ممكن المغاربة يدخلوا؟

انا غي قلت ليك ربي يشافيك

و الحمد لله على كل حال اختي ام شاهين او الله يشافيك و يشافي جميع مرضى المسلمين و دعي معايا في الصلاة ديالك اختي

نعم اخي المشتاق الى الجنة راني فهمتك يا اخي و ممكن يكون عندك حق و لاكن انا كيفما قلت ليك راني اتعايش الى حد الان مع هذا المرض غير بقا تدعي معايا في الصلاة او صافي يا اخي و الله يحفضك

ان شاء الله ربي يعافي الجميع ياربي
السلام عليكم~

صباح الخير عليكم اخوتي

بغيت نسولك بخصوص الغرف الصوتية واش كاتدخلو ليهم؟

راني صيفت ليهم طلب او ما جاوبونيش هادي مدة دابا ماعرفتش اش ندير

صباح النوور

لا مازااااال عندهم باقي مشكلة مع الشركة اللي غتكلف

ااااااااااه خير ان شاء الله

فكرة الغرف الصوتية فكرة غاية في الاهمية و الله

الله يعونهم او صافي

السلام عليكم..هانا معاكم حتى انا من مدينة وجدة..حتى انا عانيت من نوبات الهلع من صغري و لكن مع الوقت تولفتها و اكتسب الخبرة فيها و صافي مبقاتش تجيني .. و الوسواس كان فيا وسواس الموت دابا صافي مشا حيت مبقيتش كنخاف من الموت يمكن بسبب الاكتئاب..اختلال الانية كان حاااد بعد اخر نوبة هلع جاتني فشهر مارس اللي فات..ودابا الحمد لله نقصات بزااف.. الاكتئاب كاين عموما لكن نقص ماشي كيف الاول كان حااد لدرجة اني كنت كنشوف كلشي رمادي و اصفر.. المهم اخويا كنصحك متديهاش فهاد الاختلال حيت هو اصلا راه بحال وسواس ماشي وسواس لكن في نطاق الوسواس القهري لذلك الى بغيتي يمشي عليك تجاهلو و شغل وقتك بالانشطة المتنوعة..وباش تحيد الشك مادابيك تزيد الرقية الشرعية رراها عادية مافيها والو غير طبع اياة الرقية العامة من النت وقراها و مين تكمل مسح على الجسم ديالك كلو و انفث ثلاث مرات في ماء للشرب و ثلاث مرات في ماء للمسح او الاغتسال و زيت زيتون للدهن .. دهن في الليل و دوش فالصبااح عاادي سهلة جداا مافيها والوو المهم باش تحيد الشك و حتى الى كانت فيك شي حاجة تمشي حيت انا هادي هي لي نقعاتني الحمد لله مبقيتش كنتشكى كيف الاول ههههه كنت قاتلاهم بالهم

هل انا موجودة كيف راكي ختي شحال من مرة كنبغي نتكلم معاكي ولكن ما عرفت شنو كيوقع

الله يشافيكي يا الغالية ويخليكي احسن من الاول

شكرااااااااااااااا لك اختي هل انا موجودة

قراو هادشي او قولو ليا واش داز عليكم هادشي

كيفما كنت ذكرت من قبل داز عليا الوسواس القهري او مشا او من بعد جاتني نوبات الهلع او مابقيتش كانخاف منها ولاكن مؤخرا بديت كانحس ببعض الاعراض لي كاتشبه لاعراض اختلال الانية المهم الاعراض لي كاتجيني دابا كالأتي او ماتضحكوش عليا ههههههههه

فاش كانشوف راسي في لمريا كاتجيني فكرة فراسي كاتقول ليا انا ماشي انا هههههههههههه علما بأني متصالح مع نفسي بزاااف و عزيز عليا راسي ماشي اناني ولاكن كانحترم راسي كيفما انا يعني ماعنديش مشكل مع نفسي المهم هاد العرض كان هو الأول من بعد كنت خارج فليل كاندور عادي او بديت كانحس براسي اني كانحلم علما ان هاد المسالة كانت كاتجيني من نهار عقلت على راسي من حين الى اخر كانحس براسي دايخ او مدايخش كانحلم او فايق المهم ماكنتش كانديها فيها او كانت كاتمشي ولاكن هاد المرة جاتني بزااااااااااف حتى خفت نطيح او لا نسخف رجعت لدار او ماقدرتش نبقا نهدر مع حتى واحد كنت معصب بزاااف او خايف توقع شي حاجة مشيت دوشت او كنت غادي نسخف عاوتاني المهم خرجت من دوش او مشيت كانصلي لعشا او من كثرت الدوخة او ديك الحالة الغريبة ماقدرتش نكمل الصلاة او مشيت نعست او من بعد لاحضت انني كلما ارهقت نفسي او تمشيت بزاف كاتوقع ليا و خصوصا فليل ولاكن الغريب انني ماكنحسش براسي طول النهار انني كانحلم كانحس براسي عادي الا فاش كان كون كانهدر مع شي حد كايجيني واحد الاحساس فبعض الاحيان و كان صوتي خارج هههههههههه ماعرفتش كيفاش نشرح ولاكن هذا ما يحدث او مرة مرة كانمشي نطل على راسي فلمرايا كانشوف راسي واش باقي انا هو انا او لا لا ههههههههههههههههههههههههههههههههههه

المهم انا عارف هادشي كلو غير تخربيق و لاكن فاش كايتجمع عليا كلشي او فاش كانتعصب كاتجيني حالة من الحزن او غير لبارج نعست حزين بدون سبب او فقت ليوم حزين بدون سبب المهم الحمد لله على كل حال

واش هادي هي اختلال الانية واش غادي نموت باقي عندي شي امل في الحياة هههههههههههههههه؟

اختلال الانية بشحمه و لحمه\\ دابا مزيان

انا دابا كنكتب و مرمي عالارض منقدرش نتحرك يدي و رجلي ثقال عليا

ناري و كتبتيها بالاحمر اصحبي

قلبي غادي يسكت

متخاف والو ههههههههههههههههههههه خويا راه داكشي داز عليا و كثر عادي متخافش منووووو

خويا هدا اختلال الانية وانا داز عليا كتر وكتر منو بالف درجة من هاتشي اللي وقع ليك

غادي نطرح عليك اسئلة وجاوبني

عندك مشاكل مع راسك ماكنقصدش متخاصم مع راسك يعني متلا كتواجه مشاكل في الفلوس فاحساس بالوحدة متلا
او مشاكل عائلية

ماشي مهم عاد وقعات المهم من شحال هادي ولكن لازلت اترت عليك متلا؟ او كتفكر فيها؟


واش عندك عزلة ؟


فوقاش كتوقع ليك هالمشكل واش فاش كتكون وحدك او معاك احد


واش كتحس بانك هتجن متلا


يا الله جاوبني على هاد الاسئلة نقدر نعاونك

انا الحمد الله حاولت نتجاوزها

انا وصلات بيا حتى لواحد الحالة ما تصورش

ولكن لاسباب شخصية