ممكن المغاربة يدخلوا؟

كيف حالك اختي مريم

أين المغاربة والمغربيات في هذا المنتدى ههههههه
وأين هو الطاءر الحر الذي شعل فتيل هذا المنتدى
أريد فقط أن أطمءن على صحتكم
أخوكم إبن الريف من هولندا

الحمد لله اخي نعييم ربي يخليك كيداير نتا لاباس ؟؟ خويا محمد اشلحي وابن الريف مرحبا بيكم ,,والهلع راه معروف ديما مين يجيكم راه عادي غير قولو فراسكم بلي راه ماشي الموت ولا مرض خطيير ,,وبالنسبة لديك الحالة لي جاتك ديال الهلوسة راه احيانا مضادات التسمم كتسبب فيها او حتى الهلع بقوة ,,,وكنصحكم بالرقية الشرعية مع العلاجات ديالكم حيت اغلب الامراض النفسية سببها مرض روحي والعلاج بالرقية غير بوحدك يمكن ليك ديرو ,,الصلاة في اوقاتها اذكار الصباح والمساء ,, قراءة سورة البقرة يوميا ,, وقراءة ايات الرقية من جوجل في ماء للشرب والاستحمام وزيت زيتون للدهن والنفث ثلاث مرات عليها واهم شيئ الدعاء ,,لان الرقية اصلا دعاء ,,وان شاء الله حالاتكم بسييطة ,, بالنسبة للاخ الطائر الحر راه عندو قرايا وامتحانات داكشي علاش مبقاش يدخل وهو طبيعتو موسوس بزاف اي حاجة كيقراها كتاثر فيه لذلك من الاحسن يبتعد عن المنتديات النفسية ,,

لاباس الحمدلله كيدايرة انتي

السلام عليكم خوتي حتا أنا مغربية كمعاني هادي سنة من نوبات الخوف من الموت واللي زاد الطين بلة هو الغربة
أولا من جهة البعد عن الأهل و نتوما عارفين ملي هاد النوبات كتجي كتمنا كل اللي كتعرفهم يكونو حداك (الى ما فادوكش وخا غير تطلب منهم المسامحة قبل متودع)
و من جهة أخرى معنديش امكانية للعلاج لا بالطب النفسي و لا الرقية الشرعية
أول مرة نعرف أن هناك مرض نفسي بهاد الأعراض كان في برنامج صباحيات دوزيم (صباحيات الثلاثاء 29 يناير اللي بغا يشوفو في النت) جابو بروفيسور مريم اليازاجي وقالت أن هاد المرض عندو علاج بالأدوية و الجلسات
تمنيت نمشي عندها لكن بيني و بينها بحور و ويدان كنقول الى نزلت المغرب نمشي عندها ان شاء الله لكن ملي كتجيني الحالة كنقول محال نبقا حتى نوصل ليها أو لغيرها
الله يصاوب وخلاص المهم هادو معلومات عليها اللي بغاهم
El yazaji meriem Psychiatre
CHU IBN ROCHD 1, Rue des Hôpitaux
20000 Casablanca
. 05 22 48 20 20
الله يشافينا و يشافي كل المسلمين

أهلا بالأخت ماجدولينا حتى أنا شوفت هداك البرنامج ف 2m
نتيا قولتي معندكش إمكانيات , أش نهيا الامكنيات لي معندكش
ونتيا شمن بلد كتسكن فيه وشكرا
حتا أنا عانيت من هذ المرض ولكن دبا مشا كلشي الخوف

غييير كوني هانية راكي ماغاديش تموتي راه غير وسواس والله العظييم الى وسوااس راه كان فيا ومشا بالطريقة لي كتبت لك فالموضوع ديالك ,,حتى واحد مكيموت قبل الاجل دياالو وحتى الى متنا ومن بعد ؟؟ ياك غير الموت اشنو كاع

