![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى الفضفضة مساحة ليقول العضو كل ما يجول في خاطره ، فضفضات نفس . |
![]() |
|
أدوات الموضوع |
![]() |
#1 | |||
عضو نشط
Simply Me
![]() ![]() |
ممكن تفهموننا .... !!
![]() وبعدين معاك ..!! يعني ما اصدق أفرح إلا تجي أنت .. و تنكد علي .. يا سلام يعني يزورك هو .. و أنا لا .. أنت لما تزورني .. تضايقني .. تكرهني حياتي .. طيب !! هذا( فرح ) لما يزورك ما تتضايقي .. يعني هي جت علي أنا بس .. انا الحين الي متضايق مو أنت .. كيف تتضايق و أنت ( حزن ) ... تستهبل مثلاً .. لا .. بس أنت ِ الصراحة مو منصفة .. أفا .. ليش !! ليش .. ما ترضين فيني مثل ما ترضين بـ ( فرح ).. ليش لما يزورك .. تستقبلينه .. بالابتسامات .. و الاحضان .. و انا مجرد ما تشوفين وجهي .. تتأفين .. و تقولين .. الله يعين عليك .. و كأنها حاصلة كارثة .. طيب جامليني شوي .. أممممم .. و الله ما أدري وش اقول لك .. أنتم يا لبشر الصراحة ما تنفهمون أبداً .. و لا أدري وش تحسون فيه ..!! ولا أنتم فاهمين أنفسكم أصلاً .. هو علشان إني أزوركم من فترة إلى فترة .. قومتوا الدنيا و لا قعدوتها .. أنا تؤام للفرح .. و لا راح تعيشون من دوني ... لازم ترضون فيني أنا و تؤامي ( فرح ).. و مثل ما ربي خلق تؤامي ( فرح ) ترى خلقني أنا ( حزن ) .. إرضي فينا كلنا .. و بعدين تراني حباب و طيب لو فكرتي شوي .. لا عاد .. طيب .. !! هذي كثر منها .. طيب ... Ok.. مو انت يوم تضايقتي و شفتي خشتي المصونة .. صرتي تفكرين في حياتك .. ليش أنا .. و ش صاير فيني .. ايش الي تغيير ... ايش الي حصل والزي منو .. إلا ..!! طيب هذا ... ما خلاك تتسألين عن حياتك .. عن نفسك .. عن علاقاتك حتى .. و هذة الأسئلة .. خلتك تفهمين أشياء كثيرة .. و صرتي تفهمين و تعرفين نفسك أكثر .. امممم .. صح .. ممكن .. بس أنت !! يالله انتم يالبشر ( إعتراضاتكم ) واجده .. طيب ممكن أكمل كلامي طيب .. مو أنتي لما كنت أزور داخلك .. خلاك تعرفين صديقك الحقيقي .. و من الصديق ( الفالصو ) .. يعني فيه ناس كانوا في حياتك .. بس زيادة رقم .. مجرد عدد .. ايه و الله ..صدق .. و لو أنها توجع .. بس يالله الانسان يتعلم .. طيب .. بس معليش أنت أحياناً تزودها حبتين .. يعني مو تزور .. تسكن .. تعيش .. تأخذ لك غرفة .. في ( بيت ذاتي ) الله يحرسه .. أقول .. بس يا صبر الأرض عليكم .. صح .. أنا معاك .. و يالله بعد أنا فعلا ً أزودها حبتين و يمكن ثلاث .. بس مو لما ( سكنتك ) على قولتك .. و أخذت أكبر غرفة أم شباك كبير .. صرتي تتقربين .. لله أكثر .. و أكثر .. مو أنا دليتك على ربك .. طيب ما كنتي تخبصين شوي .. يعني .. قبل ما أسكن عندك .. ايه و الله صدقت .. يا ( حزن ) في هذي ما أقدر افاصلك فيها .. و هذا ( أجمل ) ما حصلت عليه .. من خشتك المصونة .. و بعدين أنت كسبانه في كل الحالتين .. على فكرة .. كسبانة !! كيف ؟؟ مو قال رسول الله صلى الله عليه وسلم: (عجبا لأمر المؤمن إن أمره كله خير وليس ذاك لأحد إلا للمؤمن .. إن أصابته سراء شكر فكان خيرا له وإن أصابته ضراء صبر فكان خيرا له) .. و قال .. ( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه ) .. إيش يضرك لو ينمسح شيئ من ذنبوك .. يالدبى .. أمممم .. إلا بسألك سؤال الحين يا ملامح .. إنتي ليش تتضايقين لما أزورك .. لأني بشر يا ( حزن ) .. و ساعات أنسى إنك جزء من [ تكـــــــــــــــــــــويني ] النفسي .. جزء من الحيــــــــــــــــــــــــــــاة .. المصدر: نفساني
|
|||
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|