|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
 |
|
|
أدوات الموضوع |
31-01-2014, 06:34 PM
|
#1 | ||||
|
عضو
|
قصتي وعلاجي مع وسواس الموت
السلام عليكم ورحمة الله وبركاته
شجعني المنتدى كثيرا بالتسجيل وكتابة قصتي وتبادل الافكار والاستفادة مني والي انا شاب ابلغ من العمر 23 سنة من المدينة المنورة موظف بالمطار كنت أعيش حياة جدا سعيدة والحمدلله واحب الخروج مع اصحابي والتجمع والتعرف على الناس شاء القدر وتوفي احد اصحابي المقربين جدا بحادث دباب ذهبت الى الدفنة ورأيت القبر وبعد الدفنة رجعت الى البيت في حالة اكتئاب وحزن على فقدان صاحبي وخفت من منظر القبر وخلصت ثلاثه ايام العزا بالحزن والحمدلله بدا يخف فترة بعد فترة وقررنا انا واثنين من اصحابي السفر الى دبي لتغيير اجواء الحزن والحمدلله سافرنا بعد العزا تقريبا بشهر ونص رجعنا من دبي وجلست تقريبا اسبوع خرجاتي اصبحت قليلة نوعا ما اتصل عليا واحد من اصحابي الساعه 3 الفجر تقريبا واتقابلنا وجلسنا ورجعت البيت قبل صلاة الفجر بنص ساعه تقريبا قلت استنى الصلاة واصلي وانام علما بإني قبل وفاة صديقي كنت مقصر فالصلاة المهم اذن وصليت ورحت للسرير بنام ومن هنا بدأت قصتي اللي تقريبا لها ثلاثه او اربعه شهور .. انا واخي كنا في غرفه مع بعض والان تزوج الحمدلله المهم انسدحت ابغا انام افتكرت منظر القبر وخفت خوف شددديد وحسيت روحي الان حتطلع وبديت اطالع في اخويا نظرات المودع وحسيت انو لو نمت حتكون اخر نومة ليا وجلست اتخيل الوالدة لمن تجي وتلقاني ميت واتخيل اخويا كيف حيصحى ويلقاني ميت المهم انو شعور لا يووووصف وكاني ميقن ومتاكد انو الان حأموت اتعوذت من الشيطان وقمت الصالة وقلت اقرا قران ان شاء الله برتاح قريت شوية الا سار الوسواس يقلي ياسلام امي حتصحى وتلقاني ميت وانا بقرا قران ويفرحو ما استحملت وقمت صحيت امي من النوم الله يطول عمرها ويكسبني ويكسبكم رضاهم قلتلها مرررة ضايق قامت وجات معايا الصاله وجلست جمبي وقالتي اقرا قران وان شاء الله تتحسن المهم بديت اقرا شوية حسيت بضيقة اكثر لمن اقرا قران وخوف وحسيت ببرودة اطرافي ونشفان في الريق ودوخه خفيفه قلتلها بقوم انام ان شاء الله انام واصحى وما فيا شي شوية قلتلها لا بروح المستشفى بسرررعة ودوني قالتلي اصبر بصحي اخوك ونروح قلتلها لا دقي على الاسعاف يجي ياخدني ما اقدر اتاخر قالت لا بصحيه بسرعه المهم صحي وخرجنا وقلت للوالدة اركبي جمبي فالسيارة ههههه قلي بنروح مستشفى الملك فهد قلتلو لا بعيدة وعلى مانوصل حأكون مت روح الدار وأدفع كل شي بس المهم اطلع من وضعي اللي انا فيه وبالفعل اتجهنا للدار وانا في الطريق سرت احس كتوفي مع رقبتي مع راسي من ورا بتتشنج وقلت هاذي اكيد سكرات الموت وروحي بتطلع رحنا المستشفى ودخلت الطواريء قلت للدكتور ابغا انامممم قلي لا ما اقدر روح لدكتور الاعصاب وشوف ايش يقلك رحت الاستقبال وطلبت كشف ورحت لقيت الدكتور ماهو موجود طبعا الناس حسو وضعو مو طبيعي من الرجفة القوية اللي جاتني جاني رجال كبير سار يقلي اهدا وصلي عالنبي اقلو انا راح اموت قلي مافيك شي ياولدي اهدا بس ودحين يجي الدكتور رحت الطواريء قلتلو الدكتور ماهو موجود قالي شوية حيجي رجعت للدكتور لقيتو جا وواحد بيكلمو بيقلو في ولد هنا مرة تعبان وبيدورك على دخلتي قال للدكتور هوا دا المهم انا مع الوالدة قالي خير ايش فيك قلتلو حاس اني حأموت قلي اها وكذا اسلوبو