|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
25-11-2014, 05:00 PM
|
#1 | ||||
|
عضو نشط
|
تجاوزت الوسواس بفضل الله
السلام عليكم ورحمه الله وبركاته
كيف الحال ان شاء الله طيبين معاكم اختكم شيخه من الامارات حبيت اخبركم عن الحاله هذي متي بدت معاي وشلون قدرت اسيطر عليها بفضل الله اول شي بدى معاي وسواس عادي جدا ماوصل للخوف او الرعشه كنت حامل وافكر وايد باللى في بطني وبعد مابعد مايتني ولاده مبكره كنت خايفه من العمليه القيصريه لانها بتكون في تخدير موضعي وكنت احس بالشفرات وقت العمليه جاتني رعشه قويه وخوف وكنت ارتعش من البرد والحمدالله علي كل شي ثاني يوم العمليه حسيت بالم في صدري وخفت وقلت اسوي فحص وطلع كلش شي سليم فقط تضخم بالصدر بسبب الحليب وصرت افكر وقتها كثير ببنتي اللى في الحضانه المركزه لانها قاصر وكل يوم اروح للحضانه واجي وعاشر يوم الولاده سويت حادث بالسياره وكان فيني ارتباك وتفكير زايد وكنت متعايشه مع الوضع لين كملت فترة النفاس صرت اسلي نفسي بالمسلسلات ويوم تجي مواقف في المسلسلات عن الامراض كنت اخاف وفجاءه الصبح كنت اسولف مع خدامتي وافضفض لها عن ناس الله يسامحهم وهي بتعرفهم وبتسولف معاي وقالت لي خدامتي يامدام يوم طلعت الحرمه من البيت قالت والله لاوريكم ..؟ قلت لها الله كريم ورحيم والله يصبرنا قلت لها برقد شوف البيبي ورحت علي السرير وقلت اللهم اني استودعتك نفسي وزوجي وابنائي وبناتي وبيتي وخدمي وحلالي ومالي فاحفظنا يا الله بعينك اللتي لاتنام وحصنا بحصنك الذي لا يرام وقراءت سورة الناس والفلق والاخلاص وايه الكرسي وغفيت وانا استغفر فجاءه حسيت بشي يدخل عن رجيلي ورعشه قويه وخفقان في القلب \ وزوجي كان نايم في الصاله صرت اروح من غرفه لغرفه ولما ادخل الصاله اللى فيها اولادي اطلع مش قادره اشوفهم حتي وارتجف وايد وفي الاخير استسلمت ورحت لزوجي وقلت له يافلان اقعد ودني المستشفي قالي ليه قلت انا مش بخير احس اني بموت وقعد يحضني ويقرا علي وانا ارتجف اكثر واكثر قالي يالله البسي بنروح واشرب ماي زمزم وارجع واشرب ماي عادي وارجع ماقدرت ويوم طلعت من البيت وصلت عند الدوار قلت لزوجي اتصل علي المطوع بسرعه اتصل علي المطوع وقال انا جاي اللحين وهو عند لفة البيت قلت لزوجي ترى المطوع وصل وقمت اتجشؤويطلع الهوى من فمي وقرا ايات التحصين اول شي وبعدين وضع يد زوجي علي راسي ويد المطوع فوق يد زوجي ولما قرا علي حسيت بمثل الرعشه خلتني اقوم واقعد في مكاني واحس بشد بعضلات الصدر الايسر والم بالبطن وبعد القرايه حسيت براحه ورقدت وقمت من النوم خايفه واخلي الخادمه تمسح علي بزيت الزيتون وترش الماي المقري فيه علي جسمي وبعد الحاله هذي بثلاث ايام جاتني استحاضه قويه ورحت العياده علشان اتاكد انها استحاضه واواصل صلاتي وقرايتي والله ثم والله اني كنت في عالم ثاني الخوف كان ملازمني خوف من الموت والامراض الحمدالله علي الصحه والعافيه والله يعطينا طولت العمر يارب بس صرت اذا دخلت الحمام اعزكم الله اخاف اقفل الباب صرت اجبر نفسي واقفل الباب احس اذا شفت نفسي بالمرايا اخاف اكتشف شي واوسوس صرت اشوف نفسي غصب بالمرايا كنت اخاف اغمض عيوني وانا اتسبح صرت اغمض عيوني غصب صرت اخاف اصلي وانا مش طاهره اروح اصلي وانا مطمنه من طهارتي يوم اسمع اصوات في