قالولي يمكن حد عاملك عمل

قالولي يمكن حد عاملك عمل

انا مكتئب من حوالي 10 سنين ... حاسس كأن الدنيا كلها وقفت مره واحده ومش راضيه تتحرك خطوه واحده لقدام او لورا .. دايما بقفل على نفسي غرفتي و اقعد في الضلمه ... اتظاهر اني نايم ... احاول انام بلا فائده ... اقرأ اي كلام .. اكتب اي كلام .. اتفرج على اي حاجه تنسيني الواقع اللي انا فيه لحد اما انام بالفعل ... تعبت جدا واتمنيت كتير اني اموت .... قالولي يمكن حد عاملك عمل ... رحت لشيوخ كتير ولدجالين و مشعوذين ولأي حد قالولي ان ممكن الاقي عنده الحل ... لكن بلا فائده .... رحت لدكاتره نفسيين .. بس بصراحه مش كتير ... انا اصلت بحس ان مشوار الدكتور او الشيخ او الدجال ييكون مشوار تقيل جدا على قلبي ... هي اصلا كل الخروجات بره البيت صعبه جدا عليا ... دا انا بستتقل اني اخرج بره الاوضه او حتى اني اقوم من على السرير .... المهم الدكاتره كتبولي علاج بس مكنتش باخده بانتظام ... و كتير بطنشه ... قبلها كنت جايب دواء اسمه لوسترال كنت قريته على النت و كنت مشيت بيه فتره مع نفسي ... كنت بحس باللامبالاه ... لا مبسوط ولا زعلان ولا فرحان ولا مكتئب لا خملان ولا نشيط ... كنت بحس ان دماغي بارد ودمي بارد .. كان الكلام بيطلع مني بصعوبه وكنت بنسى بسرعه .. كنت حاسس اني هيجيلي زهايمر قريب ... بس لما كنت ببطله كنت بحس بإكتئاب شديد جدا .... فكنت ببطله ساعات و ارجعله تاني بعدها .... انا دلوقتي مبطله بقالي كام شهر .. بعدها لاقيت نفسي كل شويه تجيلي الهواجس القديمه ومش عارف اهرب منها... دلوقتي مسيطر عليا هاجس ان الحياه ملهاش اي لازمه وان الموت احسن منها بكتير .... بفكر بجد اني انتحر ... انا اصلا حاسس اني بموت بالبطيء ... بتمنى اني اموت مره واحده واخلص من الهم اللي انا فيه ... انا استكفيت من الدنيا ومش عاوز منها اي حاجه .... ياريت اموت واخلص

المصدر: نفساني

لاحول ولاقوه الا بالله
كلنا نعاني يااخوي
عليك بالصبر وحافظ على صلاتك واذكارك واقرأ سوره البقره يومياً كرقيه
اللي فيك اكتئاب فقط راجع معالج نفسي كويس وانتظم على ادويتك
كل اللي بتحسه من الاكتئاب ف انتظم ع الادويه والله وحده الشافي المعافي
الله يشفيك ويعافيك