|
17-08-2017, 04:34 PM | #91 |
عضو نشط
|
انا بحس ساعات ان الضيقة في النفس دي من القولون لانه بيضغط علي الصدر لما ينتفخ انا باخد دواء للقولون ايضا مع النكسيام اسمه كولونا او ليبراكس بحس ان الضيقه بتقل لما باخد دواء القولون والحمد لله علي كل حال
|
|
17-08-2017, 04:39 PM | #92 |
عضو نشط
|
بس انا برده كنت بحس باحساس الخوف الي انت حكيت عنه وخاصة بالصباح عند الاستيقاظ وكانك متوتر او داخل امتحان مثلا سبحان الله بس قل بردو بعد ما اخدت ادويه المعده والقولون
|
|
17-08-2017, 10:09 PM | #93 |
عضو نشط
|
جاستروفيت انا جربتة قبل كده هو مش فى نفس قوة أدوية تقليل الحموضة ممكن برضة تجربية
بالنسبة لدواء كولونا ده مش للقولون فقط انا برضة كنت بأخده وكان بيعمل معايا نتيجة كويسة بفضل الله هو للجهاز الهضمى كله سواء قولون او معده بيهدى حركة العضلات اللاارادية بتاعت الجهاز الهضمى بيقلل شوية من تاثير الالتهاب وايضا اخدت ديسفلاتيل وموازابرايد هى أدوية مش بتعالج الالتهاب بشكل مباشر هى بس بتحسن شوية من حركة الجهاز الهضمى وبتحسن وتسرع هضم الطعام علشان ميستناش كتير فى الجهاز الهضمى عامه طالما الادوية ده بتجيب نتيجة معاكى فممكن يكون عندك مشكله فى المعده لانى حالتك قريبة منى والادوية ده كنت بحس معاها بتحسن بس اعتقد الدواء الاهم فى علاج المعده من الالتهاب هو دواء الحموضة زى اوميبرازول او لو انتى بتاخدى نكسيوم يبقا تمام وكمان شوفى يمكن عندك ارتجاع صفرة وانا قولتلك على الدواء اللى بيعالج النقطة ده وهو ارسوفولك انا طبعا الادوية ده اخدتها بناءا على المنظار اللى عملتة والدكتور قال انى عندى ارتجاع فى الصفراء وده عامل ايضا التهاب |
|
17-08-2017, 10:17 PM | #94 |
عضو نشط
|
كمان فى عرض كان هو الحاجة الوحيده اللى بتحصل معايا منذ جاءتنى الاعراض ده وهو العرض العضوى الوحيد لان زى ما قولتلك كلها كانت أعراض نفسية
انى دايما لما كنت اعزكى الله ادخل الحمام لقضاء الحاجة دايما اكون مش مستريح وفية اضطرابات الامساك كان بيبقا زياده شوية ولما تابعت مع أدوية المعده الموضوع اتحسن وبقا أفضل بفضل الله يمكن هى ده العرض الوحيد اللى كان عندى ظاهر من أعراض التهاب المعده موضوع احساس ان الخوف والضيق والخنقة اللى كانوا عندى حاسسهم من داخل المعده وفية احساس ان المعده متكلبشة من جوه برضة كنت بحس بيه بس زى ما قولتلك هو كان احساس غامض يعنى مكنشى فية وجع جوه المعده ولا انتفاخات ولا زياده حموضة هو بس حاجة مكلبشة المعده |
|
18-08-2017, 12:41 AM | #95 |
عضو نشط
|
ايوة فعلا هو مش الم هو كلبشة في المعدة وتضايق في النفس ....اما بالنسبه لارتجاع الصفراء فهو اكيد عندي لاني شيله المراره من حوالي 3 سنين انا بقة الاعراض العضويه الي بدات بها هي حرقان في الصدر مش حموضة عاديه لا حرقان غريب عند الضلوع بس في الاخر بقي بعج ما عالجت الميكروب الحلزوني ووقفت اقراص باريت الي كنت باخدها اول حاجه شد الوجع جدا في الصدر واصبح مركز في الجانب الايمن ويسمع بالظهر والكتف زي نبح كده تقريبا ده مكان الاثني عشر بس لما ارجع اخد ادوية الحموضة ذات التركيز الاعلي يبدء النبح ده يروح تدريجي ولكن تبقي ضيق. النفس وكلبشة المعدة دي تعرف يا استاذ احمد انا رمضان الي عدي ده مصومتش فيه غير 5ايام فقط ودي حاجة مزعلاني لاني خايفة افضل كده ومقدرش اصوم ....الله المستعان ..هو حضرتك كان تشخيصك التهاب معده ولا اثني عشر
