لا اعرف ما علتي

المشاركة الأصلية كتبت بواسطة الباررررق

الله يطول عمرك على طاعته

طيب ممتاز طالما ان الرهاب لديك قبل التعاطي ،،، لاان كثيرا من المتعاطين بعد الاقلاع يحدث لديهم قلق غير عادي ينتج عنه رهاب وهلع وهكذا ،،،،،
اخوي ابي انصحك نصيحه طالما عشر سنوات ولم تدخل عالم الادويه النفسيه ارجو ان تجعلها اخر العلاج ،،، حاول تتكلم مع الدكتور عن معالج نفساني يعلمك كيف تتعامل مع هذه المواقف والسيطره على الاعراض الجسديه من رجفه وغيره ،،،،،
اذا لم ينفع مالك الا العلاج الدوائي ،،،،
وان اشاء الله ماتشوف الا الخير والعافيه

رحت الدكتور وشخص حالتي برهاب اجتماعي واعطاني بروزاك للحين ما اكلت منه مع طبعا العلاج السلوكي يبدى بعد شهر

المشاركة الأصلية كتبت بواسطة هدر للأكسجين

حتى انا مشكلتي مع رجفة اليدين
وكل تركيزي صاير فيها
أحس لو أتخلص من الرجفة بيروح كثييير من الرهاب
يعني لما أتعرض لموقف يبدأ قلبي ينبض سرررررريع مررة وبعدها تبدا الرجفة وهذا اللي يسبب لي الحرج

استخدمت اندرال ولقيت انه مناسب وبقوووة
وحسيت اني بنسبة 70% أقدر أخوض تجارب اجتماعية بنجاح

وبنفس الوقت نفسي اعرف سبب النبض القوي والرجفة !
مرات احس جسمي فيه علّة
او فيني مس وعين تخلي جسمي يرجف بهالطريقة لما أقابل الناس

الاندرال ما يعالج الرجفة وقت المناسبات قبل 3 سنوات اخذ حبه قبل بساعه يخفي شوي من الرجفه

المشاركة الأصلية كتبت بواسطة اني عليل

رحت الدكتور وشخص حالتي برهاب اجتماعي واعطاني بروزاك للحين ما اكلت منه مع طبعا العلاج السلوكي يبدى بعد شهر

ماتشوف شر ونخوك إذا حياتك تعطلت تماما ولاتتحمل وضعك استعن بالله وخذ الدواء
وإذا تشوف ان فيه مجال تتحمل تابع مع المعالج السلوكي وضيف لها الرقيه الشرعية
والدواء يؤجل لفتره أخرى .......

المشاركة الأصلية كتبت بواسطة الباررررق

ماتشوف شر ونخوك إذا حياتك تعطلت تماما ولاتتحمل وضعك استعن بالله وخذ الدواء
وإذا تشوف ان فيه مجال تتحمل تابع مع المعالج السلوكي وضيف لها الرقيه الشرعية
والدواء يؤجل لفتره أخرى .......

الله يجزاك خير, ان شاء الله ببدى استخدم الدواء وبكتب لكم تجربتي معه بعد شهر ليستفيد الجميع

المشاركة الأصلية كتبت بواسطة اني عليل

الله يجزاك خير, ان شاء الله ببدى استخدم الدواء وبكتب لكم تجربتي معه بعد شهر ليستفيد الجميع

اسأل الله ان ينفعك به ...ونعم ننتظر تجربتك في هذا الموضوع ....

اني عليل معجب بهذا

السلام عليكم

الله يشافيك ياخوي
وانشاءالله تعدي هالمرحله خصوصا انها شجاعه منك انك تترك المخدرات وقاعد تدور عل حل والحمدلله من كلامك راجعت دكتور وبتسوي علاج سلوكي معرفي
بس فيه نقطه حاب اضيفها مادري يمكن تفيدك مع الاخذ بالاعتبار "انا مو اختصاصي ولا دكتور ولا ادعي الحقيقه المطلقه"

