|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
26-10-2019, 12:32 AM
|
#1 | ||||
|
عـضو أسـاسـي
|
عمرووو عااايد
السلام عليكم
الله يسعدك يااخ عمرو شفت ردودك وانبسطت تكفى ساعدني انا سكنت في منطقة مافيها احد اعرفوا لا اهلي ولا اهل زوجي وكنت اشتغل بعدها سبت العمل بعد ماسبتوا بشهرين. تلاتة فجاة جاتني نوبة هلع طبعا ماكنت اعرف ايش هية بس كنت احس بخفقان وخوف واتصلت على زوجي والإسعاف المهم زحمة من بعدها وانا لا ليلي ليل ولا نهاري نهار بدا وسواس الموت وتخلصت منه حاليا الأمراض وفي البداية كنت اروح اكشف دحين حتى صار فوبيا من الدكاترة وكمان خوف من العين والحسد والله تعبت فتحت حساب سناب بابلك وجوني متابعين صرت أقول حيحسدوني وأحس بضيقة وغثيان قبل اسبوعين بطني مغصتني ولين دحين افكر من ايش والله تعبت ايش الحل الحالة بدت معايا شهر 2 2017 ورحت لدكتور نفسي وانا أعاني من وسواس الموت قلي هلع وقلق عام واعطاني انتابرو نفس سبراليكس بس مااخدتها وهادي قصتي باختصار ادخل بروفايلي وشوف حكايتي صرت كئيبة ونكدية شخصيتي المرحة اختفت وزوجي بدأ يتضايق تعبت وربي سوري كلامي ملخبط المصدر: نفساني
|
||||
|
|
28-10-2019, 02:37 PM
|
#4 | |
|
عضو جديد
|
والله انا كان قلبي حاسس ان فيه رد هيجي علي ردي ودخلت تاني اشوف وكويس اني لقيتك.
لوليتا بصي كل اللي عندك مريت بيه واشد بشاعة ما بين حسد وسحر لا دة مس لا دة مرض نفسي لا انا عندي القلب لا عندي حاجة في المخ لا يمكن الاعصاب يمكن فيتامين د يمكن كالسيوم يمكن يمكن.. وصلت بيا تحاليل لحاجات لا تتخيليها كل دة وهم وهم وهم وهم وهم .. القصة كلها تكمن في التفكير الحسد موجود ولا ننكره بس اوعي ثم اوعي تعلقي حياتك بأكملها علي شماعة الحسد او حاجة تانية دة اللي هيخلي عقلك يستسلم للفكرة .. فيه في حياتنا إله "خالق" هو اللي مسؤول عننا .. بنسعي ونرمي الحمل عليه الموضوع بالظبط زي ما يكون واحد اشتغل بالواسطة .. وانتي لا .. بيبتدي عقلك يستريح لفكرة ان دة مش غلطي دة غلطهم ولما حد يسألك مبتشتغليش ليه .. تلقائي بتردي تقولي كل الشغل بالواسطة طب جربتي تاخدي كورسات وتروحي مكان تاني للشغل طب جربتي تسافري بلد تاني للشغل جربتي تطوري من نفسك.. لا بس خلاص اقنعتي عقلك والفكرة ريحتك ان كل الشغل بالواسطة. انا منكرش ان اول حاجة حصلتلي كانت نوبة هلع قوية مفاجئة وتقريبا كان سببها حسد وانا متأكد لان الفترة دي كانت نعم ربنا عليا كتير اوووي اوووي الحمدلله ودخلت في دوامات كتير ووساوس وهواجس وشكوك .. الخ كل دة من حوالي 3 سنين بس واول حاجة اتقالتلي دة قلق عام اتضحلي في النهاية ان كل دة مجرد وهم..