![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
![]() |
|
أدوات الموضوع |
![]() |
#1 | |||
عضـو مُـبـدع
![]() ![]() ![]() ![]() |
تصروعت الله يسامحك يادكتور
السلام عليكم ....
قبل 7 ساعات الساعة11 كنت راجع من الدوانية (المجلس) عند أخواننا السعوديين والدوانية قريبة من البيت خليت السيارة ورحت مشي قعدت مع الربع (الاصدقاء) وأنا ماني مركز معاهم صحيح أحاول أشارك بالمواضيع بس أحس بتعب لما أتكلم وأحس براسي شئ غريب ماني عارف أوصفه شئ راح من زمان لكنه ابتدأ يرجع علي خصوصا وأنا صار لي 6 شهور تارك السيبرالكس إحساس إني مشوش مع إحساس كريه مربك كأن راسي فيه هواء أو شي يتحرك وساعات كأنه فاضي كأني بغيب عن الوعي المهم لما اشتد التعب أخذت حبة الشجاعة(الزانكس) وجلست شوي وبعدين استأذنت ومشيت وأنا ماشي حسيت بتعب وضيقة ركبت السيارة ورحت المستوصف وقلت للدكتور اللي حسيت فيه قاس ضغطي لقاه مرتفع شوي 140/90 وقال إفحص سكر وتخطيط قلب فحصت السكر الحمدلله طبيعي و والدكتور مسك التخطيط ويشوفه مدة بتركيز ويسأل عن الثقل والضيقة للحين معاك قلت خفيف قال شوف لازم تاخذ حبة تحت اللسان لانه فيه اختلاف شوي في التخطيط ومع الحبة اسبرين أنا قلبي طاح ببطني من الخوف الحبة هذي جربتها أول مرة رحت المستشفى وكان يحسبون إن عندي جلطة لاحول ولا قوة إلا بالله قلت له ليش ترى عندي توتر قال بس نتأكد إن مافي شئ لأن التعب جالك مع مجهود تسوي تحاليل ويعيدون لك التخطيط بالمستشفى طبعا رفضت اخذ الحبة وقلت اذا لازم ولا فيه شئ أخذها بالمستشفى لانها تجييب الصداع والهلع تفتح الشرايين وتعفس الواحد المهم تمالكت أعصابي ورحت بهدوء وكلمت زوجتي تجيني المستشفى المهم دخلت على الدكتور شاف التخطيط وقال عيد التخطيط وسو التحاليل طبعا هذا بالطوارئ في المستشفى شاف التخطيط الجديد تقريبا نفس القديم وقال مافي شئ لا الاول ولا الثاني ودكتور المستوصف كان خايف من وصفك للحالة إنك تعبت أثناء المشي (المجهود) وعموما دكاترة المستوصفات ماعندهم خبرة بمثل هذه الامور فيضطر يحولك للتأكد والحمد لله التحليل سليم ووصفلي باسط للعضلات علشان عضلات الصدر لاني كم يوم احس بضغط بعضلات الصدر والكتف وتنميل بس غريب كأن وخز بارد مرة بالكتف الشمال واليمين واحس باصابع رجلي تتعكف لاإراديا احاسيس غريبة بجسمي كله والله رجعت البيت مع زوجتي ولما نامت تسللت من الغرفة ورحت لوحدي مستشفى ثاني علشان اتأكد وسألت الطبيب قال التخطيط سليم ولا تخاف لاتخاف كلمة صار لي 3 سنين اسمعها وماني قادر أقتنع فيها أنا اليوم خوفني دكتور المستوصف بس حسيت باحساس غريب وانا رايح المستشفى وكان في احتمال مشكلة ولاجلطة أعوذ بالله منها إني كنت هادئ ومتمالك نفسي وحسيت بان اللي خايف منه يمكن انه صار لاني خايف طول هالوقت وتكرت التدخين لمدة 6 شهور في البداية ورجعت اذا انا السبب في اللي حصل ان كان بسبب التدخين أوبسبب القلق اللي ماني قادر اسيطر عليه و صار اللي خايف منه, أول مرة طبيب يشوف