علمووووووووني سعودي

هههههههه قال إيش قال لهجة نجدية حديثه .....ياربي أمسكوني بطيح من الضحك ..

لهجة أهل الرياض بصمة في جبين أهل الرياض الحقيقين ما تتغير ولو عاشوا في وسط واشنطن ....بلا مطورة بلا بطيخ هههههههههههه

أما الحديثه اللي يتكلم عنها أصدق الشوق بقوله إن الرياض صار فيها كم لهجة ومطورة بعد
فأقول له ترى مو كل من سكن الرياض صار من أهلها ....
وإذا كان على التطور فكان من الأولى أن تستخدم العائلة المالكة هذه اللهجة المطورة لكني أراهم فيذا وفيذاك ما يستغنون عن علامة الجودة ..

عموما من حقي أن أشرح لتأبط مايجري ..وأنا سبق وذكرتله إنه إذا كان يبغى اللهجة النجدية الرياضيه بقواعدها وبلاغتها الصحيحة تراها معي غير كذا ماعندي ..أما بخصوص لهجة (( اليـــــــاي )) الحديثة أو الرياضية المطورة ..فهي قد تكون نتيجة أسباب عده (( والكلام هنا فقط يمس لهجة أهل الرياض ))

1_ من الأسباب اختلاط الشخص واحتكاكه وعيشه مع أناس ليسوا من اهل الرياض يعني قد يكون أعمامه أو خواله من ديره ثانيه فبذلك تندمج لهجتان مختلفتان مما ينتج عنها لهجة ثالثة ..... فيدّعي أنها هي اللهجة المطورة بينما هي حقيقة لا تمس لهجة أهل الرياض بشعره
2- قد يكون الشخص ليس من أهل الرياض حقيقة ولكنه فقط من سكان الرياض
3_ قد يكون من أهل الرياض أصلا وفصلا ولكنه غير واثق من نفسه فيسلك طريق التكلف فيدخل في كلامه ألفاظ من لهجات مختلفة تمام أو حتى لغات مختلفه مثل الإنجليزي ((مما يعتقد البعض أن هذه قمة التطور ))
4_ قد يريد الشخص مسايرة أصحابه (( يعني ممكن أصحابه يكونون مو تبع اللهجة الرياضيه فيحاول يسايرهم بالتحدث بلهجاتهم ))

عموما أنا معجبة كثيرا بالشعب الكويتي والقطري والبحريني والإماراتي الذين يمتازون بثقة عاليه وقوة في لهجتهم فتشوفهم ما يتنازلون حتى في مسلسلاتهم من تغيير لهجتهم --------------------مو تشيذيه يا تأبط ......


عموما إنّــــــــا مايقوله إلاّ إنّــــــــــــــا ......وياحليلي ما أدري ليش أحس إن لهجتي نرجسيه :D

---------------------------

لي ملاحظة على القريشيه بشأن((((( مير ))))))) ترى مير خاصة بأهل نجد كلهم مو بس أهل سدير يعني أهل الرياض والدرعية وعرقة والخرج والمجمعة وسدير وشقرا والقصيم و...و.... الخ يستخدمون ميــــــر

وأصل مير هي إختصار ل (( مـــــــــــاغير )) ...

:( :( كلكم ضدي

هئ هئ

اقول مستبدة انتي وتابط شرا ترى انا ما طعلت من الموضوع كلها لهجات في السعودية ... ولا انت يا تابط ما تعترف فينا .. ما تعرف الا اهل الرياض عشانها العاصمه .....يكون في علمك اهل الجنوب اكبر عدد سكان في السعودية :D (( عصبية ))

طيب افرضو تابط شرا تعلم سعودي بعدين راح عاش في ابها وقال (( مير )) والله يضحكون عليه

ولا راح سكن في جده وقال (( لبيه )) عشان يقولون له (( ايش لبيه هدي؟؟ لبيييييك !! هدي في مكه بدري على الحج يابويه ))


اقول تابط شرا السعودية قاره الله يحفظها .. فيها على الاقل 20 لهجة او اكثر ..



على العموم بكيفك انت تبغى تتعلم لهجة نجد خلاص اتفقنا نعلمك لهجة نجد .. وامرنا لله

خلاص يا قلبي/صوت الشباب
عفية على الشاطر بس يا بابا لا تبكي....وجعة أنطم أحسن لك..:mad: :mad: :mad:

المهم يا الطالب النجيب/تأبط شرشر
أهم شي وأن أبلتك أنك تعرف أساسيات اللهجة السعودية وحرب أنا وحنا ما عليك منها وطنشها لأن أنا وحنا كلمة تستخدم في السعودية كلها ولا تختلف في المعنى ولو قلتها هنا وهناك ما راح أحد يسألك وش تقصد....
نرجع للموضوع إلي طرحه الأخ الاستاذ/صوت الشباب
بالنسبة للهجات السعودية كثيرة وعلشان ما نزعل أحد ولا نميز أحد عن أحد ودي أعرف وش سر رغبتك في تعلم اللهجة السعودية وخصوصاً النجدية وتحديداً القصيمية...
ولا تقول أنك متوهق مع بنية وتبي تعلمها أنك تعرف لهجتها ترى والله ثم والله لأحط أذاني وأذونك عشرطعش...لأني معلم أسعى للعلم والأجر مو الخنبقة وقلت الحيا...

