بمووت من الخوف بليز الكل يدخل

المشاركة الأصلية كتبت بواسطة خديجةةة

والله للحين حالتي صعبه ساعات بقول صح اضغاث احلام

بس يجيني صوت في راسي خلاااص انتي فسرتيه في قوقل مو اضغاث احلام هذا خلاااص فسرتيه هذا انذار و بيقع

مع اني بس اخذت الرمز الي في الحلم و كتبتو في قوقل
وربي احسني في لحظة يأس و احسني اسوء من بداياتي في الوسواس

فعلا نخاف نقول او نحكي او نفسر اي حلم
حتي لو كتبنا رمز في جوجل او قلنا رمز لحد نخاف اننا قلناه

والله حالتي من امي يرثى لها

هايفه حتى اروح جمعة الاهل اليوم ):

اشوف اخواتي متحمسين وانا خايفه

وربي مو قادرة اوقف على رجلي

اتوكلي على الله و صدقيني مابيصير الا كل خير

شوفي امس طول الليل اسولف معاكم عن الاحلام ماقدرت انام كل نص ساعه افز على حلم خلاص لان مخي يفكر بهالموضوع بس انتي اهم شي انسي قوقل
وحطي في بالج انه قوقل كذاب و اقنعي نفسج بهالواقع بيخف عليج الخوف شوي شوي وقولي ورددي الحلم حلم خرابيط مب واقع لاني كنت افكر فيه و نمت وماراح يصير شي ان شاءالله و طلعي صدقه وتوكلي

لو أخذ ريال على كل موضوع يشتكي من نفس اللي تشكين منه كان صرت مليونير

المقصد و انا اخوك خذي لفة ع القسم بتلقين كثير يشتكون من وسواس الأحلام و كل شخص يشوف انه حلمه مختلف و ليتحقق لكن بالنهاية تطلع كلها اضغاث احلام.

لا تقلقين و تعودي من ابليس ...لازم تقولين قلبك شوي و تتعلمين تطنشين ....هذي أفكار و وساوس طبيعية تنتج من القلق و مهما بدت لك حقيقية مالها اي أساس.

ما تشوفين شر ان شالله

عندما تحدث رب العزة على الموت...في القرأن..قال إنما يأتيكم بغته........اي فجأه ....ومن مكائد النفس والشيطان
ان يجعل الانسان ينتظره ويشعر بأحاسيس غير مضبوطة اي وهمية من خلال ثقافة الشخص عن الموت.....عشان متخفيش من الموت اعملي لليوم الذي تموتين فيه...يعني
متقصريش...صلي وصومي وقومي بفروضك وتصدقي وبكده حتحسي انك بتعملي كل اللي عليكي فيجي الموت يا مرحب به......اكثري من الاستغفار والصلاة على النبي عليه الصلاة والسلام ......اعملي اللي عليكي واعتبري وسواس الموت تم القضاء عليه

اختي انا وايد احلام تزعجني وكنت في البدايه اسير افسره واخاف بس من بعدها استوييت ما افسر واحاول ما افكر واقول احلام شيطان وارتحت صح لو يتني احاول اطنش واسوي مثل ما قال الرسول نستعين بالله وننفض الجانب الايسر ثلاث مرات والله بتترتاحيين وبعدين كثير احلام من شيطان فلا تعبيين عمرج ونصيحه مني لج طنشي وبرتاحيين

الاحلام غير الرؤى وبما انك اختي في حالة قلق و توتر العقل الباطن يخزن كل الصور السلبيه اللي شحنتيها فيه طول اليوم ولما تنامي يبدا يطلعها لك باحلام .. عملية النوم عمليه معقده اللي ينام هو عقلك الواعي لكن العقل اللاواعي اللي هو الباطن ينتظر لحظة الهدوء غشان يسترخي ويلاقي مسكين وقتةاسترخائه صور سلبيه وافكار سلبيه تخزنت فيه يطلعها لك على شكل احلام .. حاولي اختي تمشي المشي التأملي اللي هو البطيء لمدة عشرين دقيقه وحفزي نفسك بكل ماهو ايجابي قولي لنفسك انا الان امر بأزمه نفسيه وراح تنتهي سمي على نفسك قولي يارب ساعدني وكن معي انت ولي ذلك والقادر عليه .. اطلبيه وحده هو فقط القادر يشيل منك كل مايحزنك .. الله يطمنك ويريح بالك ويرزقك السكينه يارب

ماتتخيلو يا اخواني العقل الباطن وش يسوي بالانسان يا يجلب له الهدوء والسعاده يا يقلب حياته رأسا على عقب والتفائل وحسن الظن بالله هو اللي تبرمجيه في عقلك الباطن .. صحيح احنا بوقت الازمه نكون هشين وضعفاء جدا لاننا نعاني من الم الروح وألم غير مترجم وصعب لأي شخص يوصفه سواء لدكتور او صديق لكن مايمنع اننا ندرب انفسنا شوي شوي الى ان نصل لقناعات ايجابيه تنعكس على الحياه بشكل جميل .. يارب يرزق كل انسان الطمأنينه والهدوء

