يوميات المكتئبين تعال نسولف

يارب في هذا الصباح ان تشفينا وتعافينا
يارب وماخاب من قال يارب


صباح الخير 🌹🌹

صامدة رغم المحن معجب بهذا

اسعد الله من افادني ديباكين500
افيدوني يتجربتكم اعاني من انزلاق غظروفي حاد وامراض اخرى وفرط حركه وفقد تركيز حاد وعمري40 ولدي طفلين فرط حركه ووصف لي الدكتور ديباكين500 لاني حاده وعصبيه جدا ع نفسي والاطفال ولابد انا اهدى مع العلم لدي اكتئاب جسيم وقلق منéàسنه ولم تنفع معه جميع الادويه من20سنه حتى جلسات كهرباء الراس
المهم سوالي وظعي الصحي والعائلي مع اطفالي سيء جدا وانا الشخص الوحيد المسؤول عنههم
ولي(ايام استعمل ديباكين
ماهي سلبياته لكي لاانصدم لاني اصلا متعبه
ومتى تظهر نتيجه في حدة الغضب والعصبيه
ولااريد رفع الجرعه عن500؟
وكيف يتم قطعه لاقدر الله لوحصل نتيجه سيئه الدكتور اعطاني معلوماته ولكن ليس مثل من جرب
مع العلم سابق اعطوني لامكيتال الى جرعة450ولم يثبت المزاج ولم تتحسن العصبيه والحديه
وهدف الطبيب من ديباكين فقط لكي لااعنف نفسي واطفالي واهدى

افيدوني اسعدكم الله لعل تجربتكم تفيديني وتفرج كربتي؟؟؟؟؟

مساااااااااااكم الله بالخير والسرور والورد المنثور
ارحب مليون اخواني الغاليين
كيفكم وكيف احوالكم
ظل وش اخبارك عساك بخير ان شاء الله
سلامي للكل

الحب الاول والاكيد
مالك في البشر شريك
فديت ذيك العيون
سبحان من صور حلاك

تعبت اجامل وضعنا
قلي بس الى مته
مليت من كثر الجروح
انا وصلت المنتهى

تؤلمني الايام واقول غدا ارحم في ياتي الغد ويصبح الامس ارحم

نسأل الله مغفرة الذنوب والعتق من النار وأن يعوضنا على مصابنا خيرا يا أرحم الرحمين يا رب العالمين

اهلا اهلا اخوي الحمد لله على كل حال
اللهم امين يارب العالمين وجميع مرضى المسلمين

لا يا قلب وضعي صار صعب
ان العذاب الى شفته مثله ما شفت

لاقعدن على الطريق واشتكى
واقول مظلوم وانت ظلمتني

من يعيش مثل حالتي من يصبح الين ينام 😴 وهو في البيت 🏠 حبيس اربع جدران

خايف من بكرة كثير لان لا زوجة ولا ولد ولا شي
دمااااار شامل خايف من كبر السن
واتذكر بيت 🏠 شعر 💇‍♂️ لسلطان الهاجري
ويا وجودي وجود عود لا عيال ولا قرابة
ما جده الا يون ويردف الونة بونه

ليه الجروح الوضع صعب اتمنى ما يكون عندي حب

السلام عليكم ورحمة الله وبركاته

حياك الله اخونا محمد و جميع الأخوان و الأخوات .. ربي يحفظكم جميعا و يبارك فيكم و يحقق أمانيكم


لا يهمك أخوي محمد ، اصلا هذا صار حال معظم الخلايق من تالي الوقت ، لأن صدقني مافي أكثر امان من البيت بحيث يذكر الواحد ربه و يبر أهله ..

أنا من الناس ما أشعر بالأمان الا بداخل جدران بيتنا .. لأن الخارج بصراحة ما يشجع الا لزوم عتبات المساجد بالنسبة للرجال او عمل فيه طاعة للرب من معروف او إصلاح ، لأن كل ما سواه يخلي الواحد عرضة لاستشراف الشيطان و حظه على البعد عن ربه ..


