التـــــــــــدويــــنـآت فـــى عــــــوآرض النــــــوبــــات

انا اكتب الحكين وانا فيني النوبة ماادري هذي نوبة ولا ا لموت نفسه احس بشي غريب في جسمي قدمي تؤلمني وباردة جداً احس كان شي بيطلع منها واحس باختناق وضيق في التنفس وخفقان سريع في القلب واحس الدنيا دور فيني وفجاة وبدون سبب مع اني كنت طبيعية الصبح انا خايفة ماادري شو اسوي واناحامل واخافي ياثر هذا ع الجنين هل هاذي نوبة ولا الموت الحقوني انا اموووت

الأعراض الجسديه
* دوووخه و احس اني دايخه و موب دايخه مثل ما قال الحربي
* خفقااان و دقات القلب سريعه جدا
* ضيق في النفس النفس يكون بصعوبه
* صعوبة بلع الريق
* رجفه في الجسم بروده او حرااره خصوصا في الأطراف
* تنميل في اي جزء من اعضاء الجسم حتى الراس
* غشاوه عالعيون احس مثل الضباب
*غثيان و لووعه فضيعه و انتفاخ في البطن
* احسااس انه الروح بتطلع مثل ما قالت يارب أرجوك من صدرك او بطنك او حلقك اعوووووذ بالله
*و غيرها مثل شد على الأسنان او احس لساني ثقيل
وايد اشياء ما انذكرت منعا للاحراج ههههههههه

الأعراض النفسيه:
* وسااوس مالها أول من تالي
* خوووف فضيع و عدم الاحساس بالأمان
* صلاه سريعه و كثيرة الحركه في الصلاه
*ما أحب التجمعات أو تجمعات العايله مثل ما تفضلت الاخت يارب أرجوك لانه التجمعات فيها سوالف و السوالف انا أفسرها على كيفي و كل تفسيراتي سلبيه
*عصبيه واايد و متوتره و مالي خلق شي
*لا واقعيه و شرود ذهني و نسيان احيانا
*أحلام أفسرها على طريقتي حتى لو أحلام عاديه أقعد أوسوس فيها
*واايد أعرااض اذا تذكرت بقولكم و الله يخليكم اذا قريتوا أعراضي لا توسوسون انها فيكم انا ما كتبتها عشان غيري يتعب ..... شفتوا كيف حسيت بالذنب هذي من الأعراض ههههههه :)

شباب و بنات تعالوا صفحتي في نقااش في موضووع هاام أتمنى تشاركون فيه

هذا بعد اذن الحربي ... الحربي بستلف زباااينك شوي ممكن :) ؟

المشاركة الأصلية كتبت بواسطة معاندة الجرح

انا اكتب الحكين وانا فيني النوبة ماادري هذي نوبة ولا ا لموت نفسه احس بشي غريب في جسمي قدمي تؤلمني وباردة جداً احس كان شي بيطلع منها واحس باختناق وضيق في التنفس وخفقان سريع في القلب واحس الدنيا دور فيني وفجاة وبدون سبب مع اني كنت طبيعية الصبح انا خايفة ماادري شو اسوي واناحامل واخافي ياثر هذا ع الجنين هل هاذي نوبة ولا الموت الحقوني انا اموووت

مرحبا اختي لا تخافين ابدا حاولي تكونين ريلاكس هذا هلع
يعني ماله وقت و مثل ما مرت النوبات اللي قبل هذي ان شاءالله بتمر بسلام و ان شاءالله ما تضر الجنيين بس ممكن يأثر على نفسية الجنين فحاولي تكونيين هااديه حااولي عشان اللي في بطنج و اقري لج قرآن و استغفري و ارقي نفسج و جنينج و ما عليج الا العافيه .. انتي من الامارات ؟؟ لانه لهجتج قريبه من لهجتي !!!
المهم لا تخافين الله يتمم لج حملج على خير و تقومين بالسلامه و تشوفين البيبي و تفرحين به :)

مشكورة اختي شمس الامل على الرد بصراحة ريحتيني شوي وانا محتاجة للراحة النقسية بس مش قادرة اريح نفسي وكل خايفةان اضر جنيني بهاالتوتر والقلق والخوف انا كنت اتوقع ان النوبات ما تي في الحمل بس احس ان انوبات بدت تزيد وياي
بصراحة عاجزة عن شكرج ..هي انا من الامارات
اشكرج اختي على الاهتمام بامري بصراحة انا دايما ارتاح لردودج علي
الله يعافيج حبيبتي ويعافيني ويعافي جميع المهلوعين