العقل خلقه .. خلقه بقا بحسد خلقه بسحر .. المهم انه ظهر ليه انا اتأكدت ان دة وهم قبل ما اعرف سكة ان فيه حاجة اسمها امراض نفسية او حسد او سحر .. حصلي حالة الفزع دي من 10 سنين ولاني كنت صغير مركزتش وحياتي استمرت عادي ومجتش تاني ايه بقا اللي يدخلك في الدوامة .. البحث عن اسباب اللي حصل وبعدين الاقتناع انك مريضة وانتي مش مريضة دة مجرد حاجة جت زي دور البرد كدة زي ما ودنك تصفر فجأة زي بطنك تمغص فجأة بدون مبرر هي حاجة حصلت وخلاص المفروض كانت تعدي لكن البحث عن الاسباب والدكاترة وانك عرفتي ان فيه حاجة اسمها مرض نفسي وفيه حسد وفيه سحر وبيؤدي لكذا وكذا وكذا وانا مبعترفش بالمرض النفسي لكن بعترف بالادوية النفسية انها بتهدي الشخص ف بالتالي مبيفكرش وبتديله جرعة سعادة بالتالي ميكونش متشائم فيه رئيس جمهورية اسمه خوسيه موخيكا .. كان اتحبس فترة ف بدأ يجيله هلاوس وامراض نفسية داخل السجن ف كانو بيدوله ادوية كان بيخدها يرميها ويقولهم كل اللي انا عايزه كتاب اقرأ.. قال في حوار تلفزيوني جابولي كتاب كمياء ف بدأت اقرأ وبدأت استعيد السيطرة علي عقلي الي ان خرجت من السجن واصبحت بعدها رئيس للدولة. هسألك سؤال وانا متأكد مليون ف المية من ان الرد اه: لما عرفتي ان فيه حد زيك وعنده نفس الألم ونفس الوسواس ونفس القلق دة ريحك وبسطك شوية صح ولا غلط "الجواب صح" الحل ف ايه: قبل اولا تقتنعي ان دي حاجة تافهة وهايفة وحاجة زي دور البرد المفروض مياخدش معاكي يومين تلاتة اولا تخلقي فكرة ان دة وهم في عقلك ولان عقلك مش محبذ الفكرة هيقنعك ان دة مش وهم تقنعيه بانك ولا تبحثي عن مرض ولا عن اعراض ولا عن تحاليل ولا عن مستشفيات قولي لعقلك انتي بتقولي هموت طب ماشي انا عايزة اموت.. عرفيه ان الفكرة مش مضيقاكي لان طول ما العقل او النفس عارفة ايه اللي يضايق هيفضل يلح عليكي .. دة بقا الشيطان او النفس او العقل الله اعلم. بس اعتبري ان دة الشيطان اللي شغال ليل نهار ينكد عليكي ويوسوسلك بالامراض والاعراض.. قولي في نفسك لو عندك القدرة انك تموتني اعملها لو عندك القدرة انك توقف قلبي وقفه.. حالة الهلع ما هي الا تنفيس نفسي : يعني القلق اللي عاملهولك الشيطان في دماغك بينفخك زي البالونة يفضل ينفخ لغيت ما البلونة تجيب اخرها وتفرقع علي هيئة فزع حالة الهلع بقا تتخلصي منها ازاي.. بانك تستسلمي .. اللي بيجيب الهلع انك تفكري فيه وف اعراضه وبالتالي في ثواني بيكون موجود .. حسيتي بضربات قلب بتزيد او نفس بيقل او عايزة تجري او اي عرض .. عادي كملي اللي بتعمليه كمليييييييه كمليييييه والفكرة نفسها وقفيها بانك تتنحي يعني تقطعي كل التفكير عن اي حاجة ولازم تقتنعي ان دي حالة عارضة مش هي نهايتك ولو تقدري تلعبي رياضة العبي هتحسن معاكي الموضوع دة جداً مش بتشوفي في الافلام او المناسبات الحزينة المفاجئة.. ان لما بيحصل حاجة الممثل بيجري ع الحمام ويتقيئ؟ هو جاله حالة الفزع دي مش اكتر هي دي حالة الفزع اللي بتجيله انه العقل بيعمل تنفيس مفاجئ للشيئ اللي حصل. يعني الموضوع مش محتاج اكتر من انه حدث ويعدي. بصي لو حسيتي ان فيه حاجة هتحصل قولي في نفسك كأنك بتوجهي كلامك للشيطان .. انت عايز تجبلي حالة هلع عشان تسيطر عليا وانا مش هديك الفرصة. مرة ف التانية لا انتي هتقولي في نفسك ولا الحالة هتيجي الفراغ بقا هو اللي بيخلق كل اللي فوق دة ااقتلي الفراغ تقتلي الوهم دة كله واقتعني ان كل اللي بيحصل في جسمك ماهو الا وهم .. جنبي بيوجعني ضهري بيوجعني مصدعة عندي تنميل عندي غثيان .. لا المرادي بجد لا انا هيحصلي حاجة .. لا دة مرض فلان لا دة مرض علان وهلم جرة وياخدك الوهم ويلعب بيكي .. امبارح حصلك حاجة ؟ طب جالك القلب ؟ طب اي حاجة م اللي بيوهمك بيها عقلك حصلتلك؟ لا يبقي اللي جاي برضو لا مش واخدة بالك ان الناس الفقيرة جدا واللي مبتقدرش تدفع تكاليف مستشفيات واللي بتسرح بفول وطعمية او بياعين في الشارع صحتهم تبارك الله ما شاء الله كويسة؟ ودة ليه؟ لان معندوش حتي موبايل يبحث ويعرف ايه المرض دة او دة وعنده مشاغل اكتر م المرض والتفكير فيه. حاسة انك محسودة؟ بسيطة واظبي علي الصلاة وادعي ربنا انه يحفظك .. ارق نفسك كل اسبوع .. لازم تؤمني ان ليكي رب هيشيل عنك وما ابتلاكي الا لسبب ما هو لا نعرف. وانتي خارجة ادعي دعاء الرسول اللهم احفظني عن يميني وعن شمالي ومن امامي ومن خلفي واعوذ بك يا الله ان اغتال من تحتي.. وارمي الحمل كله كله علي الله خلاص انتي عملتي اللي عليكي والباقي علي ربنا حصلك حاجة دة قدر ونصيب ربنا .. محصلش الحمدلله عملتي تحاليل الدنيا واشاعات الدنيا صح .. صح .. واتطمنتي ان صحتك زي الفل الحمدلله يبقي خلاص نعتبر الفترة دي فترة اطمئنان ع الصحة واتطمنا الحمدلله نعدي الفترة بقا منقفش في الطريق حياتك مضاعتش .. انا كنت فاكر ان خلاص حياتي ضاعت وهفضل كدة بس سبحان الله اقسملك بالله الفترة دي فوقتني جدا وبعدتني عن ناس منافقة كتير ويمكن دة حب ربنا لينا انه ابتلاني فترة عشان يظهرلي حقيقة ناس كتير واني مأألفش النعمة .. يعني متعودش عليها وانسي كلمة الحمدلله حياتي بقت احسن شغلي بقا احسن صحتي بقت احسن الحمدلله واللي تخلي عني ف محنتي لو ااقولك انه بيبكي بدل الدموع دم مش هتصدقي. المولد اللي كان حواليا زمان اتفض خلاص عرفت مين في الشدة صاحب ومين ندل. اخيرا اخرجي م اللي انتي فيه اللي انتي فيه وهم يا لوليتا اللي انتي فيه مش مرض نفسي اللي انتي فيه حالة عارضة جت وراحت وخلصت القضية.. انتي لما بتسافري مكان جديد .. بتشوفي كل حاجة مختلفة وجديدة مع طول الوقت بتتعودي ع المكان وكل حاجة جديدة بتبقي معتادة ودة العقل .. اللي بنديهوله بيتعود عليه.. لو حسد ليه علاج لو سحر ليه علاج .. كله بالايمان بالله .. متسمحيش للفزع انه يجيلك تاني وان الشيطان يفزعك تاني .. خلي فيه أولويات في حياتك وانشغلي بيها هتحسسك قد ايه اللي عندك دة كان تافه ولو عندك اي استفسار اكتبيه وانا هحاول ادخل تاني في اي وقت معنديش مشكلة خالص ونصيحة لو هتطبقي اللي