أما بالنسبة للزواج و باقي الأرزاق .. الحمدلله انها بتدابير ربنا اللي يعلم ما يصلح لنا و ما لا يصلح ..

ادري ان الزواج فطرة و الذرية ضرورية و المال مهم ..

لكن وش حيلة العبد دام ربي منع عنه شي ؟

اهم شي اننا ندري انه كله خير لنا .. لأنه أحكم منا سبحانه و نعلم أن ربي لا يمكن يخلق مخلوق و يضيعه مهما كانت أهمية هذا المخلوق أو وضاعته ..

فيه حديث شريف قال الرسول صلى الله عليه وسلم : " الخلق عيال الله .... " و من الطبيعي رب العايلة ما يضيع عياله أو يفرق بينهم في التعامل او العطاء فما بال أحكم الحاكمين ارحم الراحمين ..


هل كل واحد أنجب كان عياله بارين فيه ؟

هل كل واحد ربي أعطاه صحة او مال استعملها في طاعة ربه و الا صابه الاغترار و التمادي لين أصبحت هذي النعم وبالا عليه في الآخرة ..

حنا افهامنا تقصر عن معنى إذا أحب الله عبدا ابتلاه .. لان ندري ان اللي يحبنا يبي يسعدنا يعطينا يريحنا .. لكن الله عز و جل حبه غير .. يبتلينا عشان نقرب منه و يسعدنا و يعطينا .. و أفضل عطاء العطاء الكثير العميم المقيم اللي ما ينقطع .. اللي هو في الآخرة
لا عيش الا عيش الآخرة ..

الدنيا هذي العريضة اللي ما استطعنا نحقق فيها شي او نرتاح فيها قصيرة جدا .. كلها سنوات و يقولون فلان راح ..

للحديث بقية ابسرد قصة عمي الله يرحمه اللي توفى قدامنا و هو ما سبق له الإنجاب ..

الدنيا لأنها حقيرة ما صفت للانبياء و الرسل و الصحابة و التابعين .. هل تبي تصفو لنا ..؟
بل كانوا أشد الناس ابتلاء ..

بالعكس ما تصفو الا لكل بعيد عن ربه .. المفروض نقلق اذا صفت و منحت .. لأن من طبع ابن آدم إذا مسه الخير منوعا .. الا المصلين الطايعين المستسلمين و هؤلاء النخبة هم قلة القلة ربي يجعلنا وياكم منهم ..

لان لفظة الا المصلين ما هو اللي يقيم فروضه فقط ، المصلي هذا من ( الصلة و التواصل )
متصل مع ربه ٢٤ ساعة ، البث ما ينقطع ، شغال يراقب ربه في أقواله و أفعاله، محافظ على سمعه و بصره و مطعمه و مشربه و تعاملاته مع غيره ، يتقلب ما بين الخشية و الرجاء ، لان يدري ان نجاته في الدنيا و الآخرة مربوطة بهما ..

اما قصة عمي الله يرحمه و يجعله من أصحاب الفردوس الاعلى و موتانا وموتى المسلمين أجمعين سبحان الله غريبة ..

هو أكبر واحد في أخوانه ، تقريبا رباهم لان جدي الله يرحمه توفي في عز شبابه و ترك مجموعة من الأبناء الذكور و أنثى واحدة مع أمهم ، و هذا عمي سبحان الله تزوج كذا وحدة ما كتب ربي أنه ينجب لين استقرت معاه آخر وحدة و توفت قبله بكثير ، يمكن وقتها كان بالاربعينات يوم توفت الله يرحمها و بعدها ما عاد تزوج ، و كان وضعه المادي أصعب وضع في العايلة ، كنت دايم أذكره و أبكي اقول عمي الحين مو بنفس مدينتنا عايش بمكة الله يعمرها ، اقول كيف عايش لحاله و هو شايب ، ما عنده اللي يرعاه و ساكن على قمة جبل في بيت بسيط قديم ما يظهر منه الا اذا راح يصلي ، و يوم هو رايح يصلي يسقط من هذا الجبل و تتكسر ضلوعه و حنا ما درينا ، و يجيبه أحد من أهل الخير لنا و هو قد تجاوز الثمانين

