زواج السعوديه من غير السعودي ( الأجنبي ).

[بريق الذات]

المشاركة الأصلية كتبت بواسطة هندسة

لا لا .. أول معاملة قدمتها الشهر اللي فات عن طريق موقع المحافظة الكترونياً .. وتحولت للشرطة عشان اكمل الاوراق والتحاليل والطلبات .. لكن الشرطة رفضوا يسلمونا الورق عشان العمر ..

المعاملة الثانية قدمها عمي الاسبوع اللي فات في الامارو عن طريق واحد يعرفوا وطلب كل اوراقي (صور) .. وتحولت من الأمارة للمحافظة من المحافظة للشرطة ..

أخي هندسة لابد يكون عمك قدمها باستثناء العمر، فإن كان فيها استثناء فراح تمشي غصبا عن الشرطة.

[هويام]

المشاركة الأصلية كتبت بواسطة بريق الذات

خطاب أختنا هويام:
سيدي الكريم/ صاحب السمو الملكي الأمير مشعل بن ماجد بن عبدالعزيز آل سعود حفظه الله ورعاه

أتقدم إليكم بخطابي هذا وكلي أمل في كرم سموكم، حيث أني مواطن سعودي أحمل سجل مدني رقم: (...)،وأبلغ من العمر () ،وقد تقدمت بمعاملة زواج من أجنبية بمحافظة جدة برقم: ( ) وتاريخ( )، وبعد أن انتهيت من الإجراءات واكتملت المعاملة تم حفظ المعاملة بمحافظة جدة برقم: ( ) وتاريخ() ، وكانت حجة الحفظ أن خطيبتي تعاني من مرض، علما أن تحليلات المخطوبة سليمة والمختبر الإقليمي بجدة يوصي بإكمال الزواج، ولدي أصل تحليل الزواج الصادر من المختبر الإقليمي بجدة، وستجدون صورة منه مرفقة مع هذا الخطاب.
فأرجو منكم –سمو الأمير- أن يُعاد النظر في معاملتي، لأن سبب الحفظ غير صحيح، كما هو مبيّن في تحليل الزواج للمخطوبة، علما بأن بيني وبينها صلة قرابة من الدرجة الأولى.

والله يحفظكم ويرعاكم،،

مقدمه:
رقم الهوية:
التوقيع:
جوال للتواصل:

شكررررررررا لك اخوي الله يسعدك ويوفقك وييسرلك ويتمم لك على خير يارب 876548765487654

[هندسة]

المشاركة الأصلية كتبت بواسطة يارب يسر امري

انا رايي ونصيحتي

دحين لمن تروحو تستفتسرو في الشرطة
ابعدو عن قسم النساء
وابداو من قسم الرجال استعلمو
والافضل ابو خطيبتك

ترا في مكتب الزواج في نفسيات كتيييير
وكم مرة اسمع الموظفةحاولت تحفظ معاملات البنات مع انو مووو من صلاحيتها
بالذاات اذا محولة من الامارة او الداخليه باستكمال الاوراق

لكن اوك اذا مقدمة من الشرطة يحفظوها عادي

بس جايتك من الامارة او الداخليه تحفظيها ليش ????

فااتبهوا الين تغلقو منهم بالسلامة وتتحول للامارة تاني يااارب

المعاملة الاولى رحت انا الشرطة قسم الرجال .. ورفض يسلمني شي قال لازم هيا تجي .. قلت له طيب ابوها يجي ممكن .. قال لا لازم هيا تجي .. ولما جات الموظفة قالت لخطيبتي عمرك صغير ما اسلمك الاوارق ..

فرأيك أخلي بس أبو خطيبتي يروح وهيا ماتجي .. اخليه يروح الاثنين أو الثلاثاء الجاي

[بريق الذات]

المشاركة الأصلية كتبت بواسطة هويام

شكررررررررا لك اخوي الله يسعدك ويوفقك وييسرلك ويتمم لك على خير يارب 876548765487654

ربي يوفقك أخت هويام... العفو ماصار شيء.
لازم يروح خطيبك للمحافظة، ويرفع الخطاب، ولا تنسوا تضعوا صورة من التحليل، لأن الخطاب معتمد على أن التحليل سليم.
وبعد أيام راح يجيكم الرد، بيشيكوا على المعاملة ويقولون لكم.
ما عرفت أطلع اللون البنفسجي حقك :)

[يارب يسر امري]

المشاركة الأصلية كتبت بواسطة هندسة

المعاملة الاولى رحت انا الشرطة قسم الرجال .. ورفض يسلمني شي قال لازم هيا تجي .. قلت له طيب ابوها يجي ممكن .. قال لا لازم هيا تجي .. ولما جات الموظفة قالت لخطيبتي عمرك صغير ما اسلمك الاوارق ..

