|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
03-04-2003, 01:03 AM
|
#1 | ||||
|
عـضو أسـاسـي
|
*جد وجدة والأحداث * بببخخ
الشخصيات:
الجد : إنسان طيب لكنه جاد وحازم وعصبي وينكت أحيانا وهو معصب الجده : إنســـــانه مهويه مصرقعه كلبوسه تهبل هوايتها تحميق الجد البنت بتمرح يعني بتنوم في بيت الجد والجدة -------------------------------------- الوقت: الأربعاء المغرب على القهوة في بيت الجد البنت جابت القهوة عند جدها وقعدت البنت وهي ترتشف القهوة : ياسلاااااااااام ياجدي قهوتك تجنن تصك في الراس الجد وهو يعطي البنت نظرات : شاطره بنـتي بعدي ..طيب ماودك تصبــين لي ... البنت أنخرشت : أوووه والله آسفه نسيـتك ياخي<<<< ((البنت تمون )) الجد : أمحق حفيده تـنسى جدها المهم وتصب البنت لجدها فنجان القهوة وتمده له : سـَــم يبه جعل عمرك طويل آمين وتمد يدها أكثر لجدها : يبه ســَم وتقعد يدها معلقه : يبه القهوه خذها يدي عورتـني وأخيرا مدّ الجد يده بس موب عشان ياخذ الفنجان ..لا عشان يمعط إذنـها : أنا كم مره أقولتـس لاعاد أشوفس تعطيـني الفنجال باليد اليسار البنت : أي أي أي خلاص والله آخر مره آسفه ....ياخي وشذا التعقيد كله واحد الجد : وشو ............!!!!!!! وترد البنت : لا لا ولاشي الله يسلمك المهم ويقعدون يتقهون ..دقائق ويشهق الجد شكله تذكر شئ الجد : ييييييييييييه قومي قومي اطمري جيـبي الرادو الأخبار الأخبار بسرعه وتطمر البنت : إنت تآمر وأنا أطامر ...إنت تتدلل بس ...أنا كم عندي من جد ((وتقوم البنت تولع التلفزيون وترجع تـقعد )) ويعطيها جدها ذيك النظرات : ألحين وشني قايلتس أنا البنت : تقول أبي الأخبار الجد : لا أنا قلت جيــبي الرادو البنت : يبه الله يسلمك ترى التلفزيون أحس الأخبار فيه بالصوت والصورة وحركات وألوان ووو..... الجد قام يقلب عيونه في البنيه ساعه البنت : خلاص خلاص طااااااايب وين الرادو فيه؟؟ الجد : فووووووق في غرفتي البنت : تهي تهي وشذا التعذيب ..والله كنت عارفه إنه بعيييد (( وتروح تجـيـب راديو الجد ذاك الراديو البني القديييييييم..و لا بعد أنــتله مكسور ..ويقعد الجد يفرفر فيه )) وششششش وي وشششش وي.....ولقد وششششش وي ...أمهلت حكومة الولايات المتحده صدام 48 ساعه للتنحي عن السلطه مقابل عدم الهجوم على العراق البنت تتحمس : ماخسى إلا هم لا لا تــتــنحى ياصدام اقهرهم ....تــتوقع ياجدي إذا هجموا على العراق بــيعطونا عطله الجد : لك الحمد ياربي بس أنا وش الله بلاني بحفيدتن تفكيرها سطحي الحمد لله بس الله لايبلاني ...يابقره أمريكا ضاربتنا ضاربتنا تنحى صدام ولاّ ماتنحى بعدين خليه يـتــنحى هالسربوت هو اللي سواه في العراق شوي !!!! صدام سفـّـاح ,صدام مجرم , صدام يستحق الموت , أصلا كلهم ملاعين لعنهموا الله ..الله يضربهم ببعض بسلامة المسلمين ((( هييييييييييييه يعيش جدي تصفيق هيييييييييييييييه )) وفي هذي اللحظه دخلت الجدة : ألحين وشبلاك تلعن لاحول ولاقوة إلا بالله الجد : ألعن هالكفرة الفجرة الجدة : لا لا لا لا تلعن عيب  <<الجدألحين تعالي إنتي وينتس فيه من الصبح الجدة : كنت عند صديقتي الجد وبدت تفور الأعصاب : يا هال المراهقه متى بتربظين في بيتــتس مثل هالحريم وتقرّين فيه ماغير سعسعه من هالصبحيات الجدة تقعد : صبيلي قهوة بس جدس ذا غاير مني  <<<الجدووووشششششش وي وقد ألقى بوش كلمة بعزمه على الهجوم سواء تنحى بوش أو لم يتنحى البنت : وشذا يلعبون علينا ذولا !!!!!!! الجد : لعنهموا الله ذا الكفره أنا قايل ذولا ناوينا ..