أحاديث لا تقال ولكن خلقت لتكتب ..

صباحكم خير وسعاده 🩷🪻
.
.

بعض الأيام تجبر الخاطر ..
وتطبطب على قلبك الموجوع ..
وكأنها تقول لك أن الله شاف دموع فجيعتك ..
وشهقات ألمك ..
وإنه قريب وعلى نصرك قادر لو بعد حين ..
قال تعالى ( وما كان ربك نسيا)
الحمدلله

سكون النفس معجب بهذا

يقول الفلاسفة أن صحتك النفسية تتحسن برفقة من تحب وليس العقاقير ..

وأقول لهم لا يكثر 🤪 لاعقاقير ولا من تحب ..
الله اللي يزينها بس .

أحيانا يجيني شعور نقمه على الأدوية ..
وأحيانا آحس بإنتماء نفسي لها ..

وما أبي أكون متطرفة لأي اختيار ..
ممكن الدواء يكون علاج وممكن ما يكون إحتياج .

الدواء ياما ساعد ناس يتجاوزون أسوء أيامهم ..
وفي أوقات يكون يد توصلك لبر الأمان وبعدها تودعها ..

سكون النفس معجب بهذا

البحر من أمامنا والعدو من خلفنا ..
.
.
يارب ما أشوف طريق للنجاة من المرض اللي أنا فيه ولا أشوف الدواء ساعدني أكمل الحياة برضى .
.
يارب ساعدني 🤲

سكون النفس معجب بهذا

أحيانا تحدثك نفسك لو كان مرضي عضوي ولا أعاني نفسيا ..
وأعوذ بالله من كلمة لو "
يمكن ما أخجل أقول مرضي لأحد خوف من التعيير ..
يمكن يجيني شعور بالراحه والرضى وسط آلمي ..
يمكن تكون لمعاناتي نهاية اذا ساء المرض..
يمكن وويمكن ..
بس الشئ اللي غفلت عنه .. أن الله ما يكلف نفس إلا وسعها
وأن الإبتلائات الصعبة لا تعطى إلا لأقوى الجنود ..
وأن الله يرى وحدتك في حزنك و يأسك ..
وماراح يضيعك .. لأنك خلق من خلقه . اللي تكفل بهم ..
وأن الإبتلاء ما يعتمد على ثقله بل على صبرك .. كل ما زاد صبرك تصاغرت همك ..أيا كان نوعه ..!
وأن المعاناة وحده سواء فالنفس ولا الجسد .. فلا تتمنى إبتلاء غيرك فربما لو ابتليت به ما صبرت ..

سكون النفس معجب بهذا

المشاركة الأصلية كتبت بواسطة بخير رغم كل شيء

صباحكم خير وسعاده 🩷🪻
.
.

وصباحك دعوات مستجابة بإذن الله 🤲🏻💖

بخير رغم كل شيء معجب بهذا

المشاركة الأصلية كتبت بواسطة بخير رغم كل شيء

يقول الفلاسفة أن صحتك النفسية تتحسن برفقة من تحب وليس العقاقير ..

وأقول لهم لا يكثر 🤪 لاعقاقير ولا من تحب ..
الله اللي يزينها بس .

هههههههههههههه ضحكتني ( لايكثر ) صح لا من تحب ولا عقاقير فقط الله اللي يزينها .

بخير رغم كل شيء معجب بهذا

المشاركة الأصلية كتبت بواسطة المنوال

بارك الله فيك حبيبتي بخير كيفك و كيف صحتك
والله ما فيه أجمل من طلتك و ذوقك و لطافتك ❤️


شو أخبارك و أخبار الجميع سكون و ظلول و جميع الأعضاء المحترمين

ياهلا بالغايبين الغالين هلا بالمنوال ... الحمدلله أخباري تسرك ويارب تكوني بخير .

المنوال ,بخير رغم كل شيء معجبون بهذا

المشاركة الأصلية كتبت بواسطة بخير رغم كل شيء

الله يسلمممك يارب .🩷🩷
لا أبشرك أنا اليوم أحسن والحمدلله ..
الله يطمن قلبك دوم بالعافيه والرضى🌹🌹

الحمدلله على إنتهاء الأعراض الإنسحابيه ويارب دوووم تكوني بخير وفي حفظ الله .

بخير رغم كل شيء معجب بهذا

المشاركة الأصلية كتبت بواسطة بخير رغم كل شيء

مدري لييييييه ؟؟!

آحس بغرابه داخل نفسي ..؟!

شعور القلق اللي كان ملازمني خف كثيير ..

وإحساس الملل والحركة الكثيرة اختفت ..

آحس أني للحين ماتعودت .. على هذي التغيرات ..