التخطيط ويحولني المستشفى خفت مت من الخوف لكن بهدوء الغريب بالمسألة ان طبيب المستشفى لما طمني وقال مافي شئ الفحوصات سليمة حصل لي شعور غريب متناقض تطمنت ورجع القلق هل من تفسير لهذا الشعور هل هو عدم ثقة بتطمين دكتور المستشفى الامر اللي جعلني اذهب لمستشفى اخر ولا ادمان القلق والتوتر الحين أفكر بمراجعة أخصائي قلب للتأكد من التخطيط والحالة عموما ولا السبب تركي للسيبرالكس أ رجو من الاخوان والاخوات التكرم بنصحي سواء بالرجوع للدواء أو الاستمرار بتركه علما بأن الطبيب نصحني بالرجوع للدواء مع تغييره للسيروكسات سي ار وانا مطنش كلامه من شهرين ومعاند طمعا بالشفاء من غير علاج كيميائي سامحوني على الاطالة . تحياتي المصدر: نفساني
|
|||
![]() |
![]() |
#2 |
( عضو دائم ولديه حصانه )
![]() ![]() ![]() ![]() ![]() ![]() ![]() |
اخوى بندق الله يشافيك يارب
والله انا صار معاى مثل الى صار معاك بالظبط طبيب مستوصف عفسنى دمر اعصابى بتحويلى للمستشفى مثل كلامك بالظبط ولما رحت قالى طبيب المستشفى مافيك شى الخ الخ الخ ولما رحت للدكتور النفسى قالى انا قلتلك لاتروح مستشفيات وعصب وقالى اياك ومراجعه المستشفى وانت بحاله الهلع وكثرت التردد على المستشفيات راح تزيد توترك وراح تلقى اطباء اغبياء مع احترامى لهم مايقدرون الحاله النفسيه للمريض ولا عندهم خلفيه بفن التعامل ونهرنى الدكتور النفسى قال اياك ومراجعه المستشفيات اياك ووالله ياخوى من يومها مهما يصير فينى ما اروح مستشفى اقول اذا كان فينى شى عندى اهلى يودونى لو صار معاى شى حقيقى مووهم طبعا وكل شى بيد الله سبحانه وتذكر ياخوى ما اصابك ماكان ليخطأك وما أخطأك ماكان ليصيبك ريح بالك وانا اخوك وانت مو جديده عليك هالحاله توكل على الله وسلمها لله سسبحانه |
![]() |
![]() |
#3 |
عضـو مُـبـدع
![]() ![]() ![]() ![]() |
قواك الله أخوي رجل ضد الهلع وشافاك وعافاك أخوي سؤال في مرة حسيت بضيقة وانت تمشي؟ وشرايك أرجع للدواء ولا لأ؟
تحياتي |
![]() |
![]() |
#4 |
عضـو مُـبـدع
![]() ![]() ![]() ![]() ![]() |
الله يشفينا وإياك وجميع مرضى المسلمين
شوف أخوي الكريم، أنا قد قريت لك قبل فترة أنك من زمان تعاني من الهلع وجماعته وحكيتنا قصتك بالكامل بس صراحة مستغربة إنك ليش إلى الآن ما استفدت ولا تعلمت من الخبرات اللي مرت عليك ........ يا أخوي تبي الراحة بطل تروح مستشفيات وشيل فكرة العلاج الدوائي من تفكيرك .... ترى حتى الأسبرين العادي له آثار جانبية على المدى البعيد فما بالك بالأدوية اللي تتعامل مع الأعصاب ....... وبعدين هذاك جربتها سنين وما فاد فيك ........ بس تهديك فترة وترجع تنتكس ...... فخلاص أرحم نفسك يا أخوي أنا وحدة ما عندي شغلة إلا الهلع ابحث فيه ما أسمع أن أحد يعاني منه ألا أسوي تحري كامل... غيري بحثي في علم النفس اللي يشوف مكتبتي يقول طالبة طب نفسي ..... كل ذا لأني تايهة ضايعة أعاني وقاعدة أخسر كل شئ حواليني فأبغى الحل ..... أبغى الراحة ...... أبغى أرجع لحياتي الطبيعية ........