الله يطمنكم جميعا ونفرحً يارب كلنا بشفاءنا

السلام عليكم ورحمة وبركاته.
وسواس الموت يمكن النغلب عليه بتقبله. فالموت علينا حق. وكلنا سنموت ويبقى الله عز وجل الحي القيوم. لذلك لا يمكنك التغلب على فكرة أننا سنموت.
أما متى سنموت فهذا علمه عند الله. فالموت يأتي بغتة لا ينذر صاحبه. فالواجب يا أختي بعد أن تقبلي بالفكرة, أن تعملي لما هو بعد الموت . فهنا يجب الخوف من الله عز وجل ورجاء رحمته إنه هو الرحمان الرحيم. ويجل عليك أن تتوبي إلى الله من كل الذنوب وتعملي أعمال كثيرة فيها مرضاة لالله فهذا ما سيجعلك تطمأنين مع نفسك ولا تعودي إلى الخوف من الموت, لأك متيقنة برحمة الله. وعلمي أن الله يغفر الذنوب جميعا إلا الشرك.وأنه هو التواب الرحيمو الله عز وجل يحب التوابين. فطريقة التفكير هذه يا إختاه إن شاء الله هي التي ستذهب ذلك الوساوس مع الوقت. هذا والله أعلم.

قسم بالله اللي تعانين منه احس فيه وامر عليه
تدرين انا حلمت قولي وايد احلام واغلبها غير حميده اتفل ع شمالي وفي يوم من الايام حلمت شفت رمز ، كتبته معنى... في الاحلام طلعلي الموت ، والله واستويت اخاف اشوفه في منامي والرمز بدا يتكرر، وفي شي ثاني شفته من فترة بسيطة ، ما ابغي اقوله ولا ابغي افسره لاني اخاف يتحقق شي والله وايد مخوفني والعياذ بالله وصعبه اكتب في قوقل تفسير هالشي لاني اعرف اني ما بتحمل ، من الخوف ييني وسواس يقولي " مفهومه ترا ما يبالها تفسير حق شو تضيع وقتك ؟ " قسم بالله اللي انا فيه شي ماقدر اوصفه خوف على مشاعر يعني احس اني ابغي انعزل واصيح وعقبها كتبت في قوقل اشياء كانت في راسي وقريتها و90% من هالاشياء انا اعاني منها ما ابغي اقول والله حاولت اكتب موضوع بس خوفي هذا والعياذ بالله ما خلاني يقولي مب زين الناس تدري ومادري شو ، افف ياخي شو هذا ، الواحد صدق ما يعرف يرتاح تدرين انا يومي كله قلبي يرجف وارقد وقلبي يرجف انش اليوم الثاني وقلبي يرجف ، غير هذا اشوف اشياء عقلي يحللها اشياء مخيفه وتزيد مخاوفي وايد
الصراحه عسب جي ادش المنتدى اقرا مواضيع الغير ارتاح شوي احس ان الوسواس سالفه سخيفه وتافهه ، والله وايد اشياء ابغي أقولها بس خايف.....

عسب جي ابا اقول شي ، ان هذي كلها وساويس شيطان ومن رحمة الله انه ما خلانا نعرف متى الموت ومتى موعده وكيف و..الخ هاي اشيا غيبيه محد يعرف عنها غير رب العالمين
ولانها غيبيه يبدا الشيطان يلعب شرطي حرامي ، يدش في المنام ويرسم لج اشياء تحسين انها رؤيا من عند الله لكن هذي كلها اضغاث ولعب شيطان لانه ماله حل غير انه يرسم لج شي يوهم لج ان في شي غيبي طلع في حلمج وتفسيره كذا وكذا لكن انا قبل سمعت لاحد المشايخ ان كل منام يختلف لان كل نفسية تختلف .

نتفاءل ونكون ايجابيين ونتوكل على الله اللهم اننا سلمنا لك امرنا فاشفنا وعافنا يارب العالمين
انا مقتنع ان هذي الاشياء كلها وساويس واوهام لكن الشيطان والعياذ بالله يعرف يلعب عدل في المنام واهني 2-0
استغفرالله العظيم بس

فعلا معظمنا نخاااااف من الاحلام وكل ما نحاول نتحسن يجي حلم يرجعنا للصفر او اي شيء اخر يرجعنا للخلف
وكل واحد فينا تجيله فكره انه يخاف يكون حلمه مختلف عن الاخرين

الله يشفيك
هل تعانين من ضربات القلب القوية أو من خلل في دقات القلب؟ نعم أم لا؟
يوجد دواء يعالج ضربات القلب القوية والخلل في دقات القلب اسم الدواء الأندرال موجود في مستشفى الطب النفسي.