|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
31-01-2013, 09:08 PM | #1 | |||
عضو
|
الى اصحاب الاختصاص
بسم الله الرحمن الرحيم
اشكركم على المنتدى الرائع الذي يقدم الكثير من الخدمات والمساعدات ........ اكتب اليكم واتمنى من المختصين ايجاد الحل المناسب لوضعي ,,,انا اعاني من الهلع منذ كان عمري 12 سنه توفت عندنا قريبه لي ومن سمعت عن وفاتها صابني خوف شديد بنفس اللحظه ولوعة في المعده ودقات قبلي سريعه وحسيت ان الموت بياخذني وقتها وماكنت عارفه وش هالخوف ...وانقطع الهلع عني لمدة ثمان سنوات ثم رجعلي بعد ملكتي بيومين كنت اصلي الفجر وحسيت بصوت يقولي راح تتطلقين من زوجك وقطعت الصلاه وكنت ميته خوف ورحت لأبوي صحيته من النوم وكنت مخنوقه موقادره اتنفس ظل يقرأ علي لما نمت وكنت انام عند امي واحس بخوف ولا ادري من ايش اصلا خايفه ...هذا الكلام قبل 6سنوات والحين قبل 3شهور جتني حالة هلع كنا بمجلس حريم وسولفت وحده عن حرمه فيها مس ومن سمعت هالسالفه وانا افزع من مكاني واطلع من الغرفه حسيت بخوووووووف ومعدتي غثيان واطرافي بارده ودوخه ..ومسكت نفسي ورجعت للغرفه ولما رجعت للبيت رجع لي الخوف دقات قلبي زادت ورجولي ترجف ماقدرت اتحكم فيها وغثيان وكنت خايفه انو يطلع فيني مس لاقدر الله زي الحرمه اللي سمعت عنها ..وقبل 3اسابيع كنت بحفلة تخرج واغاني وكذا وجت وحده كانت مصيوبه بعين ومن دخلت علينا حسيت بخوف انو انصاب بعين وجاني الهلع وفزعت من مكاني ابي اهرب ارجع للبيت ولما رجعت رحت لأبوي وشكيت له وقام يقرأ علي ويكلمني انو لازم اغير افكاري واتحكم فيها ومن هالحفله لي 3اسابيع وانا حالي متغير ماصرت اطلع كثير كل خوفي من السحر والمس والعين صرت اخاف حتى اسمع سوالف عن هالاشياء اذا سولفي اهلي عن هالااشياء اطلع من عندهم ,,اذا سمعت سالفه عن هالاشياء اخااف ويديني تعرف وقلبي يدق واحس بيغمى علي وادوخ ...صرت اذا سمعت سالفه عن اي موقف اخاف يصير معي واتخيل انو يصير معي غصبن عني اتخيل مااقدر امسك افكاري واحيانا اصرف تفكيري بأي شي حلو ذكريات حلوه او اماكن رحتلها حلوه ويهدي الخوف واحيانا مااقدر اتحكم بافكاري ساعدوني بعد الله وش الحل هل تتطلب حالتي علاج وجلسات ؟؟ مابي الهلع يأثر على حياتي الاجتماعيه وربي تعبت ابي ارجع زي اول وربي اكتبلكم وانا ابكي المصدر: نفساني
|
|||
|
01-02-2013, 10:27 PM | #2 |
عضو نشط
|
اسأل الله ان يشفيك
نصيحتي تجدينها على الرابط التالي http://www.nafsany.cc/vb/showthread....154#post699154 |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|