فضفضة بعد مرور 19 سنه

فضفضة بعد مرور 19 سنه

السلام عليكم
قصتي مع المرض والعلاج ككقصه اَي شخص هنا ، مزعجه مؤلمه ومظلمه
كان عمري 17 سنه لما مرضت ، كنت في هذاك اليوم متزاعله مع صديقه لي ، رجعت للبيت واكلت وانا ابكي ومن بعدها بدات النوبات والنبضات ، الكتمه والتخدير ، الرعشة والدوار ، انقطاع النفس والإحساس باقتراب الأجل ، الكوابيس وقله النوم ، نوبه وعزله نوبه وعزله نوبه وعزله
مشااااااعر كثيره واعراض غريبه كلها بندت تحت مسمى نوبات الهلع والقلق الزائد
من نعم الله علي ما اصبت بالاكتئاب
تركت الجامعه كم ترم كانت جحيم وأيامها مرعبه
وبعد مرور سبعه سنوات تزوجت والحمد لله وبدات رحله العلاج
كانت نقله قويه اتغيرت ميه وثمانين درجه
كنت اخذ سبرالكس فقط وحسن من نفسي الكثير
بعدها رزقت ببنتي الاولى خار السعوديه وعانيت من ارتفاع في الضغط بسبب الولاده لكن راح مع العلاج
لكن لما حملت بنتي الثانيه هنا اتغيرت حياتي ما كنت اقدر اخذ العلاج والسبب الم المعده والاستفراغ وصرت اخذ العلاج في الاسبوع مره وحده
بدات ارجع اتعب لكن بشكل خفيف لحد ما ولدت وجاني ارتفاع في الضغط كانها صدمه ليا
فوبيه ارتفاع الضغط جنني وما أعطوني علاج وصرت كل يوم اهوجس بيه
وبعد ولادتي بأسبوع جاتني نزله معوية وياليت ما رحت المستشفى
الضغط عالي وأعطوني علاج بالوريد سبب لي زغلله ودوخه في جسمي ورعب
بدات مشوار الرعب من الادويه وأعراضها الجانبيه
بدات مشوار رعب الضغط
ودحين بعد مرور 5 سنوات من الولاده رجعت النزله المعوية ووقفت العلاج تقريبا أسبوع
الم المعده مع الأعراض الانسحابية لا تحتمل
تفكيري كله عن الضغط وانه ممكن يرتفع اذا ما اخذت السبرالكس
وتفكير أني ما اقدر اخذ علاج للضغط بسبب تفكيري الغلط عن العلاجات والخوف منها
اروح للدكتور يكتب لي علاج اخذ الورقه وارميها
ما اعرف ايش الحل مع نفسي محتاجه اتعالج لكن خايفه من العلاج خايفه من الدوخه الشديده والكتمه والنبض
وبعد مرور 19 سنه على اول نوبه هلع مازلت كما انا ....

المصدر: نفساني

حياك الله
قطعك للسيبرالكس خطأ الوحيد اللي يقرر هو الدكتور النفسي
ولاينفع تاخذينه كل اسبوع مره هذي خطأ ثاني
مضادات الاكتئاب لازم تؤخذ يوميا وعلى حسب وصف الدكتور
الضغط بعد الولاده يعاني منه الكثير من النساء وينتهي مع العلاج
انتي شخصيه قلقيه والواضح انك استسلمتي للافكار والمشكله كل مااستسلمتي كل ماكبرت المشكله
لذلك انصحك باتباع وصف اي دكتور
ولازم تراجعين دكتور نفسي علشان تصيرين تتواصلين معه في اي شي يصير لك
واخيرا السيبرالكس ماينترك اذا جاك مزله معويه وهو علاج خفيف مايستحق تركه
الله يشفيك ويعافيك
بالتوفيق

لاتتركين علاجك اختي بها الطريقه..ابدا ماله تاثير عالضغط والنزله المعويه ولاتربيطين بينه وبين المرض.
ابدي العلاج من جديد ومع دكتور واستمري وتحملي الاعراض بداية العلاج لين تستقرين..
الله يهون عليك ويشفيك والله حاسه فيك وانا مثلك اخاف من اعراض اي علاج واتعب زياده واحس بالهلع من اي علاج..

المشاركة الأصلية كتبت بواسطة بن دايم

حياك الله
قطعك للسيبرالكس خطأ الوحيد اللي يقرر هو الدكتور النفسي
ولاينفع تاخذينه كل اسبوع مره هذي خطأ ثاني
مضادات الاكتئاب لازم تؤخذ يوميا وعلى حسب وصف الدكتور
الضغط بعد الولاده يعاني منه الكثير من النساء وينتهي مع العلاج
انتي شخصيه قلقيه والواضح انك استسلمتي للافكار والمشكله كل مااستسلمتي كل ماكبرت المشكله
لذلك انصحك باتباع وصف اي دكتور
ولازم تراجعين دكتور نفسي علشان تصيرين تتواصلين معه في اي شي يصير لك
واخيرا السيبرالكس ماينترك اذا جاك مزله معويه وهو علاج خفيف مايستحق تركه
الله يشفيك ويعافيك
بالتوفيق

