هاااااااااام

هاااااااااام

سلام عليكم ورحمة الله
يمكن اغلبكم يعرف معاناتي بس اليوم طرحت هالموضوع فعليا عشان اعرف...هل المرض الروحي والوسواس القهري بسبب عين وحسد او شيطان او ايش؟؟؟ قبل 3 سنوات بالضبط كان فيني خوف طبيعي الى حد ما لكن من بعدها وانا في عالم غريب وسواس خوف والم نفسجسدي وقلق وش السبب الله اعلم هل انا افكر بواقعيه وعشان كذا صرت اخاف ولا هي توهمات؟! بسبب فراغ!! فعليا ماصرت اعرف لنفسي صرت اكل حبوب نفسيه وماادري وش صار وليه انا صرت كذا مع اني كنت انسانه اجتماعيه قبل واضحك وانكت عليهم!! تتوقعون حسد وهل الحسد يوضح بالقرائه !! صدق فقدت شخصيتي الاولى!! الحمدالله لازلنا افضل من غيرنا لكن صرت ماافهم لروحي نوبات الخوف تخوفني...هل فيه شي اسويه اقدر اعرف اذا فيني حسد او عين؟

المصدر: نفساني

اهلا اختي

للاسف صار في عندنا هوس مو طبيعي بالعين والحسد لدرجه ان اغلب الناس تخليه هو الاصل في الامراض ولا احد ابدا يشوف المسببات له وتصير فيه مشاكل اكبر لان ما احد يلجأ للعلاج الصحيح. الرقيه مطلوبه في كل مرض سواء بتاخذين علاج او لا. يعني واحد مصدع عادي ياخذ بندول ويرقي نفسه لان الرقيه محموده. اما ان المرض نخليه عين ومس وحسد ك اصل هذا الغلط.

الشيخ سلمان العوده اصلا قال ان هذا لا يصح لان الامور هذي ك العين والحسد ماهي الاصل وهذا مقطع مدة 3 دقايق ممكن تشوفيه اسمه ( قضية المرض النفسي والمس والسحر والعين الشيخ سلمان العوده )
https://youtu.be/yZC7tpL3qQo

وهذا ايضا الشيخ المغامسي مقطع مدته دقيقه وربع يقول ان الاكتئاب مرض قطعا اسمه ( ما هو علاج الاكتئاب الشيخ صالح المغامسي )
https://youtu.be/liGu8lJtdEk


ف الي فينا امراض لان العين والسحر لها اسباب، واذا اجتمعت الاسباب ممكن تقولي عين او حسد او سحر مع اني لي وجهة نظر في هذول لان انا اعرف بكتاب الله ان الشيطان مستحيل يسويلي شي ابدا الا يوسوس لي اني اعصي ربي وليس ان امرض. العين حق والحسد حق ، لكن كل شي له سبب اما نخليها الاصل ف هذا الي يزيدنا سوء.

اما العلاج، قد يطول او يقصر ، لكن دائما معرفة المرض بالضبط هو بداية العلاج يجب ان نعرف اصل مرضنا القلق الخوفي او قلق الوسواس او ايش بالضبط عشان يعرف الطبيب الجرعه المناسبه.لانه قد يكون دوائك جرعته للرهاب لان ما عرفتي توصلي للدكتور المرض صح وانتي فيك وسواس وحرعة الوسواس تكون اكبر من الرهاب.

واتمنى اني ما طولت

اختي لين
ما توهمي نفسك انه فيكي أشياء
لأنه هالشي يزيد الأمر سوء
صحيح كل شيء موجود بالقرآن الكريم
الحسد والعين
بس ما تقنعي نفسك فيهم
توكلي على الله اختي
وما تخلي الوسواس ينال منك
تحصني بالأذكار والرقية الشرعية
وحاولي تشغلي نفسك بامور تانية
حتى ما يكون في فراغ عندك
لأنه هي فرصة للوسواس يستفرد فيكي ويتسلط عليكي

الله يقويكي اختي
سلامتك ألف سىلامة عليكي :)

اختي اقطعي الشك باليقين واسمعي رقيه وراح تعرفين اذا عين او شي ثاني

عين قوية وقديمة وعليك بالأتي :
الاستحمام بسدر مقريء عليه من عند أي شيخ ثقة لمدة 10 أيام .
الاستماع للرقية يوميا.
التصدق بنية الشفاء .
صلاة الليل والدعاء مع اليقين بالشفاء بإذن الله .
ملعقة عسل وأفضل عسل البرسيم لأنه مفيد للالتهابات وبارد على المعدة على كأس ماء دافي وشربه على الريق. ويفضل زمزم مقري عليه .

