أعاني من قلق فظيع و خوف شديد

أعاني من قلق فظيع و خوف شديد

السلام عليكم ورحمة الله و بركاته


أنا عضوة جديدة في المنتدى ، قريت المشاكل الموجودة وحصلت نفس مشاكلي موجود عندكم وحسيتكم قريبين مني

المهم أنا حاليا اعيش حالة رهاب اجتماعي مع قلق مع وسواس وهذي كلها بدت عندي سنة 2010 بشكل

كبير وتغيرت شخصيتي خلال هالسنة كليا ، للعلم انا ما اخذت اي ادوية او رحت لدكتور لأن ما اقدر .

وحاليا أنا على وشك سفر ان شاء الله ، لما عرفت اني بسافر حسيت بخوف وقلق واتخيلت اني بموت او بمرض او بيصير علي

شي موب زين المهم الخيالات هذي جابتلي كآبه وحزن وخوف ، وانا ما بينت لاحد ان فيني خوف وانا ابي اسافر بس المخاوف هذي

تخليني احس بكآبه وحزن وخوف وتخيلات غريبه مالها معنى وادري خوفي مش مبرر بس غصبا عني واحيانا نومي يتحول لكوابيس وارق واقول

خلاص بموت و، وصراحه تعبت بس الحالة تزيد عندي لما اقلق من شي اسويه مثل سفر مواجهة الناس ، لان مره سافرت مكه للعمرة وصابني خوف هناك وما قدرت اكل

واصبحت حزينه وخايفه يستويلي شي وانا بعيد عن اهلي وكانوا معي خواني ولا خبرتهم بخوفي عشان ما يخافون ويوتروني زيادة لان انا من النوع اللي يتأثر بالكلام

لو حد قالي انتي مريضه بمرض :(


ارجوكم حد يريحني ويرد علي ......

انا الحين اسوي تحضيرات السفر وما ابغي القلق والخوف الوهمي يخرب علي

وشكرا لكم

المصدر: نفساني

صحيح نسيت أقولكم اني اخاف من الموت وايد وجاتني نوبة هلع سنة 2010 وحسيت بموت وكنت افكر واقول خلاص بتنوم في المستشفى واهلي ومدري شو

وفعلا تنومت لاني ضعيفه وما تحملت قلة الأكل وصابني اكتئاب وما حسيت بنفسي موجودة كأني منفصلة عن العالم وبعين تحسنت حالتي كثير لما استمريت عالقرآن والرقية

وبشكل عام انا دائما مرعوبه وافكاري سلبية :(

وعليكم السلام الله يشفيك إن شاء الله

الظاهر أنت مو ناوي تروحين طبيب نفسي انت

استخدمي عشبة القديس سانت جونز
هذه العشبة تستخدم لعلاج الكآبة والقلق والرهاب و الوسواس القهري وليس لهذه العشبة أضرار
اذهبي للصيدلية واشتريه
ولا تنسي ذكر الله سبحانه

أنا اتمنى اروح بس ظروفي ما تسمح

وهاي العشبه موجوده في كل الصيدليات وللا ؟

وجزاك الله خير ع ردك

مرحبا اختي

انا حاسه فيج لأني اعاني من نفس الاعراض تقريبا

بس الشيطان شاطر ويبغينا نعيش في وسواس ..

وبما إنج تحسنتي أول بالرقيه والقرآن فارجعي لهم، وبالإضافه لكثرت الاستغفار اللي بتغير حياتج بإذن الله للأفضل

وماعرف لو الاعضاء ينصحونج بالحبوب أو لا .. !

الله يعينج ويريح بالج

مخاوف مرضيه
اذا ماقدرتي تروحي طبيب نفسي اتصلي علي اي عيادة واطلبي استشارة هاتفيه واسليه عن العلاج
وسلامتك

والله مادري لكن اللي أعرفه أنها عشبة مشهورة وتباع في كثير من الصيدليات
استمعي لهذا الرابط

نعم إنه علاج فعال ومن غير أعراض جانبية بل على العكس له إيجابيات فوق علاجه للمرض إنه دواء

سهل وبسيط وفي متناول الجميع الغني والفقير غفلنا جميعنا عنه ... إنه يعالج الإكتئاب والقلق والهم والحزن وضيق الصدر وكل الأمراض النفسية ... وتعلمون ماتأثير النفس على الجسد إذن هو علاج للإثنان .. هل تشوقتم لمعرفته هل خمنتم ماهو

إنه متوفر في صيدلية الإيمان بالله وبمحمد بن عبد الله صلى الله عليه وسلم ..


الاستغفار

ونعم بالله ،،،، أكيد الاستغفار اهم شي

بس انا احس حالتي تحتاج لتدخل طبيب نفسي وحبوب وان شاء الله اقدر اشوف دكتور

والوهم والوسواس هو اللي مدمر حياتنا :(

بس طمنوني لو سافرت يعني ان شاء الله ما بيصير علي شي حد جاته نفس حالتي من قبل بالنسبة للسفر

ادري اني ثرثارة وايد

بس تحملوني

21l;wqa'

اختي إن شاء الله مابيستوي عليج شي ..!

بس لانه انتي توسوسين ، فهو مايخصه تخافين في البلاد وإلا برع البلاد ..

الاستغفار اكبر علاج، فالأول والأخير

ويمكن تسيرين الدكتور عقب ماتردين من السفر ، صح ؟..

فعشان تتيسر أمورج للسفر اذكري الله باستمرار وكل شي بيتسهل عليج والخوف بيسير منج

وشوفي عمرج لين عقب لو احتجتي تزورين الدكتور ..

والله يكون في عونج

نصيحه توكلي على الله وخذي عشبه ST JOHNS WORT .. على فكره المحتويات طبيعيه ولا فيها ادمان

اتكلم عن تجربتي لمدة ثلاثه ايام فقط والحمد لله حسيت بتحسن ملحوظ .

يوجد بالصيدلايات بس احسن نوع من شركه GNC . بســعر 60 درهم .

اذا انتي من ابوظبي بتحصلين المحل بشارع حمدان ...

الله يشفيكي اختي مع اني ارى ان حالتك يلزمها اخصائي وقلت لا تستطيعين الذهاب اليه..يمكنك بدل ذلك ان تحطي استشارة بعيادة الكبار وضعي تحتها للرفع وباذن الله سيجيب عليها الدكتور الغامدي..او ادخلي لقسم تخلص من الاكتئاب والهلع في 7 ايام وسيجيب عليها الدكتور سامر بس لازم شوية صبر..