مشكلتي مع وسواس الموت وكيف تعالجت منه

مشكلتي مع وسواس الموت وكيف تعالجت منه

السلام عليكم ورحمة الله وبركآته :

قصتي مع نوبات الهلع .. وكيف مر علي هالمرض وكيف تعاجت منه ..

اولا بدايتي :

انا عمري 19 سنه وكنت جالس في البيت بلحالي اهلي مسافرين وانا باول مستوى بكلية الحاسب وجالس على النت الساعه ممكن 1 الليل وهدوء الا واحس الدنيا دارت بي وضيقه في النفس وصداع قلت هذا ملك الموت جاني والبس ثوبي وبسرعه اطلع على سيارتي وممكن 5 دقايق وراحت مني واركب سيارتي واقول وش هذا اللي مر علي وش هذا اللي ضيق نفسي واطلع من البيت ولا رجعت للبيت الا آذآن الفجر وكنت ابغى انام وخآآآآآآآآآآآآيف من النوم لا يجيني ملك الموت وانا ناايم لكن النوم سلطانه قوي ونمت وآصحى من النوم الساعه 11 وانا اتحمد ربي ان ما جاني ملك الموت واطلع على طول من البيت واروح للجامعه وطلعت من الجامعه المغرب ومن هذاك اليوم وانا احس كاره الدنيا حتى الاكل ما اشتهيته

ثآنياً :

وصابتني وسوسه من الموت وتدهور مستواي في الدراسه ونحل جسمي واستمرت هالحاله معي 3 شهور لكن ما اخفيكم كانت صلاتي مو كويسه وكنت اسمع اغاني كثيرر وما اذكر اللله كثير لكن لما صابني الوسواس كنت اذا ضحكت قلت ليش اضحك ونهايتنا الموت واذا طلعت مشوار كنت اقول يمكن ما ارجع في كل شيء كنت اقرن الموت به حتى اذا شريت ملابس اقول يمكن انا الحين اشتري وادفع فلوس ويمكن ما البسها ونهايتنا الموت صرت دايم حززين ومكتئب من الحياه صارت كل ايامي سوداء ما صرت اضحك زي اول على الرغم اني ذكي دراسياً ومرح بس صرت العكس صرت ابكي كل ليل ان الله يشفيني من هالمرض اللي كرهني بنفسي

ثالثاً :

تدرون كيف تعالجت منه ؟؟
بدون ادويه ولا حتى رحت لاي دكتور المرض هذا علاجه بنفسك صرت ادخل على مواقع واشوف زي حالتي لكن غيرت صلاتي وصرت اصلي في الوقت وادعي الله انه يشفيني واتعوذ من ابليس والاستغفار وافضل علاج له انك تعاند الوسواس يعني اذا صابك الوسواس على طول اذكر الله واضحك وحاول انك تنسى اطلع حاول تغير كل شيء وداآيم اذا حزنت يصيبني ضيق تنفس وخفقان في القلب لكناذا صليت وقريت قران ارتحت وهدا بالي وقلبي واهم شيء والله الصلااااااااه لان الصلاه هي اللي تصلك بـ ربك واذا اتصلت بـ ربك ارتحت نفسياً والدعاء اخر الليل وفي اخر نهار من يوم الجمعه واذا صابك الوسواس وحزنت ترى والله يزود زياده لكن اذا عاندته وضحكت والله يخف مع الايام .. أنا ما اقول اني تعالجت على طول والله اني صبرت يمكن شهرين والحاله هاذي معي بس طول الشهرين اصلي وادعي واضحك واستغفر والحاله بتتلاشى مع الوقت واحسن الظن بالله .. وفكر ان الموت في كل الناس يعني اذا حزنت راح تاخر الموت الجواب اكيد لا يخوي افرح واضحك الحياه قصيره ليش نقصرها بالحزن والكآبه وترى اللي يزودها انك تروح للدكاتره نفسيين لان هذا يدخلك في دوامه وساويس لا نهايه لها لكن اهم شي والله الصلاه وحاول بدال ما تضيع وقتك في حزن بدله بالفرح واصبر وتشوفون النتيجه مع الوقت ,, واحب اقولكم لو يجتمعون لك جميع الدكاتره بس انت منت مقتنع انك بتشفى ترى ما راح يفيدون معك لازم تثق بان الشافي هو الله واذا اراد ان يشفيك بيشفيك وان الله ما ارحم عليك من نفسك ولا اخذ منك شيء الا ليبدله ان شاء الله بما هو احسن وفي النهايه ترى علاجك هو نفسك ..


دعوآآآتكم لي .. بالتوفيق واستمرار الشفاء لي

المصدر: نفساني

السلام عليكم اخي محمد

بارك الله فيك على انضمامك الينا لتشاركنا بتجربتك مع الهلع و وسواس الموت

الله يتمم شفاءك و يرزقك اجر و عافية يا رب

فعلا التقرب من الله و اداء الفروض و الواجبات الدينية و حسن الضن بالله هو مفتاح الشفاء و انا اضم صوتى لصوتك و اوافقك في كل ما قلت

الف سلامة لك اخ محمد