جدا بارد ونرفزني قلتلو الحل انا اعرفو بس خليني انام وان شاء الله حصحى ومافيا شي سار يقلع شد فمك حط اصباعك على خشمك قلتلو يبن الحلال ابغا اناممم المهم كتبلي ابرة وقلي روح الطواريء ورحت قالولي اصبر شوية واستنى خمسة دقايق عشرة ربع ساعه قالولي راحو يجيبوها من العناية المركزة وانفجعت بصراحه بس قلت اكيد مهدئه اخدت الابرة وخمسة دقايق وانا ما ادررري عن شي اهلو ودوني البيت وجلست ونمت وانا ما ادري عن المهم صحيت ومفجوع من اللي سار معايا ومتضايق دق عليا واحد قلي دحين اجيك اسلم عليك نزلت وخرجنا قلت اغير جو شوية المهم شوية قلتلو بسررعه وديني البيت ماهو راضي يقلي لازم تغير جو شوية حسيت بكتمة قلتلو روح الدارر سريع المهم وداني اتوجهت عالدكتور ابغاه يديني نفس الابرة ما لقيتو قابلت ممرض نفس اللي كان موجود الصبح قلتلو ابغا نفس الابرة حقت الصبح قالي لو تاخذها من جد يمكن تموت لانها ابرة فاليوم وجدا قوية قلتلو حاس اني مكتوم قال لزميلو شوف ايش في زميلو قلي ايشبك قلتو حاس بكتمة قالي روح غرفة الانعاش دحين اجيك بصراحة ضايقتني الكلمة قلي خير ايشبك قلتلو حاس اني حموت قالي يارجااال السرير اللي انت عليه كثير ماتو عليه قلت في قلبي غلطة اللي وضفك هنا وقمت خرجت والكلمة مرة ضايقتني رحت البيت سارت الشهيه عندي جداا مفقودة ومني قادر اكل المهم يوم كان الله لا يوريه مسلم خوف وقلق وكئابه وتوتر ونظرات توديع لأهلي المهم عدا كم يوم على الحالة مابين تزيد وتنقص اقنعني واحد من اصحابي اني اروح لدكتور ورفضت والح عليا كثير واداني رقم دكتور اسمو حاتم الغامدي اعتقد من جدة واتصلت عليه واتكلمت معاه قلي مافيك شي بس خد موعد من العيادة وان شاء الله ما فيك الا الخير وموضوعك جدا بسيط اتطمنت وارتحت شوية وقلت للوالدة اني اتكلمت مع دكتور في جدة قالت لا اوديك هنا لدكتور احمد حافظ جدا كويس وفعلا اخذنا موعد بعد تلاته او اربعه ايام تقريبا ورحت المستشفى وفكيت ملف فالصحة النفسيه ودخلت على اول دكتور قالي راح اكتبلك ادوية وكنت جدااا رافض موضوع الادوية ودخلت يومها على تلاته او اربعه دكاترة اخر واحد كان دكتور احمد حافظ واتكلمت معاه قالي انتا الان لا مريض نفسي ولا طبيعي لكن انتا بنفسك يا تودي نفسك لكدا او كدا وقالي كم شي اللي من ضمنها اقرا قران وامشي ولا تنسى الاذكار المهم طلعت وحالتي كانت هادية نوعا ما سارت تجيني الحالة يوم ورا يوم تقريبا وتجي الوالدة وتقرا عليا وانام ولكن طول الفترة في كئابه شديدة وقمت اقرا فالنت واكتشفت انو الحالة دي مع نااس كثير وطبيعيه واتطمنت وعدت الايام شهر شهر ونص تقريبا ويوم تزيد ويوم تخف وكان اتوقع من الاسباب انو كان دوامي بالليل واقرا فالنت ناس كاتبين عين ناس كاتبين وسواس قهري ناس كاتبين سحر قلت بروح لشيخ يقرا عليا ويمكن اتحسن اتصلت على خالي وهوا رجل دين وعلم وجاني واتكلمت معاه قالي ماشالله مافيك شي وامرك بسيط واحسن رقيه للانسان لما يقرا على نفسه وقالي انتا لي خايف من الموت القبر مايخووف واحنا فقط نشوفو حفرة وتراب لكن الميت يشوفو قصر اذا كانت اعمالو طيبة المهم جدااا اررتحت بعد كلاموو وانبسط واتغيرت ونصحني كثير بالاذكار والاستغفار وانها علاج جدا قوي ارتحت كم يوم ورجعت الحالة من جديد وسرت لما اددخل غرفتي تجيني كئابه غير طبيعيه وخوف غيرت مكان نومي وقررت اغير غرفتي وسرت انام فغرفة الوالدة وجا يوم الجمعه اللي فاتت وبعد