يا أخوي الكريم بنصحك زي ما أنصح لنفسي والله ....... إذا جد تبي العافية أبدأ بالرقية المكثفة عند شيخ تثق فيه وتعالج ببرنامج الطب النبوي ومن ضمنها الحجامة .......... وبس ..... لأنك وبكل بساطة ما تعاني من مرض نفسي ناتج عن خبرات وصدمات سابقة وإلا كان فادك الطب النفسي (الدوائي، والسلوكي) ........ ما تعاني منه وأعاني منه أنا وبعض الإخوة هنا هي أصابة روحية (عين، أو سحر) والله أعلم وأنا أعرف شخصياً من مر عليهم أشد منك ومني وما فادهم غير الرقية ..... تذكر أخي أن العين تكثر في أخر الزمان كما ورد في الحديث ........ والعلاج بيدك |
![]() |
![]() |
#5 |
عضـو مُـبـدع
![]() ![]() ![]() ![]() |
حياك الله مطمئنة شالحل مشكلة الهلع إنه الواحد ما يتعود عليه كل يوم بشكل وعرض وبالنسبة للمرض الروحي
أنا ما أستبعد لكن الحمدلله احنا نصلي ونقرأ كلام الله سبحانه ولو عين ولا سحر المفروض يبطل بالرقية طول هالفترة أنا ما أقول إلا الله المستعان يعينا ويشفينا من كل عين أو مس أو سحر ومن كل آثارهم الاسبوع الجاي بإذن الله راح أسوي حجامة ورقية معاها بنفس الوقت لاتنسينا بالدعاء شفاك الله وعافاك وحفظك ومن تحبين آمييين تحياتي... |
![]() |
![]() |
#6 |
( عضو دائم ولديه حصانه )
![]() ![]() ![]() ![]() ![]() ![]() ![]() |
والله اخوى بندق بخصوص الضيقه انا ما اعتقد فى احد بالمنتدى جاته ضيقه مثلى الضيقه عندى انا العن من الهلع لعبت فينى لعب بس الحمدالله كثرت من الاستغفار وحاربت الضيقه بكل وسيله قدرت اسويها والحمدالله راحت كانت تجينى من غير سبب اما بخصوص الدواء انا ما اخذت دواء نهائيا ولله الحمد لانه مو مقتنع فيه واعتبره مسكن مو اكثر ولازم تتعامل مع المرض باراده وانا دكتورى قالى لاتاخذ دواء اما انصحك ترجع للدواء ولا لا انا اقول استشير الطبيب الى تراجع عنده مع ان اشوف العلاج السلوكى افضل لانك محتاجه اكثر من الدواء وعسى الله يشافيك ويشافينا وجميع المسلمين يارب
|
![]() |
![]() |
#7 |
V I P
![]() |
السلام عليكم و رحمة الله و بركاته
اخي بندق طهورا ان شاء الله اخي لازم تعرف شيء مهم انو القلق و التوتر و الخوف و بعض الادوية و العلاجات و الحالات النفسية كلها تاثر على القلب في تلك اللحظات فانت تكلمت و قلت انك كنت في حالة تعب و خوف و يمكن توتر نفسي يعني حالتك ما كانت طبيعية و حتى يمكن لو في هذيك اللحظة قلت لمختص يشرحلك اللي فيك و حالتك و تعامل جسمك مع هذيك الحالة كان خبرك و قالك انو في تغيرات حصلت في جسمك و بالاضافة الى القلب من تغير في النبض و اضطراب و هذا بياثر على التخطيط و اي انسان يكون في الحالة اللي كنت فيها حتى لو ما كان مصاب رح يلقا تغيير في تخطيط القلب فمشان هيك لازم تعرف انو ما في شيء ان شاء الله و انت تاكدت مرتين من دكاترة ثانيين طمنوك و قالولك مافي شيء فمشان هيك لا داعي للقلق و ابشر ان شاء الله بكل خير و الله أعلم |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|