|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
24-03-2002, 05:38 PM
|
#1 | ||||
|
................
|
الزوجة الأجنبية ..باللهجة الكويتية
الزوجة الأجنبية !! معروف ان الزواج قسمة ونصيب ، مقولة مشهورة ومحفوظة عن ظهر قلب للقاصي والداني ، ولكن رب العباد رزقنا بعقل لازم عشان أنفكر فيه ونوزن الأمور ومن هذه الأمور اختيار شريك الحياة أستغرب من الرجال اللي يدورون زوجه من غير جنسيتهم ، خاصه لما يختارها من أقليم وبيئة مختلفه عن بيئته ، اللهجة غير والعادات غير والتقاليد غير ، ياخذ بنت الناس ويقعدها في ديرته فتحس بالغربه واذا كان فيه دناوة نفس يعايرها بجنسيتها او بعادات بلدها حتى بنظام الحكم في بلدها ما يسلم من لسانه ، اما اذا كانت من النوع المتسلط وقدرت تحط الحبل برقبته فهني يوليه يا سواد ليله ، لأنه لازم يسفرها مرتين بالسنة على الاقل ويكون محمل بكل ما غلى ثمنه وخف وزنه او ثقل من الهدايا للماما والبابا وللعم وللعمه وللخال والخاله والى كل ما يمت بصلة الى الزوجه المصون وعليك الحساب . أما الطامة الكبرى اذا كانت الزوجة من جنسية أجنبية مو عربية وخاصه اذا كانت من الدول العظمى أمريكية أو بريطانية أو ألمانية أو فرنسية ( يعني من اللي عملتهم باليورو )عاد هذي ما تقدر تقولها ثلث الثلاثة كم يا ويلك والله تحتل ديرتك بكبرها ، واذا ازعلت مسكت اليهال وسحبتهم ديرتها وتعال هني دبر عمرك ، باجر تلقى بنتك تدير صالة قمار حشاكم و ولدك صاير عراب لعصابة أو رئيس فرقة موسيقية حاشر نفسه بدلاغ وقاعد يغني بملهى . صدقوني ما يحك ظهيرك الا ظفيرك ، ماكو على بنت ديرتك لما تقول الآه تلقاها تأوهت قبلك ، واذا شافتك تعبان كلمة " حبيبي بو عيالي " تسوى الدنيا ومافيها ، ولا تقولون تبالغ...أسألوا أخوي المطيري اللي أبزوره بعد أسبوعين ويبي يوديني للقهوة الشعبية .. وكذلك أسألوا غيري وراح يقولون لكم نفس الكلام >> أبو مروان سعودي الجنسية .. من ذوي السحنة الخليجية .. سمعتي يا واهمة .. المصدر: نفساني
|
||||
|
|
24-03-2002, 07:11 PM
|
#2 | |
|
عضـو مُـبـدع
|
أهلا أبومروان والله يعينك على الكويتيه اللى عندك:D
والله يعينك على الهدايا والله يعينك على المشوار 000 على فكره لو كان عندى فلوس تلقانى بكل دوله خليجيه عندى زوجه :D اكثر الذين يتزوجون من الخليجيات بالذات تكون هناك صلة قرابه بينهم وطبعا هذا شىء جميل ولكن عليك دفع الضريبه مثل ماذكر ابومروان اذن اماذا السعودى لاياخذ سعوديه افضل له ولها وايضا الكويتى كذلك 00 ولكن هذا لايمنع بالزواج من الخليجيات ولكن انا اتحدث عن الافضل 0 أبومروان انا لدى بنت واحده واذا تبيها المروان ترى ماعندى مانع :D (( بس على شرط مروان يسكن معانا لان انا وزوجتى ماعندنا غيرها :( )) أتمنى مقابلتك حتى نقوم بواجب الضيافه :) ايميلى 000 sdeem32@???????.com |
|
|
|
|
24-03-2002, 08:03 PM
|
#3 | |
|
عضـو مُـبـدع
|
صااااادق ياأبو مروان
صح لسانك كلامك هذا رائع لكن وين إلي يسمع الشاب الخليجي دايما نظرته لبنات بلده أنهم شينات ولاعندهم أسلوب ولاذوق ولادلع ولايدرون إن الناس تطورت وبنات زمان مو مثل بنات أول....... يعني بنات اللحين متعلمات وفاهمات ويعرفون وشولون يكسبون أزواجهم إلا الندره طبعا بس أنا ماعندي إلا شي واحدأقوله وهو أنه يستاهل كل اللي يجيه فوق راسه سواء للشباب إلي يتزوج بنت مو من ديرته أو من مستواه وللبنات إلي تتزوج واحد مو من مستواها ولا من ديرتها لأنه بعد البنت غلطانه إنها تقبل بواحد مو من نفس جنسيتها وبعدين وش هاحركاااات ياأبو مروان والمطيري أشوف بديتو تزوجون عيالكم بالإنترنت؟؟؟؟!!!!!!!!!!!!!! |
|
|
|
|
24-03-2002, 10:13 PM
|
#4 | |
|
عضو نشط
|
على فكره لو كان عندى فلوس تلقانى بكل دوله خليجيه عندى زوجه ...
