اكتئاب

اكتئاب

السلام عليكم ....
عندي حالة من الكتمة وعسر التنفس مسببة لي اكتئاب صعوبة في الشهيق والزفير ماأستطيع ملئ صدري بالهواء من أسبوعين أصبت بنزلة شعبية مع حرارة وسعال وكتمة بالنفس وأنا موناقص وعمل لي الطبيب أشعة وقال عندك نزلة شعبية طبعا مت من الخوف قال لاتخاف مو التهاب نزلة عادية لكن من شفت الاشعة وانا مكتوم وضايق صدري وخايف لايكون عندي شئ أكبر ومتردد أسوي أشعة مقطعية على الرئة الطبيب كتبها لي وهو يقول لي ماتحتاجها شالعمل محتار ماأدري أسوي أشعة ولا أطنش أخواني تحسون بكتمة وضيقة إنكم ماتقدرون تاخذون شهيق كامل يملئ الصدر أنا بصراحة أحاول أسوي تمرين التنفس للاسترخاء يزيد معاي التوتر بسبة عدم القدرة على ملئ الصدر بالهواء التنفس العميق ومعظم الوقت في أحد مثلي ؟

تحياتي

المصدر: نفساني

الله يشفيك ويرفع عنك ان شاء الله

هلا اخوي بندق سلامتك وماتشوف باس انشالله.
والله نفس الحاله بس انا مامعاي التهاب بدون التهاب احس كتمه وضيقه بالنفس والخفقان ذابحني يااخوي ذبح. وكل امرك لله اكبر شي بهالدنيا الموت والله انه اريح من بعض الحياه الي حنا عايشينها يااخوي خلنا نموت طز طفشنا والله شف العالم كيف عايشه وحنا وشلون عايشين طول الوقت مرض الله يعين يارب

تبون ترتاحون ؟؟؟؟؟؟؟؟؟؟ زورو المستشفيات وشوفو الحالات اللي اصعب منكم

اللي هي حقيقه مو اوهاااااام ... واسمعوهم كيف عايشين راح تحمدون ربكم انكم بخير وعافيه

الله يشافينا وياك

انا دكتورى قالى ابعد عن المستشفيات بس احنا مانسمع الكلام مره رحت المستشفى وسويت تخطيط قلب فالدكتور شافنى متخسبق وحالتى النفسيه تعبانه فحب انه يطمنى اكثر وكتبلى تحاليل شامله بس علشان يطمنى ولا انا مو محتاجها اساسا وبعدين انا من سمعت تحاليل شامله صرت اضرب اخماس فى اسداس وعقلى يودى ويجيب ليش طلب هالتحاليل لازم فينى شى اكيد شى خطير وقالولى تطلع بعد اربع ساعات كانت اطول اربع ساعات فحياتى كل مرض فالدنيا توقعته فينى ولما طلعت التحاليل الحمدالله كل شى طبيعى ضحكت على نفسى
شوف اخوى الدكتور قالك مافيك شى ومو محتاج تسوى الاشعه بس انت الى خليته يطلبها منك ياخوى احنا مرضنا وسوااااااااااااااس فقط لو فيك شى كان الدكتور اصر وقالك الحين تسويها صل على النبى واترك عنك هالافكار
ارجع واقول احنا ياخوانى أرض خصبه للشيطان يلعب فينا مثل مايبى خلك اقوى من الشيطان بالله ياخوانى احنا معانا الله سبحانه توكلو على الله اكو شى اكبر ولا اقوى من الله مافيه اكيد خلاص توكل عليه وارمى حملك على الله وبترتاح ان شاء الله

اصلا اللي عنده شي كبير يبان عليه

مو واحد يتحرك ويطلع وينزل

ومن الم بسيط يقول اكيد شي كبير

لو كان شي كبير كان طحت من الالم