7 سنوات اعاني من الوسواس

7 سنوات اعاني من الوسواس

السلام عليكم ورحمة الله وبركاته

بداية راح اخصتر قصتي حيل ، انا اعاني من الوسواس القهري منذ 7 سنوات وكانت الافكار الي تجيني كثيره لكن اكثرها عن الخوف من اني اضر الاخرين سواء اثناء قيادة السياره او بأي شي ثاني وتجيني ايضا وسواس التأكد من اقفال الباب والتاكد من الاشياء وايضا الخوف من السفر مع اي انسان غير اهلي عادي اسافر معاهم المهم الحين صارلي شهر اعاني من وسواس تعبني حيل وهو وسواس الخوف من النوم صرت ما انام يوم ونص او يومين واذا نمت احس اني ما نمت واحسب الساعات الي نمتها واذا طولت وما نمت اكون متوتر حيل وخايف وابكي واحس اني ضايق وفاقد لذة الحياه ومجرد اني انام واقوم تروح مني الضيقه والقلق وارد طبيعي والوسواس هذا تعبني حيل يروح ويرد علي صارلي 7 سنوات للامانه متعايش مع الوسواس واحاول احتقرها واعيش يومي ومافكرت اروح لطبيب نفسي بس الوسواس الاخير بالنوم خلاني اروح لطبيب نفسي وقلت له عن كل الي مريت فيه من 7 سنوات وعطاني دواء برستيك حبه كل يوم اول 3 ايام بعدين حبتين كل يوم ودواء سيروكويل عند اللزوم اذا حسيت اني ماقدر انام والحين توني بالعلاج تنصحوني اكمل على العلاج الدوائي وهل منه فايده للي مجرب ولا شنو اسوي للامانه خايف من العلاج الدوائي شنو تنصحوني فيه وبالنسبه لعلاج برستيك هل هو علاج ممتاز وفعال وشنو الاضرار الي ممكن تواجهني

المصدر: نفساني

و الله ما عندي خبره في الادويه و العلاجات النفسيه
لكن ما حبيت اخرج بدون ما ادعي لك

الله يشفيك و يبعد عنك الوساوس يا رب

ليه خايف من العلاج الدوائي في ناس مش بترتاح الا علي الادوية لو ارتحت عليها استمر وربنا يشفيك

llkkkkkkkk

اسم نصيحتي من تجربة الوسواس من 25 سنة
خذ علاج دوائي سبرالكس لمدة 10 شهور ولا تتركه راح تشفى باذن الله خلال 10 شهور
ابدأ بجرعة 5 ملجرام لمدة خمسة أيام ثم حبة 10 ملجرام لمدة اسبوعين ثم زد نصف حبة لمدة اسبوع ثم حبتين 20 ملجرام على طول ولا تتركه نهائيا
خذه طوال العمر يسبب خمول في البداية وارق وقلق مع الوقت يختفي
10 شهور وانت طيب باذن الله ولا تتركه نهائيا خلك عليه انا جتني انتكاسات بسبب ترك الدواء والغرور بعد الشفاء
ياخي الله خلقنا عندنا وسواس والواجب الرضى والقدر بما كتب الله لنا

تقبل تحياتي

اخوي عزيز
اتفق معاك خذ العلاج طول العمر المهم ترتاح
انا مشكلتي اذا تركت العلاج يرجع الوسواس مره ثانية
الحمد لله هذا قدر الله ومشيئته اذا الواحد ما تعالج هنا المصيبة يكبر الوسواس القهري الى أبعد الحدود

المشاركة الأصلية كتبت بواسطة نبراس النبراسي

اخوي عزيز
اتفق معاك خذ العلاج طول العمر المهم ترتاح
انا مشكلتي اذا تركت العلاج يرجع الوسواس مره ثانية
الحمد لله هذا قدر الله ومشيئته اذا الواحد ما تعالج هنا المصيبة يكبر الوسواس القهري الى أبعد الحدود

خذ العلاج على طول وش المشكلة الدواء سليم 100%
ولا يسبب اي مشاكل صحية فقط في البداية خمول وجفاف في الفم وارق ثم تختفي
اعرف واحد طول عمره ياخذ السبرالكس وهو شفي تماما
ولما سألته ليش ماتتركها قال لي اخشى الانتكاسة

وعليكم السلام ورحمة الله وبركاته
ماعندي خبرة في الادوية
اسأل الله العظيم رب العرش العظيم ان يشفيك ويشفي مرضى المسلمين