|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
 |
|
|
أدوات الموضوع |
07-04-2011, 11:49 PM
|
#31 | |
|
عضو نشط
|
اولا شكرا للاداره على اعادة فتح الموضوع والشكر موصول لاختي لدي امل جزاكي الله خير
اخواني انا اليوم حدث لي تطور بالاحداث انفجرت وصرخت بشده وبكيت وجاشني انهيار وقمت ارجف بسبب موقف صار وانفعلت فيه بزياده اول مره يصير معاي جذي الي صار اني بعدها بدون تردد رحت وخذيت حبة سيروكسات 25 مادري الي سويته صح او غلط بس انا حسيت انسدت الابواب بوجهي من كل صوب والحين انا اوجه لكم السؤال هل اكمل بكره على السيروكسات ولا ارجع للسيبرالكس ؟ لاني خلاص احس ان حياتي قاعده تضيع مني لدي امل ما تعرفين شلون انا ابي اتشكر منج على اهتمامج ياريت تفيديني بوضعي الحين شنو اسوي؟ ومنو من الدكاتره ترشحين لي بالكويت؟ وشنو الدوا الي تاخذينه؟ انا من تجربتي زرت د عصام النصاري بس حسيته ما عطاني حقي ولا سمعني عدل على الرغم من اني متاكده انه شاطر وهو الي نصحني بالسيروكسات منذ البدايه بانتظار ردج تراني متوهقه |
|
|
|
07-04-2011, 11:52 PM
|
#32 | |
|
عضو نشط
|
اخي مسعف
شكرا لك وفعلا السيبرالكس كان ممتاز لكنه سبب لي برود وعلى اخر الايامم حسيته ما قام ينفع معاي رديت على الاكتئاب |
|
|
|
|
08-04-2011, 12:44 AM
|
#33 | |
|
عضـو مُـبـدع
|
هلا via شفت اللي كتبتيه وإلحين بكتبلج كـــــــــــــل اللي أعرفه
وزين سمعنا منج لأني كنت خايفه على شنو صار وياج وعبالي خلاص استسلمتي ورحتي قبل لا اساعدج |
|
|
|
|
08-04-2011, 01:23 AM
|
#34 | |
|
عضـو مُـبـدع
|
شوفي أولاً بسبب اللي صار وياج اليوم أعتقد مفروض ما تنطرين ليوم الأحد وانتي تبين حل إلحين تاخذين السيبرالكس ولا السيروكسات وكل واحد بوضع اللي انتي فيه أخس من الثاني وما أظن بتلقين رد سريع من مثل د.رعد بوقت مثل هذا
فأنا أقترح كحل سريع لـ إلحين تروحين طوارئ مستشفى الطب النفسي ومفتوحين علطول ترى شفتات..مع أنه صح ممكن يطلعلج طبيب اخرطي شوي انتي وحظج بس بهالوقت للويكند خياراتج محدودة...وديري بالج يقولونج دشي المستشفى انسي انتي تبين الحل المؤقت بس! ترى داخل المستشفى عالم آخر وأي شخص يديد ينقط بجناح 16 ولا 15 و وخري عنه لا يحوشج مابي ادش بتفاصيل أكبر غلطة سويتها قبل بس كنت منهارة وفاقده سيطرتي ثانيا بالنسبة لدكتور الأعصاب انسيه لو تبين الادوية لازم تروحين مستشفى الطب النفسي حتى سمعت لو رحتي خاص والدوا يحتاج وصفة لا ترجعين للطب النفسي للدوا والله أعلم من المعلومة بس في بالخاص استغلاليين بالنسبة لمنو بالطب النفسي أنا شايفه سبعة بس مادري بطاقتج المدنية على أي منطقة قبل ممكن تختارين أي دكتور مع انه لازم حسب الوحدة التابعة لمنطقتج بس ما كانوا مشددين بس إلحين شددوا شوي أنا بقولج اللي عرفهم وانتي جربي الصبح فتح الملف وفي العصر لو خايفه أحد