؟؟؟؟؟؟؟؟ ماتخاف تدعى عليك ام العيال بالفقر.......؟؟؟؟؟؟؟؟انتوا يالرجال مالكم امان:)هههههه .... في مثل كويتى يقول(((حلاه الثوب رقعته منه وفيه))):):) مافي احلى من الواحد ياخذ بنت البلد تقارب افكار وعادات وتقاليد ودين......والحمد لله.. |
|
|
|
|
25-03-2002, 02:42 AM
|
#5 | |
|
( عضو دائم ولديه حصانه )
|
:)
سمعت لكن المثل يقول اسمع كلامك اسدئك اشوف امورك .....................استعقب :) ................. كان ياماكان كان لنا جار قبيلي متزوج من بنيه سوريه , حول 14 -15 سنه الجار القبيلي من كثر ما هبلت فيه وصل الى مرحله ان حرم امه من مصروفها الشهري وهي لانها تابعه لاامها تنفذ كلامها كانت الفلوس اللي يعطيها ترسلها لا اهلها وكانت تدور على جاراتها حتى اما يطبخون لها غداها او يسوون لها قهوة زوجها او يعطونها شوي من السمبوسك اللي مسوين والا شوي نعناع يعني با المفتشر كانت فاضحته باالعماره وهو ياغافل لك الله تتوقعون لو انه ماخذ بنت ديرته اصل وفصل وتربيه وعادات حشمه تتوقعون كان غسلت مخه ؟ خلته ينسى اميمته؟ اخواتنا العرب فيهم خير كثير كثير لكن بنات العوايل منهم ما ترضى ياخذها الا ولد ديرتها وقليل من شبابنا اللي اذا ترك بنت بلده يتوفق في اختياره لسيده عربيه قليل جدا امممممممممم قصه ثانيه: ولد شباب مصاب بقليل من التخلف بسبب شلل اصابه فشل جزء من جسده يتكلم بصعوبه عقله سليم زوجه والده من فتاة مصريه طالت المده ولم ينجب ولانه معاق استغلت زوجته الوضع وكادت ان تقتله لانها ملت منه ولا تدري ما تفعل تخاف اهلها وتخاف اهله قالت اذبحه وارتاح منه كانت عند ما يقترب منها تضع الوساده على وجهه لتخنقه فيموت وتنهي ماساتها الولد صبر وقت عليها لكنه في لحظه فقد الصبر وابلغ اباه الذي قررها فا اعترفت فما كان منه الا ان اعادها لااهلها لو كانت بنت ديره تهقون تسويها؟ .......... لا اعيب في اي جنسيه اخرى بل احترامي لكل اخت عربيه تجري في عروقها دماء العرب انما اقول ان الواحد قد يخونه اختياره وهو هنا في ديرته فكيف به ان اختار اخرى من بلد اخر كيف يحدد اصولها وعروقها واخلاقها واخلاق اهلها قرقر مال انا فينيتوا:) يحوووووووووووول طلعت ام مروان تشويتيه؟ صار مروانك تشويتي يؤؤؤؤؤؤؤؤؤؤؤؤؤؤؤ ولو مرواننا يغلب لانه والا بلاش بعدين تزعل اختي بنت التشويت :) |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
