ممكن المغاربة يدخلوا؟

طيب اخي بارك الله فيك

شكرااااااا ليك

وفيك بارك الله عزيزي

انت كبير عليا بعام يمكن دبا انت فالجامعة او في الباك

علاش ماتدخلش معانا في الملتقى العام

في الاعترافات وفي اليوم انا هادئ وغيرها

قولي واش عندك غير اختلال الانية ولا عندك امراض اخرى بحال الاكتئاب او الهلع

الى غير اختلال الانية ساهل حالها يمكن تغلب عليها بسرعة

السلام عليكم اختي الوردة المغربية

بنسبة للاقسام التي ذكرتها باقي لم اكتشفها بعد

غادي نبقى ندخل ليهم ان شاء لله

بنسبة لسؤالك اختي وكما ذكرت من قبل فلقد تعرضت لعدة اضطرابات منها الوسواس القهري او كان هادشي قبل ثلات سنوات تقريبا من الان او باقي كايجيني و لاكن ماشي بنفس الحدة

فهداك الوقت راني كنت غادي نموت و الله كان عندي وسواس باسل او مريض ههههههههههه

المهم من بعد بقيت عايش عادي او بيخير حتى لمؤخرا هادي تقريبا شي 6 اشهر دابا تعرضت لاول نوبة هلع بلا ما نعاود ليك عليها راكي عارفها كيفاش دايرة

المهم من بعد العذاب و الخوف تعلمت كيفاش نتحكم فيها او دابا ماكتأترش عليا فحال شحال هادي و لله الحمد ولاكن مؤخرا قبل اسابيع قليلة بضبط اصبحت حزين بدون سبب ومن تماك رجعت ليا افكار اخرى مثل وسواس الجنون او تخربيق هههههه

او بديت كانحس باعراض اختلال الانية و لاكن ماشي بزاااااااف غير فاش كانتعصب مثلا او كانغوت كانحس براسي كانحلم ههههههه واقيلا غير كانتوسوس

المهم انا في هذه اللحضة بضبط كانحس براسي احسن بفضل الله عز وجل

او نتي اشنو عندك اختي؟

انا يا اخي

كنت في الصغر ديالي كنعاني من الخوف الشديد كنخاف من كولشي ايكون معاايا احد ولا ما يكونش معايا

خايفة وحتى فاش ندخل القسم يعني في دراسة كنخاف ومن هاد المشكل ديال الخوف هدم حياتي وما قريتش مزيان فصغري

لانني كنت خايفة بزااف

ماعرفت علاش حتى تلفازا الى تشعلات كنخاف او كنبدا نتقيا وما نقدش ناكل الى دخلت غير لقمة كتوحل ليا

الى نعست ياربي تستر كنبقا نحلم احلام الرعب وكنبقا نغوت نغوت
المهم دازت عليا مزيااان

واتر هاد الخوف على حياتي وعلى قرايتي دبا وخاك كنقرا الا فاش نرجعوا لشي حاجة قريتها فصغر كنلقا راسي ولوا بحال الى ماعمرني قريت

ومن بعد خداوني مالين دار وبخرولي من بعد ما حسو بيا هنحماق

وبريت والحمد الله من داك المرض المزمن الخوف

ولكن دبا عندي اكتئاب كنعس ما كنشبع من نعاس ههههههه

او كنشوف راسي انسانة حقيرة وما حاملاش راسي

كنكره الناس

كنحس براسي انني غير فحلم وانني جوج او تلات شخصيات

ما كنقدرش ناكل

كنحس براسي باغا نقتل راسي

المهم اعراض ديال الاكتئاب

الاحساس بالقلق

واضطرابات في التنفس

اعراض الاكتئاب وصافي


دبا حيت مايمكنش نشرب دوا او ما نقدر ندير حتى حاجة راسي

لتجات للعلاج السلوكي


ايمكن ليك حتى انتا تجربو ايقدر ايفيدك

اولا الحمد لله مني بريتي من داك الخوف لي كان فيك

الخوف عبارة عن فكرة تافهة نحن من نصنعها ثم نهرب منها ههههههههه

المهم اختي حاولي تديري شوية الرياضة و تعمري وقتك و فكري بشكل اجابي راكي باقا صغيرة وباقيا الحياة قدامك ان شاء الله