يشوفج أنا شافوني طلبة ميداني وانكشفت فديري بالج إلا إذا ما تعرفين أحد له سبب يروح هناك فلا تحاتين الخلاصة الكلام المهم دكتور بدر بروسلي دين وموجود الاثنين الصبح بس مجرم بمعنى الكلمة بدون مبالغات ويعطي ادوية بس تسكيته ويزيد فيها وبعدين ادوية ثانية للأعراض الجانبية إلى ما لا نهاية وبقص عليج بيقولج لو تدشين المستشفتى أحسنلج وطعته وندمانه وكتب بالملف بلاوي عني مو صدج مثل اني مو بنت مع اني مو متزوجة وووو يمكن لأنه دين بس بعقليه صعبه شافني سفور فعباله اني رايحه فيها بس الحمد لله محتشمه وملتزمه فمادري شنو سالفته عندج عادل الزايد هم من الاول مع المريض قبل أي شي بيطلب تدشين المستشفى لمدة مو محدودة عشان يلاحظونج ويعرفون انتي شنو....فانسيه الدكتور حتى الاخصائي مهدي أعتقد صغير وما عنده خبره وما يدري شالسالفه فانسيه الدكتور سلطان مصري من الاول لا يفهم ولا يستوعب شي والتواصل معاه صعب وحولني لـ التالي الدكتور باسم بدر خوووووووش دكتور وعنده خبره ويهتم بمصلحتج مو بس يقط عليج أدوية ولا يقولج تفضلي دشي المستشفى بس للأسف حولوني غصب بس حاولي معاه لـ التالي موجود الصبح الخميس والعصر شنه الاثنين والله نسيت بس اعتقد الاثنين بس لفتح الملف اول مره لازم الصبح وقبل الساعة 12 دكتور مصطفى محمود تتوقعين من كبر سنه وخبرته انه زين بالاول يتهيألج انه من أحسن ما يكون بس بعدين ينقلب هذا بعد 4 زيارات تخيلي وما يحب تحاورين ولا تسألين ولا تفهمين شي سكتي واخذي الدوا بس ويألف أعراض من عنده مادري من وين يابها ويصر عليها ويحب يعطي أدوية ثقييييلة جرعاتها عاليه وما تهمه مصلحتج والدكتوره ناهد ألعن دبلات اول ما شافتني سمعتني وايد كلام خرابيط وتقول لازم تاخذين أي أدوية نعطيها لج بغض النظر عن أعراضها الجانبية وانتي لازم تتحملين فانسيها وآخرهم دكتور أوهير نيجري قلبه ابيض وطيب لأقصى حد ويهتم فيج ككل مو بس يقط عليج أدوية ومع السلامة وما يخليج تطلعين إلا وانتي راضيه ومرتاحه ومو متسرع بقرارته 5 أو 10 دقايق ومقرر شنو الدوا اللي يناسبج خووش دكتور موجود بس الاربعة الصبح بس نصيحة لا ترضين بعلاج نفسي بعد منه لأنه يحب يعطي الاثنين من نفسه دوائي ونفسي بس بالنفسي يتعب وما احس انه شاطر ويدوخج بس بالأدوية امتياز وانا انصحج وانصح الكل واعيد وازيد لا تعتمدين على الادوية النفسية وبس ترى كله تشتغل على الاعصاب ولمدى طويل مو زينه للجسم ووووو ممكن اتكلم فيها لباجر انا كنت بحالة جداً سيئة جدااااااااااااً اقولج فوضى والحين بدون ادوية لأني خذيت علاج نفسي بعد مع الدوائي وتعلمت اشلون اوقف على ريولي واعتمد على روحي بدون ادوية فأنصحج من تجربتي بالاول خليهم خطين متوازيين دوائي مع نفسي وبالتدريج شوفي نفسج ووقفي الدوائي بعد ما حسيت برحلة العلاج النفسي انج متمكنة من نفسج صدقيني والله مهم وايد مو شويه وبدون لف ودوران