قولتهولك !! مع احترامي للمنتدي !! خدي هدنة من انك تدخلي المنتدي تاني !! زي ما الطفل بينشئ شخصيته م اللي حواليه .. عقل الكبير هكذا .. بيتطبع باللي بيشوفه كل يوم . خدي هدنة انك خلاص مش هدخل فترة مش هقرا عن امراض مش هدور علي اعراض كل دة حالة تافهة وهتروح لحالها . فيه حاجة تانية : لو حصلك اي حاجة اي حاااجة كوابيس وسواس فزع اي حاجة .. خدي الموضوع ببساطة جدا جدا ريحي ضهرك كدة وقولي ها ايه تاني عادي حصل قبل كدة كتير عادي .. متاخديش الموضوع انه كبير اوي وتكبريه وتبحثي عنه مالهووووش لزوم .. اعتبري ان دي فترة تنفيس عن القلق اللي فات كله ف اللي يحصل يحصل مش جديد. والحمدلله بفضل الله عمري ما خدت حبة واحدة علاج .. لاني واثق كل الثقة ان انا مش مريض وانتي مش مريضة وكنت دايما أأجل موضوع الادوية الي اخر المطاف ااقول ان خليها اخر اختيار والحمدلله لا خدته ولا غيره. .لاني حسب ما كنت بقرأ زمان انه زي ما قولت فوق مهدئ والدنيا بتحلو فترة وبعد كدة لا الله اعلم بيحصل للكل او لا. |
|
|
التعديل الأخير تم بواسطة عمرو عايد ; 28-10-2019 الساعة 02:50 PM
|
|
28-10-2019, 03:13 PM
|
#5 | |
|
عضو جديد
|
لو عيزاني اختصرلك بقا كل الكلام والرد اللي كتبته فوق دة
هقولك ارجعي شغلك دة أول هام اخرجي من المنتدي دة وغيره او خدي هدنة دة تاني هام معندكيش اي مرض لا عضوي ولا نفسي ولا بتنجاني ولا اي حاجة دة تالت هام شخصيتك مرحة زي ما هي .. هي بس مستخبية شوية عشان انتي حطيتي اولويات تانية وهي اللي الاعراض اللي بتحصلك والله والله ما عندك لا مرض عضوي ولا نفسي ولا حتي حسد ولا سحر. وانا متأكد من كدة .. لما حصلك هلع ودي حاجة زي دور البرد كدة متاخدش منك اكتر من 5 دقايق .. الفراغ اللي عشتيه بعده هو اللي كبر الموضوع بالنسبالك.. لو كنتي بتشتغلي في وقت ما حصلك كدة انا واثق مليار ف المية انك كنتي نسيتي الموضوع تاني يوم .. هو بس الفراغ وعقلك ابتدي يودي ويجيب وخدك بعيد. واحنا صغيرين بنشرب ماية واحنا بنلعب بطننا بتوجعنا مكناش بنركز.. لكن دلوقتي ممكن نفتكرها مرض متوغل مع ان مفيش حاجة. ف خلينا ف تفكير الصغيرين افعل عكس ما يأمرك به عقلك.. حطيها قاعدة لغيت ما تنزلي شغلك او تنشغلي بحاجة الامراض بتيجي للصغير والكبير والحمدلله اللي في نصيبك هيصيبك .. متفكريش ايه هيحصل في المستقبل وتخلي عقلك يخطفك لأسوأ السيناريوهات واللي مش هتحصل في المستقبل. مفيش حد هيحسدك طول مانتي مؤمنة بالله .. نزلي بوستاتك واتبسطي .. لو الحياه لحظة عيشها زي مانت عايز. انا بتاع كمال اجسام وكنت خايف م الحسد بعد اللي حصل بس عملت اللي بقولهولك والحمدلله ربنا ساترها وبنزل صور بطولات والتمرين وغيره. ولو حصل حاجة تبقي بتاعة ربنا اصل الاجانب والممثلين الاجانب واللي شقرا واللي حمرا واللي بيضا عايشة حياتها علي الملأ عادي ومبيحصلهاش حاجة اهو عادي. فما بالك