|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
28-11-2011, 05:02 AM | #1 | |||
عضو جديد
|
ابى بيكرهنى ويتمنى عدم وجودى
ابتليت باب بيكرهنى من وانا طفله بسبب مشاكل كانت بين امى واهله وامى كانت بتتغاظ منى علشان كنت مرتبطه باهل ابى فكانت بتكره ابويا فيا وتقويه عليا دون عن اخواتى ولحد دلوقتى بيكرهنى وبيتمنى انى اكون غير موجوده وبيعاملنى بعنف ويضربنى وانا كبيره ويشد شعرى ومره كسر لى اسنانى وبيكرهنى ومطلعنى انى سبب النكد فى البيت والمشاكل مع انى هادئه واحب الهدوء ولا احب افتعال المشاكل وبيحب جدا اخواتى الولاد وبيخاف عليهم يعنى مثلا لو نايمين يدخل يسال عليهم واصحى يا ابنى وانا ببقا نايمه فى اوضتى ميسالش فيا وبيكرهنى انى اقعد قصاده مسرحيه فى امر لو مثلا قعدت قصاده واضحك معه فى التلفزيون او احكى معاه واخويا يكون نايم يضايق ويبقا مكشر وميردش عليا وبالذات لما اخويا تعبت نفسيته بقا نفسه اموت وكل اما يحصل مشاده بينى وبين احد من اخواتى يفضل يدعى عليا بالشلل وانى افضل راقده فى السرير ويقعد يقولى المفروض متاكليش خالص علشان تموتى بجد انا بكرهه وبتمنى انه يموت علشان اعرف اعيش بارتياح وكرامتى متتكسرش وبفضل ادعى عليه ليل نهار بيكره كلامى وضحكى معاه حتى مش بيتعاطف معايا فى اى شىء ومره مرضت وذهبت لطبيب فضل وكان مطلوب منى انى اعمل اشاعه مرضيش يعطينى فلوس علشان اعملها واضطريت اشتغل شغلانه متعبهوانا مريضه علشان ادبر فلوس الاشعه وتعبت اكتر من الاول وهو كان بيشوفنى تعبانه ولا يسئل فيا ولو مرضت واردت ان اذهب لطبيب بدفع من فلوس عيديتى مثلا حتى لايرضى ان يخلينى احقق شىء فى حياتى او اشتغل ومبيفرحش ليا فى اى شىء ومره اتقدم لى عريس وكنت بتناقش مع امى فى امر العريس فضل يجرج فيا ويقولى دى اشكال تتجوز انتى عايزه تتجنزى ورفض ان امى تتناقش معايا وكنت ابكى بسببه دا غير انه دايما يوقف جنب اخواتى ضدى لوجيت اشتكيتله من ناحيه اخويا او اختى لو حد فيهم شتمنى دا غير انه بيشتمنى ويجرحنى وراهن سعادتى وحياتى بسعاده اخواتى الولاد واختى التانيه ونفسه يتزوجوا ويكونوا فى احسن المستويات فى شغل وكل حاجه فى الحياه ولا يريد ان يعطينى مصاريف كورسات اخذها لاطور نفسى ولا يرد ان اعمل حتى لا ارتفع عن اخواتى الولاد لان واحد فيهم مؤهله متواضع ولكنه يعمل وذلك الذى مرض الاخر يعمل وسيكمل دراسه عليا بعد مؤهله المتواضع واختى مؤهلها عالى وتعمل ويحبها جدا بسبب امى مش عارفه اسامحها انها دايما بتبينها كويسه قصاده من وهى صغيره وهو يحبها من وهى طفله اما انا يكرهنى جدا الى الان ويكره لى ان اعمل او احقق ذاتى او اتزوج حتى يطمئن على اخواتى الولاد واختى وانا كبرت فى السن وحياتى بيدمرها وبيموتنى بالبطىء ولو احد يعلم بانى اكره اكثر من اى عدو واتمنى موته حتى اعيش واضحك وامرح واحقق ما اتمناه
المصدر: نفساني
|
|||
|
02-12-2011, 12:56 AM | #2 |
مستشار
|
أختي الفاضلة:
لكي أكون صريح معك هناك مشكلة إما في والدك أو فيكي الطبيعي ان الأب يحب ابناؤه ولا يكرههم، وهذا يجعلني اشك وأعتقد انه ربما تكون المشكلة من جهتك وانك تشعرين بالإضطهاد كنوع من ضلالات الفكر وهذا لا يمنع احتمال ان من الممكن ان تكون المشكلة من والدك وان لديه ضلالات فكرية ضدك او ان يكون منحرف في شخصيته الإنسانية لن يتمكن طبيب او اخصائي نفسي من مساعدتك عن طريق منتدى انت بحاجة للذهاب مع والدك بالتحديد لطبيب نفسي ليتمكن من معرفة اين العلة اما ان كان والدك يرفض الذهاب لطبيب نفسي فساعتها انت بحاجة لتدخل خارجي إما من الأقارب (والدتك ، عمك، خالك، .... الخ) أو تدخل حكومي (حقوق انسان او حماية من العنف الأسري) وكان الله في عونك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|