ناوين الإسلام والمسلمين الجدة : تصدقون عاد شفت هالعراقيين يرقصون في قناتهم وشحليلهم لاخافوا ولاشي الجد وهو منقهر :قولي آمين ياجعلهم يرسلون عليتس صاروخ نشوف إنتي يترقصين ولا لا ؟ الجدة : يمه بسم الله علي الجد : أجل كم مره أقولتس هذا تصوير قديم تسجيل عنبوا شيطانتس ناس عندهم حرب وتبينهم يرقصون الجدة : أف خلاص طيب ألحين وشبلاك صلت علي ّ قمت ماتطيق مني ولاكلمة الجد: أجل تقولين يرقصون و.هم في حرب الجدة : أنا أدري عن قناتهم (( البنت يوم شافت السالفه فيها طقاق قامت تبي تغير الموضوع )) البنت : شوفتوا أوروبا ماشاء الله عليهم سوا مقاطعه للمنتجات الأمريكية ..وإنا الله يخاف علينا ماسوينا ولاشئ الجدة : هااااااااو لا لا منب مسووين مقاطعه ..هاه افرضي صالوا علينا هالأمريكان ..لا لا لاتسون مقاطعه الجد خلااااااص تفجرت شراينه وقام يلاغي :عنبوا شيطانتس بدال ماتشجعين البنيه على مقاطعه هالكفره تقولين لا الجدة : أف وشبلاك تلاغي كني قايلتلها تقاطعك الجد وهو يلاغي : بلاتس صايرتن يهودية ذا الأيام مدري من إنتي قاعدتن معه البنت : أف أف أف خلاااااص الله يعافيكم لا تطاقون ترى بعدين إذا شفتكم تطاقون تجيني عقدة نفسية ترضون حفيدتكم تجيها عقدة نفسيه  <<<يقالك بتأثر عليهم الجدة : منهي اللي بتجي ..قومي قومي ولعي لمبات المجلس ؟؟؟  <<البنتالجد : جدتتس ذي أهرفت الجدة : لا والله عسى ماتكلفتا لو أنا أهرفت أجل إنت وش بيصير لك ياهالعود البنت : خلاص خلاص اشششششششش يبه يبه شريت أقنعه <<<تبي تغير السالفه من جديد ويلتفت الجد على البنت وتنتقل موجه التعصيبه لها : وإنتي بعد ياقليلة الإيمان أي أقنعته الموت لين جا ماعاد يرده شي البنت : إيه صح صح خلاص وشوله أقنعه الجدة : إلا إلا أنا أبي قناع إفرض بوش هاللي مايخاف ربه أطلق علينا كيماوي الواحد ياخذ بالسبب الجد : الواحد ياخذ بالسبب يرجع لربه ولدينه موب يسعسع من صباحية رب العالمين الجدة : الحمد لله ياربي ...هو صح ندعي إن الله يتوب علينا ..بس أنا أحسن منك الجد : استغفر الله ....والله ما ألوم بوش يوم إنه بيضربنا الجدة : أنا ألحين وش مقعدني مع هالقاقر بروح بس أصلي وأدعي ربي لهال المسلمين أصلا الحتسي (( الحكي )) مايفيد البنت : يمه ادعي لي الجد : إنقلعي كان من أول طسيتي ... ويلتفت على البنت ...وإنتي ورى ماتطسين بعد ماوراك بكرة دراسه البنت : لا بكرة خميـــــــــــس ببخخخخخخخ _____________________ وحديث آخر بعد ضرب العراق المصدر: نفساني
|
||||
|
التعديل الأخير تم بواسطة لمياء ; 03-04-2003 الساعة 01:11 AM
|
|
03-04-2003, 08:23 AM
|
#3 | |
|
عضـو مُـبـدع
|
ها ....ها.... والله فعلا ياصوت الشباب هذا الحاصل في كل بيت
لمياء كنك شايفه هلموقف عندنا؟؟ مشكوره صراحه موضوع يفتح الشهيه وبارك الله فيك |
|
|
|
|
03-04-2003, 04:42 PM
|
#4 | |
|
عـضو أسـاسـي
|
قولوا قسسسسسسسم ؟؟!!!