مالي غير الدكتور جاسم الخواجة شاااااااااااااطر ويهتم جد بشغله ومصلحتج وسلامتج وطيب وخبرة طويلة موجود في مكتب الانماء الاحد مسائي من 4 لـ 8 و الثلاثاء صباحي افضلج تروحينله هناك بعد ما تحطين موعد دقي عليهم وطلبي فاطمة دشتي من البدالة او قوليلهم حولوني لـداخلي 217 أو ممكن تكلمينه بالتلفون أفضل او تروحينله الرميثية بمركز الاستماع العصر من 5 لـ 8 وموجود بعد بالرقعي بمجمع المحاكم بإدارة الاستشارات الاسرية والروضة بس متى اي ايام وأي أوقات مادري بس الانماء أهدى واريح في العصر وأنا اروحله في الحالات الطارئة بس للرميثية في حال قالولج ما يصير تروحلينه لأي سبب من الاسباب لأنه عليه ضغط او شي حاولي بالاستاذة بشاير الزواوي بس اصري على جاسم اول وأي سؤال انا حاضرة؟ واسألج هو الاكتئاب المشكلة الوحيده عندج ولا معاها اشياء ثانيه؟ لأن في ادوية ودي انبهج عليها بعد احياطي بس يعتمد شنو عندج بالضبط وآسفة طولت عليج بس مو سريعه بالطباعة وابي اقولج كل شي |
|
|
|
|
08-04-2011, 01:47 AM
|
#35 | |
|
عضو نشط
|
بعد قلبي يا امل صج عطيتيني امل
شوفي انا مابي اروح مستشفى يفضل لو عياده خاصه الي فهمته منج الحين ان خواجه افضلهم بشوف اذا له عياده خاصه وبصبر لي الاحد ان شاءالله او باقرب وقت اروح اشوف شنو يقول لي اتصلت في صيدليه توني قلت له خذيت بس حبه وحده سيروكسات ما يضر لو وقفته باجر قال لي عادي بالنسبه للادويه الثانيه اي اخذ وايد ادويه وابر وكل شي لان السبب الاساسي باكتئابي اهو اصابتي مرض مزمن و دواه ينقص السيروتونين بالجسم وانا اليوم عقب ما عصبت وصرخت صرت وايد احسن وربي يصبرني لي الاحد ان شاءالله بشوف اقرب موعد واروح وجزاج الله خير |
|
|
|
|
08-04-2011, 01:59 AM
|
#36 | ||
|
عضـو مُـبـدع
|
اقتباس:
شنو الفرق لو رحتيله بعيادة خاصة مثلاً وبين مكتب الانماء؟ العصر هادي ومافي أحد يمكن أشوف شخص ولا شخصين بس لو شفت احد لو خايفه احد يشوفج مثلاً بس انتي الحين تروحين حكومي شالفرق بإنج هم تروحين المستشفى اللي حكومي بعد والدكاترة اللي قلتلج عنهم مضمونين ليش تبين المو مضمون ترى ما اتكلم من فراغ؟ ولو المسألة مسألة مواعيد بعيدة هذا ما يصير بالطب النفسي انشالله تروحين كـــــــل اسبوع مو مشكله ولا بدون موعد ممكن بعد واسمع عن عبدالله غلوم بس ما عندي فكرة هذا وين ولا شنو موقعه من الاعراب ولمن سألتج عن شنو عندج بالضبط كان قصدي عن أعراض نفسيه صار في سوء فهم!؟ |
||
|
|
|
08-04-2011, 02:15 AM
|
#38 | |
|
عضو نشط
|
لاعراض النفسيه اكتئاب وضيقة صدر واطفر بسرعه وماتحمل الازعاج ابد
ماحب التجمعات ماحب امور ومواضيع الموت والفراق ابجي وايد احرق بنفسي وايد احس ان مافي شي بالدنيا يونس ولا احد يستاهل زاهده يعني |
|
|
|
|
08-04-2011, 02:29 AM
|
#39 | ||
|
عضـو مُـبـدع
|
اقتباس:
