هل حالتي طبيعية او لا وهل فيه مثلي

المشاركة الأصلية كتبت بواسطة ابومها

شوفي يا اختي
اولا معاناتك لنوبة الهلع لمدة 5 سنوات ما تعتبر شي بالنسبه للي اقراه في المنتديات الاجنبيه عن ناس قضوا 18 سنه على نوبات الهلع
انا ما ابي اخوفك بس لو تلاحضين ان الناس اللي انا اتكلم عنهم مع انه كانت تجيهم نوبات هلع طوال اعمارهم الا انهم ما فقدوا عقولهم وي ما نوبات الهلع تجيب لنا الافكار هذي ولا ماتو زي ما نوبات الهلع ايضا تخلينا نفكر هذا بالنسبه لنوبات الهلع
ثانيا بالنسبه للوظيفه ياختي الله يسعدك
الرزق بيدين الله سبحانه وتعالى وانا شخصيا مرت علي تجربه ايقنت يقين تاااااام ان المخاليق ما يرجى من وراهم نفع ولا ضر اذا الله ما اراد وهي اني قدمت على وظيفه والواسطه مضمونه وما حصلت لي وقدمت على وظيفه ثانيه مالي امل فيها وتوظفت بدون لا واسطه ولاهم يحزنون
وكلام الناس يا اختي لا يودي ولا يجيب ومهما كثرت الاقاويل والكلام ماراح تقدم ولاراح تأخر

آسف على الاطاله واتمنى لكم الشفاء العاجل

الله يطمن قلبك ويجزاك بالجنة ويبارك لك فيما اعطاك

انا مااتأثر بكلام الناس ودايم ادخل من اذن واطلع من الثانية ولا يهمني لكن مادري هو من النوبات صرت اتحسس من كلامهم
والا انا ابالغ وحساسة زيادة عن اللزوم

انا مقتنعة اقتناع تام اني ماراح اتزوج الا لما اتوظف على الاقل اشيل مصروفي
لكن مادري ليه صار هاجسي الوظيفة والزواج ومحورت حياتي حولهم

وبالنسبة للوسايط ابوي يقدر يتوسط لي لكنه مقتنع انها حرام ومالي امل انه يتوسط لي

الله يرضى عليك ويجزاك بالجنة 🌹

المشاركة الأصلية كتبت بواسطة أبن الرياض

اختي الكريمه اللي فيك عين قويه وعلاجها الرقيه
اسأل الله لك الشفاء العاجل

اخوي الفاضل على اي اساس قلت انها عين ؟؟
اللي فيني شي واضح ومعروف عند كثير من الناس باختلاف درجته
ثم اني مؤمنة ايمان تام ان العين حق لكن بعد مؤمنة اكثر وموقنة ان الله خير الحافظين
وكذلك مافيني زود عن باقي الناس مافيه شي يميزني
والحمدلله انا محافظة على اذكاري ومتوكله على ربي ولا احب اني اوسوس بالعين

ودي اسمع تجارب أكثر من اللي يعانون من الهلع وودي كل شخص يكتب كيف تكون النوبة
يعني هل هي تجيه تسارع دقات القلب ودوخة فجأة وبدون سبب والا يتذكر موقف او يتخيل موقف بعدين تجيه النوبة