تخلصت من الاكتئاب و وسواس الامراض اتمني افيدكم بتجربتي

وشم متى بدا التحسن هل بعد الخمس ابر ؟
يعني اول وثاني ابره عادي
أنا خذت ثاني ابره الان ونفس الشي؟😟

المشاركة الأصلية كتبت بواسطة صبري

وشم متى بدا التحسن هل بعد الخمس ابر ؟
يعني اول وثاني ابره عادي
أنا خذت ثاني ابره الان ونفس الشي؟😟

هلابك صبري ،
لا مو من ثاني ابره يبغالك وقت حتى بعد الخمس
ابر ، انا حسّيت بالتحسن بعد أسبوعين تقريبا
وطبعا كنت اكل أشياء صحيه وأسوي رياضه ،

بس سؤال انت سويت تحليل قبل تاخذهم ؟
لان الزياده فيه نفس النقصان ..

لا ماسويت لان كنت رايح قبل تسع وكان المختبر مقفل ولا كنت بسوي هو والغده
اجل مشوارنا طويل لا والموضوع مو اكيد بعد ماقول الا حسبي الله ونعم الوكيل

حمدلله ع سلامتك وشم ومن احسن لاحسن حال يارب .
صبري ليه ماتغير دكتورك وانا اختك ؟ انت مو طالب الشفاء التام طالب ترتاح بس وهالشي اشوفه عند اغلب اللي فيهم اكتئاب انه يقدر يمارس حياته .. انا دكتوري النفسي يقولي اذا ما ارتحتي معاي غيري لدكتور ثاني يمكن الدكتور الثاني يكتشف شي انا مو شايفه او يشخص تشخيص مختلف او له مدرسه بالعلاج غير عن مدرستي يقصد الطريقه وهذا الصح .. لاتيأس صدقني علاجك موجود لكن لسا ماعرفته انت اسعى وابحث وغير طبيب وثاني وثالث .. غير المنطقه بكبرها والله اني اقرأ لحالات اكتئاب انتحرو اكثر من ثلاث مرات ومانجحو وبعدها تشافو .. تعرفت على بنت بالعياده عمرها ٢٨ تعاني من عمر ١٧ سنه وقعدت الى عمر ٢٥ اهلها مايدرون ماغير تروح من دكتور لدكتور وجربت اغلب الادويه تحلف تقول اني احيانا اصحى من النوم ما اعرف مين انا ولا وين انا فيه وسببت لها الادويه نزيف بالدوره الشهريه الله يكرمكم وتبهدلت حتى وانا اناظر فيها احس انها ذابله عيونها وجلستها وربي اني نسيت همي وهي تحكي طلعت من الجامعه وحالتها تزداد سوء شافها خالها وركز عليها وكلم امها قالت مدري شفيها دايم تبكي وماتطلع من غرفتها قال خالها لازم نوديها لطبيب نفسي ورفض ابوها قال بنتي مو مجنونه وبعد محاولات وافق الاب وودوها لدكتور لعب فيها بخلطة ادويه صارت بس نايمه وان صحت تايهه ومرت السنين لين جت عند دكتوري تقول عرفت الحياه وتمسكت فيها بعد ماجيت لهالدكتور سحب كل الادويه ومشاها على دواء واحد فقط وقالت اسمه بس ماراح اكتبه يمكن ماينفعك .
تقول مارجعت مثل اول يمكن التحسن ٥٠ بالميه والحزن عدم الدافعيه لسا بس تقول صرت اكل صرت انام واصحى طبيعي صرت اطلع مع اهلي للبقاله صرت اشوف تلفزيون تمسكت بحياتي اكثر صار عندي امل في بكره صرت العب مع عيال خواتي .. عاد عندها مراجعه معاه وكانت قاعده برا وامها وابوها عند الدكتور داخل سألتها اذا الدكتور قالها بتحسنين اكثر قالت ايه قال لسا التحسن مستمر .
عشان كذا اقولك لاتيأس ياصبري غير دكتورك غير حياتك غير ادويتك اسعى والله ان قلبي يتقطع لما اقرالك ألم ويأس وسواد رهيب .. تحرك لعل الله يحدث بعد ذلك امرا .
الله لايطول بك شده يارب