ترى ما أحس اللي قلتيه اكتئاب وبس لأن هذا اللي أمر فيه وبالذات لو قصدج التحريق الفعلي لروحج اللي قاعدة تقولينه نفسي بالضبط وما يسمونه اكتئاب انا أعتبر شخصية حدية بداخلها من ضمنها اكتئاب ولو قصدج بالتطفير وما تحبين الازعاج زائد قبل ردج هذا معناته كأنه عندج تقلب مزاجي واذا تقلب مزاجي يعني لازم مثبات مزاج أهم شيء لو في تقلب بالمزاج...مثل الديباكين احسه ممتاز وفي ترايليبتال بس مو مثل الديباكين وللشخصية هذه لو اتضح بعد ما تشوفين طبيب يحبون يعطون ادوية تعتبر مضادة للاكتئاب والذهان بنفس الوقت مثل السروكويل و الابيلفاي و الزيبريكسا وكل واحد قصته بس ممكن تختلف الادوية من شخص لشخص وأنا دشيت بحادث سيارة وانا ماخذه الزيبريكسا بس له ايجابياته لو تبين تعرفين اقولج مابي اتكلم وايد واثقل عليج اوكي وطمنينا شنو يصير وياج مو تنسينا ههههه |
||
|
|
|
08-04-2011, 10:52 AM
|
#40 | |
|
عضو نشط
|
حبيبتي يا امل وايد استفدت منج والله يعطيج على قد نيتج يا رب ويشافيني ويشافيج ويشافي المسلمين يا رب
ان شالله توصل لج اخباري الزينه يا رب |
|
|
|
|
08-04-2011, 01:20 PM
|
#41 | |
|
عضـو مُـبـدع
|
والله أتمنى صدج أكون أفدتك ليش إذا أعرف شي ممكن يساعد غيري أخشه لروحي وبس خبرات الغير ممكن توفر عليج طريق التجريب واللويه
بس أنا متأملة في الدكتور جاسم الخواجة انه انشالله تقدرين تلقين فرصة وياه ترى 90% من تحسني عليه والله العظيم بدون مبالغة والأدوية ما طلعت منها بهذيج الفايدة مع اني مجربة منها وايد مثل فار التجارب اهوه الخواجة أحسن شي برحلة علاجي عندي ثقة عمياء بهالانسان ما أقدر أقول كفاية عنه اتذكر عدل شنو كنت وشنو صرت صدج ان ما تحسنت مليون بالمية بس الفرق كبير وملموس فرررررق أنا حاسة فيه وما ارضى احد يقولي غير هالكلام وترى 30% عليه وعليج 70% من الشغل لازم تشتغلين وتطبقين ياليت أسمع أخبار زينة منج ياليت ولو شفتيه يااا رب تقدرين مرات يسألون بمكتبهم من وين عرفتي او سمعتي عنا قوليله عرفت من البنت اللي امها أجنبية خخخخخخخخ يالله نشوفج على خير اكتبلج الرد وانا متسعيلة ببالي أطلع أفرفش شويه :) |
|
|
|
|
10-04-2011, 08:04 PM
|
#44 | |
|
عضو نشط
|
امل
انا سويت بحث لقيت جاسم خواجه يداوم بمركز الاشتشارات الاسريه بالروضه تروالج المكان مو مكشوف مادري شلون بروح!! مادري متردده وبعدين بسئلج سامعه عن دوا اسمه lyrca |
|
|
|
|
11-04-2011, 01:34 AM
|
#45 | |
|
عضـو مُـبـدع
|
حبيبتي via ادري يدوام بالروضة قتلج بنفسي نسيتي!! قلتلج كــــــل الاماكن اللي انا اعرف اهوه فيها وما عندي خير عن غيرها معقوله يدوام بأكثر من جذي ههه الرقعي الصبح والانماء يوم صبح ويوم عصر والروضه مسائي والاستماع مسائي ولا تنسين محاضرات ودرام تدريسه بالجامعة اهوه وايد فمادري معقوله اكثر اتذكر مرة قال شيء عن مكان بالدسمة او الشاميه بعد بس معقوله بعد مكان!!
