الشخص الي يعاني بالهلع كالشخص السمين الي يبي يضعف

الشخص الي يعاني بالهلع كالشخص السمين الي يبي يضعف

من جد الشخص الي يعاني من الهلع والقلق كالشخص السمين ويحاول يضعف .. الي يعانون من السمنه نوعين ... وكلنا نعرفهم .. النوع الاول الي هو يحاول انه يضعف مهما كان ها الشي صعب .. مايتكاسل ومايأجل .. يسوي المستحيل مثل رجيم رياضه نظام غذائي و و و و و و الخ ... بس بالنهايه يضعف ويحقق حلمه .. النوع الثاني هو السمين الكسلان الي يتمنى يضعف بس متكاسل .. ياجل .. كل مره يقول بعدين .. ممكن يسوي شوية رجيم او يركض مره في الشهر .. ويستسلم .. لانه كسول .... نفس الشي بين الاشخاص الي يعانون من نوبات الهلع ... يقول اريد اتعالج .. اتمنى اتعالج .. بس مايهتم كثير .. في اشخاص يعانون من نوبات الهلع .. انا سمعت اشخاص كثير تعالجو من نوبات الهلع عن طريق العلاج السلوكي المعرفي .. واشخاص تعالجو عن طريق القران والرقيه الشرعيه وقوة الايمان بالله .. واشخاص فعلو الاثنين معا .. بس هذيل ماتعالجو بسهوله .. ابدا .. هذيل اعطو نفسهم وقت كفاية عشان يفكر يفكر في داخله عشان يقرر من الان انه يتخلص من المرض اعطو نفسهم قرار حاسم انهم يطبقون كل التعاليم .. المطلوبه منهم ..من الطبيب النفسي او من الشيخ .. فاقول لكل واحد فيكم الهلع مرض متعب .. ولا تنسى له مليون طريقه عشان تتشافى .. فكر بايجابيه .. مارس رياضة الركض باستمرار .. مارس تمارين التأمل او اليوغا حاول تتعلمها .. فقط هذ التمارين تمتص التوتر وتحسن المزاج .. وتقضي على القلق .. (فقط هذي الاشياء لاتنساها ).. قوي ايمانك بالله لان قوة الايمان بذاتها قوة روحيه هائله تعطيك الطمأنينه والامان .. والحمدلله على نعمة الاسلام .. كل شخص يعاني من الهلع .. لاتتكاسل لاتتكاسل .. اتعب نفسك شوي عشان تتعالج ... ربي يوفقكم اخوكم احمد من الامارات

المصدر: نفساني

ابدعت بالوصف
تشبيه بلييييغ هذا المرض يحتاج لعزيمه قويه وهمه عاليه جدا والا لضل الحال كما هو

المشاركة الأصلية كتبت بواسطة نادر وجودي

ابدعت بالوصف
تشبيه بلييييغ هذا المرض يحتاج لعزيمه قويه وهمه عاليه جدا والا لضل الحال كما هو

صح اخوي نادر .. يحتاج وقفه مع نفسك شوي وتعطي لنفسك قرار حازم .. والا لضل كما هو حاله .... ربي يشفي الجميع