يوميات المكتئبين تعال نسولف

[عمر عبدالله]

السلام عليكم
مستني قصتك اخوي محمد الامين

[غيمة فرح]

ياسلام فيه قصة عندكم
ليه محد علمني ، كم اكرهكم


لحظه لحظة بجيب التسالي والشاهي بالليمون 🍗🍷
~~~~
عيون يالدوبا متى تجين ؟🤔🔨

~~~~

يقول الشاعر :
ليت الكلام اذا تلعثم .. من الأعين يُفهم
ليت العيون اذا بكت .. يرونها دمعاً تَكلّم

[كحيلان *]

المشاركة الأصلية كتبت بواسطة قطرات الندا

هلا وسهلا بالبطل ابو نجلا
ابد والله ياختك تجمعنا وسوينا هاك المفطح اللي يحبه قلبك بهرناه ودهنا بالليمون والزبادي وحطيناه بالفرن وطلع يقرمش وقضينا عليه كنا ١١ حرمه وعقبها حطينا اغاني وطنيه ورقصنا وانا جاني النوم مابي حيل مثل اول للتردح ورجعت البيت ونمت وصحيت بعد اربع ساعات جوعانه 😳 مدري ماكلتلي خروف وصحى في بطني يبي ياكل .
وبس هذا اللي سويته
والامور من خير لخير ابشرك الحمدلله وللشكر لله

😂😂😂

الخروف صحى في بطنك و حس بالجوع

إلا الخروف كبر و صار بعير و ما لقا له ما يكفيه 🙄😂

ما شا الله ١١ حرمة يا عساكم بزود و ونس و إنشراح و إنسجام دوم

يمي يمي يالمفطح لا و بعد مقمر و مقرمش 😋

أما أنا تعشيت تيس عارضي لباني محنوذ بالمرخ و عقبها تقهويت و حلّيت و بعدها كلموني ٢ من أخوياي و طلعنا لمنطقة يقال لها الدهو بعد جودة و هاك و هات سوالف على الخط و بعض اللحظات تجبرني نفسي بالتفكير بالوظيفة و الزواج و إلى متى كذا عاطل و عزابي و أتكدّر حتى طرت لي فكرة الإنتحار تعوذت بالله من شر نفسي و أعالج نفسي سلوكيا بحيث أعيش اللحظة فقط من دون أي مؤثرات محزنة و أهمس لنفسي أنا ما في أسعد مني أنا مطمئن أنا بخير و الحمدلله تجاوزت الظرف و تفاعلت مع اللحظة الحاضرة دون النظر للغائبات و الماضيات

اللهم قنعني بما رزقتني و بارك لي فيه و أخلف عليّ كل غائبةٍ لي بخير 🤲

الله يسعدك يا قطرات الندا و الله أنتي وحدة قريبة مني ربي يحميك و يحرسك و يوفقك و يسعدك

🤲

المشاركة الأصلية كتبت بواسطة ((أبوعلي))

هلا بكم جميعاً . طبتم وطاب مساكم ❤




ابو نجلا الى الحين المكيف ينقط عليك مويه ههههههههههه

ههههههههههه يا شيخ الله يسعدك

لا أبنا الذينا شافوني مستمتع بهذي النقط قاموا خربوا علي و طفوا المكيف 😂😅

إصنع من المحنة منحة 🤗

طاب مساؤؤؤؤك يالعميد صالحوف

أها لازم أذكرك يا خلود الغالية مسيتي بالخير يا بعدهم ..كيف حالك عساك بخير ..