باللي موحدين بالله بقا محصنين ازاي الغرب بيتقدم واحنا عايشين نعلق علي شماعة .. يبقي نكسر الشماعة مفيش مستشفيات مفيش تحاليل مفيش بحث عن اعراض مفيش دة نقص فيتامين مفيش عندي وسواس عايزة تريحي نفسك ابقي هاتيلك مالتي فيتامين وخلاص مش هيضر.. كل دة ماهو الا حالة العقل خلقها من الفراغ اخيراً انا متأكد لو رجعتي شغلك تاني او انشغلتي بحاجة من الساعة كذا لكذا هيجي يوم هتضحكي كل ما تفتكري نفسك اللي كنتي بتعمليه. والخوف الزيادة عن اللزوم |
|
|
|
|
29-10-2019, 05:19 PM
|
#6 | ||
|
عـضو أسـاسـي
|
اقتباس:
|
||
|
|
|
29-10-2019, 06:41 PM
|
#7 | ||
|
عضو جديد
|
اقتباس:
كل اللي بتحكي عنه انا عارفه كله؟ انتي ركزتي في كل صغيرة وكبيرة.. ودة مش غلطك علي فكرة دة طبيعة الانسان انه بيخاف علي نفسه مفيش واحد بيحب يكون تعبان. دخلت صفحتك وقريت عنواين مواضيعك كلها عن اعراض بتحصل ف انا بسألك موضوع ضهرك وجنبك وبطنك وشعرك والنغزات وغيره وغيره .. استمر؟ هتقوليلي لا طب جالك مرض مثلا ؟ هتقوليلي لا يعني الاعراض اللي كنت مكبراها اوي في وقتها مستمرتش ومحصلش حاجة دة اللي عايزك تقتنعي بيه المشكلة في التركيز .. انتي مركزة مع جسمك بزيادة واي حاجة بتحصل بتقلقي عليها..انا عارف ان بعد كام سنة تركيز علي الاعراض صعب شوية انك تفصلي تركيز فجأة ودة اللي حصل معايا.. فشلت اول مرة وتاني مرة نص نص .. وتيجي تركزي في حاجة تلاقي دماغك تلقائي في حتة تانبة ف الحل انك تحاولي مرة واتنين وعشرة تركزي ف اللي بتعمليه ف طبخك ف كتاب في اولاد في تنضيف ف خروجة هتلاقي الافكار بتتلاشي من عقلك. لان القصة كلها ف انتي بتتعودي علي ايه هديكي مثال: انت حاسة بالامان جوة البيت ولو خرجتي بتتعبي .. لان العقل اتعود علي فكرة الامان هنا وبس لازم تسيطري عليه وتتعودي ان تخرجي ومترجعيش غير لما تخلصي اللي بتعمليه.. او هسلهالك عايزك تفتكري نفسك قبل اللي حصلك وتطبقيه مكنتش بخاف يبقي مش هخاف مكنتش بقلق من كذا يبقي مش هقلق منه .. وهكذا بس مش عايزك تعيشي الماضي عايزك تعيشي انهاردة .. زي ما عودتي عقلك انه يركز ويخاف عوديه العكس سهلة اهي. انا كان بيني وبين الجيم حوالي ساعة اانا كانت بتلح عليا افكار وانا رايح اني تعبان لازم اروح وخلال التمرين اني اسيب التمرين وامشي انا تعبان انا مش قادر انا اكيد عندي حاجة وهيحصلي حاجة .. رحت حاطت فكرة عندنا ف اللعبة اسمها I don't stop when I am tired I stop when I am done ف كل ما يوسوسلي الشيطان بان فيه حاجة هتحصل احط الفكرة دي في خيالي لغيت ما تلاشت فكرة ان فيه حاجة هتحصل بعد اسبوع وبقيت بتمرن عادي موضوع السلبية .. ف انا كنت واصل لمرحلة ان الدنيا سواد السواد .. بس لما قررت ان دة وهم واقنعت عقلي بكدة وان مفيش عندي حاجة واني اتطمنت علي نفسي واني زي م انا وطبقت اللي بقولهولك .. في لحظة لقيت نفسي رجعت زي ما