كيف فن التطنيش؟

كيف فن التطنيش؟

السلام عليكم

صباحكم خير جميعا

التطنيش معروف انه هو احد انواع علاج الاضطراب هذا، ليس الهلع.... بل نوبة القلق لان فرقنا بينهم قبل. كيف نطنش؟

احنا القلقين متشابهين لحد ما وكلنا عندنا امور مشتركه.

يعني، نقلق فجأه، تجي الدوخه وثقل الراس والقلب يرقل وهنا نبدا نقنع انفسنا نطنش ونجي بعدين نقول عادي الدوخه من القلق او الصداع من القلق ونصير نراقب الدوخه ونقعد على اساس نستريح وفعلا وضعنا يكون مستتب ونصير اوك دايخين ومصدعين بس على اخف والقلب يبدا يهدا


فجأه تجي نغزه باليد !!!! على طول يرتفع القلق وندخل ب نوبة الهلع


هنا يجي فن التطنيش، ان الواحد يتعايش وهو متوتر ولا يراقب الجسم يعني ان جت نغزه عادي ، تذكر ان النغزات نفسها كانت تجيك قبل وانت تمسك يدك وتدلكها بس لا اكثر ولا اقل. اذكر انا مرات كان يجيني الم باليسار لما اتنفس مؤلم مره ويروح لحاله وهذي ظاهره طبيعيه مافيها هوف. لكن لما تكون نغزه لو بالاصبع الصغير جنب الاظفر بحدود زاوية الاظفر وانا قلق ادخل بهلع هههههههههههههههه

ويبدا التفسيرات الى اغلبها انتهي وحده من الثنتين يا بيغمى علي اوبموت وكل هذا بسبب نغزة باصبعي الصغير، اجل لو كان الابهام وش بيصير هههههههههههههههه


وهذا هو فن التطنيش، لا تراقب جسمك وانت قلقان فقط لا اكثر ولا اقل.


وشكرا لكم

المصدر: نفساني

صدقت أخوي ماندوزا شفت الأخ علي اليامي الي طرح تجربته قبل فترة وكيف قضاء علو نوبات الهلع كان أهم شي أعتمد علية بعد الله هو التطنيش يعني التطنيش شي مهم في العلاج وفقك الله ويسر أمورك وفرج همك

المشاركة الأصلية كتبت بواسطة ألم مستمر

صدقت أخوي ماندوزا شفت الأخ علي اليامي الي طرح تجربته قبل فترة وكيف قضاء علو نوبات الهلع كان أهم شي أعتمد علية بعد الله هو التطنيش يعني التطنيش شي مهم في العلاج وفقك الله ويسر أمورك وفرج همك

صحيح، بس تطنيش القلق مو الهلع،، لان الهلع ما احد يقدر يطنشه لانه اذا وصل مهما عملت ما بتقدر تسوي شي. الهلع حله الوحيد القبول به ومجاراته لين يروح. اما القلق صح يتطنش لكن احنا نخلط بينهم وهذا هو سبب اننا ما نشفى من الهلع لاننا نحاول نطنش شي ضربنا وخلص وهذي هي المعضله.