ممكن المغاربة يدخلوا؟

بالنسبة إلى بغيتي الأفكار السلبية إلى بغتي تقضى عليها حاولي تنتقذي راسك وقولي هاذ الأفكار صحيحة لي كنفكر فيها
بحال شي كذاب كيكذب على الناس : إلى كنتي كتصدقيه راه ديما إبقا يجي عندك ولكن إلى كنتي متصدقيهش راه مايلقاس إجي عندك

المشاركة الأصلية كتبت بواسطة هل انا موجودة

الله يشاافيك اختي ,,ماشي ضروري حتى تجي للمغرب حيت سيبرالكس مثلا كيتعطى بدون وصفة طبية المهم الجرعة كتبدي بنصف حبة وممكن تسالي الصيدلي او الدكتور رعد كيدخل هنا فالمنتدى حطيلو استشارتك فالعيادة ديالو وغادي يجاوبك ان شاء الله

أختي هنا ميبغيوش يعطيوك هاد النوع من الأدوية بدون وصفة طبية

المشاركة الأصلية كتبت بواسطة إبن الريف

بالنسبة إلى بغتي تمشي الى الطبيبة النفسية لي شفتيها ف2m
راه ممكن تعمل معاها موعد فالتلفون وتمشي الغرب فالطاءرة فقط ساعتان تكوني فالمغرب
وبقاي تماك 3 أسابيع وكل أسبوع جلسة راه كافي
وشكرا

داكشي اللي غندير ان شاء الله ولو عندي الخوف من الذهاب وحدي لازمني نتسنا نمشي مع الزوج ديالي
بالنسبة للخوف أنا مجربتش نخرج بوحدي في الأول حيت كان موعد زواجي و سفري لبلد غريب عليا
لكن للي كيقهرني هو أني نبقا بوحدي مع أن الحالة جاتني مرات بوحدي و حتى مع الناس لكن نفضل نكون في مكان فيه ناس بزاف على نكون في مكان خاوي
حتى في السكن كنفضل المنطقة اللي فيها رواج
تصور أني في الدار و داريرا البورطابل في جيبي و جابدا الرقم ديال راجلي باش غير نضغط على الشاشة يدوز الاتصال منقدرش نبعد على الهاتف و لو غير متر
وشحال من مرة كتجيني الحالة و كنتصل به كيجي يجري من الخدمة الله يسمح ليا منو و لكن الله غالب فوق من هادشي اللي كنحس بيه كيزيدني احساس تأنيب الضمير من أني كنبرزط كلشي الناس اللي معايا
بالنسبة الأفكار السلبية داكشي اللي كندير لكن ملي كنسد عليها باب كتحل 2 يعني الى قلت هادا غير مرض و حالة غدوز كيف الأولين كيقول ليا راسي اذا هادي غتكون الأخيرة كنقول ناس بزاف عدهم نفس مخاوف اللي عندي و موقع ليهم والو كيقوليا الوسواس ربما انتي حالة خاصة
الله يعفو علينا و خلاص

الأخت ماجدولينا ، أهلا وسهلا بك
والله أنا كنحس بالمعنات ديالك بزاف , حتى أنا دوزتها ولحن دبا الحمد للله راني بخير
المهم أنا بعد 4 شهور ديال المعنات ديال نوبة الهلع وأعراضها النفسية والجسمية ، اقتنعت باش نمشي لطبيب نفسي السلوكي . في البداية مكنتش كنضن أني مريض نفسي أو مكنتش كنعرف والو على على نوبة الهلع
ولما مشيت أولا عند الطبيب النفسي عطاني واحد المهدىء إسمه tranxene10mg
والله حين استعملتو في ضرف 40 دقيقة حسيت براسي مزيان الدوخة وعدم الإتزان والخوف كلشي مشا مني
ولكن هذ المهدىء متسعمليهش أكثر من شهرين (شوفي طريقة الإستعمال فالصفحة 64 ديال ممكن المغاربة يدخلو)

وهاذ المهدىء كاين حتى فإيطاليا ممكن تمشي لطبيب المنزل باش تجيبه من الصيدلية ، الثمن ديالو تقريبا 4 euro

