|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
07-12-2008, 04:49 PM | #1 | |||
عضو جديد
|
صديقتي احبها .. لكن
السلام عليكم ..
اسعد الله اوقاتكم بالمسرات .. وكل سنه وانتو طيبين عندي صديقتي من الثانوي .. انا وياها كنا الثنائي المرح في الثانوي وكان عندناا قصص وذكريات رائعه صديقتي احبها واتمنى لها كل خير .. وربي العالم بهالشي لما خلصنا المرحله الثانويه .. انتقلنا للمرحله الجامعيه .. كل وحده راحت تخصص .. صح تفرقنا عن بعض .. لكن قلوبنا كانت مع بعض .. صح انشغلنا شوي عن بعض .. لكن ربي العالم اني اعتبرها من أعز صديقاتي .. صديقتي تمر بظروف سيئه عند أهلها .. كانت احيانا تفضفض لي .. في الجامعه تعرضت لإنتكاسات .. حبت بنت حب جنوني .. كانت علاقتها بهالبنت علاقه قويه .. من بعد ما حبت صديقتي هالبنت احس شخصيتها تغيرت كنت احس ان حبها للبنت فيه غلط .. كانت متعلقه فيها بشكل كبير حب موب حب صداقه لا يعني تغار عليها لو كلمت احد .. لما تمر قدامها تجلس تحب تطالع فيها .. لما كانت صديقتي تقول لي هالكلام ما كنت اقول لها شي كنت اسمعها بس كنت استغرب هالحب بعد فتره صارت مشكله بينهم كبيره كلمتني صديقتي منهاره .. بديت اتكلم وضحت لها أن اصلا هالشي غلط .. وان هالبنت اللي فهمته منها كانت تستغلها .. يعني تكلمها تكمل لها ملازمها وصديقتي عيبها طيبتها القويه .. المهم قلت لصديقتي هات رقم البنت اتفاهم معها كلمت البنت وقلت لها ان الشي اللي يسوونه غلط مافيه حب بين البنات كذا واخذت كلامي معها على اساس نصيحه .. سكرت السماعه وكلمت صديقتي ولما قلت لها الكلام جن جنونها .. كانت تقول لي والله لا أوريك خير تقولين لها هذا غلط وبتندمين انصدمت من كلام صديقتي وسكرت وقلت خلاص انا اللي علي سويته عشان صديقتي وماراح اتدخل مره ثانيه .. جلست فتره ما اكلمها بعدين هي كلمتني وتتعذر وانها كانت غلطانه وقالت لي انها بدت تكتشف ان البنت كذاااابه وانها كذبت عليها بأشياء من ضمنها انها كانت تقول لها انها متزوجه وما طلعت متزوجه وانها حامل وانها واخر شي ما طلع ولا شي .. حمدت الله ان صديقتي عرفت ان اللي تسويه غلط وهي بعد اقتنعت بهالشي وتركته صديقتي تخرجت من الجامعه .. صارت مدرسه بمدرسه أهليه .. احها تغيرت شخصيتها .. صارت كل ما تكلمني تقول لي انها ضحيه وان كل الناس يستغلونها كل قصصها كذا مع اقاربها وقريباتها انهم يستغلونها وهي ما تقدر تتحرك في مدرستها كل المدرسات يستغلونها ويكرهونها وهي ما تقدر تسوي شي لما اسمع صديقتي اقتنع بكلامها ولما اسمع مواقفها اتألم معها .. لكن لما اسكر اجلس افكر هل كل العالم اشرار وصديقتي طيبه ؟؟ مدري احس من بعد الجامعه تغيرت صارت اي دور تمثل فيه دور المسكينه وان اللي حلواه جشعين طماعين كذابين منافقين .. صديقتي كانت تسمي نفسها عاشقة الإبتسامه ايام الثانوي كانت الضحكه ما تفارقها .. لما تزورني نجلس نضحك ونتذكر ايام الثانوي وهي قلبها طيب مره اتمنى صديقتي ترجع صديقتي الأولى .. عاشقة الإبتسامه ودي اساعدها .. هي عندهم بالبيت مشاكل كثيير بين امها وابوها واتوقع هذا الشي أثر عليها بعد .. بس اتمنى اكون لها صديقة خير وارجعها عاشقة للإبتسامه ثاني مره هل أقدر .. وشلون ؟؟ شاكره لكم الإستمــاع .. المصدر: نفساني
|
|||
|
12-12-2008, 03:31 AM | #3 |
مراقبة إداريه سابقه
|
هلا حياتي المتفائلة خبرج الدنيا عيد والناس انشغلت و اليوم كان اخر يوم من ايام العيد.. عيدج مبارك .. ولو انها جات متأخرة .. : حبيبتي المتفائلة وان شاء الله تكونين دوم متفائلة ياررب يمكن فعلا صديقتج عانت من جشع الناس واستغلالهم خصوصا هالزمن الحين زمن المصالح او يمكن تباالغ او من الاشيا اللي مرت عليها قامت تحس بهالشعور هالاحساس خطر .. لان يمكن يتطور هالشي عندها وترى مشااااااكل الوالدين وايد وايد تأثر على نفسية الطفل حاولي تكلمينها وتزورينها وتشوفين الناس اللي حولها هل هم فعلا مثل ماتوصفهم !! ولا بس يتهيأ لها ! حاولي تغيرين هالفكرة بما ان في الشين .. اكيد الزين موجوود واصابع اليد مب سوى وان شاء الله ترجع مثل قبل يارب واسفين ع التأخير حبيبتي .. كل ن وظروفه |
|
12-12-2008, 05:15 AM | #4 |
عضومجلس إدارة في نفساني
|
السلام عليكم ورحمة الله يااختي المتفائلة لم توضحي عن صديقتك بماذا يستغلونها الناس واعتقد انها بحاجة الى حب حقيقي وزوج .....
