كيف اعيش

كيف اعيش

بسم اللة الرحمن الرحيم
ابدء حديثى بكلمة الخوف الخوف الذى يملئ قلبى من كل الاشياء حتى الجماد فهل انا حياتى صح ام خطأ ؟
فانا عمرى 19 سنة ولكنى احس اننى ابلغ من العمر الاربعين مثلا لاننى شايلة هموم الدنيا فانا كنت احب ابن خالتى الى عجبنى ايمانة باللة الشديد انا عشت طفولتى عادية بس كنت دائما اريد شريك لحياتى كانت امنيتى اخرج من البيت لان بيتى فية اب وام مش بيحبو بعض مش بيربو اولادهم على الحب والوفاء لا بالعكس ماما بتكرهنا فى بابا وبابا بيكرهنا فى ماما وعمرى ماحسيت انى خايفة عاليهم او على اخواتى ولما ارتبط بابن خالتى شريف كنت فى اولة ثانوى كنت بحبة لانة متدين بيصلى وخلانى اصلى واعرف ربنا بس مكنش بيقولى انة بيحبنى كان كلامة معايا عادى وهو كان اكبر منى بحوالى 5 سنين كنت خايفة يسبنى كنت بحاول اقربلة بس وبعد حوالى شهرين قالى ان لة واحد صاحبة كريم نفسة يكلم اختى تؤمى وقلتلة ماشى وقلت لاختى ووفقت وبعدين اختى اتعلقت بية وكان دايما بيحاول انة يضحك عاليها وانا كنت دايما بحظرها منة وبعدين اعتبرت كريم اخويا وصديقى وكنت دايما اقولة على شريف واحكيلة وكان دايما كلامة بيبقى صح وكان بيوجهنى مع شريف للصح وفيوم جة شريف قالى احنا عايزين نقعد كام يوم منكلمش بعض خالص لية وبتاع قالى كدة قولتلة براحتك وطالما دى رغبتك والايام دى كان كريم تعبان ورحتلة انا واختى البيت وكانت اختة موجودة عادى وقعدنا وكان لما بيجى يخرج مع اختى كان بيخدنى معاها يخرجنى وعلشان هو معندوش عربية كان بيخلى واحد صاحبة يخدنا بالعربية وكنت احيانا اقعد مع احمد صاحبة دة واقعد اتكلم عن شريف ولية هو قطع معايا بدون سبب وبعد كدة بحوالى اسبوع يوم 6 اكتوبر 2004 كلمت شريف قالى انا مش عايز اعرفك تانى وانت مش كويسة وبتخونينى وكنت بتطلعى عند كريم البيت وان كريم باسنى وانى كنت ماشية مع احمد صاحب كريم دة طبعا اتصدمت وقفلت وبعد كدة حاولت اكلمة كتير واقولة واجهنى بكريم وكان كريم بيرفض وشريف برضة كان مصدقة ومصدق كلامة وعرفت بعد كدة ان كريم قال لشريف انا هكلمهم علشان اعرفك انهو مش مؤدبين وان شريف وافق ويوم 8 اكتوبر 2004 كانت اختى تؤمى لها صديق فى العمارة الى جمبنا كان عارف مشكلتى وقالى انا هعرفك على واحد تتكلمى معاة وعسول ومش عارف اية وانا علشان مكنش لية اصحاب خالص وافقت وكلمت محمد وكان بيقولى ازاى اصالح شريف ولما شريف مرداش خالص محمد قالى سيبك من شريف خالص كنا قعدنا حوالى شهر بنكلم بعض من غير مايشوفنى وكان ابويا وامى منفصلين فى الفترة دى وكنت قاعدة انا ومامتى فى شقة واختى وبابا فى شقة تانية واخواتى التلاتة البنات الكبار متجوزيين اول مرة محمد شافنى فيها كان باليل الساعة 2 اتصل بيا وقالى انا بجيب سندوتشات اجبلك قولتلة ماشى هو ساكن قريب مننا وجة تحت البيت ونزلت السبت فلقيتة مشى محطش السندوتشات وكلمنى قالى قابلينى على السلم فقلتلة مش هينفع علشان ماما لو صحيت فقالى طب افتحى الباب على اساس انة هيدهملى راح اول لما فتحت الباب دخل وراح داخل استغربت لجرئتة فقالى الاوضة بتاعتك فين قولتلة اهة دخل ودخلت قعد جمبى حاول يبوسنى ويمسك ايدى قولتلة يامحمد انا لسة محبتكش ولسة معرفش حاجة عنك قالى خلاص نتكلم قعدنا اتكلمنا حكالى كل حياتة من اول لما اتولد اية الى بيحبة اية الى بيكرهو كل حاجة والساعة 7 الصبح نزل واستنانى ووصلنى المدرسة وبقينا كل يوم يجيلى باليل ويقعد معايا حوالى اسبوع متواصل ومافيش اى شئ بيحصل مابينا وبعد كدة طلب منى انى انا واختى نسافر مع احمد المعادى لان محمد كان بيدرس فى المعادى وكان عندة شقة ورحنا هناك وقعدنا عادى جدا وكلنا وشربنا ونمنا عادى وصحينا ومشينا ومحصلش اى حاجة غلط واقترحو ان احنا نروح تانى ورحنا