أبداً لست على ما يرام

المشاركة الأصلية كتبت بواسطة أبو حمد

اخوي ابو نجلاء اتمنى انك تتجاوز هالمرحلة والله يسهل علينا امرنا كلنا، اقترح عليك اقتراح مهم وهو انك تروح لدكتور خبير بالادوية وتستشيره في حاجة وهو استخدام علاجين بس المهم اختيار نوعين تتناسب مع بعض لان احيانا دواء ياكل الدواء الثاني ويسبب لخبطة واحيانا لا دواء يصير هو المكمّل للدواء الثاني ويكون علاج للمشكلة وفيه دراسات تثبت مدى تناسب دوائين مع بعض مثلاً دراسة تقول ان السيبرالكس مع الويلبترين نسبة نجاحهم مع بعض اعلى من استخدام سيبرالكس مع علاج اخر وكذلك ادوية اخرى، وانا اقترح تقول للدكتور عن اكثر علاج ناسبك واذا ممكن تضيف دواء ثاني له وطبعا مع ضبط جرعات الدوائين، والاهم من كل هذا لازم طبيب يعرف يشخّص مشكلتك تمااااام يعني يعرف ايش الغالب عليك هل هو القلق أم الاكتئاب ام التوتّر بسبب ما او وساوس، لان مثل ماتعرف بعض العلاجات معروفة في علاج بعض الحالات الخاصة.

اذا تعرف انجليزي ابحث بالمواقع الاجنبية ترى تستفيد من تجاربهم وتقرا دراسات حصلت خاصة ان المصادر والمنتديات الاجنبية واجد على عكسنا حنا العرب مافيه إلا هالمنتدى وواحد والا اثنين بالكثير وقلة مصادرنا العربية.

اللهم آمين الحمدلله تجاوزتها رغم إنها تجيني بعض الأحيان لكنها تنقلع لله الحمد و الشكر

كلامك عين الصواب يا بو حمد جعلني ما خلا منك و لا أعدمك يالغالي