آحسس بلخبطه 😭😢

جاني لاق من كثر التحديثات اللي تصير بشخصيتي

ونفسيتي 😄

شووي أضحك مع الناس وشوي أبكي بغرفتي ..

والخووف كأنه سكيين مغروس بصدري ..

وآحساس بضغط نفسي من كثرة الإجتماعات والطلعات

الطويلة😶‍🌫️

أتمنى أقدر أتجاوز هذي الأيام بسلام 🕊

لكن الشئ اللي ما أقدر أنكره أني مستمتعه بوقتي

ومستمتعه أكثر أن خيالي رجع لي ..🎉

والجميل طلعت لي شخصية من تحت الركام 🥲

صرت أقدر أعبر عن عدم رضاي أو رفضي وأقدر أناقش

وكأني كنت غايبة عن الوعي خمس سنين ورجع لي

الإدراك كل اللي زعلوني ذيك الفترة وما كان لي ردة

فعل اليوم قدرت أخذ منهم موقف بعقل ..😹

وكل الأشياء اللي كانت حولي وما كان لي فيها رغبه

اليوم آحس بأنها نعمه ..

أكثر شئ كان ينقال لي ما عندك شخصية تتصرفين 🤧

اليوم أشوف أن هذا الأمور اللي كان لازم أتصرف فيها

أمور

بديهية ماتحتاج كثرة تفكير .. فأسأل نفسي ليش ما

كنت أسوي

كذا وكذا ☹️

الحمدلله على التحسن ويارب من أحسن لأحسن وأحسن 💪🤲🏻

بخير رغم كل شيء معجب بهذا

المشاركة الأصلية كتبت بواسطة بخير رغم كل شيء

أحيان وأنت تاخذ أدوية فصام ..

ينقال لك مثل :

ليش تنام كثير خلصت علينا النوم ..
ليش يطلع لك كرش فيك شئ ..
ليش يتساقط شعرك ترى صلعت ..
ليش ما تركز صرنا مانحسبك معنا موجود ..
ليش وجهك صاير كذا ولونك متغير ..
ليش تتحرك كثير ترى وترتنا ..
ليش ما تشتغل عاجبتك حياتك كذا ..
ليش ما تقابل الناس ..
ليش ... وليشش .. وليششش 🤬🤬🤬


أباقف وابتسم لو أني حزين وخاطري مكسور
إلين الله يسهلها علينا يا بحر جده ..!!!

تنفع هذه اللشلشات لموضوع ظلوول ( ليش ) 😛 أستغرب من اللي يسأل مثل هذه الأسئله

أحسن إنه مايعرف يتكلم وإنه مزعج وملقوف بس ايش دخل بحر جده بالموضوع 🤔

بخير رغم كل شيء معجب بهذا

المشاركة الأصلية كتبت بواسطة بخير رغم كل شيء

للحين تمر بتفكيري كلمة الطبيبه النفسية اللي قلت لها
ليش ما يكون فيه توعيه لمريض الفصام
وردت بأن التوعيه للأهل فقط ..!

الشئ اللي جذبني بالمنتدى هنا أني ألاقي أشخاص جزاهم الله خير
يوعوني بمرضي وأدويتي في الوقت اللي كنت انتظر من الطبيب بس يتكرم علي بالتشخيص ..!
تدرون ليش لأن ما فيه أحد بيحس بصاحب المعاناه الا اللي ذاق طعمها ..
لذلك أنا أكره المستشفيات وأكره الطب كله ..
تعاملك الإنساني معي قبل الدوائي هو الأهم ..!
الانسانية واحد والطب كله صفر
الصفر بدون الواحد ماله قيمه .!
كيف الحكمه 🤭

ههههههههههه الحكمة كده👌🏻 أستغربت كيف طبيبة تقتصر التوعيه فقط للأهل .... التوعيه مهمة جداً

لكل مريض وليس لمريض الفصام فقط بل ولكل مريض عضوي وليس نفسي فقط .

بخير رغم كل شيء معجب بهذا

مرحبا وحياك الله وهلا وأهلين 😚☺️☺️
أختي سكون النفس 🌹🌹
الله يجزاك خيير على طيب دعواتك وبلسم كلماتك 😘😘😘
يا جمممال حضورك وكمية الإيجابية والتطمين 🩷🩷🩷
أسأل لك الحياة السعيدة و تحقيق الأمنيات 🪻🪻

سكون النفس معجب بهذا

الله يملأ قلب كل مسلم سعادة 🩷
ويجمعنا على التوحيد 🌹
وأن يرينا فرجا ونصرا 🪻
ويجعلنا على الحق ثابتين
وعلى حوض نبيه واردين
اللهم اشف صدورنا 💗 اللهم اشف صدورنا💗

سكون النفس معجب بهذا