وشـم* معجب بهذا

اختي العزيزه قطرات انا مو توي من عام ٢٠٠٠ بدايه المعاناه و٢٠٠٦ بدايه اخذي للعلاج جربت ٩٠ بالميه من الحبوب مضادات اكتئاب وفي فتره كنت اخذ مضادات ذهان وغيرت دكتوري لثاني وكل واحد اخس من الثاني الثاني قالي مش معقول كل هالادويه ولاصارلك تحسن ورحت لراقي فتره وتدهنت بزيت وعسل وماء وجان فتره اقرا سوره البقره والفلق والكرسي مكرره
يعني انا بصراحه احس اني ما قصرت سويت كل شي
والان اخذ ابر لفيتامين ب ١٢ وحبوب فيتامين دال
والله اني ما قصرت في البحث عن العلاج
بس الموضوع مايحله الا ربك يقول كن فيكون
وحتا لو شفيت اوتحسنت العمر الي راح والشباب من يعوضه
انا اصلا زعلان من البدايه أنه صابني هالشي لان لوتعرفين تأثيره على حياتي كلها
أنا اعتقد لو واحد ثاني مايقدر يصبر

المشاركة الأصلية كتبت بواسطة صبري

لا ماسويت لان كنت رايح قبل تسع وكان المختبر مقفل ولا كنت بسوي هو والغده
اجل مشوارنا طويل لا والموضوع مو اكيد بعد ماقول الا حسبي الله ونعم الوكيل

صبري قل الحمدلله على النعمه ترا حتى المرض نعمه لأن يهذب النفس
وفيه أجر كبير ، واحمد ربك ان اللي عندك اكتئاب مو سرطان ..
السرطان الم نفسي وألم جسدي اكتئاب وضيق صدر وكثير يعانون
نفسيا بسببه ، اللي عندك اكتئاب وبيروح مافي شي يبقى على حاله
بس ساعد نفسك لاتقعد تقول طول اليوم انا مكتئب انا ضايق صدري
انا حياتي خربانه ... الخ هالشي مرررره يأثر ترا على نفسيتك ويزيد
الطين بله انا اللي مريييت فيه مرره مررره مررره صعب ماحد يقدر يتخيله
لا انا وصاحيه مرتاحه ولا وانا نايمه مرتاحه مريت بشعور وتعب مايعلمه
الا الله بس كان دايم عندي امل ان ربي بيخلصني من هالشعور ،

.
.

ضروري تسوي تحليل قبل تاخذ ابر فيتامين ب 12 لان الزياده فيه
تسبب نفس اعراض النقصان وقلتلك قبل لاتاخذها من كيفك بدون تحليل
، المهم في طريقه قالها لي أخصائي نفسي لو المنتدى يسمح حطيت حسابه في تويتر
المهم انو قالي كوني على وضوء 24 ساعه وكل يوم تصدقي لو بريال او اي شي
اذا جاك الشعور رددي حطي يدك على صدرك وقولي بسم الله ثلاث مرات
واعوذ بعزة الله وقدرته من شر ما أَجِد وأحاذر سبع مرات ، ومارسي الرياضه نص ساعه
شهر راح تتخلصين من هالشعور وفعلا طبقته وعالجت النقص اللي عندي
وكنت متفائلة جدا ان ربي بيخلصني من هالشعور وفعلا قدرت اتخلص لاني
ساعدت نفسي وما استسلمت وما أكرر على نفسي اني مكتئبه وحزينه مثلك
كنت صابره ومتفائله وكل ثقه بربي رغم سواد الشهور اللي مرت علي ،
بس الحمدلله على كل شي ،