على طاري الخنبقة...
ويقصد بها الغوغائية أو الكلام وأحياناً الفعل إلي ماله داعي ويخرج عن عرف المجتمع مثل المعاكس أو المدخن أو السكير أو البلطجي من الممكن أن يقال على فعله خنبقة...

أبلة بدادة المستبدة...كافور الأخشيدي :mad: :mad: :mad:

لميا..ضغطها وسكرها وملحها أرتفع ..ههههه

لاتزعليين مني يالميا ..تراك تعرفيين زيين كم أكن لكي من الأحترام والتقدير والمعزه...وكل الموضوع حوار :)

........

لا بس مصعتيني من الضحك ..يوم تقوليين العائله المالكه يقولون..أنّا..وفيذاااا...
الضاهر أنك ماتعرفينهم خير شر


وبعديين وش دخل آل سعود..ووش دخل الثقه بالنفس..

أنا أقولك..أن اللهجه هذي قديمه...وتعتبر عند الجميع مو عندي بس...لهجة أهل الرياض التقليديه..أو لهجة من يقطنون في أحياء الرياض القديمه حالياً..بس

أنا فينشتوو كذا

لا يكثر وخلوكم في تعليم الولد الطيب هذا

بصراحة الموضوع كان شيــّق .لكن بعد ماختلط الحابل بالنابل ..أصبح الموضوع مشوّه مع احترامي لصاحبه

لكن عندي تعليق بسيط لأصدق الشوق وهو ليس مجبر للرد
بخصوص العائلة المالكة ....أصدق شف خلك من اللي أمه شمريه ولا بدويه ولا كرجيه وتعال لعيال السديريه ..يازينهم و يازين لهجتهم على إن أمهم سديراويه إلاّ إن كلامهم رياضي قح خصوصا الأمير سلمان من عبدالعزيز أمير منطقة الرياض الذي يعتبر رمز للرياض وأهلها وخله يدخل بيتك وبعدين تعال إسألني إذا كنت أنا أعرفهم ولا لا .....وما أدري بعد إذا كان عندك خلفية وين سلمان بن عبدالعزيز ساكن فيه غرب ولاجنوب الرياض ولا شرقها .....!!!!!!!!!!!

وسؤالي الأهم في كلامك((( أنا أقولك..أن اللهجه هذي قديمه...وتعتبر عند الجميع مو عندي بس...لهجة أهل الرياض التقليديه..أو لهجة من يقطنون في أحياء الرياض القديمه حالياً..بس ))))

ما أدري من تقصد بالجميع والذين اصدروا هذا الحكم هل هم ربعك اللي تماشيهم ؟؟؟ بعدين صح هي لهجة قديمة جدا لأنها أصيلة واللي ماله قديم ماله حديث ...
وعموما منتب صاير اكثر مني معرفة بأهل الرياض وأين يسكنون ....

ورجاء أخير اللي مايفقه شئ في لهجة أهل الرياض وماعجبته... وللي يسلمه يتركها عنه ويشوفله لهجة ثانيه ولا يقعد يشوهها ويطورها لأنها غنية عن ذلك

هو من ناحية شوه ..بصراحه الموضوع شوه


وماأعتقدتك بهذا التشنج يالميا!!؟
وبعديين أنا لا أقلل من قيمة هذه اللهجه فأمي أنا تتكلم بها؟؟؟؟؟
..............................................
لاكن أنتي قلتيها ..الأمير سلمان ..الأمير سلمان كم عمره؟؟؟
أعتقد أنه تجاوز السبعيين..صح؟

لاكن تعالي شوفي ولد الأمير سلمان أو حتى حفيده..هل يتكلمون بهذه اللهجه...لا..صح؟


كلما أريد قوله بأنها لهجه ق د ي م ه
...........................................
وبعديين ءاذا أنتي تحاوليين تلمحيين أني ماني من الرياض ...فليكن

من الرياض ..أو من عرعر ..أو من أبها..هل هناك فرق؟؟

لاأظن..كل جوازاتنا مرسوم عليها (سيفين) ونخله
............................................