البيت في اي وقت اتجاهل الاصوات ولا كاني اسمعها لما يجيني فضول افتش تلفون زوجي طبعا اخليه ولا افتش التلفون لما ابا اطلع في الليل للمطبخ واخاف من الظلام صرت اطلع غصب وانا اذكر الله واسوي حليب وارجع لما يجيني خبر موت او مرض عن طريق الواتس اب صرت اقراه غصب وانا ادعي لهم بالرحمه او الشفاء ولما يجي الوسواس عن الموت اقول ربي اعطني طولت العمر ولما يجي وسواس المرض اقول ربي اعطني الصحه والعافيه داومت علي الصلاه في وقتها الاذكار مساء وصباح ذكر الله في كل شي لاحول ولا قوة الا بالله لا اله الا الله سبحان الله الحمدالله استغفر الله الله اكبر لا قوة الا بالله اللهم اني اعوذ بك من وسوسه الصدر وشتات الامر اللهم اني اعوذ بك من الوسواس الخناس اللهم انزل الطمئنينه علي قلبي وابعد عني كل وسواس او حسد او عين او مس او سحر او جن الحمدالله كما ينبغي لجلال وجهك وعظيم سلطانك اتابع طبعا ماخفي عليكم رحت المستشفي طلع عندي جرثومه بالمعده وتمت معلاجتها بفضل الله وقت العلاج كان ملازمني الاسهال اعزكم الله وبعدها نفص فيتامين ب 12 وبعدها قالو انه القالون العصبي وسبحان الله الثلاث اعراض هذي تسبب الوسوسه وتصل الي الهيجان ولما تهيج تجي رعشه وخفقان وهكذا واكثر اللي فيهم وسواس قهري هم اصحاب جرثومه المعده او نقص فيتامينات او قولون عصبي ماخفي عليكم زوجي قبل 7 سنين جاه الوسواس وكان يفكر وايد ويقول بروح للجهاد مابي اموت في فراشي وسبحان الله قدر يتجاوز المرحله بذكر الله اللي خلاني اروح افحص واحد من المطاوعه الله يجزاه خير يوم قلت له اعراضي قالي روحي سوي فحص فيتامين دال انا سويت فحص شامل والحمدالله علي كل شي طلعت جرثومه المعده ونقص فيتامين ب 12 بس بعد مادومت علي الاكل الصحي والفيتامينات حسيت نفسي افضل من اول وطبعا صرت اذا جاني الضيق والوسواس اراجع الاكل اللى اكلته واتجنب العصبيه وثاني شي زوجي كان له يد بالعلاج انا بالعاده احب تربية الحيوانات وكان وقتي فراغ وهذا الشي اثر علي راح زوجي جاب لي انواع كثيره من الدواجن والطيور النادره وجاب لي حضانات لطيور واقفاص كبيره وقالي كلمتين لما شاف نفسيتي تغيرت (( لو اعرف ان الحلال بيغير نفسيتج كان مامنعتج من تربية الحلال )) وما اقول غير ربي يوفقه ويفرجها عليه ويرزقه من اوسع ابوابه بس جات فتره صار يزعل ويتضايق من كثر الم\طاوعه والمستشفيات وصرت انا مقصره في حياتي الزوجيه وكنت كثير اقرا قران او اتم افكر لين قررت اني اعكس كل الافكار اللى تجيني ماخفي عليكم تجيني افكار حاليا بس الحمدالله علي كل شي لا اعطيها اهتمام وكانها عابر سبيل واللى يعاني من قلة النوم حاول تقعد مع صلاة الفجر من الساعه اربعه وحاول ماتنام الا الساعه 10 ونص الليل او 11 بالكثير حاول ترقد في الليل وانت خلاص مرهق علشان لو جيت تنام ماتقعد تفكر ولا تنام الا وانت قاري المعوذات واذكار النوم علشان ترقد مرتاح والله ان ذكر الله هو العلاج من كل داء وعلي فكره الوسواس منتشر بكثره جارتي عمرها 56 سنه جاها الوسواس قبلي ب 6 شهور طلع معاها جرثومه بالمعده وقولون واعصاب ونقص فيتامين ب12 ودال واحاول قد ماقدر اساعدها بتغير نفسيتها لانها تبكي وتتذكر اولاده وتخاف تصلي والله يشفيها شفاء لايغادر سقما عليكم بالصلاه والاذكار لو حسيتي بفكره جات في بالج علي طول اتصلي