اخويا بن ديم الله يعطيك العافيه على ردك
العلاج ما اقدر اخذه كل يوم يأثر على معدتي لانها حساسه وضعيفة وهيا سبب مشكلتي الرئيسيه ، كل ما اخذه تزيد الحموضة في المعده ويزيد الالم واستفرغ ، ما أغالطك صح كلامك هوا دواء خفيف وانا بأخذ جرعه خفيفه عشره مل ، لكن معدتي ما تستحمل ابدا
بأحاول ابداء العلاج ثاني بأخذه كم يوم وراء بعض واشوف ان شالله كل هذي العراض تروح

المشاركة الأصلية كتبت بواسطة اميره الفهد

لاتتركين علاجك اختي بها الطريقه..ابدا ماله تاثير عالضغط والنزله المعويه ولاتربيطين بينه وبين المرض.
ابدي العلاج من جديد ومع دكتور واستمري وتحملي الاعراض بداية العلاج لين تستقرين..
الله يهون عليك ويشفيك والله حاسه فيك وانا مثلك اخاف من اعراض اي علاج واتعب زياده واحس بالهلع من اي علاج..

أميره هوا اصلا عندي عقل يفكر صح او يربط صح ، كل افكاري وساويس وامراض الحمد لله
وصادقه الهلع كاني اخذ سم مو علاج وابكي اذا شفت علاج جديد
الله يعطيكي العافيه بأحاول اخذ العلاج بانتظام

المشاركة الأصلية كتبت بواسطة ام لبنتين

اخويا بن ديم الله يعطيك العافيه على ردك
العلاج ما اقدر اخذه كل يوم يأثر على معدتي لانها حساسه وضعيفة وهيا سبب مشكلتي الرئيسيه ، كل ما اخذه تزيد الحموضة في المعده ويزيد الالم واستفرغ ، ما أغالطك صح كلامك هوا دواء خفيف وانا بأخذ جرعه خفيفه عشره مل ، لكن معدتي ما تستحمل ابدا
بأحاول ابداء العلاج ثاني بأخذه كم يوم وراء بعض واشوف ان شالله كل هذي العراض تروح

شوفي وانا اخوك
لازم تتعبين اول اسبوعين
لو عديتي هالاسبوعين باذن الله راح تشوفين العافيه

المشاركة الأصلية كتبت بواسطة ام لبنتين

أميره هوا اصلا عندي عقل يفكر صح او يربط صح ، كل افكاري وساويس وامراض الحمد لله
وصادقه الهلع كاني اخذ سم مو علاج وابكي اذا شفت علاج جديد
الله يعطيكي العافيه بأحاول اخذ العلاج بانتظام

والله مالومك وعارفه انه غصب عنك.
لاكن حاولي قد ماتقدرين تتحملين وتصبرين واحتسبيها عند الله..والعلاج بيريحك ان شاء الله.
الله يهون عليك ويشفيك ياارب

19 سنة ماشالله، أنا لي سنة وشوي واحس نفسي بكابوس طويل وماني قادر أتحمل أكثر من كذا، لكن ما اقول الا الله يقويك وقدامك العافية.
بخصوص الأدوية أنا استخدمت معظم مضادات الاكتئاب ولكن السيبرالكس هو اكثر دواء اثر على معدتي، وصحيح ان العرض هذا يخف مع الوقت لكنه ياخذ وقت طويل وما قدرت اتأقلم معاه، عشان كذا أنصحك تغيري على اي دواء ثاني.

المشاركة الأصلية كتبت بواسطة بن دايم

شوفي وانا اخوك
لازم تتعبين اول اسبوعين
لو عديتي هالاسبوعين باذن الله راح تشوفين العافيه

ان شالله راح ابداء العلاج وانتظم عليه
اليوم رحت للمركز الصحي لانه معدتي صارت بزياده تتعبني والنبض زايد
شيكو على الضغط طلع 140 على 90
اما النبض فوق طلع 135
ما اعرف هوا مع الم المعده كذا النبض ولا مع التوتر ولا مع ايش

المشاركة الأصلية كتبت بواسطة اميره الفهد

والله مالومك وعارفه انه غصب عنك.
لاكن حاولي قد ماتقدرين تتحملين وتصبرين واحتسبيها عند الله..والعلاج بيريحك ان شاء الله.
الله يهون عليك ويشفيك ياارب

يارب الله يأجرنا ويرزقنا العافيه
أوقات استغفر الله افكر ليش صار فيا كذا
وأفكر بافكار سخط لكن استغفر ربي لانه كله باْذن الله له حكمه
لكن بدا اللي حولي يتعب معايا وهذا اللي مزعجني كثيرررررررر
الحمد لله على كل حال

المشاركة الأصلية كتبت بواسطة فوضى حواس

19 سنة ماشالله، أنا لي سنة وشوي واحس نفسي بكابوس طويل وماني قادر أتحمل أكثر من كذا، لكن ما اقول الا الله يقويك وقدامك العافية.
بخصوص الأدوية أنا استخدمت معظم مضادات الاكتئاب ولكن السيبرالكس هو اكثر دواء اثر على معدتي، وصحيح ان العرض هذا يخف مع الوقت لكنه ياخذ وقت طويل وما قدرت اتأقلم معاه، عشان كذا أنصحك تغيري على اي دواء ثاني.

كاني ماخذه حكم سجن مع هذا المرض 19 سنه مِن لما كنت في الثانوية وبعدها الحياه صارت لونها واحد
كويس انك بدات علاج من بدري
السبرالكس مااقدر اغيره لأني ارتحت عليه في الاول بس لأني ما انتظمت عليه بدا يتعبني كثير
الله يرزقك ويرزقني ويرزق الجميع الصحه عاجل غير اجل