نجمة الفلك كيف الحرم وينكم الحين

هلا بأنثى الجدي هلا بك ترليونات
هلا بأم روز هلا بك ترليونات
هلا عمر عبدالله هلا بك ترليونات
هلا بك هديل غيمة فرح هلا بك ترليونات

صادقة عيون متفائلة لها وحشة اشقدها الله يطيّب الخطّر و يشرح بالنا على بعضنا 🙄😔

وينك الغالي محمد البدراني 😔😔😔
أخبارك

هلا بك أختي الغاليه صامدة رغم المحن 🌹

هلا بأغلى الغوالي ظلو الياسمين ربي لا يحرمني منك

🤲الله يشفيكم جميعاً و يقويكم و ينصركم و يسعدكم🤲


🌹🌹🌹🌹🌹🌹🌹
🌹🌹🌹🌹🌹
🌹🌹🌹
🌹

❤

[كحيلان *]

المشاركة الأصلية كتبت بواسطة غيـمة فرح

ياسلام فيه قصة عندكم
ليه محد علمني ، كم اكرهكم


لحظه لحظة بجيب التسالي والشاهي بالليمون 🍗🍷
~~~~
عيون يالدوبا متى تجين ؟🤔🔨

~~~~

يقول الشاعر :
ليت الكلام اذا تلعثم .. من الأعين يُفهم
ليت العيون اذا بكت .. يرونها دمعاً تَكلّم

😂😂😂

تفطسين من الضحك يا غيمة

أما البيتين أهنيك عليهم 👍🙏🏻

[كحيلان *]

الحمـــــــــ لله ــــــــــد على كل حال

[كحيلان *]

https://www.youtube.com/watch?v=OP90DMV9KV0

[ظل امرأة]

اللهم في يوم الجمعة لا تحرمنا من أمنية تُفرح قلوبنا ،
وتوبة تجلي همومنا ، وتوفيقاً ينير دُروبنا ،
وسعادة تذهب أحزاننا ، وبركة تُلازم عمرنا،
وعملاً يرضيك عنا ،
ادعوك أن تُصلح حالنا وتُسعد حياتنا وتحقق ما في بالنا
ونسألك الفردوس الأعلى من الجنة بلا حساب ولا سابق عذاب

صباحكم خير وبركة حبايبي 💕🌹

أبو نجلا معجب بهذا

[قطرات الندا]

الله يسعد قلبك يابو نجلا
طريق جوده يذكرني اذا رحت الرياض ماداني الخطوط الطويله بس اني احب المحطات اوقف بكل محطه اشتري حب وبساكيت وحلاو وشاهي وما اوصل الرياض الا بطني منتفخ ولايعه كبدي .. حلو الطريق بالشتاء .
ماشاء الله عليك شحن العقل بالكلمات الايجابيه له مردود رائع على الجسم في البدايه ماتلاحظ شي بس بعدين مع الوقت تلاقي نفسك تغيرت كثير .
بقولك شي حصل معاي ايام الهلع السنه اللي فاتت وقبل الهلع يجيني كثير خفقان بالقلب واقول قلة نوم او ارهاق وطبعا بعد ماجاني الاضطراب النفسي زاد الخفقان وضغطي جول الوقت مرتفع وكنت اقول انا متأكده ان فيني شي بالقلب المهم بد ما اخذت برنتلكس اللي لاحظته ان القلب هجد ووقفت كونكور والضغط انتظم سبحان الله ماشاء الله .
الاكيد ان المخ والنفسيه تلخبط كل وظائف الجسم وتعفسه فوق تحت والمضحك ان كل هذا دارسته بس يوم جت الحاله علي انا ضيعت كل اللي درسته وصرت اوسوس .
المخ اعقد واعظم واكبر معجزات الله سبحانه ان زان زانت الدنيا كلها صحتك نفسيتك اداءك بالحياه وان شان العقل شانت الدنيا باللي فيها .
الله يكتب لنا ولك السعاده وراحة البال والمخ المتعافي يارب .
انا احس ان البرنتلكس كان احسن قرار اخذته بحياتي بصراحه صايره مع الدواء لو تجيني دوخه او ضيقه اطنش بجد بدون خوف ولا قلق .
ابو نجلا ابيك تقرا كتاب او تشوف يوتيوب عن المرحله الملكيه شي عجيب .
بعطيك اختصار للموضوع المرحله الملكيه اذا وصلتها بحياتك زانت كل الحياه بعينك اولها تحب نفسك وتدلعها وثانيها تطنش الناس وكلامهم وارائهم فيك يعني اخر همك الناس واذا وصلت لهالمرحله بقناعه راح تتغير حياتك كثير انا تقريبا وصلت لثلاث ارباع الطريق .
انا حقيقة لايهمني الناس ولا المظاهر ولا ابكي على ماضي ولا اتحسر على شي فقدته ولاني ندمانه اني ماتزوجت بالعكس قاعده الاحظ حكمه بكل شي ماصار لي بحياتي وكنت اتمناه.. مثلا انا وحده ماحب اي قيود او احد يحكمني ابدا واتخيل لو تزوجت بعل قلب الرجال وبيعل قلبي ولاحظت نفسي انزعج من البزران العب معهم شوي بعدين ودي اصفقهم ولا اخب الارتباط والتقيد بوقت للنوم او الصحيه و و و اشياء كثيره حمدت ربي وعرفت حكمته انه منعها عني .
وصدقني وطيعني ان الله مامنع عنك شي الا فيه خيره لك وماتدري انت توك بعز شبابك يمكن ربي مأجل لك الخير بعمة الحريم ويمكن ربي يرتب لك حياتك الان وانت ماتدري .. دائما تأكد ان الخيره جايتك بالطريق .
و اولا واخيرا المكتوب لازم نشوفه .
انا ادري ان وقت النوبه شي صعب بالذات مع الافكار الانتحاريه لكن انت قوي وذكي جدا وتحب الحياه وراح تعدي بحول الله ثم الدواء .
سألت الدكتور عن الافكار الانتحاريه قال المكتئبين نوعين نوع يحب الحياه لكن مايستمتع بأي شي بسبب الاكتئاب و نوع يكره الحياه جدا النوع الاول ماينتحر ابدا لأنه يشعر انه فيه اشياء لسا ماسواها وماحصل عليها ولسا يبي يستمتع واصلا يخاف من الموت واللي يشعر فيه وقت النوبه مجرد افكار لكنها ترعبه فكرة الانتحار .
الخوف على النوع الثاني اللي اصلا انقطعت كل صله له بالحياه يكره نفسه يكره الناس يكره شكله ويكره اهله وماعنده امل بشي ابد .
الا صحيح بشرنا عن ركبتك شلونها عساك اشوا ؟

