ممكن المغاربة يدخلوا؟

مساء الخير

كيف راك اخي طائر يا ربي تكون طاير بالفرحة وتكون ناشط ههه

ربي يخليك ديما ناشط و فرحان~

لا والو هاد الساعة

الطائر واش كتقرا ولا كتخدم ؟ وفاش

بارك الله فيك اخي المشتاق الى الجنة راني ديما كاندعي معاك في الصلاة

اهلا اختي وردة

بنسبة لسؤالك على القرايا راني كانقرا اختي وردة ولاكن هاد العام ماقريتش حيت بغيت ههههههههههههههههههه

لا غير كانضحك ماقريتش هاد العام لاسباب شخصية اخرى خلاتني نتغيب الاشهر الاولى من السنة

خديت الباك العام الفايت او كنت عوال ندير هاد العام l'ista ولاكن ماكتابش لديك الاسباب المهم العام جاي ان شاء الله

او نتي

بالنسبة ليا قصة طويلة مع الدراسة

كانت عندي مشاكل شخصية في الكاطريام ما كان يعرفها سوى رب العالمين

يعني ما حتى واحد كان يعرف ديك المشاكل كانت بيني وبين نفسي

ومازال بيني وبين نفسي

وعاودت بسبابها

ودبا انا الحمد الله نجحت لسيزيام

وخاك شيشوي كبيرة فالعمر يعني 18 العام شيشوي عيب

ولكن هدا قدر الله ربي لي عارف



وهدا هو الي خلاني نعيش مع المرض نفسي كتر وكتر

لا اختي ههههههههههههههههههه عادي جدا جدا جدا جدا

حتى نتي حساسة كثر مني ههههههههههه

غادي نعاود ليك واحد القصة ديال واحد دري صاحب خويا لي كبر مني كان مسكين كل عام كايدوبل ما كعندو حتى شي مرض نفسي هذا راه بصحتو زعما ههههههه المهم دوبل في تامن او لكاطريام من بعد نجع ولاكن ماكملش قرر انه يخرج من لقرايا من بعد تنادم معاه الحال او رجع هههههههههه عواتاني كايقرا او دوبل عاوتاني هههههههههههههههههههههههههههههههه مسكين ههههههههههههه هو يجمع راسو او بدا كايقرا مزيان صافي هو يبدا ينجح كل عام من بعد فاش شد الباك دار حتى هو l'ista او داز عندو داكشي مزيان كمل العامين هو يمشي لكازا خدم فواحد شركة او دار Ecole Marocaine des Sciences de l'Ingénieur - EMSI او باقي كايفكر يدير الماستر ههههههههههههه شفتي تبارك الله فين وصل كون قال حشوما او ما حشوما كون راه بلومبي دابا اولا شي حاجة ماتبقايش تقولي حشوما مالكي اش كاديري راكي باقا صغيرة خاصك غير تجمعي راسك او توكلي على الله اختي

المهم انا غادي نمشي نعس دابا تصبحي على خير اختي

ربي يخليك خويا الطائر

مساء الخير اخي الطائر

شكرا اخي ريحني كلامك بزاااف وضحكتيني

انا ضحكو عليا بزاف والان باقيين يضحكو

وكيستهزؤو من رسوب ديالي كتير كتير

ولكن صبر

ربي يخليك اخي في الله

مساء الخير اختي وردة

هذا هو المشكل ديال المغاربة كيفما درتي غادي يدويو فيك انا لي غادي نصحك اختي وردة هو انك تحطي لراسك هدف معين او حاولي تشدي فيه الى اقصى درجة ممكنة او متخلايش عليه ابدا ابدا ابدا لانه فالاخر الى قريتي غادي تقراي لراسك او لا وصلتي لشي درجة كبيرة غادي توصلي لراسك او لا ماكملتيش غادي تجيبيها فراسك ههههههههه بوحدك لي غادي تحملي المسؤالية

لقيتيني غير دابا كانهدر مع واحد الصديق على الايام كيفاش كاتجري بزربة هههههه شوفي سبحان الله واخا باقين الصغار ولاكن الايام دازت بزربة سواء كانت زوينة او لا خايبة المهم دازت

حتى سنوات الدراسة غادي تدوز لي غادي يبقى هو فين وصلتي صافي

شوفي اختي حاولي تستغلي هاد العطلة لسنة جاية شوفي المواد لي ضعيفة فيهم او حاولي تشوفي شي صاحبتك مجتهدة مزيان تعاونك فيهم ما تضيعيش الوقت نهائيا باش السنة جاية ان شاء الله تدوز بيخير

و في الاخير نتي غادي ضحكي عليهم اختي وردة غير تابعي و غادي تشوفي و يلا خصاتك شي حاجة فشي مادة قوليلي

ياله شكون فحالك ها اختنا هل انا موجودة بغات تعاونك

خويا الطائ الحر هاديك القضية ديال مقطع اغنية او اية قران لي كتجيك حتى انا كتجيني كنكون نفكر فشي حاجة لا علاقة و كاتجيني هههههههههههه راه غير وسواس

الله يرضي علييييييييييييييييييييييييييك اقسم بالله عاد لقيتني كانفكر نعاود نسولكم بارك الله فيك اختي


كاتوقع ليا مرة مرة هاديك الحاجة او وليت كانسى ايضا مثلا شي اسم ديال شي رياضي كايتغالط ليا مع اسم اخر او كانساه واخا كنت كانعرفو مزيان هادشي كايخليني نتخلع او راكي عارفة فاش كانتخلع كاتهجم عليا الافكار كاع دوك الامراض النفسية لي قريت عليها كايجيب ليا الله غادي تولي فيا ههههههههه

او مثلا فاش كانكون نقرا شي مقال او لا شي حاجة كانلقا رسي بعض المرات كانعاود الجملة جوج مرات او لا تلات باش نفهمها ههههههههههههه

واش عادي هادشي يا اختي

شكرا بزااااااف اختي هل انا موجودة ربي يحميكي يا رب

شكرا الطائر ربي يخليك شكرا بزااف طمنتي قلبي


هاتشي كولو عادي اخي الطائرة

كولنا كنساو او انتا ما توصلنيش في النسيان او في القراة كنقرا كلمة بزاف تلمرات باش تفهم

ماشي حتى جملة

هاتشي عادي