ماشاء الله عليك تقوليين..خلك من اللي أمه بدويه ولاكرجيه..!
كلامك هذا ينحط عليه خط أحمر عريض

و بعديين الله يعطينا زي ما عطاك من شرف...ويدخل الأمير سلمان بيتنا (الأيجار) ويشرهنا طال عمره



وأعيد وأكرر أرجو أنك ماتزعليين مني ..مع أن كلامك كان قاسي حبتين!


وأسلمي لمغليك

:38:

اااااااااه هذا اللي خايفين منه يا لمياء انتي واصدق الشوق

انضبطو لا اجيكم الحين ارص في بطونكم ..


بس ولا كلمه :mad:


اصدق الشوق ترى لمياء ما زعلت بس انها تعصب شوي احيانا :rolleyes:


لمياء اخوك اصدق الشوق ما قصد الا خير .. ;)


اصدق الشوق .. لمياء

كل واحد يصلح سيارته


كلهااااااااا من تابط شرا والبداده .. مسوين زحمه هم ومدرستهم


يالله بسم الله نقلب الصفحه ... ونبدا صفحه بييييييييييييييييييييييييييييضا

يالله


بسم الله ياحبايب

إبتل : أى واصل طريقك , أو واصل عملك ,


ابشك : وتنطق ( اب ـ شك ) أى انضم إلى فإذا قيل لك ابشك مع الشباب أى انضم إليهم وشاركهم اللعب أو الجلوس أو الحديث و( المجموعة من الناس ) يطلق عليها بشكة .



تِشيطر : أى حاول يصبح شاطرا وذكيا أكثر من اللازم وتطلق على الأنثى : تشيطرت .




حَذِيان : جمع حذاء وينطقها أهل نجد هكذا ( حذيانى ) .


داج : أى لاقيمة له . وكلمة ( داج ) أى أكثر من المشى والتردد على نفس المكان .


رُخُو : أى شديد الليونة وتطلق هذه الصفة على الشخص المتراخى فى مشيته الكسول فى حركاته الضعيف التحمل .


سَاسـَرْ : أى تحدث بصوت هامس فى اذن الشخص الآخر .


زيطة : هى المرح الصاخب الذى يحدث فى الاحتفالات والافراح والرحلات . وكلمة ( زيطة ) تعنى الأرض الموحلة .


قـِذلة : القذلة هى خصلة الشعر المتدلية فوق الجبين .

مدحوج : وتطلق هذه التسمية على الشخص المضروب بقبضة اليد على ظهره .


نُوبة : أى مرة واحدة وجمعها نوبات وتعنى مرات عديدة مثل : ( أنا رحت لمكة أربع نوبات ) .


مِنتاب : تعنى ألن ؟ ( منتاب رايح معنى ) تعنى ألن تذهب برفقتنا ؟ وتقال ايضا ( منتب )


حزَة : تعنى الآن ( لاتروح السوق هالحزة )


حوف : عناية . يقال ( الطبيب يحوف المريض حوف )

مصع : المصع هو تمزق فى إحدى عضلات الجسم بسبب حمل شىء ثقيل ويتم علاجه بالدهن والتدليك اليدوى

الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.


الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له


الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....


العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......


المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .



المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....


المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...





لمياء

صح عليك كلمة ( إنـــــــــا ) بكسر الألف كلمة أهل الرياض الأصلين:)

" مير "( لي وقفه معها)

اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك


" غديه "

وتعني : كوده !! ،، وفسر الماء بعد الجهد بالماء


" ياهملالي "

مثال : مها : مادريتي نورة توظفت ؟ ،، حصة : ياهملالي عنده واسطة ،،، منقهررررة



" واخزياه "

مصطلح ينتشر عند بعض الناس يقالهم مستحين



" أويق "

هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مها : أبد ، أويق على اللي يفحطون



" قوه "

كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مها : مشينا ، كلش إلا السوق ،



" حوّل "

يعني إنزل




" هماه "

وتجي بمعنى " مب كذا - مو "




" نيم " وتعني نايم



" تهقى "

تعني : تظن؟ ، والاسم منها " هقوتي " اي أغلب ظني ،، مثال : مها: تهقين نورة تجي ؟



أعتقد الحين صار عندك حصيله من الكلمات;)

أبو الشباب لا تخاف وش يزعلني أنا إنت عارفني زين ...بس إنت شجعني ولا عليك .:D
أريج ياحبيلك أصلا واضحة و(( إنا )) مايحتاجلها تعريف ومع إنك حسب توقعاتي قصيمية إلا إنك فاهمة ماشاء الله عليك وقلبك نظيف

أصدق الشوق ((لا تخاف إنـّا مانزعل بشهادة أبو الشباب )) .. بس اسمع أحد قال إنك تقلل من لهجة أهل الرياض ....((أصلا ما حد يسترجي يهوب ناحيتها )):rolleyes:

وودي أجيب على إحدى أسئلتك
((لاكن تعالي شوفي ولد الأمير سلمان أو حتى حفيده..هل يتكلمون بهذه اللهجه...لا..صح؟ )) لا مو صح كل عياله يتكلمون مثله بسم الله لدرجة تقول أحيانا كنه هو اللي يتكلم بدالهم .....عدا بعض أحفاده اللي مربياتهم فليبينيه لأنهم مايعرفون عربي أصلا ..فيتكلمون __بإيس فيه __
بعدين حتى لو كان عمر سلمان 100 سلمان يظل رمز للرياض جعله يسلم .. لكن أحب اقولك يا اخي لا تبعد يا اخي شف ولد اخوه عبدالعزيز بن فهد اسمعه الله يعافيك لين جا يتكلم ....


وإضافة أخيره ....
اسمع هما جداني وجدان جداني من زماااااااان مررره يوم كانت الرياض صغيرونه ومحوّطه بأسوار و ما كان فيها إلا معكال ومنفوحة والمقيبرة ودخنه وصياح وذي لهجتهم إلين الحين وعقب ماطلعت الفيصلة والمملكة وعقب ما انتشروا عيالهم في ارجاء الرياض الواسعة وهذي لهجتهم ..يعني هي اللهجه عررررريييييييقه لكن تظل بصمة يتميز بها اهل الرياض الحقيقين عن باقي سكان هذه المدينه المتكدسين في وقتنا الحالي ..يعني أنا معك إن الهجة قديمة عريقه ..لكن عرفتا وش فايدتها ...

اريج واضح انك قصيميه >>>>> يقالوه فاهمن كلش :D



لمياء ،، الله يستر شكلك واصله .. عاد اسمحينا ان كان غلطنا يوم على الاسرة الرهيبة ترى ما نقصد :D تصدقين عاد ..



نرجع لموضوعنا

تابط شرا اللي يعلمونك اللهجة النجدية كثير ،، ومتى ما بغيت تتعلم الجنوبية انا حاضر ... فكر ترى يمكن تحتاج تروح ابها وتتكلم جنوبي ;) ولا يمر ضبي الجنوب ضبي خالي من العيوب وتبغى تساله ان كان من اهل النماص

;)

احم احم

درب درب

الحريم يتغطن..الحريم يتغطن

اولا ابلة مستبدة انا مو مال هذي السوالف الفاضية

انا اعرف ان فضيلة الشيخ العثيمين-الله يرحمة- من القصيم

وانا اسمع لدروسه وبما ان هو يتكلم بعض الاحيان باللغة العامية

فانا حبيت اتعلمها

وبالنسبة للهجة السعودة فانا اريد تعلمها

اولا لان تعلم هذه اللهجة تساعد في معرفت ثقافة اهلها

ثانيا لان المشايخ والطلبة السعودين انا احب اسماع لهم وايد

ثالثا انا ولله الحمد لا اسافر الى بلاد الكفر واختار البلاد الاسلامية

ومعضم الاحيان يقع الاختيار على السعودية

انا مخطط اذا عرست شهر العسل بيكون ان شاء الله في ابها

ارجو ان تكون اسبابي هذه مقنعة

نسيت اقول وعشان افهم شو ياس تكتبون في المتدى;)

اقول لمياء لو صوت الشباب سواه وضربك انت واصدق الشوق

كان سوى خير عظيم ما بنسى له ابدا :D

صوت الشباب ابدأ وعلمني اخاف افتشل في شهر العسل

جدام الاهل;)

اريج شكرررررررررررررررررررررررررا

بالفعل هذا ما اريده

اقول لميا يقلون جذي مب شيذي انا يالس اقول شو هي الكلمة

اقول وعن الغلط :5: شو تقصدين بموضوع مشوه

اذا كان تشوه فانت شوهتيه:D

لا وبعد تقولين مع احترامي لصاحبة

بق احترام بعد هذا الكلام:2: :D

المهم ابدو الدرس كل واحد ولهحته

تحياتي للاساتذه الجحافل;)

أوووه الرائد مقدم فريق ركن أول \ أبو الشباب
وش دعوة تراني كلي قطبت ملازم ما أخوف والله .........
يا أخي زملاء عمل إنّا :D

______
تأبط وينك
وين الغيبـــــــات
والله إن أحلى شئ فيك سعة صدرك وروحك الرياضيه

بعدين وش معني (( يــــــــــالس )) هاه .. والله ساعة لين دريت إنها جالس :D
بعدين يا أخي كذا في المسلسلات أسمعهم يقولون
شنو هاذا مو تشذيه ....إشلونتش ..إشخبارتش يامعوده ....إنزين قلبي وجهتش
:D