أهلا وسهلا بالأخت ماجدولينا
نتي قلتي كتستعملي دواءludiomil
بالنسبة لهذا الدواء قلبت عليه فgoogle فالصفحات الهولندية
هاذ الدواء صالح فقط لللإكتءاب فقط وليس لنوبة الهلع والخوف والتوتر
ردود السلبية لهذا الدواء ludiomil هي:دوخة، ألم الرأس, زيادة الوزن, التعب، الذبذبات/هزة، التعرق، الدوار, شكاوي الأمعاء
و أتمنى أن لا تستعمل هذا الدواء لأنه لا يفيدك في أي شيء

المشاركة الأصلية كتبت بواسطة إبن الريف

أهلا وسهلا بالأخت ماجدولينا
نتي قلتي كتستعملي دواءludiomil
بالنسبة لهذا الدواء قلبت عليه فgoogle فالصفحات الهولندية
هاذ الدواء صالح فقط لللإكتءاب فقط وليس لنوبة الهلع والخوف والتوتر
ردود السلبية لهذا الدواء ludiomil هي:دوخة، ألم الرأس, زيادة الوزن, التعب، الذبذبات/هزة، التعرق، الدوار, شكاوي الأمعاء
و أتمنى أن لا تستعمل هذا الدواء لأنه لا يفيدك في أي شيء

شكرا أخي بالفعل هاد الدواء فقط للاكتئاب و هاد الأعراض اللي قلتي عندي( دوخة، ألم الرأس, زيادة الوزن, التعب، الذبذبات/هزة، الدوار, شكاوي الأمعاء)لكن ضنيت أنها من الحالة اللي عندي
حاليا منقدرش نحيدو بوحدي لازم نشوف الطبيب أولا أنا معرفتش واش هنا في ايطاليا كيعرفو هاد المرض ولا مازال موصلهم
شحال ديال الوقت و نتا كتاخد هاد الدوا اللي قلتي باش حسيتي بتحسن واش رجعتي كيف كنتي قبل أول نوبة جاتك
لان شخصيتي قبل أول نوبة لا علاقة لها بشخصيتي حاليا و كيجيني أنه الى مقضاش عليا هاد الوسواس غادي نبقا هاكدا في دوامة من الخوف و العقد النفسية
الله يعفو علينا يا رب

و حاجة أخرى فين ما نشعل التلفزة نلقا شي خبر و لا مشهد على الموت
نحل الفييس بوك نلقا اية و لا حديث على الموت
معرفتش واش دايرنها بلعاني واش كلشي جاتو الموعضة غير بالتذكير و التخويف من الموت
حتى كنحاول نقنع راسي أن هادشي غير وسواس و مرض و كنحل النت نلقا مقولات مثل
(السعيد من بنى قبره قبل أن يدخله .....)
(كثر موت الفجأة ف تب قبل ......)
(ما يبقى بعد موت الانسان ..........)
بمجرد أني نقرا مثل هاد الشئ كنحس أنها رسالة ليا أن نهايتي قريبة و بلا منبني أمل على المستقبل و كتبقا هاد الكلمات تدور ليا في راسي
واش هادشي كان كيوقع ليك حتى نتا

شوفي اختي كنت بحالك كنت كلما نقرا شي حاجة كنقول الرسالة راها موجهة ليا ,,ولكن من بعد كتشفت بلي الرسالة موجهة للناس لي خارجين الطريق لي كيديرو اشياء محرمة القتل الزنا اكل مال اليتيم الربا هجر العبادات ,,هادو كيصلح معاهم غير التخوييف عاد الى تابو ومحال يتوبو داكشي علاش كيخوفوهم بحال هاكا ,,,وبما اننا عندنا شخصيات حساسة وموسوسة كنضنو بان الكلام موجه لينا وهذا خطا

أهلا وسهلا بالأخت ماجدولينا
حتى أنا في البداية كنت كنخاف نشوف الأخبار مثل أحداث الحرب في سوريا ، كنت كنخاف نشوف الأموات ،،،،،،،،، إلخ
بالنسبة آضطراب الهلع راه معروف عالميا فالطب النفسي فإيطاليا ولا المغرب

بالنسبة الأدوية اللتي استعملتها شهرين فقط وتحسنت بشكل كبير 50 %
ولكن ذالك مع العلاج السلوكي
تعريف عن اضطراب الهلع على شكل داءرة:
الخوف---------إحساس بأعراض جسمية---------أفكار سلبية---------
والداءرة تدور. إذا تمكنت أن توقف : احساس بأعراض جسمية , فالداءرة لا تدور: إذن الخوف يتوقف
إذا تمكنت أن توقف:أفكار سلبية، فالداءرة لا تدور :إذن الخوف يتوقف