فرأيك أخلي بس أبو خطيبتي يروح وهيا ماتجي .. اخليه يروح الاثنين أو الثلاثاء الجاي

ايوووة الافضضضل

لانو قسم الرجال اشوفو اهون من الحريم هناك
ثانيا يبغالهم رجال كبير يدخل فعينهم

يعني لا سمح الله لو قالولو حفظ والعمر والكلام دا
خليه يدخل في عينهم يقولهم انو راجع الامااارة ولمن سالهم ايش سبب تحويلها للشرطة
قالولو مجرد روتين عادي عشان البنت تكمل الاوراق ويعملو التحاليل
ويرجعوا الشرطة يحولولنا الملف بعد استكماله

وانا جاي دحين اسالكم ايش هي الاوراق اللي نكملها عشان يكتمل الملف

صدقني ماينفع معاهم الا كدا

[ولااايف]

قالو لي الاحد تعرفي اذا بتتحول للمحكمه ولالا ي صبر الارض بلله ايه يصبرني الين الاحد 34dfr

[بك اكون]

المشاركة الأصلية كتبت بواسطة بريق الذات

هههههه
ربي يسعدك .
الحمدلله افتكينا من هم كبير.
عقبال اخواتنا واخواتنا اللي معنا هنا.
التجهيزات عادني بشوف التحاليل.
وانا من جدة صح... لكن خطيبتي من مكة. وتحولت المعاملة لمحكمة مكة.
ما رحت سالت عادني.
قلت احلل اول واروح لهم.
هل سألت انت ووصلت المحكمة من جد؟

لا ما رحت قلت ابغا اشوف الاسبوع الجاي اروح لان مستحيل يرسلونها في يومين

المشاركة الأصلية كتبت بواسطة بريق الذات

المحكمة هذه قريبة من عملي... ليتها هي اللي تحولت عليها معاملتي.
اخويا الكبير قبل شهر تقريبا عقد فيها.
من طلباتهم تعريف عمل للزوجة.
مدري من وين دا جابوه كمان.

اما تعريف التعريف صعب الحين انا اعطيت الشرطه اول تعريف
عملي لو ابغا تعريف لازم انتظر اسبوعين 34dfr

[بريق الذات]

المشاركة الأصلية كتبت بواسطة بك اكون

لا ما رحت قلت ابغا اشوف الاسبوع الجاي اروح لان مستحيل يرسلونها في يومين


اما تعريف التعريف صعب الحين انا اعطيت الشرطه اول تعريف
عملي لو ابغا تعريف لازم انتظر اسبوعين 34dfr

من الان اطلبي التعريف احتياطا..
زوجة اخوي طلبوها التعريف، وتأخر اسبوع ايضا.
هذا في محكمة جدة.
طلباتهم صورة من هويتك وهوية الخاطب، وهوية الولي وإن كان الاب متوفى فصورة من صك احصاء الورثة، وصك الطلاق ان كنت مطلقة، والتحليل الطبي، والتعريف.

[بريق الذات]

المشاركة الأصلية كتبت بواسطة ولااايف

قالو لي الاحد تعرفي اذا بتتحول للمحكمه ولالا ي صبر الارض بلله ايه يصبرني الين الاحد 34dfr

إن شاء الله تتيسر لك... أنا مماخرجت من الداخلية ما احد رضي يقول لي ايش فيها، وفي الامارة الكل يرفض يطمني، يقولوا فيها توجيه من الداخلية ما نعرف ايش هو.
حتى جاتني رسالة انها تحولت المحكمة.
وربي يطمن قلبك.

[هويام]

انا شيكت دوبني على التحاليل حقتي وحق خطيبي

خطيبي ما عملو له تحليل الفول والزهري ....بس انا عملو لي


ليه كده ؟ واخت حكايه تقول زوجها عملو له تحليل الفول !!!!

[باكستاني]

اولا ، اشكركم على المعلومات المفيدة
ثانيا، ابغي اعرف ايش يحصل بعد ما ترجع الملف من الشرطة الى الامارة ، دخلت علي موقع الامارة و مكتوب "استدعاء جديد قيد التنفيذ"

[حكايه]

المشاركة الأصلية كتبت بواسطة هويام

انا شيكت دوبني على التحاليل حقتي وحق خطيبي

خطيبي ما عملو له تحليل الفول والزهري ....بس انا عملو لي


ليه كده ؟ واخت حكايه تقول زوجها عملو له تحليل الفول !!!!

هوا عندي وعندو سليم كل شي الحمدللهً ومكتوب ع كل الخانات سليم بخط كبير
لاكن في الورقه حقته مكتوب اخر الورقه ملاحظه انو عندو أنيميا الفول وماله اي تأثير
الحمدلله مشت الامور

[هويام]

المشاركة الأصلية كتبت بواسطة حكايه

هوا عندي وعندو سليم كل شي الحمدللهً ومكتوب ع كل الخانات سليم بخط كبير
لاكن في الورقه حقته مكتوب اخر الورقه ملاحظه انو عندو أنيميا الفول وماله اي تأثير
الحمدلله مشت الامور

الحمدلله الله يسعدكم ويهنيكم طيب حبيبتي سؤال تاني

ايه مكتوب عندك وعندو في الامراض المعديه؟

[ولااايف]

المشاركة الأصلية كتبت بواسطة بريق الذات

إن شاء الله تتيسر لك... أنا مماخرجت من الداخلية ما احد رضي يقول لي ايش فيها، وفي الامارة الكل يرفض يطمني، يقولوا فيها توجيه من الداخلية ما نعرف ايش هو.
حتى جاتني رسالة انها تحولت المحكمة.
وربي يطمن قلبك.

ان شاء الله يا رب34dfr

[هويام]

المشاركة الأصلية كتبت بواسطة ولااايف

ان شاء الله يا رب34dfr

ان شاء الله على المحكمه على طووول وتبشرينا انا حاسه انتي العروسه الرابعه العصفوره قالت لي feewqwer