|
|
12-12-2008, 05:10 PM | #5 | ||
عضو جديد
|
اقتباس:
شفتي كيف الرد جاب نتيجه :) عموما كلامك مره حلو ومثل ما قلتي احاول والله اتصل فيها وما اقطعها لكن ظروف الدراسه تشغلني حاليان كثير عن اقاربي فما بالك بصديقتي وان شاء الله راح اسوي نصائحك اللي قلتي عنها اقتباس:
بالإضافه إلى المشاكل اللي في بيتها لدرجة انها مره صارت مشكله كبيره عندهم وكانت تقول لي انا ما الوم البنات اللي ينحرفون لما تكون ضروفهم مثل ضروفي .. حتى بالدراسه تقول اتمنى اروح اكمل دراستي برا الماجستير عشان ارتاح من المشاكل اللي انا فيها ولو جت الموافقه بروح حتى من دون رضى اهلي عموما الله يوفقك ويوفقها ويفرج عليها يارب |
||
|
12-12-2008, 05:18 PM | #6 | |
عضو جديد
|
اقتباس:
يستغلونها امممممممممممم خليني اقول لك مثلا هي الحين تشتغل في مدرسه اهليه حلو ؟ طالباتها تعلقو فيها بشكل كبييييييير لأنها طيبه معهم ودايم تسولف لهم وتقول لهم قصص كثر تعلق الطالبات فيها خلى المدرسات يعصبون عليها ويقولون لها وش بينك وبين الطالبات ووش تسوين لهم لدرجة انهم صارو يفكرون تفكير ثاني ان بينهم حب وكذا وهي والله احلف عنها انها موب في بالها كذا مره كلفتها مدرسه انها تدرب بنات على حفل مسكتهم بفصل وجلسو يتمرنون بعدين ارسلت بنت من بناتها تجيب ورقه من الإداره راحت البنت للإداره وقالت لهم انهم معها عصبو الإداره وكتبوها تعهد لأنهم قالو وش كنتي تسوين بالبنات صديقتي هذاك اليوم بكت بكى موب طبيعي ولما راحت المدرسه سحبت ملفها وطلعت وهي تقول حسبي الله ونعم الوكيل لدرجة ان مدرسه جتها وقالت لها سامحيني ومن هالمواقف |
|
|
15-12-2008, 12:21 AM | #7 |
مراقبة إداريه سابقه
|
الله يعينها والله اذا تفكير الناس فيها جي !! وما تنلام لا كرهت الناس بس لازم تحط ف بالها ان مو كلهم نفس بعض ومثلا : انتي .. طيبه.. ومو نفسهم الله يفرج عليها يارب,, |
|
16-12-2008, 02:05 AM | #8 |
عـضو أسـاسـي
|
ياقلبي عليها الله يعيينها حاولي تغييريين نظرتها للناس قوليلها مثل مالشر موجود الخير موجود
اهم شي خلتقوي صلتها بخالقها والدنيا كلها كيفها الله يعيينها ويصبرها |
|
17-12-2008, 06:19 AM | #9 | |
عضو جديد
|
اقتباس:
انا احس انها صارت تتأثر بسرعه يعني احنا احيانا نقدر ننحط بنفس ظروفها ب نتجاوزها وما نفكر فيها لكن هي كل ما صار موقف تقول خلااص كل الناس كذا .. عموما الله يعطيك العافيه يارب |
|
|
17-12-2008, 06:20 AM | #10 | |
عضو جديد
|
اقتباس:
ان شاء الله .. وهي ماشاء الله عليها من ناحية الدين أفضل مني وما أزكي على الله احد لكن الظاهر الله يوفقك شاكره لك مرورك |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|