لاقرب صديقه او جاره واقعدي سولفي معها عن الملابس العائلات الطلعات الماضي اي شي لو حسيتي بوقت فراغ روحي المطبخ سوي فطاير كيك مكرونيه صوري شغلج نزلي انستقرام سوي قهوه وشاي وحليب وكيك روحي لاقرب جاره عندج وسولفي معاها حاولي تخلي الابتسامه ماتفارق شفاتج اضحكي تفائلي بالخير ترى كل شي فان ويبقى وجه ربك ذو الجلال والاكرام كل شي بيروح ماشي بيتم في هالدنيا والموت حق علي كل مسلم والحمدالله رب العالمين واتمني ترحبون بي كاخت بينكم واللى حاب يتواصل وياي عن طريق السكاي بي لسوالف والوناسه يكون افضل علشان مانعطي الوسواس اكبر من حجمه واللى ساعدني اكثر التواصل مع الناس غير من نفسيتي كثر والله يوفقك ويشفي جميع المسلمين المؤمنين يارب العالمين شيخه ..:) المصدر: نفساني
|
||||
|
التعديل الأخير تم بواسطة شوآخي ; 25-11-2014 الساعة 05:02 PM
|
|
25-11-2014, 06:28 PM
|
#2 | |
|
عضـو مُـبـدع
|
حياك ربي اختي شواخي واهلاوسهلافيك بيننا
جزاك الله كل خير على ذكر تجربتك اللي فادتني كثير الله يحفظك عانيت من الوسواس قبل لا اكتشف جرثومة المعده وبعدها بفتره حللت وطلعت معاي وخذت علاج والحمدلله كنت اتوقع انها راحت لكن الفتره هاذي عدت التحليل وطلعت موجوده وانا فعلا اغلب شكواي من المعده والدكتور يقول اني موسوسه مافيني شي غير هالجرثومه وقولون الحمدلله على كل حال بسألك اختي وش اعراضك اللي تحسيهامن القولون والجرثومه لان وسواس الموت معاي مره يخف ومره يشتد وفوقه وسواس الامراض المتعب الله يفرج همومنا ويبعد عنا كل سوء |
|
|
|
|
25-11-2014, 06:42 PM
|
#4 | ||
|
عضو نشط
|
اقتباس:
تحسين بمغص ونغزات بالمعده وغازات بالبطن وتحسين بامساك او اسهال او الاثنين مع بعض القولون العصبي هو من الحاله النفسيه تحسين بقرقره بالبطن اوصوات خفقان وسوسه رعشه بروده بالاطراف والحموضه اللى هي الحارق او الصاهر واذا كان الحموضه موجوده فهي المسبب الاول لنقص فيتامين ب 12 اعراض نقص فيتامين ب 12 هي بروده تنميل تحسين الاعصاب تعبانه القولون العصبي- الوسواس القهري والاكتئاب وخفقان بالقلب ورعشه وبروده سوي فحص فيتامين دال و ب12 والجرثومه انسيها لا تهتمين لها لاني كنت اخاف من الاكل بس رحت واكلت فلفل .. احب اعاند نفسي علشان اتجاوز الخوف ومن بعدها بدى وزني يزيد وتحسن اكلي كثير اللهم ابتعدت عن القهوه والفلفل واخذ حبوب فيتامين دال و ب 12 وحبوب الحموضه فقط عند اللزوم لان حبوب الحموضه تمتص فيتامين ب 12 فيصير نقص في هالفتمين |
||
|
|
|
25-11-2014, 06:45 PM
|
#5 | ||
|
عضو نشط
|
اقتباس:
الف الحمدالله والشكر امين ويتمم عليك الصحه والعافيه يارب |
||
|
|
|
25-11-2014, 06:50 PM
|
#6 | |
|
عضـو مُـبـدع
|
حاليا ماخذت علاج للجرثومه مترردده لاني اخاف من اعراضه
الجانبيه متعبه بس يجيني وقت احس المعده تهدأ واوقات لا وحاليا ماعندي حموضه احيان فقط حرقه خفيفه في رأس المعده ونغزات فالبطن وفعلا اتوقع عندي فيتامين ب12 ناقص لاني احس زي التنميل في الاطراف اونغزات خفيفه وفيتامين دال ناقص قبل سنتين وكنت آخذ نقط فيدروب ووقفتها يعني ممكن تكون اغلب مشاكل الوسوسه والهلع من هالجرثومه والفتامينات واذا تم علاجها تختفي كل الاعراض ؟لاني قرأت اكثر من موضوع ان الفيتامينات والجرثومه مسبب رئيسي للهلع تحملي اسئلتي الله يتمم شفاك ويحفظك لكل غالي |