هذا حاصل في كل بيت بببخخخخخخخ توني أدري أحسبه بس في بيت جدي __________ أففففففففففف طيب ماودي أطول عليكم بروح أطس أذاكرلي كلمتين ودي أنجح عشان مايقعد يقول لي جدي :ياهالرفله لافي صب قهوة ولا في دراسه فلحتي ..بس فالحتن تسعسعين مثل جدتس :D بببخخخخخخخخ |
|
|
|
|
03-04-2003, 11:58 PM
|
#5 | |
|
( عضو دائم ولديه حصانه )
|
الله يوفقتس 00 وييسر لتس الخير وين ما تسان
ويوفق الهنوف معتس 00 ويخليتسم ( يخليكم ) لجدتتسم :D 0000000000000 الوالد : والله الظاهر اني بأركب دش 00 نشوف الأخبار مثل العالم الولد (( وهو يشرب الشاهي )) : اممممممممممممم لننلنللنننلممنلملنلملن الوالد : باسم الله 00 وش فيك سلمات 00 الولد : ايه ايه تكفى الله يخليك ركب دش والله هنا ما عندنا الا غصب1 واحد و2 00الدش فيه اخبار و برامج تحليلات وملفات سرية و مواجهات صريحة وو حركااات الولد2 : ايه هذا البلى في الحركات هي اللي تدورها انت وذا الفرة 00 الوالدة : اركد اركد خل الاخبار تقعد 00 ناقصين اخبار احنا 00جهزوا انفسكم بس اذا صارت الحرب نروح الديرة 00 الوالد : انا وانتي بس اللي بنروح 00 هالشباب كلهم بنجندهم 00 الولد : ايه طيب 00 قابلوني |
|
|
|
|
05-04-2003, 01:53 AM
|
#7 | |
|
عضو فعال
|
لميـــاء...
كنتي ومازلتي تلك العصفوره التي تصوصو على فرع شجرة تفاح والظل تحتها والأغصان حولها والسحاب دار مادارها..(واحد بيمدح بس ماله شغل باللغه والأدب) دايماً توسعيين صدورنا بسواليفك..حفظك الله ألاّ صدق بأي لغه هذي ؟؟ بلغة أهل الرياض القديمين ;) تحيات..أحم راعي الوله |
|
|
|
|
05-04-2003, 12:45 PM
|
#8 | |
|
عـضو أسـاسـي
|
حلــوه حلوه أبو الشباب عجبتني كلمة (( يخليكم لجدتسم ))<<<<لاتبالغ عاد :D
بس ودي أشوفك يالدب وإنت لابس بدله عسكرية وشايل سلاح وعلى خصرك رصاص وقنابل يدوية وفي ظهرك شنطه فيها خيمه المعسكر ولابس بوت طوييييييييل لين الركبه وملبسينك واقي رصاص وقناع على وجهك وذابينك في صحراء الدهناء .....ببببخخخخ علطول مافيها بتــنشوي ....  دوت كوم ....ياحليلك أنا ألحين يقالك مترجمــه الحوار لكم بالعربي أبيكم تفهمون ...ولاّ ترى جداني يتكلمون يوناني .... لاعاد صدق دوت كوم بالله ماعرفت لهجة مين هذي وهل يخفى القمر عن أهل منفوحه ومعــتسال ( يعني معكال بببخخخ) وصياح ..عاد تبي تعرف وشذي ابحث في تاريخ نجـــد ... راعي الوله حياك الله بس كنتي ومازلتي ودائما شكلك والله أعلم عضو من الأعضاء المعششين فــيذا بس مغير اسمك صح بسرعه اعترف مين انت ؟؟؟ 
|
|
|
|
|
06-04-2003, 01:53 AM
|
#9 | |
|
( عضو دائم ولديه حصانه )
|
بوت طويل الى الركبة = بسطار 000 قناع على الوجه = كمامه
الله يخلف عليهم عموماً 00 لو حطوني في الصحراء أنا وعفشي 000 الا يا قاعد 00 |
|
|
|
|
06-04-2003, 11:41 PM
|
#10 | |
|
عـضو أسـاسـي
|
بببببخخخخخخخ
الله يفشل العدو أجل اسمه بسطار تصدق والله كنت عارفه بس نسيت أقوله بببخخخ أقوووووووووووول خل عنك بس أمحق شباب حتى لو عرفت البسطار بسطار بسطار عجبتني ذا الكلمة بببببخخخخ:D |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
