احكي تجربتك مع الدواء اللي غير حياتك...للفصاميين ومرضي الأضطراب الوجداني

مرحبا/ احبتي
متتخيلون فرحتي بهذا التجمع الجميل اتمنى استمراره اخوي عبدالمجيد واخت فجر والتايهه ورمنسيه والبقيه جميعكم ..
جد جد نفس الشعور والاحساس حنا متشاركين فيه بالنسبه لي بقولكم عن الي عانيته ،، انا كملت السنة 4 مع" الاضراب الوجداني الي هو ثناىي القطب " كان سبب صدمه عاطفية قوية انهرت بعدها ووصلت يمكن لأعلى درجات النوبه عانيت جد اتعبت اهلي في البداية وقبل مااعرف وش الي فيني كنت اقول من قوة الي جاني اني انا مسحوره او عين بس لمى ماحسو انها اعراض عين وسحر ودوني اهلي لدكتور النفسي واتطلع علي حالتي كنت جايه وانا في قمة ثورة النوبه وكنت احكي كلام ماادري وش اقول ماادري وش احس به وقتها اول اجراء صار الي هو الدباكين والسركويل وعطاني بالبداية نبذه انو ترا تسبب من الاعراض الجانبيه سقوط الشعر وبكثافة وزياده في الوزن بشكل ملحوظ بس جد بالبدايه ماكنت اعرف عن حالتي حالتي ولا اي شي حتى ماكنت ابحث عشان اعرف عن الاعراض الأضراب شي يمكن من سنه تقريباً او الفتره الحاليه بديت وكثفت البحث عشان عن ومن موقع الى موقع ومن استشارات في النت بس ابد ابد ماقد اخذت استشارة وقمت من فيها مندون ماارجع لدكتور ومن مراجعه الى مراجعه و للاسف ماكنت اوصل احساسي وشعوري لدكتور بحذافيرها "كنت استحي ماحس اني جريئه انو احكي :( المهم والحمدالله حالياً قد مااقدر بعد مافهمت نفسي وحالي والى امر فيه من فترة الهوس او الانبساط والنشاط ومابين الدخول في حالة اكتئاب شديده حاولت اكيف نفس واتكيف خصوص في حالات الهوس الخفيف قدرت اضبط نفسي لمى احس بالحاله ويجي شعور اني اتهور واغامر في اشياء غير معقوله احاول اهدي من نفسي وامسكها حتى احس بحالات الهوس الخفيف اني نشيطه وعجله في اتخاذ القرارات واني احلم واشطح بالاحلام واللامنيات وان ودي اسوي اشياء كثير وشعور برضا النفس وبعكس هذا كله في الاكتئاب للاسف الي بيومها مااقدر اطلع من الحاله لمى تجيني بالنسبه لحالة الاكتئاب اصير مالي خلق لاي شي بالحياة ولا ودي اطللع ولاودي اسوي اي شي واحس كل شي صعب واحساس بالغبا او الفهاوه ومع تحطيم النفس والذات ونظرتي للي حولي والنظرة التشاؤوم ،، والي حاب اقوله واوصله لكل واحد يعاني الصبر ثم الصبر على هذا البتلاء من الله والحمدالله على كل ولو فكرنا حنا ولله الحمد احسن من غيرنا وفي نعمه وكل شي اهون من شي والله يعوضنا بشفا وراحه نفسيه عاجلاًغير اجلاً ولي ولكم ولجميع مرضى المسلمين ...
زياده على ذالك انا اداوم ومع حبوب السركويل ومااقدر اتخلص من النوم الي يجيني بااول الصباح ويالله اتصحصح حتى ادا العمل يفرق معاي بحالة الاكتئاب لمى امر فيها هنا احس كل شي احس انه صعب علي خصوص بالدوام مو قادره في المشاركه مع الناس الدوام مو لحالي وانطواء مع نفس لا المشكله انو فيها لتزامات والالتزام بحضور الدوام وحتى لاحظت لمى تجيني الحاله الاكتئاب احياً اضطر اتغيب عن دوام 3 ايام متواصله لان جد مااقدر :حالياً محتاجه اراجع الدكتور واشرح له على اخر ماتوصلت له وان شاالله يرشدني ويخفف من الحبوب زي كل مره ومابين مراجعه لان بداية الجرعه العلاجيه من الحبوب كانت القوه عاليا جداً وعلى شوي شوي يبدا يخفف منها قبل اخر مرا خفف منها وصرت ولله الحمد اكل بس نصف حبة لسركويل قوة 200 وحبتين من الامكتال قوة 100 بس اختي حسست بعدها ان انفعالاتي زايده والنشاط يزيد بعد المراجعه رجع الجرعه صرت اكل حبه سركويل بقوة 200 والامكتال حبتين بقوة 100 والى الان مستمره عليها وزي ماقلت لكم لازم مراجعه الدكتور المتابع وعشان يعرف ايش اخر شي توصلتي له او تتوصل له والحمدلله كما ينبغي لجلال وجهه وعظيم سلطانه والله يصبرنا على الابتلاء ويرزقنا الصحة والعافيه اعرف طولت بس هذا معانتي والي توصلت له الى الان وشكراً ..

[FONT="Tahoma"]ملاحظه : انا نزلته في تجمع الثنائي القطب او الاضراب وحبيت انقل لكم هنا معاناتي مدام الموضوع يخص ايضاً الاضراب الوجداني .. والف مرحبا بكم احبتي ...[/FONT]