الطريق اللذي يمكنك إيقاف --- إحساس بأعراض جسمية--- هو فقط أن لا تواليها وعدم التركيز عليها
الطريق الذي يمكنك إيقاف---أفكار سلبية---- هو كلما تأتيك أفكار سلبية حاول أن تتشاور مع نفسك مثلا قل لها توقفي لأني قوية .لا أخاف ، هذه أوهام فقط, أحس بالراحة. وحاول أن تنتقذي نفسك مثلا أن تقولي لنفسك مثلا : هل أنا على حق على هذه الأفكار السلبية

المشاركة الأصلية كتبت بواسطة هل انا موجودة

شوفي اختي كنت بحالك كنت كلما نقرا شي حاجة كنقول الرسالة راها موجهة ليا ,,ولكن من بعد كتشفت بلي الرسالة موجهة للناس لي خارجين الطريق لي كيديرو اشياء محرمة القتل الزنا اكل مال اليتيم الربا هجر العبادات ,,هادو كيصلح معاهم غير التخوييف عاد الى تابو ومحال يتوبو داكشي علاش كيخوفوهم بحال هاكا ,,,وبما اننا عندنا شخصيات حساسة وموسوسة كنضنو بان الكلام موجه لينا وهذا خطا

نتمنا أختي منكونوش ممن ضل سعيهم في الحياة الدنيا و هم يحسبون أنهم يحسنون صنعا
الله يجعلنا من الصالحين و نتلاقاو في جنة النعيم و نتفكرو هاد الأيام و نضحكو عليها 111``1..1

المشاركة الأصلية كتبت بواسطة إبن الريف

الطريق اللذي يمكنك إيقاف --- إحساس بأعراض جسمية--- هو فقط أن لا تواليها وعدم التركيز عليها
الطريق الذي يمكنك إيقاف---أفكار سلبية---- هو كلما تأتيك أفكار سلبية حاول أن تتشاور مع نفسك مثلا قل لها توقفي لأني قوية .لا أخاف ، هذه أوهام فقط, أحس بالراحة. وحاول أن تنتقذي نفسك مثلا أن تقولي لنفسك مثلا : هل أنا على حق على هذه الأفكار السلبية

أخي أنا قريت المشاركة ديالك ف الصفحة 37 الصراحة حسيت بارتياح ملي قريتها عطاتني أمل
لكن بغيت نسولك واش ملقيتيش مشكل في اللغة مع الطبيب
شحال دابا باش كملتي العلاج وحاليا واش مبقاتش كترجع ليك الأعراض مرة مرة

العلاج السلوكي هو أنك تبدأ من الخروج من المنزل بوحدك , أنتي قلتي بأنك تخافي من الأماكن الخاوية وليس فيها رواج
أن تصديقي كل مايقوله عقلك الباطني ,هذه فقط أفكارك السلبية يجب أن تتغلبي عليها
وأنا أقول لك مهما خفت من الأماكن التي تخاف الذهاب إليها , إذهب إليها بكثرة وتكرارا
حاوال الخروج من المنزل 3 مرات في اليوم وكل مرة ساعة مشيا وخلال شهر سوف تلاحض الفرق بأنك تحسنت
وخلال 6 شهور يمكنك القضاء عليه بشكل كامل إن شاء الله
هذا هو العلاج السلوكي
ولو حسيتي بشىء أو بنوبة الهلع لا تحاولي الهروب أو عدم الخروج من المنزل
أنا بهذه الطريقة تمكنت في 4 أشهر القضاء عليه

الأخت ماجدولينا
بالنسبة اللغة الهولندية أنا كنعرف نتكلم الهولندية احسن من العربية وكنعبر بها أحسن
أنا عملت 7 جلسات مع الطبيب السلوكي
في الحقيقة 4 جلسات كانت كافية , كل جلسة 30 دقيقة
في الحقيقة راه كلشي لي كنكتبو هنا هو من الطبيب السلوكي
ولكن نتيا خسك التطبيق

أنا دبا كملت العلاج السلوكي مع الطبيب النفسي هذي شي 3 أشهر
هو كان يقول لي إذهب إلى أماكن التي كنانت تأتي إليك نوبة الهلع وابقى هناك بعض الوقت
أنا كنت أخاف من الأماكن المزدحمة مثل الأسواق , أمكان خاوية، الذهاب إلى المسجد إلخ
المكان الوحيد الأمن هو كان المنزل هههههههههه