سأصيغ مشكلتي من جديد لتشخيصها

صبآحك ورد .. يآ منحوسه ..

اول شيء .. انآ لا اخصآئي ولا شيء .. مجرد شخص مر بحآلات وتعآلج منها بفضل الله ومنته ..

ثآني شيء .. اسمكـ .. سلبي ويأثر عليك .. لان وضعك الحين ما يسمح وحسآس لأي شيء ..

ثآلث شيء ..

يآ عزيزتي .. حطي في بآلك انه انتي مو اول وحده او آخر وحده عندها الحاله ذي ..

وتيقني مليوون في الميه % ان في نآس مثل حالتك وارررردى بكثييير ..

بالعكس حالتك ما شاء الله حلووه مره بالنسبه لغيرك .. والله العظيم ان غيرك ما يطلع من البيت

خووووووووف وخجل مريب .. " نقطه ايجابيه فيكـ وهي عندك القدرة على مواجهة الناس "


الخجل مطلوب في كل شيء " الحيآآء " لكن بعيد عن الخطوط الحمراء ..

مثل شخص يعترض عليك او يظلمك او يستهزء بالدين .. هنآ يوقف الخجل ويجي الجد ..


حالتك لحد الحين ماا وصلت للرهاب والحمد لله .. اذا جلستي كذآ راح توصلي للرهاب المميت

طيب كيف تقدري تتخلصي من كل هذا وترجعي طبيعيه ؟!!

اول شيء حآآولي انك تروحي عند مختص .. وراح تحسين بالحياه من جديد ..

الموآجهه الصآرمه منك ولو بالتدريج ..

مشكلتك انه اذآ شفتي جمعت بنآت او بالأصح جلستي مع بنات كثر .. تبدى حالتك

ولو جلستي مع بنت وحده ولحالك .. راح تكوني طبيعيه جدا



ابدأي بأعز صديقاتك واشرحي لها المشكله وقولي لها ابغآك تساعديني .. كيف ؟!

تكوني انتي واعز صديقاتك وبنت ثالثه .. وكل واحد منكم يقول سالفه صارت له

واذا جاك الدور .. تكلمي ولا كآن احد موجود .... لا تتكلمي معهم وانتي من داخل تكلمين نفسك

مثل .. انتي الحين جالسه تقولين سالفه .. وداخل نفسك تقولين .. الحين يقولون وش ذآ الجريئه

او ما عندها سالفه .. او سالفتها غبيه .. او متى تخلص .. لا لا لا هذآ هو الدمار بعينه

لا تكوني سلبيه .. الناس مثلك .. لما تسمعي وحده تسولف هل انتي تقولين في نفسك

متى تخلص هذي .. او وش السخيفه هذي او او .. طبعا لا بالعكس تكوني مستمتعه بسواليفها

وفي نفس الوقت تبين تصيرين مثلها .. وكذلك الناس ما يقولوا كذآ عنك ابدا ..


.......

طبعا وآآآضحه فيك العزيمه على انك تتخلصين من حالتك هذي .. وهذا شيء حلوو ..

......

خلي عبآرة " خربيها " فوق راس الي تسولفين معه ..

يعني لما تسولفين مع شخص قولي في نفسك خربانه خربانه وكملي سالفتك ولا توقفين

وخلي سالفتك فيها نوع من الغموض او نوع من الجذب للشخص ..

حتى يسألك ويقول طيب ليش صآر وصآر .. بكذآ تحسين ان في اهتمام لسالفتك ..

ولا تترددي .. داري الحين تقولين صعبه بس لآآآآآزم المواجهه لاااازم ...

في البدايه بتحسين بنوع من الربكه .. المره الثانيه اخف والثالثه والربعه

ليييين تختفي نهآآئيه بإذن الواحد الأحد ..

......

لمآ تطلعي عزيمة او طلعة او زواج .. خلي في بآلك ان الكل معجب فيك ..

اذا ناظرك احد .. لا ترتبكي وخليك وااثقه وقولي في نفسك انا وآآثقه من نفسي

طبعا وانتي تقولي انا واثقه .. راح يجيك شعور .. بإنك كذآبه .. طنشي مجرد شيطآن

يبغى يحزنك ..

.....

ممكن بعض الأسئله وتجاوبي عليها ..

لما تسولفي مع شخص .. وش يجي في بآلك على طول ؟!

لما يطالعك احد وانتي ساكته .. وش يجي في بالك ؟!

لما يطالعك احد وانتي تسولفين .. وش يجي في بآلك ؟1

لما تسمعين ان في طلعة .. او زواج .. وش يجي في بالك .. ووش شعورك ؟1

وش هوايتك الي تحبينهآ ؟!

عطيني نسبه عاطفتك من 1 - 10 ... ... الرقم واحد اقل عاطفه

عطيني نسبه جرآئتك مع بني جنسك 1 - 10

هل انتي عندك العزيمه لحل مشكلتك والكلام بشكل طبيعي وبصوت عالي ؟!

.....


وآآآسف ع الإطآله ..

وبنتظآر .. تعليقك + اجآباتك ..

..

اخوك