تانى وقعدنا بس دخلنا الوضة وحصل الى حصل وكنت حسة ان دى حاجة جديدة عاليا ان واحد يلمسنى بس بعد لما بقيت مش بنت وهو قاعد يوعدنى انة هيتجوزنى وعمرو ما هيسبنى صدقتة لانة قطع علاقتة بكل البنات الى كان يعرفهم وقال للناس كلها انة خطب وبعد كام شهر حسيت انى غلط وكنت خايفة منة فقلتلة ان فى واحد متقدملى وهوراح كلم باباة وراح كلم مامتى انة عايز يخطبنى ومافيش سنة بالظبط وكنا مخطوبين قراية فتحة والى حصل كان بينى وبينة واختى الكبيرة واختى تؤمى واحمد وبدءت المشاكل كان بيعرف بنات وكان بيعملنى وحش بالرغم ان كانت علاقتنا مش اتنين مخطوبين كانت علاقتنا اتنين متجوزيين وكنت بعملة على انة جوزى وكنت مخلصة لية جداا وحبيتة جدا واعتبرتة حبيبى وصديقى وحياتى كلها وكنت كل ماعرف انة بيكلم واحدة واحيانا هو الى كان بيجى يقولى انا غلط وبكلم بنت بس كان دايما بيحلفلى انة عمرو مانام ماحد غيرى او من بعد ماعرفنى منمش ماحد غيرى لكن البنات الى بيكلمهم دول عادى ورغم انى عرفت انة قايل لناس كتير على موضوعنا بس يوم لما قولتلة ان احنا الى بنعملة مع بعض دة حرام ولازم نكتب ورق عرفى وافق علطول من غير تردد وكتب الورق وادانى الوقتين وقالى خليهم معاكى ولحد الشهور الى فاتت هو بيحبنى وبيدافع عنى وهو كل حاجة فى حياتى وسافر علشان يشتغل ويجيب فلوس علشان نتجوز بس دايما حسة انة مش بيحبنى زى ماانا بحبة علطول بشك فية معانة حتى لما كان بيغلط واول لما بيخدنى فى حضنة كنت بحس ان حضنة الى مدفينى دة كفايا وانى مستهلش اكتر من كدة هو انسان طيب وشكلة قمور جدا ومش محتاج حاجة لان اهلة ناس مبسوطة ومعاهم فلوس بس دايما كنت اقولة انى مستعدة ابدء معاه من الصفر بس نكون مع بعض فى بيت واحد وكنت فاكرة انة لما يبعد عنى هينسانى لا بيكلمنى وعايز يجبلى الدنيا كلها وواثق فيا جدا لان انا كل حاجة فى حياتى بحكيهالو وعمرى ماكدبت عالية وعرفتة ان كمان مكنش فى حد متقدملى زمان وهو سامحنى وكان فى ناس كتير يجو يكلمونى او بيحبونى ويجو يقولولى كنت بصدهم وكنت بقالو كل حاجة ومن ساعت منمت معاه وانا مخلصة لة حتى شريف دلوقتى بيحاول يكلمنى بس انا حتة مش بفكر فية وبفكر فى محمد علطول ودايما بقول انا الحمد للة مغلطش مع حد تانى او عملت اى حاجة من وراة ودايما كنت بسمحة فى اى غلط بيعملة فاكيد هو مش هيسبنى لانة عارف انى ماليش غيرة فى الدنيا هو دة الى عرفنى معنى الحب والاخلاص والسعادة وعرفنى معنى الحياة بفرحها وحزنها بس احيانا بحس انى دست على نفسى وعلى كرمتى كتير ودايما حسة انة كبييير قوى فى المقام عنى مش عرفة بس دايما خايفة قبل مايسافر كان نفسى نكون متجوزيين بس اهلى رفضو الجواز دلوقتى بس هو بيوعدنى دايما انة هيرجعلى وانة بيعمل كل دة علشانى انا مش عرفة الخوف هيموتنى بعدة عنى محسسنى انى ضعيفة جدااا خايفة حتة من البيت واهلى مش عايزة اعيش فى البيت كرهت كل الناس علشان احبة هو وبس عايشة علشانة وبس مكنتش ومازلت لا بعرف صبيان ولا بنات علشان لما احب اتكلم متكلمش مع حد غيرة هو هل دة جنان انا مثلا مجنونة بية انا بسمع صوتة جمبى وحوالية وعيزاة وخايفة يارب الاقى عندكو حل للخوف الى عندى الى مالينى

المصدر: نفساني

اسأل الله لك النجاة والتوبه

وتحرري من الرجل بعض الشي فهم اصبحوا محور حياتك ودمروها

استيقظي من سباتك العميق وتذكري قد لا تستيقظين غدا

ابعدي عن الاجواء النتنه التي حولك وتنفسي هواءاً نقيا في مجتمع ارقى وانقى

بيدك تغيير العالم ونفسك اولا وحركي المياه الراكدة تحتك

توقفي الان عن سلبيتك وكوني ايجابية لاتبحثي كيف ؟

انت ادرى بحالك

تقربي من الله وكوني مؤمنه بقضائه متوكلة عليه ولا تكوني في دور الضحية

استمدي القوة والامل والثقة من نور الله فوالله لن ينجيك سواه