|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
17-11-2016, 08:49 AM | #1 | |||
عضو نشط
|
تعبااانة ادخلوا 😨
السلام عليكم ورحمة الله وبركاته
اول شي بقول لكم عن مشكلتي اللي متعبتني وهالكتني انا اصلا من يوم يومي مهلوعة من وانا في متوسط تجيني نوبات مثلا خوف من الموت بس عادي وتستمر أشهر وتروح ورجعت لي في ثانوي سنة او سنتين خوف من الموت ووسواس أمراض وعدم القدره على النوم والحمد لله أتخطى الحالة ومتفوقة كنت في دراستي طبعا كل ذَا ومحد يدري عني المهم ورجعت في بداية زواجي وتعبت مرة من الدووووخة وضيق التنفس وخوف من الموت والخوف من الإغماء والامراض والحمد الله عدّت بعد ماحملت لهّيت شوي عنها المهم بعد ماجبت ولدي الثاني بكم شهر رجعت الدوخة والخوف من الأمراض والسرطان وتحديداً (سرطان الدم والثدي ) لدرجة احس ان فيني الحين ورافق هالوسواس ضيق في التنفس وكتمة ودوار وخوف من كل شي رحت افحص ع الثدي لان كنت أرضع وصار فيني انتفاخ في الإبط وعشت ايام سودا الدكتورة فحصتني بس بالسونار قالت ان عضلات مشدودة وحليب متجمع ومو سرطان وقالت لي مابتسوي لي ماموجرام لان مااحتاجه ودكتورتين أكدوا لي الكلام هذا الكلام من 7 شهور المهم لهّيت شوي عنه بس كان شاغل بالي ع طول وللحين خايفة المهم في نفس فترة اللي قبل 7شهور بعد بدّيت الاحظ فخودي وسيقاني كدمات خضرا وتصير بنفسجية ليما تختفي وماتلّحق تختفي الا وطلع غيرها سويت فحوصات دم قلت للدكتورة انه اكيد سرطان دم لاني قريت أعراض سرطان الدم ،،وطمنتني.. وانا خايفة ومو مرتاحة ابد وظهرت النتائج وكل شي كان سليم بس ڤيتامين دي طلع نازل بس قد حللت من بداية زواجي ونفس الشي كان ناقص والحين ارتفع شوي بس مازال وڤيتامين ب12 برضو نازل وقالت لي اذا ابي اخذ حقن او حبوب وطنشت الاثنين المهم ارتحت شوي اسبوع وبعده قمت اوسوس لان للحين والكدمات باقي تطلع وتختفي تطلع وتختفي في السيقان والفخود والذراعين وطول هالمدة تعبانة واوسوس انه اكيييد سرطان دم الله يبعده عني وعن جميع المؤمنين والمؤمنات يارب ،، مااتنهنى في شي طول فكري فيها ومو مرتاحة من داخلي حتى وقت النوم احس ان نفسي يضيق وحتى وانا قاعدة المهم وقبل كم اسبوع كنت توي راجعة من بيت صديقتي وف السيارة نزل زوجي البقالة المهم نسيت اقول لكم ان عندي فوبيا مصاعد وأماكن مغلقة مؤخرا جاتني المهم كنت جالسة ع الجوال وعادي مافيني شي ولا كنت خايفة او جايتني حالة الكتمة حق الأماكن المغلقة فجأة وبدون سابق إنذار حسّيت بشي غريب مدري وش هو لدرجة للحين اقعد أعيد الموقف اللي صار في بالي واتخيله ،، : حسّيت بحراره ورا راسي وفي يديني ورجليني وفجأة مقدرت أتنفس مافي هوا في ذي اللحظة قلت الموت حسيييت بالموت ودقات قلبي في تسارع وادق ع زوجي ويجي قلت بموووت المستشفى بسرعة ع المستشفى حسّيت اني احتضر وقلت الموت جا واللي جا في بالي ان اكيد هذا من سبب الكدمات اللي تجيني سببت جلطة اكيد ونزلت عليّ رجفة وبرد مو طبيعي وكل مافيني يهتز نص ساعة ووصلنا المستشفى وانا حاسه بغثيان ودوخة ومو وقادرة أمشي اتخيل ان ذي اخر لحظة لي بالحياة جا الدكتور قاس لي الضغط قال طبيعي مافي ولا شي اللي فيك هلع وانا للحين اهتز وارجف ودخلوني غرفة طبعا قلت لهم عن الكدمات لان هي اللي منكدة حياتي زود ع اللي فيني سووا لي تخطيط كهرباء للقلب قالوا مافيني شي هنا شوي شوي النوبة خفّت بس مازالت الدوخة وسووا لي تحليل بول ودم وأشعة للصدر وتخطيط للقلب وانا خااايفة انتظر النتائج المهم جا الدكتور وقال لي كل شي سليم النبض طبيعي وأشعة الصدر والدم كل شي كويس وسليييم ومافي تجلط ولا سيولة عاد قلت للدكتور لو ان في سرطان دم بيبين؟ الله يبعده عنا ،،صرخ في وجهي قال كريات الدم البيضا ف الحد الطبيعي جددا لو ان لوكيميا كان بتكون مرتفعة فوووق شوي تطمنت وطلعت بس فيني خوف مارتحت وكنت من قبل اقرأ ان الكدمات سببها نقص ب12 وانا فيني بس ماخذت له علاج وطبعا عايشة خايفة تجيني النوبة لان كانت أقوى نوبة تجيني وأقول اكيد بداية الموت ذَا لان ماجتني بقوتها كلللل فكري بالموت واتخيله وعايشة في ترقب الحالة وخووووووف مو طبيعي وكتمة وضيق تنفس و حتى لو سحبت هوا بقوة احس مايدخل جوا و لما انسدح احس الدم كله في راسي ودوار ووهن وتعب ودوووووخة احس ترفعني لفوق ومن اذكر النوبة دقات قلبي تزيد ونفسي يضيق زيادة،، 😭😭اللي فيني وشو عضوي ولا نفسي ولا سحر ولا عين انا مو عااارفة وتعبااانة ادعولي تكفون جالسة على اعصابي أفيدوني وسوري ادري طولت عليكم بس ماعندي احد افضفض له سلامي❤ ودعواتكم💜 المصدر: نفساني
|
|||
|
17-11-2016, 09:24 AM | #2 |
مراقب عام
|
مرضك نفسي فقط.
لديكِ قلق المخاوف إلى جانب الوسواس والأعراض الجانبية, هناك عده مقاطع فيديو في اليوتيوب ابحثي عنها وتابعي خطوه بخطوه الكلام وراح تستفيذي كثير خصوصا وليس لديك حد بجانبك بالبيت تشكي له |
|
17-11-2016, 11:45 AM | #3 |
عضو نشط
|
مريت بمثلك عزيزتي مابقى مرض ماوسوست به هو سرطان هوجلطة والله وكيلي ووكيلك وساوس واحلام ومفزعة وكلها تابعة للنوبات حطي اي شي يجيك اجزمي انها بسبب النوبات وكل ماجات هدي نفسك وقولي شوي وتروح شوي وتروح انا مافيني شي مافيني الا العافية رددي هالعبارات مع الاستغفار والتسبيح الين تختفي النوبة
|
|
17-11-2016, 06:18 PM | #4 |
عضـو مُـبـدع
|
هذا هلع وقلق ووساوس
لاتسترسلي معاها وطنشيها صدقيني بتخف مع عدم الاهتمام فيها وتكبيرها بس اهم شئ لازم تعالجي فيتامين ب 12 لانه مهم جدا جدا ويسبب اعراض كثيرة |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|