صلاة الجمعة جاتني كئابة اتصلت على الوالد قلت جبلي دوا كئابه قالي طيب اديني ساعه ما قدرت اصبر ونزلت اخدت طلب من الشارع ورحت الصيدليه قلتلو ابغا سيروكسات او بروزاك المهم اخدت سيروكسات ورجعت البيت وحطيتو جمبي قلت اقرا عنو فالنت واخد حبه بعدها فكيت النت لقيت رجال كاتب موضوع كيف اتعالجت من وسواس الموت وكاتب قصتو واتعالج بعد ثلاثه اسابيع بعد ما سوا حجامة وداوم على الرقيه وزيت الزيتون والتلبينة النبوية والسدر وحبة البركة وكاتب ادعيه وايات وراح اذكرلكم هيا وفعلا رحت سويت حجامة ورحت عطار اشتريت الاغراض ورحت الصيدليه رجعت الدوا وقلت انا اقوى ان شاء الله والان ليا اربعه ايام او خمسة ايام حسيت بتحسن جدا بسيط الصراحة ولكن جاتني اول امس رجفه بسيطة وسارت اول ثلاثه او اربعه ساعات لما اصحى النوم تجيني كئابه واول امس جاتني نفس الرجفه والخوف طبعا الاعراض مشتركة بين اكثر الموسوسين اللي من ضمنها الاحساس بالم فالقلب وضيق فالتنفس وعدم القدرة على التحكم فالتنفس ورجفه قوية وفقدان شهيه غير طبيعي يعني اكون جيعان ونفسي بالاكل فجأه تنصدد نفسي جدا علما انا ليا اسبوع ما بروح الدوام لانو اصباع رجلي انكسر ومسافر الى دبي ان شاء الله بعد اسبوعين قلت ان شاء الله اغير جو وتتحسن الاوضاع وانشغلت شوية بحجوزات الفنادق لكن اكثر الي مخوفني اللي اقراه من الناس اللي دامت معاهم الحالة ستة وسبعه سنين وان شاء الله كلنا راح نتغلب على الوسواس لكن هل الواسواس فعلا عين؟!!! واسف طولت عليكم وشافاني الله وياكم يارررب المصدر: نفساني
|
||||
|
|
31-01-2014, 06:46 PM
|
#2 | |
|
عضو
|
علما بأن الوالد يستخدم حبوب مهدئه من سنين وعلما بأن الواسوس
من كثر ماسيطر عليا كنت ادخل النت اقرا اللي كاتبين قصصهم واشوف متى اخر دخول لهم وهل هم احياء او لا |
|
|
|
|
31-01-2014, 10:11 PM
|
#3 | |
|
( عضو دائم ولديه حصانه )
|
مرحبا بك بن حسين في دبي
البعض يقول المرض النفسي مرض ماله علاقه بالعين والحسد والسحر لكن اقول عن نفسي وباختصار كنت نشيطه وموظفه ملتزمه وشغوله، فجأه كل شي اتغير وأول مره جتني الحاله لما خذت اجازه سنويه من دوامي ، وأول يوم حسيت اني بموت وخذوني على الطوارئ وعطوني ابره وقالوا مافيك شي وأنا الحين عندي وسواس الموت واكتئاب |
|
|
|
|
31-01-2014, 11:39 PM
|
#4 | ||
|
عضو
|
اقتباس:
وخلي املك بالله كبير ولا يضحك عليكي الشيطان ويقلك الله مابيسجيبلك وبإذن الله نتغلب على الوسواس |
||
|
|
|
01-02-2014, 11:52 AM
|
#5 | |
|
( عضو دائم ولديه حصانه )
|
ان شاء الله
بس فعلا احيانا يوم يصير لي موقف انشغل فيه انسى شوي لكن بمجرد ما ارتاح ارجع افكر حسبي الله ونعم الوكيل |
|
|
|
|
01-02-2014, 12:50 PM
|
#6 | ||
|
عضو
|
اقتباس:
مسكن مؤقت للوسواس |
||
|
|
|
02-02-2014, 02:26 AM
|
#9 | ||
|
عضو
|
اقتباس:
ولكن الكئابه اصبحت ملازمتني اكثر الاوقات |
||
|
|
|
02-02-2014, 12:13 PM
|
#10 | |
|
عـضو أسـاسـي
|
السلام و عليكم اخي
انا ايضا اول ما جاتني تلك الحالة اعتقدت ان الموت و الله استمرت معي الحالة شهرين تقرببا كنت ايضا انام مع الوالدة في البيت ههههه مثلك يا اخي و كمان كنت اتخيل حال اه لي و اصدقائي لما يسمعو اني مت و كنت اكتئب كثيرا اخدت ادوية نفسية لكن وسواس الموت ملازمني مرة يخف مرة يزيد اسال الله ان يشفينا اخي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