كنت وفعلا بقيت اضحك علي اللي كنت بعمله زمان لما بجري ع الدكاترة.. زعلت بعدها ان ازاي ضيعت سنة ف الهبل دة لقيت ان كان ممكن السنة دي مشتغلش فيها او ااخسر فلوس او يحصلي حاجة كبيرة او كنت اتأذيت في اي حاجة ف حمدت ربنا ع اللي حصل وكأنها لم تكن. او حتي كنت قعدت في البيت مبعملش اي حاجة ف هي هي .. مستمرتش في مرحلة الطفولة ومستمرتش ف الثانوي ومستمرتش ف الجامعة واتخرجت. كل يوم فيه جديد وعايزك تقتنعي ان كل الناس عندها مشاكل بس عشان احنا في عصر السوشيال .. استحالة ومن رابع المستحيلات انك تشوفي حد علي انستا او سناب بيعيط مثلا.. كل واحد مخبي اللي عنده بس يمكن مشاكله اصعب من اي حد حاولي ترجعي جنب اهلك او تزوريهم طلعي كل الافكار والوساوس اللي في دماغك عن طريق الكلام مش الكتابة اشتكي لزوجك وقوليله انا عارفة اني مكبرة الموضوع بس من كتر الافكار اللي بتجيلي بسبب العزلة تعباني واحكيله بتفكري في ايه بالظبط وعرفيه انه داعم ليكي. دة هيشيل عنك كتير لان عرض ورا عرض قلق ورا قلق موضوع ورا موضوع بيتخزن ف عقلك وعاملك القلق الكبير دة كله اكيد هيشيل عنك او صاحبتك او حد من اهلك .. ومتخافيش محدش هيقول عليكي حاجة .. عرفي حد ف حياتك كمية القلق اللي عندك علي صحتك.. دة هيريحك وهيخرج منك كل الغيامة السودة اللي مسيطرة علي عقلك بس لو مفضلة الكتمان ف نفسك طلعيه علي هيئة رياضة او تعملي حاجة جديدة او حتي حاجة بتحبيها. واتأكدي انك مش مريضة بأي حاجة وزي ما قولتلك نصيحتي خلي الاتموسفير بتاعك او الجو المحيط بيكي بعيد عن الكلام عن امراض نفسية وقلق وساوس .. اعتبري انك مدخلتيش هنا او اعتبريها تجربة وعدت او هتعدي بس متعيشيش يومك بانك تيجي المنتدي وتدوري علي مواضيع واعراض .. زي ماقولتلك العقل بيتطبع باللي بيشوفه مينفعش اجيب حد من الغرب وااقوله اطبع بتقاليد العرب ومينفعش اودي عرب وااقولهم اطبع بطبع الغرب والاوبن مايند بتاعهم مش هيعرف لانه اتغرس ف غيري جو المرض دة خالص لانك مش مريضة وناس كتير هنا كدة. بس هو ارتاح لفكرة ان اللي بيحصلي بيحصل لغيري ف خليني هنا وسطهم انا لو كنت عملت كدة كان زماني فضلت هنا بس يشاء ربنا انه يعينني ووصلت لمدير فرع الجيم وانا سني صغير . .. مش عيب ان الواحد يتعب ومش عيب ان يحصلنا دروب مفاجئ في حياتنا .. نحمد ربنا انها جت علي كدة مجتش في اكتر من كدة وعلي فكرة مشاهير كتير مرت بنفس التجربة يعني اللي يخلي محمد صلاح يروح لمستشفي نفسي عشان ياخد استشارة لحياته اللي اتغيرت وازاي يواكب اللي هو فيه واحمد مكي حصله دروب صحي وكان مريض بالهلع و حلا شيحة وشيرين .. ف ناس كتير الموضوع مش مقتصر علي حد معين .. كلمة اشمعني انا يارب ياريت متقوليهاش .. اللي حصل حصل وهتخرجي منه مش نهاية العالم ومش نهايتك ادخلي الحياه تاني فيه حياه مستنياكي. |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
