حصل معي اليوم.....

حصل معي اليوم.....

بسم الله الرحمن الرحيم
ياجماعه صار معي حكاية اليوم وضميري والله مأنبني
الموضوع إن في واحد طفشني وزهقني والله دائما يوقف سيارة أمام المنزل ويضيق علينا المدخل ولا الواحد يعرف يدخل ولا يخرج براحته خاصة إن البيت جاي على مدخل لبيت أخر يعني المكان يادوب يوسع الي ساكنين في البيتين , وهو حتى مهو ساكن في هذا المكان ولا هو مستأجر يعني المفروض يروح يوقف عند سكنه وإحنا الحمد لله أصحاب ملك يعني من حقنا ما أحد يضايقنا في مكانا , عموما الي صار إني الصباح قفلت معاي وكسرتله مراية السيارة وحسيت بعدها والله بتأنيب الضمير لأني ما أرضي بأذية أحد , وفي نفس الوقت ما أرضي أن أحد يأذيني , ياجماعه هو كمان غير سعودي ليس إنتقاصا من حق الأجانب فوالله كما رئيت السيئين رأيت أيضا منهم الطيبين ولاكن المفترض إني لما أكون في غير بالدي أن أحترم حدودي وما أتعدي على حقوق غيري, صراحة إحنا أتعب مجتمعنا تصرفات كثير من الأجانب وطبعا هذا لا يشمل الجميع , عذرا طولت عليكم ياجماعه ولاكن تأنيني لضميري هو مايشغل بالي فهل أتصدق بثمن هذه المراية عن صاحبها ولا أخليها غلطه بغلطه وخلاص , الله المستعان , أسأل الله لنا ولكم راحة البال وتحقيق المنال.

المصدر: نفساني

السلام عليكم .. أول شي استغفر ربك .. واذا الرجال متفهم وتحس انه مهب قايل شي لو جيت وعتذرت منه وقلت بصلحها لك صلحا ... واذا حسيت انك اذا قلت له يمكن تصير مشكله أكبر حاول تصلحها بدون ما يدري واذا صعب شف كم مبلغها وحط المبلغ حقها ودخله مع دريشة السيارة أو من تحت بابه

صحيح ان تصرفك معه غلط

بس المفترض انك تنبهه وبعدها تبلغ عليه الشرطه اذا وقف قدام بيتكم خاصه انه سكنه ماهو حوالين بيتكم

وارى انك ما تعوضه واسكت كان ماصار شي افصل لك

هو غلطان وتصرفك انت غلط

المفترض تنبهه اولا وتقولـه رجاء لاتوقف امام الباب عادي جدا من حقك

اممممممممم روح المحلات وشوف سعر المرايه واكتب في الورقه انا كسرت المرايه وبيك تسامحني وحط الورقه معى الفلوس ودرجها من الزجاجه

إذا تبي ترتاح وتفك من تأنيب الضمير أحسن لك رح له وقله ترى أنا كسرت مرايتك من دون ما ادري وهذا حقها وسامحني,,وياليت ماعاد توقف قدام بيتنا لأنك والله مضيق علينا شف لك اي موقف ثاني الله يوفقك...وترى الأمر سهل ياخوي تائه النفس لاتصير حساس بزود الله يهديك ويوفقك دنيا وآخرة..وكل عام وانت بألف خير

جزاكم الله كل خير ياأحبابي

ياخوي انتبه لنفسك، اللي سويته هو بسبب ضغط المرض النفسي عليك،، انا حاس فيك لان نفس الشي يصير معي،
طبيعي لما يكون الانسان تعبان نفسيا او يعاني من مرض نفسي تلقاه حساس وعدائي شويه فحاول تتخذ قرار بعقلك لا بمشاعرك لأن المشاعر تكون سلبية في حالة المرض النفسي،،
وانت باين عليك انسان طيب وصاحب ضمير الله يحفظك،، تحمل لين الله يفرج عليك وترتاح نفسيا،

تصدق اني كنت اتعذب لما اسوق السيارة، دايما اعصابي مشدودة وعدائي وأي موقف يصير في الشارع افكر فيه ساعة وما اقدر اطلعه من راسي،، لكن الحمدلله بعد استخدام الادوية طلعت من هذي الحالة والحين اطلع الشارع واعصابي باردة،،

الله يوفقك ويسر امرك ،،

أعتذر منه وأعطه حقه وحصل خير إن شاء الله بسيطة لاتكبرها :)