ســجّل حضــورك بإنعـاش روحــــك!!!

لا بأس عليك....ستكونين بخير إن شاء الله..

السلام عليكم
جايه افضفض .. اه ثم ااه
مدري ليه حظي كذا وين ما اكون ..
تصور بو علي زميلتي اللي بالدوام واللي مرتاحه لها
واتكلم معها وافضفض لها وانصحها بالدوام ..
وهي تعتبر اعلاهن اخلاقا من كذا خليتها رفيقتي ..
تصور بو علي انصدمت انها تحش فيني وسمعتها
يا كبرها من صدمه كنت بالغرفه الثانيه لما رحت الغرفه الثانيه
سمعتها تتكلم علي .. ومنقلبه ضدي وانقلبو كل البنات ضدي ع اثر
كلامها .. ولما خلصت كلامها فتحت الباب وقلت لها سمعت كل كلامك
قالت ما قلت شي غلط .. واهي اعتبرها رفيقتي وياللي ناويه ابني مستقبل
معها على انها رفيقتي ؟؟ قلت لها كيف ما قلتي غلط وانتي بكلامها كان كله ضدي
وهم قلتها علاقتي فيك انتهت ودخلت مره ثانيه الغرفه وهم حشو فيني مر ثانيه
وطلعت لهم وكلمت بنيه غير هاذي البنت انا ما ااكلمها بشي ثانيه غير الشغل
لاني اعرف لسانها طويل .. وتحب الصراخ وهم صارخت معها وتشاجرت
وبعدين حاول السكرتير يصالحنا ...
وتقريبا تصالحنا بعد ما تحسفت رفيقتي ورجعت تبرر موقفها ..
بس انا مو راضيه اسامحها لاني سمعتها تحش فيني لوكان تبي كان تكلمت جدامي
ليه من وراي .. الحين انا خبرت السكرتير يغير ممكتبي قال ما في مكان ..
انا مابي خلاص اقعد معهم بعد اللي صار بروحي صايره عصبيه واعصب بسرعه
الحمدالله اني اخذ الدواء ولا كان حالتي بخبر كان ...

الله يصبرني ... وين ما ااروح حظي اعوج واحس
اني مكسسورة الله كريم والسموحه

وعليكم السلام ورحمة الله..



حياكِ الله أختي / عطر التفاؤل..

صباح الخير عطر ..كيفك ؟؟

ان شاء الله بخير


و أبوعلي يا رب تكون بخير يا أخي الفاضل..

البارحة كانت روحي منتعشة كثير و النفسية 80 ..و اليوم و الله ما أدري !!

الي أعرفه أن تغيير الجو كثير بيريحني لكن له مفعول بيزول مع الوقت .. للأسف

بشو تنصحني أخي ؟؟

و أسجل للمرة مش عارفة كم .. تقديري و إحترامي لك

حياكِ الله أختي / أمل..

الحمد لله أنا بخير ونعمة وأرجو أن تكوني كذلك,,,



التقلب المزاجي وهبوط النفس أحياناً أمران طبيعيان..وهناك وسائل تعاملية كثيرة للتعامل مع هذه الحالة,كالتفاؤل والأمل واستغلال لحظات الصفاء وممارسة الرياضة والجديد والتجديد,,وهذه الوسائل ذكرتها بالتفصيل في بعض مواضيعي..

انا بخيرالحمد لله .

الله يتمم عليك حنين..

السلام عليكم اخى ابو على ..
وددت القاء السلام والتحيات ..

صبحك الله بكل خير ..
تقديرى ..

وعليكم السلام ورحمة الله..


حياك الله أخي العزيز / صلاح..



أرجو أن تكون ومن تحب بخير حال..



سرني مرورك يا طيّب,,,

مساء الخيرات والمسرات

اخباركم اخواني اخواتي عساكم بخير
ابشركم احنا مبسوطين وفرحانين عشان المطر ينزل علينا الحين
ربي لك الحمد والشكر

مساء النور والسرور أختي / كنوووز...


اللهم أجعله صيباً نافعاً..

السلام عليكم

: ( ظالميني بالدوام كثير ... الله كريم
احـس بالوحده مالي حظ بكل مكان ودايم صرت
اخاف تجيني مشكله خاصه بالدوام
يا ريت كان عندي اخت .. الله كريم

وعليكم السلام ورحمة الله..

أهلاً وسهلاً أختي / عطر التفاؤل...


الراحة الحقة لا تكون الا بالتفاعل مع الواقع وترك التحسر..أما في الدوام فلا بديل سوى أن تؤدي عملك فقط مع تقليل الاحتكاك بالآخرين..


أعانكِ الله..

رجعت افضفض زي قبل وانا افضل الفضفضه هنا بالمنتدى احسن
واتمنى ما اضايقك استاذي الفاضل
نعم التفاعل مطلوب وهو سبيل للنجاح بس خايفه
اتفاعل احيان اكثر من اللازم او اتفاعل بطريقه يفهموني غلط
بالتالي انجرح او انصدم واتألم

عطراشتقتلك ........... قد الفضا

مساء الخير ابو علي ~~