بس من ناحية مكشوف ولا لأ...اهوه موجود بصالة افراح زبن بدور ثاني وماني رايحه المكان بس فكرة صالة افراح لمن افكر فيها... مادري معقوله بمكان مو مكشوف وصالة افراح مادري بس لأني حاسة انج متخوفه احد يدري عنج قلتلج من اولها الانماء الاجتماعي مادري ليش مو حابة المكان هناك إلا لو عارفه احد متوظف هناك بس المسائي غير طبعاً كله بس جم موظف ولا موظفه وبس والمكان بالدور الثاني عادة موظف او موظفة وحده بس بالمسائي!! وبس واذا شفت احد فرضا بالصدفة اهما حالات حالهم حالنا اصلا يعني من وين لهم حق يتكلمون وشنو الصدفة هذه اللي بتعرفين واحد منهم واهوه بظهر سوق الخام وراه علطول بالديره وكله هنود وعمال اغلبه او ناس مشغولين بالتسوق بجم محل بسيط وكل ما كان الموعد ابجر العصر كله ما كان المواقف فاضيه واهدى على س4 واذا متخوفه يبه صفطي بالسرداب فاضي هههه يمكن عندج شجاعه اكثر مني تجربين هالسرداب اللي متخوفه انا منه انا اروح فوق السنتين هناك ترى وتخصصي صعب ما راح اقول شنو اهوه بس يعني شقول لو احد يعرفني وشافني ومع تخصصي شنو اهوه جد بلوة بمعنى الكلام بلوه بس احس مرتاحه ما احس في تهديد بالمكان هذا امانه بالكويت شنو يقولون عن احد وظيفته يساعد واهوه يروح يساعد نفسه!! يتقبلونها عندنا!! واذا هم خايفه وتبين تتأكدين دقي على مركز الاستماع باجر بالتلفون وطلبي تكلمين الدكتور نفسه وشوفي اهوه ينصحج وين تروحين بالنسبة لمكان مو مكشوف لعل تقتنعين اكثر بالكلام منه اهوه نفسه..موجود هناك باجر من 5 لـ 8 وبعدين شي ثاني بالنسبة للروضة سامعه انه مواعيدهم صعبة بعد!! والله اعلم يعني مو متأكده اكيد من المعلومه بس قريت لواحد بالانترنت يقول يشوف الدكتور هناك بالروضة ويقول ناطر جم اسبوع على ما يدقون عليه بخصوص موعد مفتوح الانماء احسن من هالناحيه مادام حطيتي موعدج اللياي بنفس اليوم بعد موعدج علطول عادة انتي بخير الا لو نطرتي ممكن تطير وتنطرين اسبوع ولا اسبوعين إلا لو عندج استعداد الثلاثاء صباحي! بس يفضل على كلامهم الثلاثاء لاضطراري وبالنسبة لـ ليريكا انا ما استخدمته شخصيا بس ابوي استخدمه حق تنميل بالاعصاب بريوله حس انها نومته ودوخته بشكل مو طبيعي ويقول افتشلت جدام الناس معاي بالدوام مو عارف افتح عيوني عدل...بس في ناس بالمنتدى امدحوه على انه مهديء للأعصاب!! اللي ينفع مع احد ما ينفع مع الكل ويعتمد على حساسيتج للأدوية...ابوي حساس للأشياء هذه واتمنى لا تحسين اني كنت قاسيه معاج بالكلام نوعا ما لأن نيتي مو هذه |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