انا يوم شفته ما نمت ذيك الليلة من الحزن على حاله و صرت ما افارقه ، قلت هذا خير و ربي ساقه و انا لازم اخدمه بما استطعت و شكرت ربي ان اخيرا تطمنت عليه ، على الاقل يعيش باقي أيامه بوسط عايلة ، بدال السنين الطويلة اللي تغربل فيها عايش لوحده ..

جلس معانا سبحان الله مدة سنتين بالضبط ، جانا في شهر صفر و انتقل لرحمة ربه في نفس الشهر بعد سنتين

كنت ما اشوفه الا كل ما دخل بيت الماء على قولته يقصد ( دورة المياه ) كرمكم الله يخرج متوضي و يصلي ، صلوات كثيرة ، طول اليوم و هو في حالة صلاة تبارك الله ، و ما ينطق الا بكلمة وحدة ( أذن ؟ ) .. يسأل ينتظر الفروض ما شاء الله مع إنه اصلا في حالة صلاة طوال الوقت ..

و لا عمره طلب نوع معين من الاكل او مشرب معين حتى لو فنجال قهوة .. اللي نضعه أمامه يشرب و ياكل منه معنا ، كنا أكثر شي حريصين اننا ناكل و نشرب معاه انا و والدي رحمه الله
لان والدي جاب سرير و حطه بنفس غرفة اخوه و صارت أسرتهم متقابلة ، ابوي يقرأ في كتب الأحاديث و التفاسير و عمي يصلي ، طوال الوقت يصلي ، ما ادخل عليه الا القاه يا اما يكبر او يركع و هو جالس على طرف سريره ..

و بيوم كنت جاية من الخارج الا و يطلب مني قهوة ، و عمي ما عمره طلب شي ، و بلفظة ( قهوة عربية ) و حنا ما نقول هذا اللفظ بالذات الا يوم يجونا ضيوف ، لان القهوة العربية السعودية هي ضيافتهم الأساسية
و كان وقت غداء.. و كنت اساعد في تجهيز الغداء في المطبخ و قلت لازم أسويها لان عمي نفسه فيها و اول مرة يطلبها ، الا و يوم جبتها معي قال الوالد خليها بعد الغداء ما خلاني اصب لعمي منها قال تبي تسد نفسه عن الطعام ، مع انه كان متلهف يوم شافها .. مع اننا كل عصر نسويها ..

و أثناء احضر السفرة قدامهم الا عمي قاعد يردد اذكار ما بعد صلاة الظهر ، يحب يطول في ترديد الأذكار طالما مو قاعد يصلي ، ماشاء الله تبارك الله ما اشوفه غير يذكر ربه او يصلي ، و فجاة ارتفع بصري عليه الا القاه شخص بصره و نفخ نفخة وحدة بسيطة و مال على جنبه اليمين و هو جالس على طرف سريره ، كلها ما كمل دقيقة و سكن ما عاد تحرك .. انا من الفجعة و اللخبطة قلت : خلاص مات عمي مات ، مدري كيف اقتنعت و قلت مات مع اني ماني مستوعبة ، و طلبنا الإسعاف قالوا خلاص انتهت ..
كل هذا و الأكل و القهوة زي ما هي ..


أسأل الله الكريم أن يجمعنا بأحبابنا في رحاب الفردوس الأعلى من الجنة اللي خير من الدنيا و ما فيها

و فيه تعليق على اصراره على القهوة خبروني فيه بعض أصحاب التجارب مع الموتى و سبب طلبه لها

إن شاء الله ارجع اكتبه لانه مهم و فيه عبر كثيرة