|
|
|
|
25-11-2014, 06:57 PM
|
#7 | ||
|
عضو نشط
|
اقتباس:
جرثومه المعده يالغلا انا وصفت لي الدكتورة مضادات حيويه وفعلا استخدمتها لمده عشرة ايام واللهم لك الحمد راحت والمضاد الحيوي افضل علاج للمعده حبيبتي انا كنت اخاف من الموت والمرض اخاف يوم اصلي اموت اخاف يوم ادخل الحمام اموت اخاف يوم اكلم امي بتلفون بعدها اموت واكثر من كذا يوم ارقد اي صوت يفزعني من النوم من داومت علي الفتيمينات والاذكار والضحك والسوالف خفت عند الاعراض كثير |
||
|
|
|
25-11-2014, 07:47 PM
|
#8 | |
|
عضـو مُـبـدع
|
فديت قلبك ي الغاليه كلك ذوق اسعدني تواجدك بالمنتدى
تقريبا نفس معاناتي وافكاري الله يسعدك ويفرج همومك فعلابالتجاهل وتصنع الفرح والسوالف نتغلب على هالوسواس |
|
|
|
|
25-11-2014, 07:49 PM
|
#9 | |
|
عضـو مُـبـدع
|
اخت شواحي الحمد لله الذي شفاك و عفاك و الحمد لله الذي تتم به الصالحات
الله يخفظلم اولادك و جوزك ويفرحك بيهم و يطول في عمرك في رضاه و طاعته اختي حالتي بدات غير حالتك و صارلي سنه و بعد التحاليل طلع عندي نقص فيتامين د و جرثومة المعدة لكن الوسواس رسخ فراسي ما عرفت اطلعو كم طل معاك الوسواس و ممكن تقوليلي شو الافكار الي كانت تجيك الله يتمم عليك بفضله |
|
|
|
|
25-11-2014, 08:03 PM
|
#10 | ||
|
عضو نشط
|
اقتباس:
لا تقولين معاناه بالعكس هذي رحمه من رب العالمين والحمدالله انتي بنفسج تتغلبين على هالشي بالتجاهل التام باذن الله |
||
|
|
|
25-11-2014, 08:10 PM
|
#11 | ||
|
عضو نشط
|
اقتباس:
والله يحفظج ويطول بعمرج ويعطيج الصحه والعافيه يارب انا ماشاء الله لا قوة الا بالله ماحبيت الوسواس يسيطر علي ابدا ولا يطول معاي بدي معاي شهر 9 واستمر لين شهر 11 ماشاء الله يعني شهرين فقط علاجج بايدج لو تجاهلتي الوسواس كله راح تحسين ان اعضاء جسمج كلها بخير الافكار هي اللى تخلي الانسان يحس بالتعب في اعضاء جسمه والجرثومه كل الناس فيهم هالجرثومه اتحدي احد مافيه هالجرثومه بس ترى الجرثومه تهيج مع الزعل او التفكير او الاكل الغير صحي مثل الوجبات السريعه او اكل المطاعم لو تجاهلتي الوسواس صدقيني ماراح تحسين لا جرثومه ولا باي تعب وبيزول الوسواس تدريجي حتي لو حسيتي بخفقان وخوف غيري مكانج على طول وروحي سولفي مع اي حد حتي لو بنات مجهولين من الانتر نت حاولى ماتفكرين ابدا اشغلي نفسج بالاذكار بالالعاب الالغاز الاساله علي فكره الوسواس يجي الناس الاذكياء اكثر شي فخلي التفكير يكون في شي يشغلج مثل سوال وجواب العاب على الكمبيوتر علي الجلكسي الايفون المطبخ سوالف حريم اي شي يوم كنت اكتب الموضوع شفت الاولاد يلعبون كورة رحت وقفت الكتابه ورحت العب معاهم كوره برى غيرة جو ورجعت اكمل موضوعي عن التجاوز وهكذا العبي واستانسي وتذكر الموت سر ومحد يعرف يومه والله يعطينا طولت العمر يارب |
||
|
|
|
25-11-2014, 08:31 PM
|
#12 | |
|
عضو نشط
|
انا يا املي الجنه كنت اخاف من الموت واكثر وقت يجيني لما ابتدي الصلاه او اجلس لحالي
ومن اشوف اي شي بجسمي صرت اخاف واوسوس واحس قلبي طايح ببطني يعني هذي افعال ابليس بس يحب يشوف بني ادم حزين ومتكدر تطمني وفي الاخير اقولكم تفائلوا بالخير تجدوه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
