الوساوس حاول تسجل بنادي رياضي وتصلي بالاوقات وتملي يومك يعني لاتجلس فاضي صدقني انت مافيك شي وكل اللي تمر فيه مريت فيه ...واي مرض تحس انه فيك لدرجة الاحساس باعراضه كل هذي وساوس لاتلتفت لها انت بس فيك نقص دال على حسب تحاليلك عالجه وخلاص لاتفكر بشي اخر لانك سليم ولو فيك شي كان ظهر بالتحاليل |
|
20-04-2016, 02:53 PM | #3 |
عضو جديد
|
اشكرك اخوي دمووعي 🌷🌷
وعسى دموعك ماتنزل الا من الافراح يارب ردك طمني كثير الله يريح بالك يارب 🌷 انا احاول اطمن نفسي كل يوم لكن اعاني من النوم المتقطع بكشل غريب والكوابيس تصحيني مفزوع واذا صحيت احس بضيقة غريبه . ابسالك هل اروح لشيخ يقرأ علي أو اروح لدكتور نفسي ؟؟ مع العلم اني من كم يوم قررت اطلع واروح من اخوياي مثل قبل واونس نفسي قد مااقدر لكن تجيني فجأة وانا طالع اني ماني مبسووط مثل قبل واطنش الفكرة واعيش اللحظة وان شاء الله بضغط على نفسي لين ارجع زي ماكنت فلاوي وضحكتني ماتفارقني وارجع مثل ماكنت احب الكورة واحضر مباريات... اااااه ياذيك الايام كم انا مشتاااق لها . قسم وانا اكتب هالاسطر خنقتني العبرة ونزلت دمعتي 😢😢 دعوووااااتكم لي بالشفاء العاجل .. |
|
20-04-2016, 03:11 PM | #4 |
عضـو مُـبـدع
|
خذ لكك بندول نايت فترة بسيطة يعني لاتتجاوز اسبوع
عشان تنام كويس واشرب بابونج ولامانع من الرقية منت خسران شي حتى ولواستشارة طبيب بس للاتنسى تناقش طبيبك عشان تحسه فاهم او خرطي ونصيحتي لك اظغط على نفسك واطلع عشان ماتستسلم لافكارك |
|
20-04-2016, 03:23 PM | #5 |
عضو جديد
|
الله يعطيك العافية اخوي 🌷دمووعي 🌷 على تفاعلك معي 🌷🌷
بغيت اسالك هل قلة النوم تسبب ضيقة الصدر واضطراب الواقع يعني مثلا لو قابلت احد الصباح وجيت العصر اتذكر الموقف احس كان الموقف حاصل من زمان . وسالت واحد قال لي بعذرك تحس انها من زمان لان فكرك مشغوووول من يوم مشيت من عنده .. مدري رده مقنع والا يبي يونسني . وبعدين تجيني لحظات اقول فيه شي غريب فيني احس بغازات بالبطن ونغزات بمناطق مختلفة بين فترة وفترة ماادري وش هي بالضبط ؟ تبون الجد لعنت السفر وكرهته كره غير حالتي 180 درجة. وتصدقون اني جايب معي اغراض وهدايا مافتحتهن الى الان ومالي خلق اشوفهن . مع العلم ان لي الان اكثر من شهر ونص راجع من السفر. |
|
20-04-2016, 04:18 PM | #6 |
عضـو مُـبـدع
|
حاول تطنش وتروح طبيب نفسي عشان ماتتعب اكثرر
على الاقل تفضفض للدكتور شوي وعلمنا وش يقولك ولاتفكر بحالتك اكثرر عشان ماتدخل بدوامة الوسواس اول ماتجيك اي فكرة استغفر الين تروح |
|
20-04-2016, 06:30 PM | #7 |
عضو جديد
|
راح احاول قد مااقدر اطنش اي فكره سوداوية وعسى ربي يعين وييسر امري وامركم .
دعواتكم لي بالشفاء العاجل 😢 ربي اني مسني الضر وانت ارحم الراحمين 😢 |
|
23-04-2016, 02:04 PM | #8 |
عضو جديد
|
ابشركم لي يومين نومي تحسن كثييييير ولله الحمد 😊
بس باقي الاحلام ازعجتني كثير وش اسوي ؟؟ مع العلم اني اتوضأ قبل انام وانام على الرقية الشرعية ؟؟ ماادري وش الحل .😢 |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|