المشاركة الأصلية كتبت بواسطة قطرات الندا

حمدلله ع سلامتك وشم ومن احسن لاحسن حال يارب .
صبري ليه ماتغير دكتورك وانا اختك ؟ انت مو طالب الشفاء التام طالب ترتاح بس وهالشي اشوفه عند اغلب اللي فيهم اكتئاب انه يقدر يمارس حياته .. انا دكتوري النفسي يقولي اذا ما ارتحتي معاي غيري لدكتور ثاني يمكن الدكتور الثاني يكتشف شي انا مو شايفه او يشخص تشخيص مختلف او له مدرسه بالعلاج غير عن مدرستي يقصد الطريقه وهذا الصح .. لاتيأس صدقني علاجك موجود لكن لسا ماعرفته انت اسعى وابحث وغير طبيب وثاني وثالث .. غير المنطقه بكبرها والله اني اقرأ لحالات اكتئاب انتحرو اكثر من ثلاث مرات ومانجحو وبعدها تشافو .. تعرفت على بنت بالعياده عمرها 28 تعاني من عمر 17 سنه وقعدت الى عمر 25 اهلها مايدرون ماغير تروح من دكتور لدكتور وجربت اغلب الادويه تحلف تقول اني احيانا اصحى من النوم ما اعرف مين انا ولا وين انا فيه وسببت لها الادويه نزيف بالدوره الشهريه الله يكرمكم وتبهدلت حتى وانا اناظر فيها احس انها ذابله عيونها وجلستها وربي اني نسيت همي وهي تحكي طلعت من الجامعه وحالتها تزداد سوء شافها خالها وركز عليها وكلم امها قالت مدري شفيها دايم تبكي وماتطلع من غرفتها قال خالها لازم نوديها لطبيب نفسي ورفض ابوها قال بنتي مو مجنونه وبعد محاولات وافق الاب وودوها لدكتور لعب فيها بخلطة ادويه صارت بس نايمه وان صحت تايهه ومرت السنين لين جت عند دكتوري تقول عرفت الحياه وتمسكت فيها بعد ماجيت لهالدكتور سحب كل الادويه ومشاها على دواء واحد فقط وقالت اسمه بس ماراح اكتبه يمكن ماينفعك .
تقول مارجعت مثل اول يمكن التحسن 50 بالميه والحزن عدم الدافعيه لسا بس تقول صرت اكل صرت انام واصحى طبيعي صرت اطلع مع اهلي للبقاله صرت اشوف تلفزيون تمسكت بحياتي اكثر صار عندي امل في بكره صرت العب مع عيال خواتي .. عاد عندها مراجعه معاه وكانت قاعده برا وامها وابوها عند الدكتور داخل سألتها اذا الدكتور قالها بتحسنين اكثر قالت ايه قال لسا التحسن مستمر .
عشان كذا اقولك لاتيأس ياصبري غير دكتورك غير حياتك غير ادويتك اسعى والله ان قلبي يتقطع لما اقرالك ألم ويأس وسواد رهيب .. تحرك لعل الله يحدث بعد ذلك امرا .
الله لايطول بك شده يارب

ياحلوك قطرات وياحلو كلامك ،
الله يسعدك ويشرح صدرك ويرزقك ماتتمنين
قد ماتحاولين انك تساعدين الأعضاء وتخففين
عنهم ، الله يفرح قلبك ويبعد عنك كل ضيق ..