|
|
18-08-2017, 01:07 AM | #96 |
عضو نشط
|
استاذ احمد حضرتك اقدم مني في المنتدي انا نفسي اسالك سؤال هو حد كلمته كان عنده نفس الاعراض دي وخف منها نفسي اطمن والله انا بفضل افتكر الايام الي كنت فيها عاديه واقول يااااه كان في فرق كبير اه اواحد كان بيبقي عضمه واجعه ضهره واجعه بس سبحان الله البطن مع ان الالم مش قوي بس الضيق والخنقه دي معكربن حياتي ...الحمد لله علي كل حال
|
|
18-08-2017, 11:29 AM | #97 |
عضو نشط
|
والله انا التجارب اللى موجوده فى الموضوع ده قليلة وتقريبا مش موجوده الا الاخ صاحب الموضوع اللى بنتكلم علية ده ربى يحبك هو اللى كان بينأدى بالموضوع وكلامه طلع صحيح وهو بعد ربنا سبحانة وتعالى لية فضل ان الواحد اخد الطريق بتاع المعده ده
انا عندى التهاب معده واثنى عشر بس كنت عاوز اعرف بتأخدى تركيز أد اية من ادوية الحموضة وهل بتأخدى أدوية تانى معاه ؟ |
|
18-08-2017, 12:12 PM | #98 |
عضو نشط
|
انا اهجت انواه كتير بس دلوقتي باخد واحدة نكسيوم عالريق الصبح وب اخد كولونا مرتين باليوم وساعات قبل النوم كنت باخد انتودين كان الدكتور قايلي عليه حبه قبل النوم بس كده بس نكسيوم دا غالي قوي انا مش عرفكه همشي عليه فتره طويله قد ايه بس انا ممكن بعد فترة معينة اقلل التركيز مثلا ل 20 صح ولا ايه
|
|
18-08-2017, 02:29 PM | #99 |
عضو نشط
|
طيب ممكن تغيرى نكسيوم لو انتى من مصر خدى بديل لية لانه غالى طيب وعامله اية مع التركيز ال 40 مجم يعنى فية تحسن كامل ولا تحسن بسيط ولا بتحسى بتعب برضة
انا كنت باخد برضه نكسيوم 40 وكان فية تحسن بس مش أوى ولما زودت الجرعة اتحسنت أكتر يعنى لو زودتى الجرعة ل 80 يوميا قرص صباحا وقرص مساءا ده لو فيه تحسن مع القرص اللى بتاخدية |
|
18-08-2017, 02:58 PM | #100 |
عضو نشط
|
هو في تحسن تدريجي لكن ام يزول نهائيا انا من مصر هو غالي في مصر فعلا ...انا بحس اني المفروض اخد دواء بجانب ادويه المعده عشان يهدي اعصاب المعده والبطن لان لما كنت بعمل اشعة الباريوم الدكتور او الفني الي بيعمل الاشعه طلب مني اشرب كوب اخر من الباريوم بسبب ان معدتي عصبيه تفرز حمض بسرعه وانا عارفه كده اني معدتي عصبيه جدااااا منذ ايام امتحانات وانا صغيره وعند اي موقف اتعرضله اشعر بمعدتي وبطني ينقبضان وصدري ينقبض وقلبي يدق بصوت عالي عشان كده بحس ان الي عندهم المعده عصبية او قولون عصبي ممكن يتحسنوا اذا اخدوا مهدئ بجانب العلاج صح ولا ايه المشكله اني الان ارضع ابني الصغير وده الي مخليني مش عرفه اخد مهدئ بفكر افطمه عشان اخد مهدئ انت مبتاخدش اي مهدئ للاعصاب والقلق تقولي عليه وعلي جرعاته
|
|
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|