أبو نجلا معجب بهذا

[عبدو عمر]

السلام عليكم
صباح الخيرات والبركات على الجميع
بالتوفيق للجميع دائماً

أبو نجلا معجب بهذا

[ام زوز]

المشاركة الأصلية كتبت بواسطة قطرات الندا

هلا بك ام زوز حبيبتي
لا والله مهو كبر ولا شي بس ماعندي سوالف جديده اضيفها 🤓🤓🤓
اتابعك يا ام زوز واتذكر اول ايام استخدامي للدواء كنت زيك بالضبط خوف على قلق على تساؤلات على حيره ياترى بطلع من اللي انا فيه والا انكتب علي هالشي وخلاص ؟ ويوم بعد يوم اصحى من النوم والتحسن ملحوظ وابتدا الهدوء النفسي يتسلل لروحي وافكاري و شوي شوي لقيت نفسي ارجع طبيعيه من فضل الله وكرمه .
تأكدي انك بتتشافين بحول الله لكن عملية البناء مو زي الهدم المرض يباغتنا ويهد حيلنا ولما نجي نطيب شوي شوي لين نرجع طبيعيين حتى الانفلونزا تهد حيلك بالبدايه وتتعافين ببطيء وحتى لما تتعافي تحسين ان جسمك كله تعبان واثار الصخونه والتعب باقيه فما بالك الهلع والاكتئاب اللي لخبط كل هرمونات الجسم والمخ وعمل نقله سلبيه في حياتك وبعدها اخذتي الدواء وابتدا الدواء يشتغل على اصعب واعقد واكبر معجزات الله اللي هو المخ طبيعي يكون التحسن بطيء بس بعدها بتعرفين وتشوفين العافيه وترجع الدنيا تزهر بعينك ان شاء الله انتي بس كل مامريتي بنوبه قولي هذي نوبه عاديه وراح تعدي استرخي واستسلمي وتنفسي بهدوء وسمي بالرحمن لين تعدي النوبه وبتشوفين .
انا في ٦ اكتوبر اكمل ٤ اشهر من استخدامي الدواء والى الان احيانا احس بشد وتوتر ودوخه خفيفه لكن اقول عادي بتعدي وبالفعل تعدي .
لاتخافين حبيبتي راح الشي الصعب والكثير ومابقى الا الخير ان شاء الله 💐