بالتسبة للاستحمام بالسدر يكون ليلا قبل النوم ويبقى السدر على الجسم لمدة 10 دقايق .
نصيحتي توقف بالتدريج عن الأدوية النفسية وطبق ما ذكرته أعلاه وبتحس بتعب بس الصبر.

جزاكم الله خير الجزاء والله يعافيكم جد انا كنت اسال لان ماعرف سبب الوسواس ؟ والخوف ..بدر مررره شكرا بجرب كلامك واقولك باذن الله ..

سبحان الله لما الناس تموت سعاده وفرح لما تسمع انها معيونه ومحسوده وكأنه طوق النجاة وممكن تجرب اي شي عشان تقتنع انه فعلا جن يتلاعب بهم ويحرك حياتهم مثل ما يبون. سلطان الجن صار قوي علينا وعطيناه اكبر من حجمه خلافا لقول الله تعالى
استغفر الله العظيم من كل ذنب عظيم

المشاركة الأصلية كتبت بواسطة ماندوزا

سبحان الله لما الناس تموت سعاده وفرح لما تسمع انها معيونه ومحسوده وكأنه طوق النجاة وممكن تجرب اي شي عشان تقتنع انه فعلا جن يتلاعب بهم ويحرك حياتهم مثل ما يبون. سلطان الجن صار قوي علينا وعطيناه اكبر من حجمه خلافا لقول الله تعالى
استغفر الله العظيم من كل ذنب عظيم

هذا مثل الشماعه اللي نعلق عليها أمراضنا
لأن الخوف والقلق الغير مبرر لازم نلقى له سبب
ما أخفيك اني مرات أفكر كذا
وقد كتبت موضوع شبيه فيه
> إعتراف 🌚
بس انا من كثر ما سمعت من حولي قصص وأشياء حقيقيه شفتها قدامي
فصرت أخاف انه يكون هو السبب
أو أن الناس اللي يحكون لي كذابين ويهولون الامور
على قولة معالجي "المفسدون في الأرض"
وطبعا الواتس آب ما يقصر

المشاركة الأصلية كتبت بواسطة انعكاسات

هذا مثل الشماعه اللي نعلق عليها أمراضنا
لأن الخوف والقلق الغير مبرر لازم نلقى له سبب
ما أخفيك اني مرات أفكر كذا
وقد كتبت موضوع شبيه فيه
> إعتراف 🌚
بس انا من كثر ما سمعت من حولي قصص وأشياء حقيقيه شفتها قدامي
فصرت أخاف انه يكون هو السبب
أو أن الناس اللي يحكون لي كذابين ويهولون الامور
على قولة معالجي "المفسدون في الأرض"
وطبعا الواتس آب ما يقصر

ايوه مثل السدر هذا ماهو موجود بالسيره اصلا انه علاج روحي وهو فعل السلف وحتى هيئة الافتاء قالت ما له وجود بالسنه النبويه عن علاج شئ روحي اساسا بل انه يغسل به الميت وهذي هي السنه النبويه.

ما اقول الا لا حول ولا قوة الا بالله.... اعطينا الشيطان اكبر من حجمه لحتى صار هوس مو طبيعي. الوسواس مرض وليس روحي ، لو روحي كان راح مع التعوذ بالله لكنه ما يروح ..... هذا يعالج واذا كان على حد زعم البعض ان الوسواس القهري هذا من الشيطان معناها ما رح نتحاسب على اي عمل نقوم به ابدا واحنا مصابين ( بالمرض الروحي هذا الي يقال عنه ) لاننا ببساطه مالنا دخل بللي الشيطان يسويه فينا.

والله يا اختي انعكاسات انا عن نفسي واثق بديني وربي ولما قال ان الشيطان ماله سلطان علي ف انا اثق بربي ولا ببرر مرضي واعصي كلام ربي عشان ارتاح نفسيا ... ومع هذا ما ارتاح نفسيا بالعكس لو انه شيطان واتعوذ كثير ولا يروح معناها ديني غلط فيه شي لان مع التعوذ يروح وهنا تبدا وساوس العقيده تكبر.

بدال ما نعالج مرض نصير بشي اكبر.

الله يعينا جميعا اختي انعكاسات وبالنهايه كل شخص وله قناعاته بس ان شاء الله القناعه ذي ما تكون على حساب كلام الله عز وجل

افوتكو بعافيه هههههههههههههه