حاب اضيف معلومه يا ريت تاخذها بالحسبان وتبحث عن المعلومات عنها وتبحث بعد داخل نفسك فيه مشاعر او صدمات تيي حق الانسان يحس فيها بالذنب او العار
تصير سبحان الله موقف بسيط مخك كبره او شي او حدث بحياتك صار نفس مثلا اخذت مخدرات وبطلت بس والله ما اقدر اقعد مع اهلي لان ( لما يشوفوني او اي احد يشوفني احسس كآن شافني كلي وعارف انا شنو ) هالمشاعر ياخوي عميييقه حيييل خذت مني 3 سنوات شخصيا عشان اكتشفها !! يبيلك تقعد مع روحك وترد بالاحداث قبل لا يصير فيك هالشي يمكن لما كنت صغير يمكن موقف ( انا بالنسبه لي موقف بالدوام ما عرفت اخذ حقي وحسيت بالفشله والذنب والعار ) هالمشاعر هذي اسمحلي اقولك ياها خبيثه !!! خبيثه بكل ما تحمله الكلمه من معنى لانها تدخل داخل عقلك اللاواعي وتقعد من بعد الموقف اللي صار تقعد تبني معتقداتك وافكارك عليها وما تصييدها الا لما تحلل روحك صححح يمكن اقولك هالكلام تقول لا ما اعتقد او لا شكو بس لما تفكر بالاحداث يمكن يجوز تطلع عندك هالمشاعر واهيه تسبب هالافكار يسموونها بالانقليزي Toxic Shame

انت الحمدلله رحت واخذت العلاج وناطر العلاج السلوكي المعرفي بس اللي انصحكم تسويه تشوف نفسك بالمواقف ولو تسجل شنو تحس فيه يعني مثلا اوكي قاعد مثلا مع الاهل وحاس بمشاعر قويه بطل نوته اكتب شنو حاس فيه اكتبها نقاط مهما كانت صغيره يعني مثلا ( * اكتب والله انا خايف احد يشوفني * خايف اسوي شي غلط ) وهكذا اقعد اكتب كل الشغلات اللي تخليك متوتر ولما تقعد ويا نفسك شوف شنو كتبت ورد عليها راح ترد عليها وشوي شوي راح توصل حق النقاط اللي تاثر فيك

مشاعر العار تخليك (( بالعمممممق دااخلك وتمشي مع افكااارك جنها عادي وما تحس فيها )) تشوف نفسك ان انت ما تستاهل وما تستحق وتصغرررك الانسان بطبيعته عنده وعي يكون واعي خصوصا الانسان الكبير وكل واحد عنده وعيي مختلف يعني مثلا اللي يدرس وياخذ دكتوراه مثلا ( والشهاده مو مقياس ) لما يسولف ونظرته للامور غير عن واحد شهادته او صغير بالعمر انت بنفسك راح تحس بفرق بكلامهم ليش لان الوعي مالهم مختلف وكل واحد وعيه مختلف عن الثاني

في دكتور اسمه ديفيد هاوكينز وله كتاب اذا تقرا كتب انصحك تقرا كتابه اسمه ( السماح بالرحيل ) هالدكتور صنف الوعي وسواله مقياس يعني من صفر لي 1000 لك ان تتخيل ياخوي ان وعيي الشخص اللي يكون عل مستوى الذنب او العار 20 واقل من جذي !! يعني بمعنى انك لما تمشي تحس نفسككك صغيير جداام الناس تحس روحكك ما تسوا شي تنكمش تتقوقع عل روحكك هذي الرساااله طبعا بالاواعي ( طبعا يعني عقلك الواعي اللي انت تفكر فيه واللاواعي مثلا لما تتنفس والعضلات بروحها تتحرك انت ما تتحكم فيها نفس لما تتعلم تسوق سياره اول الايام اب عقلك تشوف هذا سكان وتمسكه وتدوس بانزين وتتحرك بعد فتره خلاص عقلك اللاواعي خزن هالمعلومات صرت تطلع من البيت تسوق وتكتب بالواتس اب وبحلجك صمونه شاورما وتوصل ههه :) ) يعني لما تقعد بين اهلك ولا بين احد عقلك اللاواعي فيه هالمشاااعر !!!! تخيل 20 واقللل !!! عقلك يبي ينكمشششش يبي يصغررر لككك ان تتخيل شنو راح يسوي اكيد راح تشوف ايدك تتخضخض راح تشوف عيونك تتشنج او اي اعراض من اعراض الرهاب الاجتماعي في لنك مباشر بين اعراض الرهاب مع المشاعر اللي شرحتلك فوق عنها واعتقد اني راح اسوي موضوع يديد بذكر فيها هالمعلومات بخلي الاخوان ينتبهون عل وعسى اقدر اساعد احد انا للامانه دخلت وشفتك كاتب الموضوع وحبيت احط هالاضافه

وسامحني عل اطاله واتمنى امورك كلها بخير