المشاركة الأصلية كتبت بواسطة معاندة الجرح

مشكورة اختي شمس الامل على الرد بصراحة ريحتيني شوي وانا محتاجة للراحة النقسية بس مش قادرة اريح نفسي وكل خايفةان اضر جنيني بهاالتوتر والقلق والخوف انا كنت اتوقع ان النوبات ما تي في الحمل بس احس ان انوبات بدت تزيد وياي
بصراحة عاجزة عن شكرج ..هي انا من الامارات
اشكرج اختي على الاهتمام بامري بصراحة انا دايما ارتاح لردودج علي
الله يعافيج حبيبتي ويعافيني ويعافي جميع المهلوعين

لا تخافين ممكن هذي ما تكون نوبات ممكن من هرمون الحمل لأنه مثل ما تدرين هرمون الحمل يأثر على النفسيه و التوتر و القلق و انتي فسرتيها نوبه و ممكن تكون نوبه و عادي حتى لو نوبه لا تخافين باذن الله بتخف مثل اللي قبلها و فكري في البيبي كيف شكله بيكون و فكري في لون غرفته في التوزيعات اللي بتسوينها :) فكري في أمور ايجابيه لا تشكريني فديتج نحن خوات و ما بيننا شكر و اذا بغيتي أي شي انا حاضره و اعتبريني اخت لج .. و اذا حابه نتواصل اطلبي من الإداره يعطوني ايميلج و الله اييسر لج امورج و يشافيج و يعافيج

بقول شي

من شوي كنت اشوف التلفزيون عادي وضعي فجأه ضربات قلبي صارت عجيبه وغريبه مو مثل الضربات العاديه وببلعومي توصل

تجيكم كذا؟

من بعدها جتني اقوى نوبه في العالم وللحين اعيشها بس اعراض مختلفه وعجيبه!!

رحت اخذت مويه مقري عليها وشربت ودهنت زيت مقري وزادت والله احس حراره تطلع من جسمي وضغط على رقبتي كاني مخنوقه

واحس شي ينسحب مني مع حراره وضيق تنفس؟

يجيكم كذا

المشاركة الأصلية كتبت بواسطة يارب ارجوك

بقول شي
من شوي كنت اشوف التلفزيون عادي وضعي فجأه ضربات قلبي صارت عجيبه وغريبه مو مثل الضربات العاديه وببلعومي توصل
تجيكم كذا؟
من بعدها جتني اقوى نوبه في العالم وللحين اعيشها بس اعراض مختلفه وعجيبه!!
رحت اخذت مويه مقري عليها وشربت ودهنت زيت مقري وزادت والله احس حراره تطلع من جسمي وضغط على رقبتي كاني مخنوقه
واحس شي ينسحب مني مع حراره وضيق تنفس؟
يجيكم كذا

اسم الله عليييج
أنا صار لي أمس هالشي
و سبب لي خووووووووووف شديييييييييييييييد
:( الحمدلله على كل حال انا الدكتور قال لي
انه كل نووبه تختلف عن الثانيه بالأعراض
و المده و الوقت و طريقة بداية كل نوبه
الله يعيننا و يشفينا ان شاءالله
ما تشووفين شر يا حبيبتي ألف سلامه عليج

ما تشوفين شر يا رب ارجوك ....

ان شاء الله عن قريب راح اسوي موضوع علاجي ... وان شاء الله كل اللي وده تخف النوبات عنده يشارك وهي مو اكثر من جربه ... بس ليلحين قيد الدراسه ....
بالنسبه لي انا الحين المفروض بوقت ذروة النوبات ... بس الحمدلله رب العالمين ... صارلي يمكن شهر وشوي ما حاشتني الا خفييييييييييييييييفه .. يعني بس دقات قلب بدون ضيق تنفس ولا احساسات غريبه ... اللي وده ينظم لموضوعي يزهب نفسه ومتى ما نزل الموضوع نشارك كلنا ...وكل اسبوع نسوي تقييم بيننا عشان ... وانا راح انقل بعض كلام الاستشاري اللي يقوله لي لكم طبعا عشان نستفيد كلنا مع بعض :)