و دور ديال الشيطان ولد الحرام هو هذا هو يخلي بني ادم تعيس

كاين واحد المثال مغريبي زوين بزاف كايقول دوام الحال من المحال مثال حقيقي مئة في المئة و عن تجربة

غادي تبراي ان شاء الله او غادي تفرحي فحياتك غير خلي امانك بالله قوي و الله عز وجل يقول انا عند ضن عبدي بي ركزي مزيان فهذه الجملة الله عز وجل لم يقل انا عند حسن ضن عبدي بي و لاكن قال انا عند ضن عبدي بي يعني كاين لي عارف الله قادر وحكيم و قوي او كلشي و مع ذالك كايقول وانا عيت ما نصبر و الله مابغاش يستجب ليا اذا هذا ضن خطير و هو ان الانسان يصبح يضن في الله انه لا يستجيب له و من هنالك سيجد الله عند ضنه به فهمتي.

واحد المسالة بيني وبين راسي فاش كانكون كانفكر كانقول علاش غادي نحتاج لطبيب او لا دواء و كاني داخل في حرب مع شخص اخر و الصراع هو مع انفسنا فقط هههههههه

هذه اجسامنا و هذه عقولنا نحن من نتحكم فيها انها هبة من الله ولاكن ماذا يحدث لنا ؟

هنا ياتي دور الشيطان و دوره في الحقيقة محدود جدا بحيث انه يوسوس لنا فقط لا يمكنه ان يفعل اكثر من ذالك ونحن الذين نختار هل نساعده على ذالك ام لا

انا عارفك انك من لداخل ديالك عارفة هادشي كلو وكلنا عارفينو ولاكن كل واحد على قدر صبره و تحمله.

بقدر ما ارتحت كثيرا من كتابة هذا الموضوع و اكتشاف اخوان و اخوات من المغرب بقدر ما هزيت ليكم الهم ههههههههههههههههههههه

حاس بيكم كلكم وخا ماشفتكمش

كانتمى من كل قلبي الله عز وجل انه يشافيك اختي الوردة المغربية ويشافي جميع مرضى المسلمين

وعليكم السلام ولد بلادي انا الادريسي دازت علية كععع انواع الهلع توتر قلق اختلال الانية انفصال عن الواقع كلشي وحمد لله مازال خوارج الانقباض لي كتابت عليا

عطا الله المغاربه هنا الله يبارك

الحمد الله على كل حال اخي

حتى انا كنت كنخاف نكون بوحدي الي عندي مشاكل في نفسيتي

كنت كنقول بانني الوحيدة فالمغرب الي عندي مشاكل لانه انت عارف المغرب كيف داير

والى قلت غير مقلقا يقولولي سكتي اسمعك شي حد

ههههه

هدا هو حالنا الحمد الله على كل حال

او منين موجودين مغاربة حسيت بانني ماشي بوحدي الي مغربية وكنعاني

الحمد الله اخي

انا وليت كنتشافا من مرض ديال الاكتئاب او بديت كنغير سلوك ديالي

اولا احي اخي الجديد الادريسي

جاتني واحد الحاجة فبالي دابا بقيت كانضحك ههههههههههههه

قلت فبالي شوف سبحان الله هذا غي موقع واحد او فيه مغاربة حتى هوما فحالي فما بالك بالمواقع الاخرى ثم فما بالك بمن لا علاقة له بالانترنيت ههههههه سبحان الله

الى دارو شي احصائية غادي يلقاو بزااااااااف ديال المغاربة عندهم اضطرابات نفسية و هذا شيئ عادي بحكم اننا نفتد الى ثقافة الطبيب النفسي في بعض الدول الغربية تجد المجنون هو من لم يذهب في يوم من الايام لطبيب نفسي اما من يذهب لطبيب نفسي من حين الى اخر هو العاقل الرزين ... ههههههههه مفارقة عجيبة سبحان الله

متنساش خويا ان المغرب معرووف بالسحر و الشعوذة و حتى هدوو راه كيسببو اظطرابات نفسيه
كان هنا واحد مغربي كان مسححوور و سبب ليه السحر الاعراض لي عندنا و كثرر