أخي ابن الريف أنا في أيطاليا و الطبيب النفساني لازم اللغة باش نقدر نتواصل معاه أي لغة في الدنيا ميمكن تعبر بيها على مشاعرك سوى اللغة الأم
و بالنسبة للرقية الشرعية مكينش هنا في هاد المدينة حتى مسجد فما بالك بخبراء في الرقية نتمنا تفيدني كيفاش تفكيتي من هاد المرض الله يتمم ليك شفاك بالخير
أختي هل انا موجودة بارك الله فيك مازال مرجعت للموضوع ديالي نتمنى نبقاو على تواصل فيه في حالة أي استفسار
WFW..WEFR (وحتى الى متنا ومن بعد ؟؟ ياك غير الموت اشنو كاع)
هههههه زعما نتي قد هاد الكلمة . كتقوليها من نيتك
المشكلة أختي في الموت هو أنه نهاية الامتحان يعني اما أعظم نجاح و اما أكبر خسران و مادمت ممتأكداش من الفوز كنبقا دائما طامعا في فرصة لتصحيح الأخطاء
الله يجعلنا من المهديين الصالحين المصلحين في الأرض

ههههههه ولكن اختي المهم الواحد يصلي ويتجنب المعاصي اشنو اكتر من هادشي ؟؟

المشاركة الأصلية كتبت بواسطة هل انا موجودة

ههههههه ولكن اختي المهم الواحد يصلي ويتجنب المعاصي اشنو اكتر من هادشي ؟؟

راه هنا فين بقات حتى أنا كنت كنقول هاكدا و نتمنى ربي يهديني قبل ما يديني و على بالي أني مزيانة
لكن لما كيوقف الانسان أمام الموت و كيتأكد أنها نهايته كيولي يشوف غير أخطاءه و ذنوبه
كيتمنى لو عندو مثل أعمال الصالحين و الأنبياء كي يأمن عقاب الله
الله يهدينا و يتوب علينا و يرزقنا العفو و العافية في الدنيا و الاخرة

اختي هاد الحالة لي عندك مرضية ,,صحيح الانسان لازم يخاف لكن مش لهاد الدرجة لان هذا الخوف يسمى مرض,,,, و الله سبحانه وتعالى لم يقل لنا خافو بهده الطريقة السلبية اذن انتي عندك وسواس قهري ديال الموت وقلق نفسي الى قدرتي ديري الرقية لي قلت لك المراحل ديالها وتبعيها والى مقدرتيش كاين دوايات نفسية مثل سيبرالكس او بروزاك كيفيدو فعلاج المخاوف والوساوس

المشاركة الأصلية كتبت بواسطة هل انا موجودة

اختي هاد الحالة لي عندك مرضية ,,صحيح الانسان لازم يخاف لكن مش لهاد الدرجة لان هذا الخوف يسمى مرض,,,, و الله سبحانه وتعالى لم يقل لنا خافو بهده الطريقة السلبية اذن انتي عندك وسواس قهري ديال الموت وقلق نفسي الى قدرتي ديري الرقية لي قلت لك المراحل ديالها وتبعيها والى مقدرتيش كاين دوايات نفسية مثل سيبرالكس او بروزاك كيفيدو فعلاج المخاوف والوساوس

ممكن أختي الله يرحمنا من هاد الخوف
أنا حاليا كناخد غير ludiomil لازمني نتسنا حتى نرجع المغرب عاد نشوف شي طبيب

الله يشاافيك اختي ,,ماشي ضروري حتى تجي للمغرب حيت سيبرالكس مثلا كيتعطى بدون وصفة طبية المهم الجرعة كتبدي بنصف حبة وممكن تسالي الصيدلي او الدكتور رعد كيدخل هنا فالمنتدى حطيلو استشارتك فالعيادة ديالو وغادي يجاوبك ان شاء الله

أهلا بيك الأخت ماجدولينا
بغيت نعرف واش كتخافي تخرجي خارج المنزل بوحدك
أنا حين كاتجني نوبة الهلع كنت كنخاف نمشي شي أماكن شي 4 شهور ولكن حين تعرفت على هذا المرض عبر الطبيب النفسي بديت بالمعركة
وكتبت هاذ الموضوع في. فضفضة ويوميات أصحاب نوبة الهلع ديال الأخ أبوهلع في صفحة 37

بالنسبة إلى بغتي تمشي الى الطبيبة النفسية لي شفتيها ف2m
راه ممكن تعمل معاها موعد فالتلفون وتمشي الغرب فالطاءرة فقط ساعتان تكوني فالمغرب
وبقاي تماك 3 أسابيع وكل أسبوع جلسة راه كافي
وشكرا