هل يفيد البروزاك لحالات تقلب المزاج ؟

هل يفيد البروزاك لحالات تقلب المزاج ؟

مساء الخير يا احبة ..

انا حابة استشيركم بخصوص بروزاك لاني قررت استخدمه بعد طول بحث وقراءة بتجاربكم ..

فكرت استخدمه بدون وصفة طبية لان سبق وراجعت طبيب واخترت بنفسي نوع العلاج لكن ما فادني ..

اول شي بذكر لكم تفاصيل حالتي ، من زمان وانا اعاني من تقلب المزاج بدون ما اعرف السبب ، كنت الاحظ اني معنوياتي منخفضة

واحس بالضياع ونقص الحماس حتى باوقات العمل الرسمي ، هذا من سنين .. ولا رحت اعالج لان كنت اظن الموضوع متعلق باشياء خارجية

اقدر اتحكم فيها زي عملي وعلاقاتي وغيره ...

لكن السنوات الاخيرة صار التقلب اسوء واوضح ، صرت احس بحزن وضيقة حتى بالاوقات الي اختلط فيها

مع الناس الي احبهم ... وصرت دايم اتمنى الموت واحس انه اريح من الحياة .. ارتاح لمن اسمع طاري الموت

والشي الثاني مع تقلب المزاج هو ان ذهني دااااااااااايم وبشكل مستمر يسترجع امور صارت بالماضي وانتهت لكن اثارها باقية بنفسي ..

دايم افكر فيها واقول ليش ما سويت كذا وكذا ، واتالم من الشعور الي يجيني وقتها ..

حاولت اطرد هالتفكير السلبي لكن يظل دايم يرجع ..

ومع هالمزاج والتفكير السلبي صرت احس مؤخرا بخنقة كان احد ضاغط صدري من داخل ، مرات تكون كانها كتلة ببداية المريء احسها

وصلت حد اني احيانا ااخر الصلاة وتسوء معاملتي للي حولي ولما يصير موقف بسيط يضايقني ابكي و اقعد ايام متنكدة ومقبوووض على صدري ويالمني

عام 2015 راجعت طبيب نفسي وكان جدا متعاون ومتفهم (د. عبد الله السبيعي ) ونصحني بجلسات العلاج المعرفي ، وانتظمت بالجلسات واستفدت منها نوعا ما

ايضا طلبت منه يصرف لي سبرالكس ووافق واستخدمته لمدة سنة ونص ، كان عادي حليو لا باس به ، لكنه ماترك ذاك الاثر القوي بمزاجي الى درجة اني ارجع له

قبل فترة بسيطة كان يوم خميس وصحيت الصباح بدري وانا كارهة الدنيا ، واستمر هالشعور ساعات ، كان عندنا مناسبة ورحت وتغير مزاجي للاحسن مع الناس

لكن مجرد ما رجعت البيت رجع نفس الاحساس الي قمت عليه الصباح ..

ومرة كان مزاجي شبه طبيعي وطلعت العصر السوق اكلت شي خفيف مجرد ما خلصت ورحت بشتري الاغراض جتني كتمة قوووية وضيق اضطريت معه اني اطلع

مباشرة من السوق قبل اخلص اغراضي ، ومع اني وصلت البيت ما راح هالشعور ...

وايضا لاحظت بس من تالي بالسنوات الاخيرة انه صار عندي توتر وهياج يجي بين فترة وفترة بالاوقات الي ما ينتظم فيها نومي ، اكون مثلا سهرانة واحاول انام 4 ولا 5 الفجر واحس بهاللحظة

بعصبية وتوتر اصير معه احرك رجولي عمدا عشان احرر هالاحساس .. لكن هالجزئية مو مرة متعبتني لانها ما تجي الا بين فترة وفترة ..

الان افكر بالبروزاك عشان شي واحد : عشان ما يتقلب مزاجي ويظل على الحدود الطبيعية وعشان لو جت الافكار السلبية براسي ما تلعب بنفسيتي لعب ..

فهل فيكم احد جرب البروزاك لاعراض زي الي عندي وتحسن عليه ؟

الف شكر مقدما ..

المصدر: نفساني

والله ما انصحش اختي تاخدين ادوية نفسية اذا ما كنتين مجربتنه من قبل هذا دوامة واذا فتريتين فيه ما راح تتركين الادوية

اذا كانت المشكلة بسيطة ممكن تتغلبين عليه بوسائل ثانية فاستعيني بوسائل ثانية تغلبش على هذا المشاكل بعض الادوية النفسية اليه مشاكله

اسالي مجرب ولا تسألين طبيب ممكن مع الزمن تسبب اليش تبلد في المشاعر وتقتل عاطفتش فالافضل انك تتعايشين مع الوضع وتتغلبين على المشاكل البسيطة

موفقين

قرأت العنوان فقط

اذا كان تقلب المزاج مرتبط بأحداث معينه فهو لا يفيد


اما اذا كان من دون سبب ف نعم مفيد و لكن يجب أخذه بوصفه طبيه لتحديد الجرعات

انا جربت بورزاك على كلام الدكتور لمده ثلاثه اسابيع لكن مالاحظت شي من حيث تحسن المزاج صحيح لاحظت انه افضل من بقيه الادويه اللي جربتها يعطيك يقظه و الخمول يكون اقل

البروزاك هو الدواء الرئيسي الذي تدور جميع الادوية الحديثة في فلكه ،، لايسبب اعراض جانبية ،،، فهو افضل علاج للاكتئاب والقلق ،، واقولها عن تجربة .