الله يطمن قلبك ويكثر من امثالك يكفي إحساسك وردك الطويل عشاني أنا لي شهر حاليا تحسنت عشرة ايام وعادت النوبات من أربع ايام مثل بداية العلاج

أبو نجلا معجب بهذا

[ام زوز]

المشاركة الأصلية كتبت بواسطة أبو نجلا

مساء الخير ع الأحباب أم روز يالله حيها

أي تكبر ههههههههه أنتي تقولينها من جدك و الا تمزحين :) و الله مشغولين يا بعد راسي






https://www.youtube.com/watch?v=sow0QGLrQ6E

أجل ليش صرتوا ماتتواجدون
دايما فاضي التجمع😑

أبو نجلا معجب بهذا

[ام زوز]

حاشاكم عن التكبر بس وينكم ماتشاركون دايما التجمع فاضي

أبو نجلا معجب بهذا

[غيمة فرح]

" كل شيء نراه ماهو إلا ظل يلقيه شيء لا نراه"

أبو نجلا معجب بهذا

[قطرات الندا]

هلا بك ام زوز
تدرين اني حساسه جدا بالردود بالذات لو الموضوع مايعنيني او ماعندي خبره فيه احس اني داخله غلط 😊😊😊
ايه عادي حبيبتي انا اول ما استخدمت الدواء وجتني الاعراض الجانبيه وبدت تخف تحسنت كثير وبعد العيد رجعت كل الاعراض وقعدت اسأل كل الاخوان هنا بالمنتدى لأن جاني احباط اسأل نفسي وش فيني طيب ليه تحسنت وانتكست الحين وكلهم طمنوني انه تذبذب عادي وبالفعل بعد كم يوم رجعت اهدأ واتحسن بس ببطيء شديد .
ابيك تسوين استرخاء دائما الاسترخاء ينشط عمل المخ واهم شي توقفين التفكير لو خمس دقايق وفيه طرق كثير منها التنفس البطني تلاقينه في يوتيوب ومنها العد بطريقه عكسيه مثلا تعدين من ١٠٠ الى ١ هالطرق مره سهله بس ماتعرفين وش تسوي بالمخ لأنك تلهين العقل عن القلق ويبدا بعملية العد وراح تلاحظين الهدوء بعدها .
فيه نقطه مهمه جدا ابي اقولك عليها ان العلاج السلوكي كثير منا يقول سويته وما استفدت تدرين ليه ؟ العلاج السلوكي يعتمد على شيئين اولها التكرار وثانيا شحن المخ بالافكار الايجابيه بالتالي من جلسه او حلستين او ثلاث طبيعي مايحس المريض بتحسن لانه ماوصل لبرمجة مخ كافيه يعني لاتيأسي لما تعملين استرخاء وترجع لك النوبه كرري يوميا وكرري عمليات العد وكل مابدأ مخك بنوبه وخوف سوي طريقة الالهاء العقلي سواء بالعد او تشتيت الافكار .. بالتكرار راح تعرفي تتعاملي مع النوبات لين تختفي .
حبيبتي ام زوز مفعول الدواء مش سحري ابدا هو شي قاعد يرتب عمل النواقل العصبيه وافراز الهرمونات وشغله بطيء جدا يجي دور الشخصيه نفسها اساعد الدواء وهو يساعدني ومثل ماذكرت لك بعض الطرق الفعاله .
تطمني لن يصيبك الا المكتوب واذكري ان التفائل يجلب الخيرات انتي بس ثقي بالله وانطلقي بالحياة

أبو نجلا معجب بهذا

[((أبوعلي))]

سألني : أي الفصول أحلى ؟ فقلت : إذا كان مزاجك حلواً فكل الفصول حلوه !

أبو نجلا معجب بهذا