تعالوا نفضفض لبعض واتمنى الكل يشارك.

المشاركة الأصلية كتبت بواسطة المنوال

ممكن سؤال لو سمحتم
ضعف الشخصية ممكن تكون من الوساوس هادي يعني متلا أحس نفسي مو مقبولة وسط الناس ما لازم أتكلم عشان ما يضحكوا أو ممكن ما حد يجاوبني يعنى حاجات مثل كدا

ايوا احس الموسوس احيانا يكون زاهد مع الناس بزيادة ويتجنب يزعل احد او ياخد بحقة من احد بحكم انه حساس وهذا يولد ضعف شخصية اقري في تطوير الذات وتشغيل نفسك عن الوساوس دا الحل اكيد وعليكم بالاستغفار

المشاركة الأصلية كتبت بواسطة لوليتا دايت

من بعد الله احنا مع بعض مايهم العالم الخارجي ولا حتى راح اشكيلهم،، لانه اكتشفت انه اكبر غلط تعترف بمشاعرك واللي تحسه لهم،، ماراح يفهموه وكل شي روح للدكتور ليش كده وايش فيك وبلا دلع وانت مو ناقص السبب الثاني انه لازم وانت جالس معاهم تكون مرحلة مقاومة لك مو تفلت مشاعرك وعادي كانه علاج سلوكي

اي والله ي لولو كفو والله، صح مرة مايصدقوا ولا يحسوا باللي حسيناه كمان ويعتبروك شخص تستحق الشفقة 😭
لكن نحنا قويين بقدرة الله واقوى ولازم نصبر ونحتسب ونعرف نفضفض لمن عانى بمثل ماعانينا الحمد لله على كل حال.

تعالو قولولي ايش هواياتكم 😂لانه انا عجزت احددلي هواية بس مؤخرا صايرة احب اشتري كتب واقرا شويات كل يوم ،، 🙈

المشاركة الأصلية كتبت بواسطة أبو عبادي

ايوة كله نفسي ترا الخوف وعدم الثقة بالنفس سبب لي رهاب نفسي والحمد لله عالجته بأمر الله، ايوة تحسي ممكن يصير موقف وكل الأنظار تتجه لك 😣، وهنا المشكلة يعني الخوف والإحراج وكذا. الله يعافيك يارب

صحيح حتى صرت أتجنب أروح ﻷي مكان فيه ناس أو عزومات يمكن أنا وساوسي زايدة شوي عنك أنت و لولو ﻷنه بخاف آكل قدام الناس هههه شي تافه بس حقيقي

احب الديكور والفاشن ،، اممم والترتيب والتنظيم ،،

المشاركة الأصلية كتبت بواسطة المنوال

صحيح حتى صرت أتجنب أروح ﻷي مكان فيه ناس أو عزومات يمكن أنا وساوسي زايدة شوي عنك أنت و لولو ﻷنه بخاف آكل قدام الناس هههه شي تافه بس حقيقي

انتي تخافي من الحسد والعين ؟!

ايش تخصصاتكم في الجامعة ولا ماكملتوا؟!

المشاركة الأصلية كتبت بواسطة لوليتا دايت

تعالو قولولي ايش هواياتكم 😂لانه انا عجزت احددلي هواية بس مؤخرا صايرة احب اشتري كتب واقرا شويات كل يوم ،، 🙈

😁 😂😂 انا هوايتي دحين ازرع الريحان مررة احبوا 🙈
حلو القراءة جميلة علم ومعرفة وفائدة واقرأ أحياناً مو مرة بس بين فترة وفترة

المشاركة الأصلية كتبت بواسطة لوليتا دايت

تعالو قولولي ايش هواياتكم 😂لانه انا عجزت احددلي هواية بس مؤخرا صايرة احب اشتري كتب واقرا شويات كل يوم ،، 🙈

أنا بحب الخياطة و مؤخرا دخلت نادي أتعلم ما أعرف إذا هاي هواية هههه بس أنا بحب الخياطة كتييير

ياريت لو احنا عالواتس عالاقل الواحد كل مااحتاج احد لقاه وأتسلى بالسوالف وغير جو 😢

المشاركة الأصلية كتبت بواسطة لوليتا دايت

انتي تخافي من الحسد والعين ؟!

لا لسا ما جاني الوسواس هادا ههههه

المشاركة الأصلية كتبت بواسطة أبو عبادي

😁 😂😂 انا هوايتي دحين ازرع الريحان مررة احبوا 🙈
حلو القراءة جميلة علم ومعرفة وفائدة واقرأ أحياناً مو مرة بس بين فترة وفترة

الله لازم تعلمني افكر ازرع في الحوش مررة متحمسة وحاسة أني حابة مع انه عمري ماجربت ،، 😍

المشاركة الأصلية كتبت بواسطة المنوال

صحيح حتى صرت أتجنب أروح ﻷي مكان فيه ناس أو عزومات يمكن أنا وساوسي زايدة شوي عنك أنت و لولو ﻷنه بخاف آكل قدام الناس هههه شي تافه بس حقيقي

بالضبط حتى لا تتعرضي لموقف يؤثر بالسلب عليك، ومازلت للآن ماكل قدام حد إلا تقله تفضل بس لو كنت قدام الناس بمول اتفضلوا اتفضلوا لين بكرا 🤣🤣🤣، بالضبط اهم شيء الواحد يسمي ويأكل ولاينسى انه يكون متحصن وذاكر لله

المشاركة الأصلية كتبت بواسطة المنوال

أنا بحب الخياطة و مؤخرا دخلت نادي أتعلم ما أعرف إذا هاي هواية هههه بس أنا بحب الخياطة كتييير

والله طلعتوا مو سهلين ماشاءالله تبارك الله انا اخدت كورس في التصميم ومرررة نفسي أتعلم خياطة عندي خلفية بس ماعرف اطبق بيدي حلووو أمتع شي بصراحة ابتكار وابداع وتشغل الوقت

المشاركة الأصلية كتبت بواسطة المنوال

لا لسا ما جاني الوسواس هادا ههههه

طيب ليش تخافي الناس يشوفوكي تاكلي ايش يجي في بالك؟!