وساوسي من سيئ لاسوء :(

المشاركة الأصلية كتبت بواسطة بحر الجنوب

فاهم شعورك يا أختي مريت في بداياتي بحالتك تقريبا وأنصحك تطنشين من بدري قبل مايزداد عليكي مره ادخل مواضيعي وشوفيها كيف صرت الحين بسبب الوساوس هذي والهلع

فعلاً التطنيش والتجاهل الحل السحري وانا نصحت اخت بهذا الشي ، الشخص لما يتجاهل الافكار يعني حقرّها وصارت مو مخيفه ولا مهمه وهذا سبب من اسباب الشفاء ، شفاك الله وعافاك

المشاركة الأصلية كتبت بواسطة نور روح

اهلين اختي وعليكم السلام ورحمة الله وبركاته

انا عانيت الأمرين من الوسواس .. معظم الي ذكرتيه واخس منه بمراحل .. كنت اوصل لدرجة الهلع الي ابي اركض واشق ثيابي من علي .. الله رحمني وهداني بسبب الدعاء اولاً ... وثانياً بسبب فهمي لجسمي .. وان المعدة بيت الداء .. لا تتركين الدعاء اهو الحل الوحيد .. مهما صار لا تيأسين انتي تو صغيرة والعمر جدامج بكون حلو ان شاء الله... اعرفي ان كل هذي اوهام مو صحيحة الشيطان يقص عليج وتنجرفين معاه بس اهي مالها صحة ... تقدرين تشوفين موضوعي في ملتقى المتشافين من الامراض يمكن يخدمج .. الله يشفيج ويشفي جميع المسلمين يارب 💙

الله يسعد قلبك على اسلوبك اللطيف الجميل ، فعلا الدعاء سحر وانا اعالج نفسي وغيري بالدعاء لان الله كل املي والادويه سبب فقط ، المعدة تاثر على النفسيه والنفسيه تاثر على المعده وانا اتوقع عندي قولون لان كل اعراضها تنطبق علي من تقلصات واصوات وانتفاخ وغيره ،باذن الله راح اشوفه جزاك الله خير وتممّ شفائك

اللي ردو كفو ووفو
انا كنت اعاني من وسواس ارهقتني
وسببت لي مشاكل ومثلك مااشتهي الاكل
بس وقفت مع نفسي وقلت لحظه انا ليش كذا
ليش الوسوسه وانا بعافيتي ليش افكر واخاف وربي اللي بيده كل شي
ودعيت ربي يريحني ويسكب على قلبي الراحه والاطمئنان
وقلت هذا الشيطان يبي يحزنني ويخليني مقيده وقلت اعوذ بالله منه وظليت ادعي وادعي والحمدلله ربي استجاب وخفت الافكار والوسوسه وانا فعلا تعرضت لصدمات اولها وفاة الغالي ابوي الله يرحمه بعدها ابن اختي وصرت اشوف اخبار وبسرعه اتاثر بها
فانتي حاولي تبعدين عن اي شي ياثر فيك
والوساوس طنشييييييييييها ترتاحين
وحاولي تشغلي تفكيرك باي شي تحبينه
ماقدامك الا العافيه ان شاء الله