حبيبتي وشم تسلمين على هالدعاء الجميل ولك بالمثل يارب والله يتقبل منا ومنك .
علمتني الحياه والسنين ان مثل ماترسل يعود اليك ومثل ماتتمنى لغيرك يجيك ومثل ماتساعد غيرك بيحي من يفزع لك بيوم همك او ضيقك هكذا هي الحياه وربي يسخر لنا ولك اطيب خلقه ويسعدك ويكافيك شر الامراض والهم والضيق .
مليار شكر لك حبيبتي اسعدني دعائك على هالصبح

اليوم رحت سويت تحليل فمختبر تقريبا شامل الغده وفيتامين ب ١٢ ودال ودهون وكلسترول واشياء ثانيه بكرا النتيجه

صبري حتى لو تطلع النتيجه سليمه لاتيأس لأني حاسه فيك تدور سبب لاكتئابك لعل الله يسخر دواء وترتاح لكن لاتيأس ابدا الطب والابحاث في تطور وفي امريكا وكندا كل يوم اكتشافات عظيمه للاكتئاب وعندنا مستشفيات فيها كوادر ممتازه لكن عليك السعي وبرجع اكرر لك السعي وراء الحل والله العظيم ان اخو صاحبتنا عمرع ٤٠ يأسو منه حتى السكاكين يرفعها على امه وخواته معاه فصام وذهان واكتئاب ويتخيل له انهم بيذبحونه وسافرو به للاردن ومصر ونوموه بمصحات يتعافى شهر شهرين ويرجع لحالته ودوه لرقاة اللي يطقه واللي يقول مسحور بأكل ماكله من سنين ولا فيه فايده وبالاخير لهم خمس سنين الحين وهو حالته ممتازه ودوه مستشفى الامل بالدمام وتعالج ولله الحمد وتزوج السنه اللي فاتت و زوجته تدري عن حالته وتتابع معاه مواعيده وتنظم ادويته الحين وقفو له الادويه بس كل اسبوعين يروح لهم ياخذ ابره بتسألني وشهي والله مدري لكنه مستقر ومستانس الحين ماغير من عياده لعياده يبي زوجته تحمل .. لاتيأس ياصبري هالانسان اعرف اخته من ١٥ ومن عرفتها واخوها مريض والحين طيب وحالته ممتازه ماله دخل الوقت والمده المهم هو التشخيص وان ربي يسخر لك الطبيب الفاهم . توكل على الله وادعي ربي حنا بالعشر الاواخر ماتدري لعل الله يكتب لك بهالايام الشفاء ويجعلك من المقبول دعائهم .

وشـم* ,لا تعليق معجبون بهذا

أنا احين سويت هالشي لان هو الي كان ناقصني
بعدها الله يبيض وجهي ماقصرت وسويت كل شي انتظر الإنصاف من ربي يكافئني على صبري وسعيي في العلاج

إن شالله الفرج يجي لي ولك ولكل شخص يعاني عاجلا غير اجل ربي يحفظك ويحقق امانيك ياقطرات

صبري ان شاء الله يارب انو تلاقي علاج اكتئابك
وممكن السبب يكون نقص الفيتامينات وتعالجهم وترتاح
طمنا اذا طلعت النتائج ،

موقلتلكم منحوس ومافي حظ
النتائج طبيعيه فيتامين ب ١٢ عشان كنت اخذ ابر زاد عن الطبيعي
والله يوم اكتشفت النتائج وانا طالع دموعي غرقت فعيني كنت مامل عن هالشي

كنك داريه ياقطرات
الشكوى لله ذقت قهر الرجال مرات كثير

لو أحط حساب دكتور احمد الزهراني هنا ممنوع ؟

المشاركة الأصلية كتبت بواسطة صبري

موقلتلكم منحوس ومافي حظ
النتائج طبيعيه فيتامين ب 12 عشان كنت اخذ ابر زاد عن الطبيعي
والله يوم اكتشفت النتائج وانا طالع دموعي غرقت فعيني كنت مامل عن هالشي

كنك داريه ياقطرات
الشكوى لله ذقت قهر الرجال مرات كثير

بتعدي ياصبري بس ممكن تبطل تقول لنفسك كلام سلبي
عموما هذي حسابات أخصائي نفسي ساعدني مره كثير
وقت اكتئابي واعتذر لو هالشي ممنوع بس ممكن فيه الفائدة

Ahmaddosy حسابه سناب :
حسابه تويتر : dosyahmad