ما كانبغيش نتعمق فهاد الشي لانني كانتخلع بصراحة هههههههه

و لاكن اغلب الحالات هي حالات مرضية غير كاين هنالك تضخيم عند المغاربة لسحر و الشعوة يعني واحد في الحلاقم كايقولو ليه سحرو ليك هههههههه و الله اعلم

علاش تخاف يمكن فيك شيحاجه ههههههههههه
راه بحالك في الاول كنسمع الرقية و السحر و كنخاف حتى بديت كنسمع للرقية و ندهن بالززيت المرقي و عرفت اني مصاب روحياا
كنت كنشوووف الجنون في الاحلام و كنت كنشوف مخلوقات غير التعب الجسدي و و و و و

انصحك تسمع للرقية الشرعية بالسماعات و كتب ليا الاعراض ديالك

اغلب الحالات النفسيه اخوياا سببها روحي عين مس سحر و حسد

لم تصل درجة مرضي الى مرحلة الخطر عندي غير قلق نفسي عام او صافي

وانا شخص حساس نوعا ما وموسوس نوعا ما ههههههههههه

كنت كانقرا على اختلال الانية او هي تجيني بعض الاعراض ديالها

اما الامراض الاخرى لي هي الوساوس القهري هداك مابقاش كايجيني او بنسبة لنوبات الهلع سببه لا علاقة له لا مع سحر و لا اي شيئ سببه اعرف جيدا

و بنسبة لرقية الشرعية اخي انا كانشوف ان الانسان عليه قراءة القران او صافي بدون زيت و لا ماء و لا اي شيئ و الرسول عليه الصلاة و الصلام كان يرقي نفسه و اهله بالمعوذتين و اية الكرسي فقط

او فاش قلت ليك كانخاف فالخوف ناتج عن الافكار القديمة من الطفولة بخصوص هذه الاشياء او مابغيتش ندخل في بحر اخر ربما غادي يزيد يمرضني انا كانقرا القران او كانسمعو او كانصلي و الشفاء من عند الله هذا كل ما في الامر اخي المشتاق الى الجنة

هههههههه ولله ياك ما غير حنا لمعمرين الموقع يا لطيف يا لطيف وشتة راه صاري فينا خوية كنت سولتني على حالتي أنا أصبت بأزمة نفسية حادة بسبب مشاكل مند الصغر ونا نجمع فقلبي ونا من النوع لي ميبكيش كلشي ندسو لداخل حتال السنة الماضية صافي توفات خالتي كان عمرها 40 سنة تصدمت مين سمعت الخبر ما شفتهاش بحكم أني ما سكناش فالمغرب من بعد بشهرين كنت فالليل مشغولة حسيت بشي طعنة فالمعد ديلي بقت نرد حشاك حسيت بالخوف حسبت الموت ما قدرتش نعس كلما نغمض عيني نفيق والخوف فيا ما عرفتش شنو عندي جيت الصيف الماضي للمغرب عملت فحصات ما لقاو عندي والو وليت لهولندا كل جسمي يوجعني عملت فحصات على القلب الصدر الدم الجسم كلو سليم خصوصا الصدر ديما الألم فالصدر المهم بقيت نقرا فالإنترنت عرفت أنه مرضي نفساني مشيت لطبيب نفسي تبع معيا العلاج السلوكي ما نفعش معيا ما بغاش يعطيني الدواء قالي حالتك ممحتجاش الدواء حتى بقيت نرغب فيه عاد عطاني المهم تحسنت شوية وليت ناكل كنت نزلت 12 كيلو وليت بحال stylo bic ههههه ديمة مكتئبة ما نضحك ما والو منعزلة حتى صحبتي قطعت معاها العلاقة بدون سبب أنا تصبيت بوسواس الموت أي حاجة توجعني نقول الموت نمشي للطبيب دابة الحمد لله ولاتلي الضحكة وليت لصديقتي ههههه ولكن ألام باقية فالجسم وما كنحش بحلاوة الحياة كيف الأول بحال راني فعالم غريب، أتمنى لي وللجميع الشفاء العاجل